hits counter

مشكلة في ببغائي

remi

Gamer
السلام عليكم

ما اعرف اذا في احد عنده خبره في الطيور
لكن كتبت الموضوع على امل يقدر احد يساعدني
بحثت بالمواقع المتخصصه لكن الخبيرين ما كانوا يعطوني رد

طيري عندو مشكله بجناح واحد بس لو سنه على هالحال
بالبدايه شفت لون ازرق غامق تحت جناحه اخذته بيطري سألت اكثر من واحد كلهم قالو طبيعي
قلت اوك وتركت الموضوع

هاذي صوره الجناح

152998439725554.jpeg




ثم زاد الامر سوء صار بينتف ريش هالجناح كل ما طلع لحد ينزل الدم اخذتو للبيطري 4 مرات في كل مره ينتف له البيطري الريش المتكسر وترجع نفس الحال
المره الاخيره قال البيطري لازم طوق لبسته طوق وصار ماياكل فيه يقعد يوم كامل بدون اكل

والحين جناحه متورم ويتألم منه كثير واخذته بيطري قال ماعندي حل
حتى استخدمت بخاخ لمنع النتف واستخدمت بخاخ للفطريات كمان (المره ) ومرهم للجروح


صور الجناح

152998439682481.jpeg




152998439696962.jpeg
 

Aleix

Hardcore Gamer
وعليكم السلام
ما عندي علم يا أختي
ابحثي أونلاين أو بالإنجليزي
أو طبيب بيطري متمكن
 

Ressbo

Mass of Chaotic
حاولي تتأكدي أن القفص في مكان آمن بعيد عن الحشرات بشتى أنواعها "نمل ، ذباب ، ناموس .. إلى آخره" تعرضت لنفس المشكلة مع أحدى الببغاوات الإناث إلي كانت عندي
بسبب قرصة حشرة غريبة النوع ! كانت تنتف ريشها و فجأة بدأت ترجف و بعدها بلا أي مقدمات ماتت (T^T) ، حاولي تقرأي هذا الموضوع كامل لعلك تلقي فيه إجابة تساعدك في حل مشكلة ببغاءك (Link)
بالإضافة إلى أنك تحاولي تحمميه بشكل متقارب لو بتحسيه بيعض و هو منزعج لأن بعض الببغاوات تتحسس من فترة بقائها بدون إستحمام.
*نقطة إضافية: إذا ما عنده شريكة حاولي تزاوجيه لأن الطيور تشعر بالوحدة و خصوصًا الببغاوات.
 

remi

Gamer
حاولي تتأكدي أن القفص في مكان آمن بعيد عن الحشرات بشتى أنواعها "نمل ، ذباب ، ناموس .. إلى آخره" تعرضت لنفس المشكلة مع أحدى الببغاوات الإناث إلي كانت عندي
بسبب قرصة حشرة غريبة النوع ! كانت تنتف ريشها و فجأة بدأت ترجف و بعدها بلا أي مقدمات ماتت (T^T) ، حاولي تقرأي هذا الموضوع كامل لعلك تلقي فيه إجابة تساعدك في حل مشكلة ببغاءك (Link)
بالإضافة إلى أنك تحاولي تحمميه بشكل متقارب لو بتحسيه بيعض و هو منزعج لأن بعض الببغاوات تتحسس من فترة بقائها بدون إستحمام.

انا احممه لكن بسبب انو مزكم ما احممه اخاف يزود عليه تعب
امس طاح على الارض ولما رجع لقفصه راح يتحكك بجناح الي مو مصاب ويصارخ واخفت مره
 

