مشاركة الأخوان !!

[s3rorh]

السلام عليكم ورحمة الله وبركاتة​

ابشركم , وأخيرا المطر نزل :cryy: ألحين الواحد يقدر يروح البر وما يشيل هم الغبار المزعج وتصوروا من أول ما قعدت من النوم الساعة 11 الصبح تقريباً لغاية الأن * 9:35* , والمطر شغال :cooool:
يالله نحمدك ونشكرك على هذى النعمة

مو هذا موضوعنا , موضوعنا يتمحور و يفتر حول عدم مشاركة الاخرين بجهازك !!
يعني لاحظت في وايد شباب برا المنتدى واهني يقول لك : ودي اجرب هالجهاز ,, وودي اشتريه بالعطلة بس ما عندي فلوس , وودي ....إلخ

بس بعدين اكتشف بأنه أخوه ألي ساكن وياه بنفس البيت وياكل وياه و يسولف وياه وألي مقابل وجهه 24 ساعه لغايه ما زهق منه ,,يكون عنده الجهاز ألي وده اخوه المسكين يشتريه ..

يعني من جد ماني عارف ليش الواحد ما يخلي اخوه يلعب بجهازه !!
والله يا أنه الأجهزة ألي شريتها و ألي راح أشتريها ,, ما استمتع فيها إلا لما ألعب بالجهاز ويا اخواني ,, يعني اخوانك بيسوون لك جو خاص , أحسن من أنك تلعب بروحك
ولدرجة اخواني بدأو يقولون لي
( يا اخي الكبير , متى تشتري لنا جهاز نكست جين لكي نشاركك باللعب !! )

فا ماني عارف ليش هذه الظاهره منتشره ,, لا أدري *على وزن ماذا اسوي؟*


ملاحظة :
- الموضوع كان المفروض ينزل من أمس .. بس ما قدرت اكمله كله ... فا كملته اليوم وها هو أمامكم
فا ما عليش على بعض الأحداث القديمه P:
- قعدت ربع ساعه افكر بعنوان للموضوع زي العالم ما لقيت

 

[Colorization]

عندي أجهزة وما أخلي أحد يلمسها. وين المشكلة؟ أجهزتي شريتها بفلوسي، انا حر اسويها فيها اللي ابي واقرر منو اللي يلعب ومنو اللي ما يلعب.

 

[SALAH]

لول ..احمد ربك انها جات على هيك

انا شفت موقف في بيت صاحبي ما بنساه أبدا , مثال لتعاسة الأخوة وانعدام التوافق بينهم

ببساطة اجا عندي صاحبي يقول لي بدي اركب خط DSL عنا بالبيت , شو التكلفة ؟
قلت له يكلفك كذا وكذا , لكن بعدين اتذكرت وقلت له : بس تعال ياولد انتو عندكم DSL بالبيت من زمان وانا بنفسي اشتغلت عليه ؟!

قال لي ايه صح عنا واحد بس مش لنا هذا ..فقط لأخي !
قلت له كيف مش فاهم ؟

فقال انه اخوه مركب الكمبيوتر في غرفة ومقفل عليه , واللي بده يستخدم الكمبيوتر والـDSL لازم يدفع له 10 دراهم عشان يجلس ! ..والمشكلة انه الاب موافق ويقول هيه أحسن خليه يطلع مصروفه بنفسه هيك الصح !!!! <<< خوش عيلة والله !



والله ياخي انا الصراحة أضم صوتي لك..انا كمان مستغرب والله من الناس اللي ماتعطي اخوانها صلاحية استخدام اي جهاز او أداة يشتريها هو لنفسه , أجل اذا اخوي ما عطاني جواله او ماشابه للاستعمال بشو رح ينفعني بالمستقبل لما اتورط او يحصل لي مشكلة واحتاج مساعدته ؟

انا ماعندي أخ للأسف , لكن عندي أصدقاء اعتبرهم أعز من الاخوان واسمح لهم يجربوا كل شي املكه , كمبيوتر او موبايل او سيارة و أي شي ..والله ماعندي مانع أصلا شو حامل معاي للقبر أنا ؟
بس العلة من الناس اللي تفكيرها غلط و تسوي زعيم على اخوانها , الله يهديهم بس ...

 

[Dante]

عندي أجهزة وما أخلي أحد يلمسها. وين المشكلة؟ أجهزتي شريتها بفلوسي، انا حر اسويها فيها اللي ابي واقرر منو اللي يلعب ومنو اللي ما يلعب.

سيم سيم .

