hits counter

مشاركة الأخوان !!

The X Man

Banned
بصراحه انا ما احس بمتعة اللعب الا مع اخواني الصغار ^_^
 

Aoks

True Gamer
يعني بتهفمني مثلا ان في واحد شاري 360 ولا بلاي ستيشن 3 ومو مخلي احد من اخوانه يلعبه ولا يلمسه ؟ ولازم يشترون لهم واحد جديد ؟؟

اوه ماي جود :gasp:

 

Solay

Double Jumper
انا ماراح اعلق لأن اخواني صغار جدا بس بعض الأيام أشاركهم طبعا وموب لازم تكون بأشياء تخص الجيمز...

على فكرة ماادري ليه احسك حاط الموضوع عشان هالرد:

لول جهاز اخويه احترق ! قال بيبيع الجهاز مع الالعاب ! خخخخخ قلت له باخذ هاللعبتين عندك مقابل $$

وسوري عبدالعزيز اذا كان في اقتباسي لكلمتك اهانه لك أو ماشابه..:smile:
 
  • Like
Reactions: Eye

Justice

True Gamer
لووول اجل انا الغرفة بكبرها مااخلي احد يدخلها
 

Naif

Executive Member
يعني بتهفمني مثلا ان في واحد شاري 360 ولا بلاي ستيشن 3 ومو مخلي احد من اخوانه يلعبه ولا يلمسه ؟ ولازم يشترون لهم واحد جديد ؟؟

اوه ماي جود :gasp:

srsly

الكبار عندي عادي اخليهم يلبعون (بالعكس استمتع يوم يلعبون. لان نادرا ما احص احد العب معاه في البيت نفس الالعاب اللي انا احبها. اخوي gamer لكنه نادرا يلعب شي غير ونينج اليفن) الصغار ما احب اخليهم يلعبون دايما لكن عادي عندي اعطيهم اذا كنت فاضي (اقعد اراقبهم و هم يلعبون على شان ما يخربون الجهاز.. ) و عادة اجهزتي القديمة اعطيها احد من الصغار في بيتنا اذا ما كنت احتاج لها (الكيوب و الدي اس المنتفخ و الادفانس الاصلي وزعتها على الصغار يوم اشتريت الوي الدي اس لايت و المايكرو) يمكن هذا الشي كان بيختلف لو كاني عندي مكان اكبر في الغرفة على شان اجمع فيها الاجهزة القديمة. اتفهم ليش في اشخاص ممكن ما يشاركون اخوانهم اجهزتهم، انا مرات اكون كذا خاصة مع الصغار، لكن احاول اني اشاركهم متى ما اقدر.

بالنسبة للمشاركة فعادي عندي مع اخوي، البي اس 3 قعد فترة طويلة في غرفتي بعد ما اشتراه اخوي (لين ما صدرت ونينج اليفن على الاقل..) و كل الاجهزة ما خذينا منها الا واحد و كنا نتناقله بين غرقة كل واحد فينا.
 

squall leonhart

True Gamer
يعني بتهفمني مثلا ان في واحد شاري 360 ولا بلاي ستيشن 3 ومو مخلي احد من اخوانه يلعبه ولا يلمسه ؟ ولازم يشترون لهم واحد جديد ؟؟

اوه ماي جود :gasp:

اعوذ بالله لاحد يزعل لاني ماني قاصد احد

الحمد لله علاقتي مع اخواني 100% سواء الاكبر او الاصغر .. و نتشارك كل شي متصل بالالعاب .. الوي اشتريته من فلوسي و كلهم يلعبون فيه ال 360 انا دفعت المبلغ الاكبر .. الالعاب احيانا انا اشتري احيانا هم .. يكفي اني مخلي عرفة نومي الميديا سنتر لاخواني و مركز الجمينج في البيت و انا فرحان جدا بهذا الشي .. يكفي تشوف جعمة اخوانك بالغرفة و هم فرحانين ..