Ressbo

Mass of Chaotic
امس طاح على الارض ولما رجع لقفصه راح يتحكك بجناح الي مو مصاب ويصارخ واخفت مره
أوه مدام مزكم أجل بلاش من الترويش لحدت ما يختفي الزكام ، حاولي تخليه برا القفص لمدة أكبر خليه يتونس بالإستكشاف فالبيت كوني قريبة منه و سيبيه
صريخه بعد دخوله للقفص ممكن تعبير برغبته فالخروج *ببغائي مجرم زاوجته لإنثتين و كلهم خلص عليهم في فترات قصيرة و دحين بس يصارخ علشان يطلع برا القفص و يجلس يلعب فالبيت* (-_-)
 

remi

Gamer
أوه مدام مزكم أجل بلاش من الترويش لحدت ما يختفي الزكام ، حاولي تخليه برا القفص لمدة أكبر خليه يتونس بالإستكشاف فالبيت كوني قريبة منه و سيبيه
صريخه بعد دخوله للقفص ممكن تعبير برغبته فالخروج *ببغائي مجرم زاوجته لإنثتين و كلهم خلص عليهم في فترات قصيرة و دحين بس يصارخ علشان يطلع برا القفص و يجلس يلعب فالبيت* (-_-)
ايوه انا اطلعه دايما
لا ما دخل القفص لما طاح بالارض بسبب خوفه من شي تحرك فجأه رجع تسلق قفصه وجلس فوق يعني ما دخل وصار يتحكك ويصرخ من جناحه الثاني مو الي مصاب مدري ممكن لانو ضرب جناحه بالارض وحس بالالم
 

Ressbo

Mass of Chaotic
ايوه انا اطلعه دايما
لا ما دخل القفص لما طاح بالارض بسبب خوفه من شي تحرك فجأه رجع تسلق قفصه وجلس فوق يعني ما دخل وصار يتحكك ويصرخ من جناحه الثاني مو الي مصاب مدري ممكن لانو ضب جناحه بالارض وحس بالالم
الله يعينك على مشكلته حاولي قدر المستطاع أنك تكوني قريبة منه لو قدرتي تنوميه بنفسك و بعدها تدخليه القفص يكون أفضل و أفضل كمان ، ولو ما عنده أنثى زاوجيه و إن شاء الله أن مشكلته تختفي مع الأيام.
 

remi

Gamer
امين

لسى صغير عمره سنتين و مدري اذا اهو ذكر ولا انثى
 

HeNNeSSy

True Gamer
بس مزكم يعاطس ..

اما اعراض ثانيه مثل ايش؟

اتوقع بنسبة 90% أنه يعاني من مرض اسمه باسيتاكوسيس أو يسمونه باروت فيفر حمى الببغاء هذا طبعا مرض بكتيري معدي يصيب بس الببغاوات لازم تزعلينه عن باقي الطيور . أعراضه تساقط الريش والحكه والعطس والكسل وماياكل هذا المرض حاليا ماله علاج كلي يعني 50% يمكن الطير يصحى و 50% لا واحتمال أن فقط يعيش لمدة تتراوح بين سبوعين أو ثلاث . تقدرين تعالجينه بالمضاد الحيوي اسمه دوكسيسلاين بتشوفين مكتوب على العبوة bird biotic تذوبينه في الماء وان شاءالله يصحى
 

remi

Gamer
اتوقع بنسبة 90% أنه يعاني من مرض اسمه باسيتاكوسيس أو يسمونه باروت فيفر حمى الببغاء هذا طبعا مرض بكتيري معدي يصيب بس الببغاوات لازم تزعلينه عن باقي الطيور . أعراضه تساقط الريش والحكه والعطس والكسل وماياكل هذا المرض حاليا ماله علاج كلي يعني 50% يمكن الطير يصحى و 50% لا واحتمال أن فقط يعيش لمدة تتراوح بين سبوعين أو ثلاث . تقدرين تعالجينه بالمضاد الحيوي اسمه دوكسيسلاين بتشوفين مكتوب على العبوة bird biotic تذوبينه في الماء وان شاءالله يصحى


لا لا بسم الله عليه اهو يلعب وياكل الحمدلله ما ينتف ريشه بس جناحه كل ما طلع يكسره اليوم عاد شفت بجانحه على بدايه طلوع الريش منتفخ مثل الكور كلمت بيطري يقولو تعالي للعياده بروح ان شاء الله واشوف
 

