مشروعي الخاص Artbook Calendar 2023 @_@

[Arashi]

السلام عليكم ورحمة الله وبركاته

الموضوع هو اني قررت أعمل على مشروع كلندر بشكل ارتبوك، لكن لحالي هالمرة مب مع قروب، 12 رسمة كلها علي. ومريت بظروف متعبة وقفت عائق وسببت في تأخر العمل على عدة رسمات + تدمير رسمات اخرى اضطريت أعيدها (عمري ما مريت بجذي ظروف لكن الحمدلله). هذا غير الارهاق الشديد بسبب العمل والسهر لين الصبح لضيق الوقت مما أثر بشكل سلبي على صحتي لكن ربي ستر والحمدلله وتمت الطباعة في ديسمبر

Theme المشروع عبارة عن رسمات بطابع خيالي وتكون أبيض واسود مثل المانجا بس ينضاف لون او كذا لون بارزين في الرسمة. كنت أستعمل هالستايل في تحدي inktober للتحبير (تحدي سنوي في كل شهر اكتوبر) واقترحوا علي ناس استعمله لكلندر. كنت متردده ومب متشجعه لكن كلام @Eye عن ان لازم استغل الرسم في مشاريع مفيده خلاني أفكر في الموضوع بجديه، غير كلام اخرين ان لازم يكون لي مشروعي الخاص وما اكون تابعه لقروب (كتغيير يعني).

طبعا ساعدوني أهلي وربعي الله يجزيهم خير بتدبير مصمم يعرف على برنامج illustrator وساعدوا في النشر والاقبال حلو so far الحمدلله.

وهذي بوستات لبعض مراحل العمل على بعض الرسمات (ما عرضت اي رسمه كامله او منتهيه) ومرحلة الطباعة.

محتوى مخفي: مياو

وهذا هو المشروع بعد ما اكتمل:


طبعا أخفيت بعض المعلومات لأن مابي يصير كأني أسوق لنفسي في TG، بس حبيت أعرض المشروع لا أكثر ^^

 

[DINO CRISIS]

ما شاء الله

روزنامة جميلة

بالتوفيق اراتشي تشان

 

[Jasmine]

واو! جميلة جدًا!
الرسومات وطريقة تلوينها والتصميم كله جميل
مبارك لكِ وكل التوفيق بمشاريعك القادمة يا رب.

 

[Aqua ༊]

ما شاء الله اروش مبارك لك هذا الانجاز!
الارتس حلوين متعوب عليهم ، موفقة بإذن الله ^^

 

[prince khalid]

ماشاء الله تبارك الله، مبارك عليك الإنجاز
الرسمات جميلة، وفعلًا، على الشخص أن يستفيد من مهاراته، أتمنى أن يكون هذا المشروع بداية لما هو أكبر وأحسن.
أفترض أن البيع محلي فقط؟

 

[Gavroche]

منتج مميز جدا والرسمات جميلة للغاية ومليانة تفاصيل حلوة، ممكن اشتريه لو حصلته في محل او للبيع.

اتمنى تستمرين في التطور والنجاح في المستقبل، اتوقع حاجات افضل واكثر جمالا لو اشتغلتي الفترة القادمة على مشاريع ثانية

 

[s3rorh]

ما شاء الله، صار في تحسن كبير بالرسم و خصوصاً الوجوة ... وجوه الشخصيات سابقآ كنت احسهم مكررين ...


عن نفسي انا و المدام، لازم كل سنه نشتري رزنامة و نعلقها بالمطبخ و نحرص على امور بسيطه (كمُشترين)، تخلينا نستفاد من الرزنامه ... و بذكرهم :

- هالسنة حصلنا رزنامة هجوم العمالقة .. فا غير اننا نحب الانمي ألريدي، الكفر لوحده يحمس و يذكرك بالاكشن ألي بالانمي + فيه ميكاسا الحُب + يقول لك اشتريييني
زبدة الكلام، الكفر لازم يحمس (مع انه بس بتشوفه ببداية الشراء، و طول السنة ما بتشوفه)

- الشي الثاني ألي حبيناه ، انه ما في الحديد او السبرينغ الي يسمح لك تقلب الصفحات .. بالتالي صار تعليقها اسهل بالطوفة و ما بيكون فيها نتوءات .. لانه بالاول و الاخير، هذا رزنامه و المفروض مجرد ما تقلب الصفحة، فا انت دخلت للشهر الجديد و بتضل فيه، ماهي مجلة تنحط على طاولة الصالة (&)