 

[Humam]

غيرت الافاتر علشان صاحب العضوية يتم مجهول الهوية ومحد بيتعرف عليه ,, فا رجاءاً ألي بيعرفه أرجو بأنه يحتفظ بهذى الشغله لنفسه

ما يحتاج تستخدم أسلوب السخرية, ثم مناقشة قرار شخصي لأي انسان ما أعتقد انه داخل دائرة اهتماماتك, اذا كان فعلا عندك موضوع او قضية حاب تطرحها للنقاش فالمفروض تطرحها بشكل عام بدون ضرب أمثلة, لكن الي يبدو لي انك طارح الموضوع لغرض استهزائي..

على فكرة انا يعجبني فيلم Rise to Honor.

 

[Xeno]

بصراحة موضوع + طرح تافه.

بتسألني عيل ليش دخلت ورديت!؟ عشان أقول ذي الكلمتين بس. :cooool:


تحرير: ياخي همام أنت... لا لا بعدين نكشف سر المهنة.

 

[Mista Koo]

هو أنا فعلا مستغرب من هالشغلة.. لكن ما رح أفهمها لأن في الوقت الحالي محد غيري يلعب فيديوجيمز بالبيت إلا خفييييييييييييييييف
(بس حسب إدعائات بعضهم أنا اللي قتلت the gamer inside them بإحتكاري للأجهزة طول الوقت >.>)

 

[Colorization]

على فكرة انا يعجبني فيلم Rise to Honor.

كنت أظن إني الوحيد اللي عاجبه الفلم. :bigSmile: لول

 

[Final Fantasy]

الحمدالله أخواني لما كانو يشترون الأجهزة يتركون لي الحرية و المجال أني ألعب فيهم و أتشاركه معاه كأنها أجهزتي .. بالنسبة للانترنت فخط الـ DSL الي عندي قاعد أتشارك فيه مع أختي من غير أي منة و لا بعد راح أزيد السرعة لـ 1 ميجا علشان لما تشبك من جهازها وايرلس و أكون أنا مشغول بتحميل أفلام أو مسلسلات أو شغلات ما يثقل عليها السرعة بشكل كبير .

 

[s3rorh]

همممم ... يبدو بأنه همام خلص الكلمتين ألي كان من زمان يبغى يقولهم ... واستغل الفرصه في المكان الغير مناسب
وبالنسبة لإستنتاجك ,,, اسمحلي أنت تطالع للأمور بزاويه ما ادري من وين .. ومو غرضي شي من وراه

ما علينا

علشان ما يتنقلب الموضوع

عندي أجهزة وما أخلي أحد يلمسها. وين المشكلة؟ أجهزتي شريتها بفلوسي، انا حر اسويها فيها اللي ابي واقرر منو اللي يلعب ومنو اللي ما يلعب.

بس اسمحلي هذى اسمها أنانية ...

 

[Xeno]

و لا بعد راح أزيد السرعة لـ 1 ميجا علشان لما تشبك من جهازها وايرلس و أكون أنا مشغول بتحميل أفلام أو مسلسلات أو شغلات ما يثقل عليها السرعة بشكل كبير .

ماعتقد بيساعد؟

بيساعد زيادة سرعة تحميلك فقط لووول.

 

[Colorization]

بس اسمحلي هذى اسمها أنانية ...

لي كامل الحرية أتصرف بممتلكاتي بالشكل اللي ابيه ومحد يحق له يسائلني عن هذا الشي لأنها حرية مطلقة. إن كنت حاب أتشارك بأغراضي مع أحد فهذي طيبة مني، وإن ما حبيت أتشارك مع أحد فآنا حر.

 

[Humam]

همممم ... يبدو بأنه همام خلص الكلمتين ألي كان من زمان يبغى يقولهم ... واستغل الفرصه في المكان الغير مناسب

هذي قرصة اذن حتى تعرف اننا " نعرف " وتاركين لك المجال بإرادتنا, لعل و عسى تندمج في منظومة المنتدى, بس دام ردودك كلها تريقة و استهزاء أنا اقترح انك ترجع تفتح منتدى الصرقعة والفرفشة لأنه صدقني أنسب لك.

ماعتقد بيساعد؟

بيساعد سرعة تحميلك فقط لووول.

خخخخ يس.

 

[SALAH]

لا بعد راح أزيد السرعة لـ 1 ميجا علشان لما تشبك من جهازها وايرلس و أكون أنا مشغول بتحميل أفلام أو مسلسلات أو شغلات ما يثقل عليها السرعة بشكل كبير .

لول صحيح محمود هالشي مارح يساعد أبدا ..سرعة التحميل رح تزداد والضغط رح يظل كما هو :yuck:

 

[NSider]

أنا الكبير بين إخواني، فالمسؤولية طاحت علي في أني أشتري الأجهزة والألعاب كلها تقريبا بفلوسي.