Aleix

Hardcore Gamer
لا لا بسم الله عليه اهو يلعب وياكل الحمدلله ما ينتف ريشه بس جناحه كل ما طلع يكسره اليوم عاد شفت بجانحه على بدايه طلوع الريش منتفخ مثل الكور كلمت بيطري يقولو تعالي للعياده بروح ان شاء الله واشوف
تتيسر إن شاء الله
 

s3rorh

True Gamer
برايي تسألين شخص مختص يبيع طيور بسوق الحمام/الطيور الشعبي بمنطقتكم، و يا حبذا لو عربي (مطيرچي) ... هذولا عادةً عندهم طرق شعبيه للعلاج... اذا مافي، جربي المواقع او البرامج ألي مختصه ببيع هالامور
 

Arashi

Dragon of Heaven
كنت داخله المنتدى ألقي نظره واطلع بسرعه لكن يوم جفت هالموضوع وحال هالطير المسكين ما قدرت اقاوم ::cry::

اول شي عندي كم سؤال عشان افهم حالته عدل (ربيت وايد طيور فممكن اساعد ^^)


1-كم عمره يوم اشتريتيه؟
2-هل اخذتيه أليف؟ واوصفي لي طبايعه عندكم في البيت لو يلعب او يصفر او يتوالف معاكم
3-هل عندكم اطفال او احد يتحرش فيه ويضايقه؟
4-تذكرين شلون بدت هالحاله؟ يعني جات بعد موقف معين مثلا حصّل كف او خاف من شي لدرجة الصراخ؟ او اذا كان متعلق فيج هل غبتي عنه فتره؟
5-شنو الاكل اللي تعطينه بالعاده؟ وهل تعطينه فيتامينات؟
6-ممكن صوره لقفصه؟ وهل عنده العاب؟
7-هل يهتم بتنظيف ريشه (غير النتف)؟
8-هل تروشونه؟ وهل تعرضونه للشمس؟


واحتاج صور اوضح لمكان الريش المنتوف وصورة كامله للمسكين Y_Y...مبدئيا من هالصور يبين جلده سليم مافيه فطريات بس حابه اتأكد اكثر @@

حاليا اتوقع والله اعلم انها حاله نفسيه بسبب موقف او نقص فيتامينات
او ممكن فيه حكه...ممكن فطريات خفيفه بس في شي يخليه يوقف نتف + علاج حلو ينبت له ريش افضل من الاصلي بعد ^^


الاسئله كثيره لكن منها اقدر احكم اذا العلاج اللي في بالي ممكن ينفعه او لا ^_^
 

remi

Gamer
يوم أشتريه عمره 5 او 4اشهر الحين عمره سنتين
أتوقع اليف نص ونص كان مايبغاني بالبداية دايم يعضني الحين تعود علي
طبايعه يحب إنّو اذا اجتمعنا على غداء او نشرب قهوه او نجتمع نسولف يحب يكون معنا والي مو متعود عليه يقعد يناظر فيه فتره طويله بس يعض اذا حط احد يده من اهلي كلهم الا انا بس ويسولف ويصفر مايحب يكون لحاله أبدا
كانت اختى الصغيرة تغار منه ومره عضته من الغيره واذا شافها نايمه يعضها بس دائماً يفرح بشوفتها ويعطيها بوسات بدون عض مدري كيف مزاجه.
اروشه ونظف ريشه واذا قدرت أطلعه بشمس مرتين بالاسبوع
وأعطيه فتامين

بدايه لما كان صغيره عمره 5 شهور أخذته بيطري مدري ادعي عليه ولا الحمدلله عكل حال نتف ريشه نتف غلط طيري يصارخ من الالم تعذيب كان ما طال ريشه بعد التعذيب صار عنده كسر بالريش. ولما عالجته عند بيطري وتحسن وطال ريشه بس. كل ما طال انا اقصه عشان مايطير علي لأنو اي شي يخاف منه ويطير ثم اخر قَص لي كان قبل سنه برمضان شفت تحت جناح واحد لون ازرق قالوا البيطريين الي رحت عندهم طبيعي ثم شلت الجناح المقصوص وقررت ما اقصه ثاني من بعدها بدا ينتف جناح واحد الي تحته لون ازرق والي الان

