سؤال مشكلة في تشغيل العاب الجيم كيوب على الوي

[Reigen Arataka]

.
.
.

السلام عليكم
توني شاري الوي ويعتبر ثاني جهاز نينتدو آخذه من بعد جهاز العائلة ولسى ماعرفت له صح
الزبدة عندي لعبة Resident Evil Zero نسخة الجيم كيوب وقلت بجربها على الوي
اشتغلت اللعبة وجاني شعار كابكوم وبعدها جاني كلام بخصوص اني ماأملك ميموري كارد وبعدها كلمة Retry
من هنا بالضبط تبدأ المشكلة :crying: ضغطت كل الأزرار وماصار شي كأن اليد علقت حتى زر الهوم مايجيب أي نتيجة مع العلم إني جربتها بالكنترولر العادي والريموت

ايش الحل ؟

+
بخصوص ألعاب الجيم كيوب هل أشتري الميموري حق الجيم كيوب ولا ميموري الوي ؟

+
لعبة Resident Evil 1 نسخة الوي ، ايش الفرق بينها وبين نسخة الجيم كيوب (غير الجرافيكس) ؟ وهل أقدر ألعبها بالكنترولر العادي ولا لازم ريموت

ودمتم سالمين



تعديل : تم رفع صورة الجهاز وصورة الكنترولر العادي

 

[No Longer Human]

على حسب ما سمعت , تحتاج ميموري قيم كيوب ويد قيم كيوب أيضاً ,,

 

[Reigen Arataka]

يعني ماينفع أشغلها بالكنترولر اللي في الصورة ؟

 

[Alex]

^
^

للأسف لا ، لأن اللعبة مبنية لجهاز الجيم كيوب و ذلك يشمل الكنترولر و الميموري كارد برضوا .. : /

 

[Zoda]

ماتقدر تسجل العاب القيم كيوب الى بذاكرة ويدة الجيم كيوب الذاكرة هنا موقعها

عندك خيارين يا تشتري ذاكرة ويدة قيم كيوب بس صعب تحصلها بالسوق او انك تشتري نسخة الوي المعاد اصدارها

تدعم كل انواع التحكم

 

[Reigen Arataka]

يعطيكم العافيه على المساعدة
ياليتني ماتسرعت وكان المفروض أسأل قبل ماأشتري
عمومآ مالي إلا أشتري نسخة الوي وأريح راسي بس إن شاء الله ألقاها

 

[Alex]

^
^

أمممم في وسيلة ثانية إذا كنت مهتم باقتناء اليدة و الميموري ممكن تستعين فيهم :-

1/ اليدة حقت الجيم كيوب متوفرة عند مكتبة جرير اتذكر يوم راجعتهم آخر مرة كانت عنده كمية منها ، سعرها بـ 59 أو 49 ريال

2/ بخصوص الميموري ما ظنتي تلقاها هني لكن تقدر تطلبها من أمازون أظن سعرها بحدود 59 ريال :-
http://www.amazon.com/Gamecube-Memo...SG/ref=sr_1_10?ie=UTF8&qid=1319833237&sr=8-10

و سلامتك ..

 

[ExtraMHD]

^
معليش على اللقافة بس أظن حتى الميموري كارد متوفرة ( لأني من فترة شفتها في إكسترا أو جرير مو متأكد بالضبط ) .. وصحيح مثل ما قلت اليد متوفرة ب59 ريال ( سعر ممتاز ) ..
شوف أنت شيك على جرير أو إكسترا واللي تلقاه اشتريه P:

 

[Reigen Arataka]

أجل بتوكل على الله وأروح جرير لعل وعسى ألقاها

يعطيكم العافية والله ماقصرتم ^^