الي ما يشارك شي سهل زي الفيديو جيمز فهو ما يحتاج يراجع نفسه و علاقته مع اخوانه بتمعن .. اذا الفيددو جيمز التافهه يمنعهم عنها كيف لو كبروا و فرفتهم الحياه ايش يصير
 

hussien-11

Senior Content Specialist
يعني بتهفمني مثلا ان في واحد شاري 360 ولا بلاي ستيشن 3 ومو مخلي احد من اخوانه يلعبه ولا يلمسه ؟ ولازم يشترون لهم واحد جديد ؟؟


اوه ماي جود :gasp:

يس فيه ، ياخي البعض يقول لك اخواني الصغار ، الاخوان الصغار ماحد يلومك اذا "راقبتهم" و نظمت بنفسك أوقات يلعبوا فيها ، اما اخوان كبار او بعمرك و كل واحد فيهم جالس يشتري لي كولكشن أجهزة !! ياخي في ناس طريقة تفكيرهم غريبة ..
 

Nyx

True Gamer
مو بالضرورة تكون أنانية

فيه بعض الأشخاص ما يحبوا أحد يلمس أغراضهم أو يستعملها.. عندك Monk :slant:.. وهذي طبيعة فيهم يعني مب أنانية ولا شي

1100990_l.jpg
 

Humam

True Gamer
المشاركة بين الأخوان مطلوبة في كل شيء, والمفروض يتعلموا هذا الشيء من الصغر لأنه راح ينعكس مستقبلا في علافتهم مع بعض في كل نواحي الحياة, هذا الأسلوب يولد الأنانية و يعود الانسان انه يجيه كل شي على الساهل بدون تسويات او تضحيات, الواحد الآن لو ياخذ له لفة على المحاكم صدقوني بيلاقي غالب القضايا اثنين أخوان متنازعين على فلوس أو قطعة أرض أو إرث .. الخ. هذولي غالبهم ما اتعلموا المشاركة مع بعض وانه مهما صار الأخ لازم يراعي أخوه في كل شيء مع حفظ حقوق كل واحد فيهم.

انا اتذكر مرة شفت سيدة فاضلة معاها 3 من أبنائها بتشتري لكل واحد فيهم جهاز بلاي ستيشن خاص فيه, هذا خطأ كبير, سبحان الله الأهل بعض الأحيان من كثرة حبهم لأبنائهم والبحث عن راحتهم يرتكبوا أخطاء تربوية من غير قصد, او يمكن قصدهم البعد عن عوار الراس و والمضاربات, ياخي يتضاربوا وهم صغار لكن ما يجوا في الكبر و توصل بينهم للشيطان الرجيم..

بالنسبة لي مع أخواني ( أيام زمان ) اتذكر كنا نتضارب بقوة مين يلعب اول وليش هذا يلعب أكثر وكان يجي أبوي أو أمي يشيلوا الأجهزة علينا, بعد فترة اتعلمنا انه كل واحد بالدور له ساعة كاملة يلعب فيها يلتزم فيها واذا خلص مباشرة يسردح لول, والحمد لله بعدها ماصارت في مشاكل إطلاقا.

حاليا كل الأجهزة الموجودة عندي أنا مشتريها من جيبي الخاص, ما عندي حاليا في البيت إلا أخ واحد أصغر مني بسنتين, كان يلعب بكثرة زمان بس الآن بين فترة و فترة, و طبعا عادي تماما انه يشغل و يلعب, يكفي انه هو الي اشترى ايس كومبات 6 من جيبه P:

بس الشباب الي عندهم أخوان صغار الله يعينهم, أنا اقصد فرق عمري كبير جدا, يعني اذا جا أخوك الصغير و عمره 6 سنوات تخاف بقوة يخرب لك الجهاز والا يحذف لك Save للعبة معينة, المشكلة هذي كم مرة صارت لي لا ومن أخوي الي الفرق بيني وبينه سنتين فقط ( حرق لي الباور سبلاي حق ال 360 آخر مرة لول ).

يكفي تشوف جعمة اخوانك بالغرفة و هم فرحانين ..