- الشي الثالث، مقسومه لقسمين علشان تستفاد من المساحة .. قسم علوي و يكون فيه بوستر لإحدى الشخصيات او لأي مشهد او محتوى ... و القسم السفلي فيه مساحه فاضيه كبيره .. و بالتالي هالشي يسمح لك تخلي وايد فراغات و مكعبات، و يسمح لك تكتب مواعيد او مناسبات او احداث جاية بالشهر نفسه ...
هالشي شفناه حيل افضل و اجمل من انه الصفحه تتكرر مرتين بالمقلوب (&)

العيوب :

- طريقة التعليق جداً تعيس .. لانه حرفياً عباره عن حفرة/ثقب على الحافة بكل صفحة من فوق، مُثبتة بمسمار ... و هالشي يعني بانه بشهر يناير و فبراير، بيكون بس في صفحه وحده او ثنتين متعلقه بالطوفه .. وبالتالي الثقل كله حق الرزنامه بيكون على هالفتحه و بالتالي بيسبب اضرار لها !! و بتقع الرزنامة ..

فا اضطريت إني استخدم لاصق شفاف/تيب، عشان ازيد المقاومه ... فا يا حبذا لو يكون في قطعه حديد كا حلقه عند الثقب ، او بلاستيك .. او يكون في ثقبين يمين و يسار لحمل الرزنامة . او اياً كانت الطريقة .. من غير ما يتم تلفها

- بالقسم السفلي، حبيت انه المكعبات ذات لون فاتح ومافيها اي شي يشتتك ، علشان تكتب ملاحظات عليها ..
بس الاجزاء الأخرى من الصفحة .. مرات يكون اللون ساده فقط و مافي رسمات بسيطه هنا و هناك، او لوقو للانمي ، او اي شي اخر بالbackground ...

طبعاً الصورة ألي فوق بيرفكت .. و جاية ضبط مع السواد ألي خلف شخصية ليفاي
بس بصفحات أخرى، بيكون بالقسم العلوي في رسومات اخر و ألوان فاقعة، بس بالقسم السفلي، ميت و بس لون اسود (&)


نصائح :
- استهدفي زبائنج ... لانه لازم تعرفين مين هم الفئة ألي تبينهم يشترون رزناماتج !! شيبان، بالغين، اطفال، حريم, رجال؟ .. يعني لو بنتي شافت رزنامه فيها شخصيات fluffy .. على طول بتحط mode البكاء و تقول تبيها

- تمييزي .. رسمج جميل .. و المحتوى جيد .. بس يبي له عامل الجذب ... يعني في وايد رزنامات فيها رسم انمي و ما شابه ... بس عمرك شفتي رسم انمي لشي يخص ثقافتكم او بلدكم ؟ يعني رسمه فيها وحده مبرقعه و تحيك سجادة ... أو أب يصلي و عائلته وراه يصلون .. او بكل صفحه في رسمه ترمز لدولة ما (اذا ناويه تبيعين رزنامه برا عالمياً) .. يعني، صفحه لشي يخص قطر و صفحه تخص امريكا و صفحة لليابان، و هكذا

-اخرجي عن المألوف .. كا مثال، انه في صفحات تكون ابيض و اسود و المُشتري يلونهم !! حيل الصغار بيحبون هالفكرة ... و انه ممكن تسوين رزنامه محتوى عن (جيل الطيبين) و بكل صفحه ترسمين بشي كان قديما موجود او كنا نسويه (يعني زي حركه لما اخوك النشبه يبي يلعب معاك و انت تعطيه كنترولر وايرها مقطوع) ... او تسوين كوميك من مشهدين لمواقف معروفه و صارت للكل، زي هالموقف



و سلامتج

 

[Arashi]

ما شاء الله

روزنامة جميلة

بالتوفيق اراتشي تشان

تسلم دينو. وياك ^^

واو! جميلة جدًا!
الرسومات وطريقة تلوينها والتصميم كله جميل
مبارك لكِ وكل التوفيق بمشاريعك القادمة يا رب.