انا سافرت مره كنت مضطرة 10ايام بس لما رجعت شفت مافيه شي
واظن اهو متعلق فيني لأنو بس اطلع من الغرفه يصير ينادي
واحنا نسافر كثير اضطر اخذه معي واحطه بقفص اصغر من الي متعود عليه وبالأرض ومتعود على الجدار اعلقه

الحين شفت تحت جناحه بعد اخر نتف له انتفاخين اتوقع ريش مكسور وصورتهم للبيطري وقال اروح للعياده بس ان شاء الله بروح. بس تتعدل ظروفي الصور بعد شوي انزلهم
 

remi

Gamer
عنده العاب واذا بغى يطلع أطلعه اعطيه زوبريم وبيض وفواكه ومنقوع وخضار
 

remi

Gamer
لاحظي الانتفاخ بالجناح فوق
 

Arashi

Dragon of Heaven
تف ريشه نتف غلط طيري يصارخ من الالم تعذيب كان ما طال ريشه بعد التعذيب صار عنده كسر بالريش. ولما عالجته عند بيطري وتحسن وطال ريشه بس. كل ما طال انا اقصه عشان مايطير علي لأنو اي شي يخاف منه ويطير ثم اخر قَص لي كان قبل سنه برمضان شفت تحت جناح واحد لون ازرق قالوا البيطريين الي رحت عندهم طبيعي ثم شلت الجناح المقصوص وقررت ما اقصه ثاني من بعدها بدا ينتف جناح واحد الي تحته لون ازرق والي الان

شوي صعب نفهم اسباب مشكلته 100% لان المسكين ما يعرف يتكلم ويعبر...لكن اغلب الظن هو تعقد من هالموقف اللي صار له مع البيطري..اصلا ليش البيطري نتف ريشه من الاساس؟ @@
هو تصير احيانا حتى مع قص ريش الجناح (عشان لايطير) وقص الاظافر وطرف المنقار ان بسبب خطأ او عدم تهدئة الببغاء تتحول لعقده ويبدا الطير ينتف ريشه


اللون الازرق واحيانا بعضهم يصير احمر هاذي ممكن تكون طفره...ان شاء الله مافيه الا العافبه ^^
وواضح من الصور ان يطلع له ريش جديد....النتف يبين مب سيء جدا...كان عندي واحد سبب تشوهات لريشه لدرجه حوله الى اسياخ مب ريش XD


اوكي...اهم شي تطمنت انه متوالف معاج...الحين خلينا نحاول نوقف النتف اول
القفص جدا جدا ممتاز ... لكن خلينا نحاول نشغله عن النتف اكثر...ايش رايج تبدلين له العابه كل يوم؟
خل نقول عنده 3 العاب...كل يوم عطيه لعبه غير
وعطيه قطع ورق وكلينيكس ترى يموتون عالاشياء اللي تتنتف
وخذي له مواعبن بلاستيك اللي يبيعونها للاطفال
065bd5dfafd5b56e0df4e13037bc816a.jpg

عاد هاذي الاشياء يعشقونها وشكلهم لذيذ وهم يلعبون فيها ::involve::
بما انها منوعه عطيه منها كل يوم قطعتين غير عن بعض ^^



في مراهم خاصه تدهنين فيها ريش الطير عشان يصير يقرف منه وما ينتفه...للامانه ماجربتها لاني ما حصلتها عندنا
بس استبدلتها بزيت زيتون لان معظم الطيور تكرهه...لو تحصلين نوع يكون مركز افضل
وعادي لو تروشينه بس المهم بعد كل سبوح ادهني ريشه


لين جفتيه خفف نتف ابدري رشي جسمه بخلطة الالوفيرا مع الماي

aloe-vera-leaves-500x500.jpg


استخلصي منه الجيل gel واخلطيه في الخلاط بماي...قولي يعني تقريبا كل كوب ماي فيه ملعقة شاي الوفيرا