ههههههههههههههه.. فيصل حسستني اني قاعد اقرأ كتاب المطالعة حق الابتدائي ( أحمد واسماء مع العائلة وكل واحد يرمي نكتة ).
 

squall leonhart

True Gamer
المشاركة بين الأخوان مطلوبة في كل شيء, والمفروض يتعلموا هذا الشيء من الصغر لأنه راح ينعكس مستقبلا في علافتهم مع بعض في كل نواحي الحياة, هذا الأسلوب يولد الأنانية و يعود الانسان انه يجيه كل شي على الساهل بدون تسويات او تضحيات, الواحد الآن لو ياخذ له لفة على المحاكم صدقوني بيلاقي غالب القضايا اثنين أخوان متنازعين على فلوس أو قطعة أرض أو إرث .. الخ. هذولي غالبهم ما اتعلموا المشاركة مع بعض وانه مهما صار الأخ لازم يراعي أخوه في كل شيء مع حفظ حقوق كل واحد فيهم.

و يلوموني فيك .....
 

m7tram

True Gamer
انا ماعندي اخوان صغار بس كبار وما يلعبون فكل شي انا شاريه من فلوسي الـDS والـPSP يلعبون فيهم خواتي الصغار بس محذرهم اشلون يتعاملون مع الـPSP ( لان الـDS خلاص شبه مات لول شاشه اللمس راحت عالم ثاني ) .
 

Hardcore Gamer

Hardcore Gamer
انا ما عندي اخوان صغار .. والجيمر الوحيد بالبيت ..اخوي اللي اكبر مني ب6 سنين كنا نلعب سوا وحنا صغار لكن مع الزمن هو زهق من الجيمز وصرت انا اللي يشتري الالعاب ... هو يلعب للحين بين فتره وفتره او اذا نزلت لعبه جديده قويه ( مثلا لو نزل جزء جديد رزدنت ايفل )
المشكله انه بعض احيان ينشب لي بوقت غلط ... مثلا اكون متحمس مع لعبه يجي وده يلعب لعبه ثانيه طبعا بما انه اكبر مني اترك له الجهاز عن طيب خاطر لكنه احيانا يجي بوقت غلط ~_~ بس عاد وش نسوي اخوي ولازم اتحمله لاني يوم كنت صغير كان يعاملني معامله طيبه وفيه له افضال علي
 

Mada Mada Dane

True Gamer
انا اكبر اخوني, فدايم يكسرون خاطري و اعطيهم اغراضي خخخ
خيمت للوي علشان اشتريه باللنش, و رجعت السعوديه علشان العب فيه واخلص زيلدا, واخواني بغوه وخليته عندهم هديه علشان كسروا خاطري ..
شريت جيتار هيرو 2 و نفس الشئ ..
شريت دي اس و نفش الشئ ..

نهبوووني وانا حي خخخخخخ ..

لما شفت ردود بعضكم قلت " يقطططع ام الانانيه " ..

يعني اخواني هذول, خير ..
أصلا لا شفت احد منهم تانن على الثاني بشئ, رحت كفخته و خذته وعطيته الثاني نذاله علشان نحاسته, او خذته و لا عطيته احد اذا اثنينهم غلطانيين .. خخخخخ

مايحتاج حتى استاذن, خخخخخخخخ وعندنا الكبير مسطير, اقوم اخوي من البلاي ستيشن 3 حقه, يروح يقوم اختي من اللاب توب, تروح تاخذ الدي اس من اختي الي اصغر, واختي هذيك تروح تاخذ الدي اس الثاني من عمر .. والمسكين ينتظر احد اصغر منه ياخذ منه شئ .. لكن مافي خخخخ ..

بس على قوله اوكس " اووه ماي جووود " على بعض الردود هنا خخخ .. شئ غريب
 

Saadawii

True Gamer
أعتقد المبدأ يخضع للظروف.