مع أن أخوي اللي أصغر مني بسنتين يلعب جيمز، إلا أنه ما اشترى إلا لعبتين في حياته: بوكيمون (بأجزائها)، وهارفست مون DS. الباقي كله من ألعابي، مع أن ذوقه مختلف بقوة عن ذوقي (لكنه فاجأني مؤخرا بأن بايوشوك عجبته). والشي الوحيد اللي آخذه منه هو سيارته الجديدة، اللي لولا موافقتي ما كان شمها حتى..

وأخوي الثاني (الصغير) أخليه يلعب Wii أو DS بموافقتي فقط، لكنه أكثر من مرة حرق علي محول الـWii وضيع قلم أو شاحن الـDS. وطبعا ما أستفيد شي منه.

الخلاصة: الأخوان الكبار حتى لو شاركوا أغراضهم كلها، ما بيستفيدون شي إلا احتمال خرابها أو ضياعها.. لكن يظلون الإخوان إخوان، وما أقدر أتخيل الشعور اللي ممكن أحس فيه لو أخوي منعني من أني ألعب جيمز لما ما يكون عندي فلوس أشتريها، خصوصا أن أحلى ذكرياتي كانت لما كنت أروح بيت خالتي وألعب مع ولد خالتي بالـNES والصخر حقين أخوه الكبير (اللي أكبر مننا بـ5 سنين). لو ما كان يخلينا نلعب، أتوقع ما كان صرت ألعب الحين إلا حرامي السيارات والدوري الياباني.

 

[s3rorh]

هم يبدو بأنه الموضوع بيخرب والسبب الشلل * ألي مفروض تكون ممنوعة*

ويا همام ... بالله تخيل معاي :
المنتدي = بيت
المشرفين = سكان البيت
الأعضاء = الزوار/الضيوف

يعني بالله اذا انا زرتك مره بالبييت ... تتوقع اذا زرتك بعد سنتين ... هل راح تنساني !! أكيد لأ .. لأنك تعرف مين ألي داخل ومين ألي طالع
بالمختصر .. ما جبت شي من عندك وما قلت شي أنا اول مره ادري فيه .. وللأسف أذني ما احس فيها *الجو بررررد*

وسلامتكم ^^

 

[hamad 11]

بس اسمحلي هذى اسمها أنانية ...

مو بالضرورة تكون أنانية

فيه بعض الأشخاص ما يحبوا أحد يلمس أغراضهم أو يستعملها.. عندك Monk :slant:.. وهذي طبيعة فيهم يعني مب أنانية ولا شي

وفيه أشخاص هالشي عندهم عادي



بالنسبة لي فيه أشياء اسمح للناس تستعملها وأشياء ما اسمح..


الـPS2 مثلاً أخواني لو تطلع روحهم ما كنت اخليهم يلعبوا فيها.. أخر شي اشتروا لهم واحدة :cooool:

 

[Futrus]

عانيت من هالسالفه شوي وانا صغير الحين هممم احاول اشارك اخواني باللي عندي بس هم ما يبون ، زين جات منهم P:

 

[AMG]

في البيت عندي ممكن لاي احد استخدام اي جهاز من اجهزتي (( ما عدا الابتوب و الموبايل )) لان بصراحة اشوف الي ما يشارك مع اهله انسان ...... خلني ساكت احسن


بالنسبة لاجهزة الالعاب هو في حرية مثلا لمحمد اخوي انه يستخدم البلايستشين 3 حقي و انا استخدم ال Wii حقه لكن هذا الشي نادرا ما يصير اساسا

فقال انه اخوه مركب الكمبيوتر في غرفة ومقفل عليه , واللي بده يستخدم الكمبيوتر والـDSL لازم يدفع له 10 دراهم عشان يجلس ! ..والمشكلة انه الاب موافق ويقول هيه أحسن خليه يطلع مصروفه بنفسه هيك الصح !!!! <<< خوش عيلة والله !

لا حول ولا قوة الا بالله :sealed:

 

[Final Fantasy]

ماعتقد بيساعد؟

بيساعد زيادة سرعة تحميلك فقط لووول.

خخخخ يس

لول صحيح محمود هالشي مارح يساعد أبدا ..سرعة التحميل رح تزداد والضغط رح يظل كما هو

لا والله جد ؟!؟!؟!

خييييييبة -____-

 

[Gon freeces]

امم , عن نفسي ما أخلي أخواني الصغار يلعبوا بكل ألعابي , يعني الوي +الدي اس +بعض ألعاب البي اس 2 +GBA ما يلعبوا فيها (علمًأ الفرق بيني و بين أخوي الأول 9 سنوات و الثاني 11 سنة) , ليش ؟ لأنهم (أكثر من مرة) خربوا ألعابي و مسحوا تخزيناتي.