ثانكيو ياسمين والله يبارك في حياتج ^^
ربي يوفقنا جميعا لكل ما نطمح له

ما شاء الله اروش مبارك لك هذا الانجاز!
الارتس حلوين متعوب عليهم ، موفقة بإذن الله ^^

شكرا اكوا وعيونج الحلوه، وياج يا رب ^.^

ماشاء الله تبارك الله، مبارك عليك الإنجاز
الرسمات جميلة، وفعلًا، على الشخص أن يستفيد من مهاراته، أتمنى أن يكون هذا المشروع بداية لما هو أكبر وأحسن.
أفترض أن البيع محلي فقط؟

الله يبارك في حياتك خالد ^^
الله يجعله فاتحة خير للقادم @@
ولا مب محلي، وصل لين اليابان 3:

منتج مميز جدا والرسمات جميلة للغاية ومليانة تفاصيل حلوة، ممكن اشتريه لو حصلته في محل او للبيع.

اتمنى تستمرين في التطور والنجاح في المستقبل، اتوقع حاجات افضل واكثر جمالا لو اشتغلتي الفترة القادمة على مشاريع ثانية

تسلم ^^
مع الاسف ما قدرت اعرضه في محل او شي، لازم عن طريقي مباشرة <<< قلت مابي اسوق لنفسي هني بس شلون ما اوضح هالشي؟ XD
عندي وايد شغلات مسويتها غير الكلندر بس هذا أكبر مشروع so far ^^

 

[Arashi]

ما شاء الله، صار في تحسن كبير بالرسم و خصوصاً الوجوة ... وجوه الشخصيات سابقآ كنت احسهم مكررين ...

ايه الكل كان يقول في تكرار وكانت محلاظة مهمه، بس القطه صعروره كان وجهها مميز صح؟ تذكرها؟

عن نفسي انا و المدام، لازم كل سنه نشتري رزنامة و نعلقها بالمطبخ و نحرص على امور بسيطه (كمُشترين)، تخلينا نستفاد من الرزنامه ... و بذكرهم :

اوكييييييييييي هنا ملاحظات تفيدني للكلندر الجاي باذن الله @@

- هالسنة حصلنا رزنامة هجوم العمالقة .. فا غير اننا نحب الانمي ألريدي، الكفر لوحده يحمس و يذكرك بالاكشن ألي بالانمي + فيه ميكاسا الحُب + يقول لك اشتريييني
زبدة الكلام، الكفر لازم يحمس (مع انه بس بتشوفه ببداية الشراء، و طول السنة ما بتشوفه)

ايه الكفر يروح باي باي من جذي ماحب أتعب عليه، بس أحط قصاصات من رسمات الكلندر نفسها وخلاص، هجوم العمالقة لأن الرسمات already مرسومه من زمان وهم بس عليهم يجمعونها في كلندر، عكس لما تضكر ترسم شي يديد من الصفر فتعب ):

- الشي الثاني ألي حبيناه ، انه ما في الحديد او السبرينغ الي يسمح لك تقلب الصفحات .. بالتالي صار تعليقها اسهل بالطوفة و ما بيكون فيها نتوءات .. لانه بالاول و الاخير، هذا رزنامه و المفروض مجرد ما تقلب الصفحة، فا انت دخلت للشهر الجديد و بتضل فيه، ماهي مجلة تنحط على طاولة الصالة (&)

أخخخخخخخخخخخخ هالسيخ مجبورة فيه مع الاسف لأن الكلندر عندي بشكل خيمة، هو كلندر طاولات مب تعليق، مادري سراحه التعليق عليه اقبال اكبر؟ @@

- الشي الثالث، مقسومه لقسمين علشان تستفاد من المساحة .. قسم علوي و يكون فيه بوستر لإحدى الشخصيات او لأي مشهد او محتوى ... و القسم السفلي فيه مساحه فاضيه كبيره .. و بالتالي هالشي يسمح لك تخلي وايد فراغات و مكعبات، و يسمح لك تكتب مواعيد او مناسبات او احداث جاية بالشهر نفسه ...
هالشي شفناه حيل افضل و اجمل من انه الصفحه تتكرر مرتين بالمقلوب (&)

هذا ممتاز لين أبي ارسم رسمة A4 كاملة وتاخذ حقها @@

العيوب :

- طريقة التعليق جداً تعيس .. لانه حرفياً عباره عن حفرة/ثقب على الحافة بكل صفحة من فوق، مُثبتة بمسمار ... و هالشي يعني بانه بشهر يناير و فبراير، بيكون بس في صفحه وحده او ثنتين متعلقه بالطوفه .. وبالتالي الثقل كله حق الرزنامه بيكون على هالفتحه و بالتالي بيسبب اضرار لها !! و بتقع الرزنامة .