أول كنت أنا أكثر من يشتري الأجهزة، يمكن كل الأجهزة أنا اشتريتها أو اشتراها أحد لي، لكن كانوا أخواي اللي أكبر مني ما يخلوني ألعب زي ما أبي، ولا نتشارك بنفس الاهتمام بنوعية الألعاب(هم من نوعية الجيمز=كورة، على ال64 اشتروا 6 أو 7 أشرطة كورة) أنا أصغر واحد. ومن أيام الجيم كيوب صرت ما أخلي أولاد أخواني عموماً يلعبون، لأنهم تربوا على الأشرطة الكوبي وسلامة الاسطوانات مو من اهتماماتهم. ومع ذلك، أحدهم حرق الباور سبلاي حق الكيوب قبل فترة. الآن محد يلعب بالوي غيري، أولاد اخواني عندهم البلايستيشن2 اذا حبوا. مرة أو ثنتين خليتهم يجربون، لكن مهي عملية المسألة لما تحشر 10 أو 15 بزر في غرفة 4*6. بالإضافة، المسألة تخضع للتقييم. بعضهم أسمح لهم يجلسون بغرفتي لوحدهم ويشتغلون على الكمبيوتر والوي والهوم ثيتر زي ما يبون، لأني أثق انهم يعرفون كيف يحافظون على الأشياء الحساسة وأعرف أنهم يهتمون بالهدوء وأنهم ما يخربون. بعضهم لو عتب مدخل الغرفة خطر أحش رجليه.

أنا أصغر واحد، موظف ورجل كبير، لكن حتى أخواني اللي أكبر مني ما أسمح لهم يجلسون كثير بغرفتي، ليش؟ لأني ما ابيهم يجلسون فيها ويحولونها مثل باقي غرف البيت، مكان للتدخين والحوسة، حتى البيالات وعلب الكولا الله يعزكم تحصلون فيها قطوف دخان، وأنا أكره هذا الشيء بقوة بصراحة ولا يهمني أنهم يزعلون، ليش ما عندهم استعداد أصلاً يصرفون على رفاهيتهم بدل ما يتطفلون؟. هذا بالنسبة لأخواني. أخواتي على العين والراس، دايماً عندي بالغرفة نطالع أفلام، ويستخدمونها زي ما يبون، بكل ما فيها، البنات غير. أما الأشياء القابلة للاستخدام عادي، جوال سيارة وخلافه، ما أخالف عموماً إني أعيرها للي يحافظ عليها، مو عشان أخوي يخرب أشيائي(بعض الأخوان يعتقدون أنه عادي يخرب أشيائك لأنه أخوك)

بعد القرق كله، الخلاصة هي أن السماح والمنع مو مبدأ ثابت، يا أما أسمح لكل أحد والا أمنع كل أحد، المسألة بالعقل. لازم تراعي خصوصيتك، وأملاكك، وتختار اللي يستخدمها.
 

Huda

Hardcore Gamer
خخخخ حتى ملابسي ياخذونها سواء عجبني او ماعجبني لازم اتأقلم بما اني اصغر البنات :cryy:
امممم بس عادي يستعلمون اغراضي بشرط لو صار فيها شيء يتحملون المسؤوليه :evil:
وعموما محد يلعب بالبيت غيري اخوي الصغير يلعب بس قليل (راحه نفسيه خخخ)
 

DeaDMaN

True Gamer
p: أخوتي خربوا الكيوب واخذت واحد بدله , خربوا 4 يدات كيوب واخذت 4 بدلهم >_> . ارضى لهم يلعبوا بأي شي p: "لهذا هم يحرصوا على اجهزتي أكثر من اي شي ثاني حاليا ً "

.. عندي اخو كبير >_> لو عجبه أي شي اشتريته , اكثر شي ممكن يفرحني هو انه ياخذه p: .
 

Double T

True Gamer
ما عندي الا اخ و اخت ( ما تلعب الا DS ) و اخوي اصغر مني ب12 سنة اشتريتله الWii عشان لا يبهذلني في اجهزتي

بس اخليه يلعب اذا طلب ( فورتشوا تنس خخخخ ) .. زمان كنت اخليه يلعب بالدريم كاست زي ما يبغى و النتيجة خرب

انا عشان احد يلعب بجهازي لازم يكون كبير + يعرف للجهاز عشان لا يمسح شي و الا يخرب .. خصوصا الحين سالفة اليوزرز سهلت المشكلة للي عنده جهاز يبلعب فيه اكثر من واحد

عندي قاعدة تقول " اجتماع عيال صغار على جهاز = خرابه "
 