تعديل : أخواني الكبار عادي يلعبوا أكيد , لأنهم واعيين+ يحافظوا على الشي.

 

[NSider]

لا والله جد ؟!؟!؟!

خييييييبة -____-

ممكن تحط ليمت معين على سرعة التحميل، وممكن تخلي الليمت هذا في أوقات معينة من اليوم.

 

[The Last Fantasy]

ممم..

أنا الأكبر بين أخواني، أجهزتي تعرّضت لجرائم من أخواني الصغار. الفارق بيني وبين أخوي الصغير 9 سنين، والأصغر 12 سنة لول، قبل كم سنة صار عندنا جهازين PS2 عشان الكل ياخذ راحته، بس دايم يرجعون لجهازي يوم يخرب جهازهم، والله يعين جهازي يومها P:

بس ما لها داعي تحرم أخوانك من شي هم يبونه، ما أقدر أتخيل شعورهم لأني ما عشت لحظات شبيهة لول. عموماً الشغلة ما تسوى، خل عينك عليهم وهم يلعبون لو خايف على الجهاز.

 

[Strife]

الأخوان الكبار حتى لو شاركوا أغراضهم كلها، ما بيستفيدون شي إلا احتمال خرابها أو ضياعها.. لكن يظلون الإخوان إخوان، وما أقدر أتخيل الشعور اللي ممكن أحس فيه لو أخوي منعني من أني ألعب جيمز لما ما يكون عندي فلوس أشتريها، خصوصا أن أحلى ذكرياتي كانت لما كنت أروح بيت خالتي وألعب مع ولد خالتي بالـNES والصخر حقين أخوه الكبير (اللي أكبر مننا بـ5 سنين). لو ما كان يخلينا نلعب، أتوقع ما كان صرت ألعب الحين إلا حرامي السيارات والدوري الياباني.

بالضبط مثل حالتي.. انا في البداية ماكنت اسمح اشارك.. بس بعدين صرت اشاركهم بكل شيء.. المشكلة مثل مذاكرت هي احتمال تلف الجاهزة او الالعاب.. وهذي حصلت لي كذا مرة ..

 

[The Sinner]

بالنسبة لي الحمدلله مفتك من هالسالفة انا الوحيد اللي العب جيمزبالبيت بس انا طبعي تقريبا اني احب اغراضي لي مش سالفة انانية بس زي ماقالوا الشباب ماتحب احد يلمس الا اذا كان واعي لان اكثر من مرة صارتلي ان واحد صغير لعب باجهزتي وماشاء الله انواع الكوارث اللي يمسح التخزين منهم بداينستي لاعب فوق ال80 ساعة وميتل جير خلاص يوم وصلت لسوليدس على ايام زمان ايام السيجا واحد يحطه ب220 وهو 110 ونفس الشي مع السوني يعني حوسة عشان كذا ما احب احد يلمس اغراضي

 

[Mista Koo]

الحمدلله ما عندي إخوان صغار P:

 

[Final Fantasy]

ممكن تحط ليمت معين على سرعة التحميل، وممكن تخلي الليمت هذا في أوقات معينة من اليوم.

شلون ؟!؟!:sealed:

 

[SALAH]

الحمدلله ما عندي إخوان صغار P:

خخخ الحمدلله ما عندي أخوان أساسا :yuck:

 

[Colorization]

هذا sample من أحد السيديات الضايعة:

sample من أحد الديفيدي'ز:

وعندي ألعاب DS من دون أغلفتهم، وأغلفة من دون ألعاب. عندي ملايين أغلفة الـGBA بدون الكارتريدج، أفلام من دون سيديز، والأمثلة كثيرة بهالناحية (غالباً الغلاف موجود لكن المحتوى ضايع). واليوم اللي شريت فيه ماس إيفكت إكتشفت إنه غلاف PGR4 مو موجود وهذا أكثر شي مضايقني حالياً.

أخواني اللي فالجامعة ما امانع اعطيهم اي شي يطلبونه (لو رفضت آنا حر :\ ولو إني ما ارفض)، لكن أخواني الصغار مالهم أمل أعطيهم شي. من تجربتي الواسعة مع الصغار عرفت إنهم بعمر يخلي الثقة فيهم صعبة خصوصاً مع هذي الأشياء.

عندي MP3 player مكسور بعد لكن ما لقيته لول.

 

[NSider]

شلون ؟!؟!:sealed:

في نفس إعدادات برنامج التورنت. أي برنامج تستخدم؟