مشكله كبيره

فا اضطريت إني استخدم لاصق شفاف/تيب، عشان ازيد المقاومه ... فا يا حبذا لو يكون في قطعه حديد كا حلقه عند الثقب ، او بلاستيك .. او يكون في ثقبين يمين و يسار لحمل الرزنامة . او اياً كانت الطريقة .. من غير ما يتم تلفها

لهالسبب السبيرنغ أحسن،،يكون في وسطه علاقه قويه تتحمل تشيل كلندى ضخم

- بالقسم السفلي، حبيت انه المكعبات ذات لون فاتح ومافيها اي شي يشتتك ، علشان تكتب ملاحظات عليها ..
بس الاجزاء الأخرى من الصفحة .. مرات يكون اللون ساده فقط و مافي رسمات بسيطه هنا و هناك، او لوقو للانمي ، او اي شي اخر بالbackground ...

توفير للجهد يا زعم واكثر الناس تحبه فاضي، بس مف رسمة ليفاي طالع كبر مساحة السواد مزعج شوي

طبعاً الصورة ألي فوق بيرفكت .. و جاية ضبط مع السواد ألي خلف شخصية ليفاي
بس بصفحات أخرى، بيكون بالقسم العلوي في رسومات اخر و ألوان فاقعة، بس بالقسم السفلي، ميت و بس لون اسود (&)

بعد؟ XD

نصائح :
- استهدفي زبائنج ... لانه لازم تعرفين مين هم الفئة ألي تبينهم يشترون رزناماتج !! شيبان، بالغين، اطفال، حريم, رجال؟ .. يعني لو بنتي شافت رزنامه فيها شخصيات fluffy .. على طول بتحط mode البكاء و تقول تبيها

اللي مستهدفتهم مب بتوع الانيمي (هم بس يبون فان ارت وانا مبتعده عنه) ولا حتى أطفال لأن ستايلي ثقل دم عليهم ههههه، اكثر شي عندي شباب وشابات في سن العشرينات ومتوسطي العمر لحد سن الستينات

- تمييزي .. رسمج جميل .. و المحتوى جيد .. بس يبي له عامل الجذب ... يعني في وايد رزنامات فيها رسم انمي و ما شابه ... بس عمرك شفتي رسم انمي لشي يخص ثقافتكم او بلدكم ؟ يعني رسمه فيها وحده مبرقعه و تحيك سجادة ... أو أب يصلي و عائلته وراه يصلون .. او بكل صفحه في رسمه ترمز لدولة ما (اذا ناويه تبيعين رزنامه برا عالمياً) .. يعني، صفحه لشي يخص قطر و صفحه تخص امريكا و صفحة لليابان، و هكذا

يووووووووووووووووووووووووووه مليانين اللي يرسمون جذي عندنا، اللي بميزك صج هو ان ترسم شي خيالي بعيد عن التراث تماما @@

-اخرجي عن المألوف .. كا مثال، انه في صفحات تكون ابيض و اسود و المُشتري يلونهم !! حيل الصغار بيحبون هالفكرة ... و انه ممكن تسوين رزنامه محتوى عن (جيل الطيبين) و بكل صفحه ترسمين بشي كان قديما موجود او كنا نسويه (يعني زي حركه لما اخوك النشبه يبي يلعب معاك و انت تعطيه كنترولر وايرها مقطوع) ... او تسوين كوميك من مشهدين لمواقف معروفه و صارت للكل، زي هالموقف



و سلامتج

الله يسلمك XD
ناس قالوا عن التلوين بس فيه عدة مشاكل:
1-مابي أطفال
2-نوع الورق الخاص بالرزنامه ما يناسب تلوين
3-بصير مكلف وايد لما أكثر اختيارات وبزيد عدد الصفحات

أيضا حركات جيل الطيبين والكوميكات مستهكله عندنا 3:


وتسلم عالاقتراحات ^^
سالفة رزنامة التعليق في شوية اقترحوها علي وملاحظاتك عنها مفيده، لو الله أراد أطبقها يوما ما بحط في بالي هالامور @_@