*legend*

Hardcore Gamer
غرفتي بالبيت في المركز للعائلة الكريمة
مقهى النت و الآركيد و السينما , و مبسوط معهم و آخر حلاوة
حتى بأيام الإختبارات تكون الـ Studyhole للي عنده اختبار
عندي اخو واحد بس يلعب بالبيت , اصغر مني بـ 9 سنوات , و محافظ على الاجهزة , و ما شفت منه شي لجيلين , لول
لما يجي لي احد اصحابي غالباً اجلس معه بالغرفة , و حتى اختي - اصغر مني بـ 3 سنين احيانا لما تجيها رفيقتها تجلس معها بغرفتي لما اكون مو موجود ...

الأشياء المفقودة هي لعبة كيربي cc و سونيك رش للدي اس , مع ان اغلفتها موجودة ...
الشي الوحيد اللي متضايق منه ان الفرش " الزولية " صارت مبقعة , و هي بالأساس لونها فاتح -__-" >>> غلطة حياتي ...لول
 
التعديل الأخير:

Zero

فريق الأنمي
أنا من النوع اللي يحافظ بشكل شديد على أغراضه الشخصية ، ولا أبغى أحد يتعبث فيها ولو طلب مني الإذن مو مشكلة ولو كان يحافظ على الشي راح يكون دافع أكبر بأن أعطيه الإذن ..

اللي أكبر مني ما يهتموا بالجيمز واللي أصغر مني يلعبوا .. اثنين من أخواني صغار والـGBA ممشيهم وواحد عنده DS وأنا لي جهازي أيضا واللي أصغر مني على طول وعمره 13 سنة عادي لو قال يبغى يستخدم الدي اس أو البي اس بي مثلا لأنه واعي وبيحافظ على الشي وعارف أني حريص على أغراضي مع أن اهتمامه بالجيمز مو مثل أخوي اللي أصغر منه ولكن طبعا بعد أخذ الإذن مو يروح يفتح درجي ويسحب الدي اس لول !

في النهاية ترى ما تسوى تزعل أخوانك وإذا كنت عارف أنهم ما راح يضروا أغراضك بشي هذا يعطي دافع أكبر للعطاء ، لكن طبعا بعد إذن منك وعموما أنا ذوقي في الجيمز ما يناسب أخواني إلا في ما ندر.
 

Ash Storm

True Gamer
الي ما يشارك شي سهل زي الفيديو جيمز فهو ما يحتاج يراجع نفسه و علاقته مع اخوانه بتمعن .. اذا الفيددو جيمز التافهه يمنعهم عنها كيف لو كبروا و فرفتهم الحياه ايش يصير
من جد!

لان اساساً الفيديو جيمز و الأفلام و هذي الأشياء ما تستاهل للمشاكل و العصبية لو شي ضاع او اخترب -بدون قصد- لانك في النهاية ممكن تجيب لك غيرها!
 

Tomb raider

True Gamer
وسوري عبدالعزيز اذا كان في اقتباسي لكلمتك اهانه لك أو ماشابه..:smile:
ههههه لا عادي ، اخويه كان يبغي يبيع جهاز اللي احترق مع الالعاب علشان يشتري غيره ، فقلت بشتري منه اللعبتين ، وانا من الاساس ما استخدم جهازه خلاص ، لأن في مره حرقته حقه ....
فعلشان جذي ما حبيت استخدم جهازه ال360 لأن مافيه بعد مره يحترق عليه :/

-----
بس بالنسبه لمشاركة الاجهزه ، مممم اخواني اللي اكبر مني عادي ، بس الصغار لأ خصوصا عيال اخويه :/
+
ما احب احد يستخدم لابتوبي او احد يتعبث بالموبايل ...
عموما موضوع حلو صراحه :)
 
التعديل الأخير:

Mr.3B

True Gamer
...