Aloe_Vera_Fragrance_Oil__25167_zoom1.png


وحطيه في مرش ورشيه كل يوم مره

13286375491.jpg


بس تأكدي ان زاد الخليط خليه في الثلاجه يوم يومين لا اكثر لانه عقب يفقد فايدته...ولا ترشين الطير وهو بارد بعض الطيور تصرخ من الماي البارد

ايضا نفس الخليط حطيه في الماي اللي يشربه لأن الالوفيرا يهدء الاعصاب...اهم شي لا يحس بطعمه فخففيه اكثر في ماي الشرب ^^



الشمس قلتي انج تطلعينه في الخارج مرتين في الاسبوع...تمام
باقي الايام بس فتحي له الشباك شوي عشان تدخل اضاءة الشمس ^^



وحاولي تطيبين خاطره بأصناف جديده من الطعام والاشياء اللي يموت عليها...الهدف من كل ذي انه يحس انه محبوب جدا جدا والحيه حلوه فشوي شوي بيترك نتف الريش ويحمد ربه عالنعمه اللي عايشها XD

الموضوع يحتاج صبر ومتابعه وطولة بال...ممكن يطول لعدة شهور والتطور ممكن يتأخر او يكون بطيء جدا. لكن انا متفاءله من كلامج ومن الصور ان حالته مب سيئه جدا والله كريم ^^
وما يجوف شر ..... (شسم الجميل؟) عشان اذكره باسمه :hearteyes:




اخر سؤال عشان اتأكد: النتف فقط اسفل الجناح...وجناح واحد فقط؟
 

remi

Gamer
ان شاء الله بسوي كل شي

الله يوفقك وجزاك الله خير


بس النتف مو تحت الجناح النتف عند كل مايطلع ريش ينتفه اقصد الريش الي يساعده ع الطيران اهو الي يخربه وبس جناح واحد

اسمه سيسو
 

Arashi

Dragon of Heaven
ان شاء الله بسوي كل شي

الله يوفقك وجزاك الله خير


بس النتف مو تحت الجناح النتف عند كل مايطلع ريش ينتفه اقصد الريش الي يساعده ع الطيران اهو الي يخربه وبس جناح واحد

اسمه سيسو

ربي يحفظ لج سيسو ويشفيه...كيوت الاسم x3
اهااا النتف جاي بالضبط مكان معين واظنه مرتبط بذاك ىالموقف اللي خلاه يصرخ
هو يفضل لو متعودين تقصون له الريش عشان لا يطير ان توقفون قص لحد ما يتعالج وتنفك القعده
مرده ينسى اللي صار باذن الله ^^


وطمنيني كل شوي عليه وشلون العلاج ماشي معاه -_^
 

remi

Gamer
ان شاء الله بقولكً

انا ما أظن بسبب ذاك الموقف لأنو ريشه كان طبيعي ومايسوي فيه شي لكن فجاه بدا ينتف
 

remi

Gamer
ربي يحفظ لج سيسو ويشفيه...كيوت الاسم x3
اهااا النتف جاي بالضبط مكان معين واظنه مرتبط بذاك ىالموقف اللي خلاه يصرخ
هو يفضل لو متعودين تقصون له الريش عشان لا يطير ان توقفون قص لحد ما يتعالج وتنفك القعده
مرده ينسى اللي صار باذن الله ^^


وطمنيني كل شوي عليه وشلون العلاج ماشي معاه -_^

هلا كيفك ...

اعتذر لانو تأخرت بالرد ...

حطيت لو العاب وطالعو بالمكان الي يحب ما اشوف انو ينتف بس لسى تحت جناحه مصلع
مارشيتو بصبار قلت بشوف اول ايش يقول البيطري واعطاني مضاد له لانو في جروح كثير
والحمدلله تحسن ولما رحت مره ثانيه اعطاني فتامين وله موعد بعد
 
أعلى