 

[wael_boss90]

ماشاء الله تبارك الرحمن الرحيم
حلو مرة وشغلك ممتاز الله يوفقك ويرزقك النجاح الي تتمنيته حلوة فكرة التقويم و الرسمات جميلة مرة
وما أعتقد في أحد من أعضاء ترو جيمنج يمانع أن يكون هذه الموضوع نشر لعملك بالعكس الغالبية غالبا بيكونو مبسوطين لك خطوة كبيرة للأمام أن شاء الله منها والى أعلى

 

[Arashi]

ماشاء الله تبارك الرحمن الرحيم
حلو مرة وشغلك ممتاز الله يوفقك ويرزقك النجاح الي تتمنيته حلوة فكرة التقويم و الرسمات جميلة مرة
وما أعتقد في أحد من أعضاء ترو جيمنج يمانع أن يكون هذه الموضوع نشر لعملك بالعكس الغالبية غالبا بيكونو مبسوطين لك خطوة كبيرة للأمام أن شاء الله منها والى أعلى

تسلم وائل ^^
اللهم امين وربي يرزق الجميع بالخير والنجاح والتوفيق.
هو لأني كنت مراقبة في وايد منتديات ودايما يعلمونا ان ما لازم نسمح بوضع أي اعلان في المنتدى، اللي يبي يوق لنفسه لازم يدفع لعرض اعلانه.
well هذا كان على مستوى بزنس كبير شوي فمادري شلون بالنسبه للأفراد العاديين، مع ذلك ما احب أسوق لنفسي هني، نفسيا ما ارتاح XD

 

[prince khalid]

الله يبارك في حياتك خالد ^^
الله يجعله فاتحة خير للقادم @@
ولا مب محلي، وصل لين اليابان 3:

ماشاء الله @@
بالتوفيق لكِ، وإن شاء الله نرى لكِ مشاريعًا آخرى في القريب.
أريد أن أطلب لنفسي واحدة لكن أغلب إرسالياتي الأخيرة تخليت عليها للجمارك بسبب قانون جديد غبي.
أعجبني جدًا التحبير وفكرة التلوين، ويُعجبني للغاية عنايتك بالتفاصيل، لكن هذه ملاحظة تعرفينها سابقًا P:
لا أعلم إن كان لذلك تأثير، لكن تواصلي معي لطفًا لو تريدين وضع إعلانٍ بسيط على موقعي.

 

[Arashi]

ماشاء الله @@
بالتوفيق لكِ، وإن شاء الله نرى لكِ مشاريعًا آخرى في القريب.
أريد أن أطلب لنفسي واحدة لكن أغلب إرسالياتي الأخيرة تخليت عليها للجمارك بسبب قانون جديد غبي.
أعجبني جدًا التحبير وفكرة التلوين، ويُعجبني للغاية عنايتك بالتفاصيل، لكن هذه ملاحظة تعرفينها سابقًا P:
لا أعلم إن كان لذلك تأثير، لكن تواصلي معي لطفًا لو تريدين وضع إعلانٍ بسيط على موقعي.

ويوفقك ربي ^^
شنو هالقانون الغبي؟ @@
تسلم عالملاحظات، ويس يس كل اعلان لو صغير له تأثير، تعرف مواقع التواصل الحين صارت تحجب حسابك بدون مبرر فصاير صعب ننشر شي لحالنا حتى لو اعلانات مدفوعه @@

ما تقصر وربي يجزيك خير ^^

 

[prince khalid]

ويوفقك ربي ^^
شنو هالقانون الغبي؟ @@
تسلم عالملاحظات، ويس يس كل اعلان لو صغير له تأثير، تعرف مواقع التواصل الحين صارت تحجب حسابك بدون مبرر فصاير صعب ننشر شي لحالنا حتى لو اعلانات مدفوعه @@

ما تقصر وربي يجزيك خير ^^

آمين يارب.
تم تفعيل الضريبة على كل المشتريات الشخصية حتّى الصغيرة، الإرساليات التي علقت تتطلب أن أسافر للمطار حيثُ إدارة الجمارك لاستخراجها، أو تكليف شركة التوصيل ودفع 70 دولارًا، تجربتي الثانية سيئة للغاية وتخليتُ عن كل شيء كان مفترضًا أن يصل بعد تفعيل القانون.

وجزاكِ أراشي.