أنا عندي قاعدة .. الأشياء الي استخدامها شخصي ما أخلي أحد يلعب فيها الا ناااااااااااااااااادر .. يعني أجهزة محمولة .. أو لابتوب .. في حين الأجهزة الكونسولز .. أنا أخواني ما عرفوا الكونسلز بدوني .. تقريبًا كل مونسول في البيت أنا الي شاريه .. وعندي 5 أخوان أصغر مني .. وأحلى وناسة لما تلعب انت وأخوانك ألعاب زي الميني جيمز .. واذا واحد كان فيهم فنان ألعاب احترافية بصراحة أقدر أعتبر ان هذا من أكبر النعم .. أنا أخواني خربوا علي مثلا الكيوب .. وكسروا أمه (غير سالفة الأشرطة والحمامات :yuck:) .. صح أعصب شوي .. بس بالنهاية اشتريت جهاز جديد وخليتهم يلعبون فيه


في حالات زي الدي اس .. من جد كانوا معجبين بالحهاز .. وكنت أخليهم يلعبون فيه من فترة لثانية .. قلت أشتري لكل واحد منهم جهاز أحسن شي .. كل واحد بهذي الطريقة يحافظ على جهازه ويقدر ثمنها وبنفس الوقت أنا أحافظ على جهازي وبنفس الوقت أيضًا أخليهم يشاركون الألعاب الي شريتها لهم مع الجهاز


حاليًا أسكن لحالي فما عندي هذي المسألة .. بس كل ما رجعت من السفر أجيب لهم جهاز جديد .. كونسول غالبًا
 

Rockman

Hardcore Gamer
انا باعطيكم اياها بالاخر

ما عندي اخوان والخوات ماكو اهتمام فيديو جيمز " بروحي :cryy: "

بين الشباب

لو تبي اللي تبي تلعبه بديوانيتي حتى لو تمسح السيف وتعيدها من اول ماكو مشكلة

تاخذها معاك هني افكر عموما انا بس اعطي 3 اشخاص حاليا " كانوا 4 لكن واحد خان الثقة وعطى شغلتي لواحد اخر بدون حتى ادنى اذن "
 

hamad 11

True Gamer
يعني بتهفمني مثلا ان في واحد شاري 360 ولا بلاي ستيشن 3 ومو مخلي احد من اخوانه يلعبه ولا يلمسه ؟ ولازم يشترون لهم واحد جديد ؟؟

اوه ماي جود :gasp:


الاكس 360 عادي كل اخواني يلعبوا فيه وكل واحد عنده بروفايل خاص فيه..

اما ايام الـPS2 كنت نذل ما اخلي احد يلعب فيه.. وفيه اشياء للحين ما اسمح لأخواني يستعملوها

والشي ماله أي دخل بالأنانية + الحمدلله علاقتي مع أخواني ممتازة وأكبر من أنها تتأثر بكمين لعبة ما خليتهم يلعبوا فيهم أو ما خلوني العب فيهم..
 

Mista Koo

Creative Director
هو فعلا الصغار مشكلة.. بس الكبار ما أشوف فيها أي شي أبدا
الصغار (مو إخواني) كانوا يطفشوني يبون يلعبون بالدي اس.. في البداية كنت أخليهم بشرط يقعدون جنبي وما يستخدمون شاشة اللمس.. بس الحمدلله صار عند كل واحد دي اس وريحوني (خصوصا لما أشوف دي اس قريب ثاني بنفس العمر أنواع البقع عالشاشة والخدوش والخ)
الويي أخليهم يلعبون بمراقبتي.. بشرط تكون يدينهم نظيفة ويحطون الـstrap على يدهم ويوخرون عن الأثاث P:

أما الكبار عادي.. الويي محطوط في الصالة وإختي تلعب فيه أكثر مني >.> (ألعاب vc)
وإختي الثانية أدمنت picross وصارت تلعب بالدي اس أكثر مني xD
 

Zeyad

True Gamer
انا اكبر اخوني, فدايم يكسرون خاطري و اعطيهم اغراضي خخخ
خيمت للوي علشان اشتريه باللنش, و رجعت السعوديه علشان العب فيه واخلص زيلدا, واخواني بغوه وخليته عندهم هديه علشان كسروا خاطري ..
شريت جيتار هيرو 2 و نفس الشئ ..
شريت دي اس و نفش الشئ ..

نهبوووني وانا حي خخخخخخ ..

لما شفت ردود بعضكم قلت " يقطططع ام الانانيه " ..

يعني اخواني هذول, خير ..
أصلا لا شفت احد منهم تانن على الثاني بشئ, رحت كفخته و خذته وعطيته الثاني نذاله علشان نحاسته, او خذته و لا عطيته احد اذا اثنينهم غلطانيين .. خخخخخ

مايحتاج حتى استاذن, خخخخخخخخ وعندنا الكبير مسطير, اقوم اخوي من البلاي ستيشن 3 حقه, يروح يقوم اختي من اللاب توب, تروح تاخذ الدي اس من اختي الي اصغر, واختي هذيك تروح تاخذ الدي اس الثاني من عمر .. والمسكين ينتظر احد اصغر منه ياخذ منه شئ .. لكن مافي خخخخ ..

بس على قوله اوكس " اووه ماي جووود " على بعض الردود هنا خخخ .. شئ غريب

اتفق معك بكل كلمة قلتها..

وضعك مثل وضعي اكبر اخواني ,, ومن ناحية الاجهزة تقريباً مافي الا اخوي ياسر يلعب 360 ودي اس بس بعد ماشرينا wow هجرنا الاجهزة الى الابد :yuck:
 

Avenas

Gamer
والله في ردود عجيبة هنا ..
بما اني اكبر اخواني .. طبعا اتحكم في كل شئ بس اشارك كل شئ الا الـPC !
 

Magnificent

True Gamer
و الله بالنسبة لي من أولها عشان ما تصير مشاكل ما اشتري الجهاز لحالي ، و انتظر اخواني لين ما يتجمع معهم اللي يكفي عشان يقطون في قيمة الجهاز عشان يكون مشترك بيننا ، و بعد ما نجيبه نكون إلى حد كبير متافهمين فيما يختص بمين يلعب و ايش نلعب و متى نحط لعبة متعددة اللاعبين الخ...
 

ASWD

True Gamer
الطرح وفهم الفكرة غلط في غلط والبركة في اسلوب سرد الموضوع..

فيه امور اسمها اشياء خاصة مثل موبايل وغيره انا استغرب من اللي يقول لا عادي يشوفو موبايلي ويتعبثو فيه ألخ..هنا اسمه في بعض الحالات*لامبالاة* يعني عندك اشياء خاصة ماودك يشوفها غيرك وبما انك ماتمانع من استخدام الغير لغرضك الشخصي شاف هالامور بالغلط وقام ونشرها انت بتفرح ساعتها؟

انا شخصيا من الاشخاص اللي اعتبر غرفتي شي خاص جدا ما اسمح لاحد يدخلها بدون اذني وكل شي واقع داخل هالغرفة تعتبر امور خاصة..هذي مايسموها انانية ولا يسموها كره ولا يسموها عدم مشاركة الاخوان..هذي يسموها*خصوصية*

اما بخصوص استخدام الاجهزة وغيره فالحمد لله اخواني الكبار في السن ما امانع انهم يستخدمو بعض اغراضي مثل اخوي اللي اصغر مني بسنتين ونص صار له فترة مطيح في غرفتي وكل لعب في اساسينز كريد مع انه ماهو من عشاق الجيمز.او اذا كان احد اخواني الكبار وده ماكينة الحلاقة وغيره من الاشياء اللي اشوفها عادية لو استخدموها..غير مشاركتي مع اخواتي واخوي الكبير خط الانتر نت مع انه لمت ويادوب يكفيني.ناهيك عن الافلام اذا طلبوها مني ما امانع ابدا .وغيرها من الامور اللي ما تتعارض مع مفهوم الخصوصية

اما اخواني لصغار فما فيه امل كونهم مهملين مع اني ماخذ لهم بلاي2 خاص فيهم يعني مفروض يحافظو عليه لكن مافي فايدة الالعاب اعطيهم بعض الاحيان لكن بالفترة الاخيرة كنسلت لانهم خربو لي في اخر شهرين تقريبا 5 العاب وكلهم تقريبا العاب محترمة..اقرب واحد لي فيهم*اخواني لصغار* الفارق بيننا 7سنوات
 
التعديل الأخير:
أعلى