مستعد للـNext-Gen ؟

[Mesharey]

بعد هالسنوات اللي قضيتها مع هالجيل تحس أنك اكتفيت منه ومستعد للجيل القادم ؟
ولا تشوف ان هالجيل عنده أشياء للحين ماقدمها ؟
اشتريت تلفزيون HDTV للجيل القادم ؟ ولا تشوف ماله داعي ؟


بالنسبة لي ..
أحس اني اكتفيت من هالجيل خلاص -__-
بس باقي ممكن أقل من 5 العاب يستحقون الانتظار في هالجيل ..
حتى آخر الألعاب القوية اللي نزلت ما اهتميت لها صراحة :exclamati
في العاب كثيرة ممتازة نزلت بالفترة الأخيرة لكن لعبتها لمدة اقل من ساعة وتركتها مثل برينس اوف برشيا 2 - سبلنتير سيل 3 - رادييتا ستوريز - كونكر - جيد امباير ... إلخ ماراح اخلص P:
آخر لعبة انهيتها كانت We Love Katamari قبل شهر ممكن وقبلها فاينل 7 بعطلة الصيف ~__~
هو في مشروع اني اخلصهم لكن بعد ثلاث العاب آربيجي .. زينوساجا 2 وستار اوشن 3 ودراجون كويست 8 .. متى اخلص الله اعلم P:

وبالنسبة للـHDTV اشتريت واحد قبل فترة وجربته على الأكس بوكس .. ماكان الفرق كبييير كان الفرق حلو ..
بالأحرى ماكان يستاهل هالفرق تلفزيون جديد ..
لكن اعتقد انه ضروري للنكست جنريشن ..

u ؟

 

[Ash]

لا .البلايستيشن 2 مو قادر أبد ألحق على ألعابه , و في ألعاب كثيره أنتظرهم في هالجيل مثل روج جالاكسي و فاينل فانتسي 12 و توايلت برنسيس و كنقدوم هارتس 2 .. الخ , و أشوف انه الوقت المثالي للجيل القادم هو أخر 2006 و بداية 2007 , و بصراحه للأن ما اكتفيت من هالجيل .

 

[rubso]

بعد هالسنوات اللي قضيتها مع هالجيل تحس أنك اكتفيت منه ومستعد للجيل القادم ؟

انا احس اني اكتفيت نعم بهذا الجيل، بس باقي لعبة وحده انتظرها على نار حالياً هي Onimusha 4 .. وان شاء الله اذا ما الغوا زيلدا بعد راح تكون بالقائمة موجودة فقط لا غير... أنا مستعد تماماً للجيل القادم، وراح ادشن بدايتي بشراء الـ X360!

اشتريت تلفزيون HDTV للجيل القادم ؟ ولا تشوف ماله داعي ؟

عندي تلفزيون HDTV Projection ضخم وعجيب، وصورته فنانه وصوته قوي .. وجربته بالاكس بوكس على Ninja Gaiden لكن ما لاحظت فرق كبير جداً .. وانا اقول انه الـ HDTV ماله داعي، لانه بالنسبة لي أغلب العابي اللي اختمها لازم العبها على شاشة 14 بوصة ، او بالكثير 25 بوصة "لاني ادوخ من الشاشات الضخمة" ..

 

[Mesharey]

اممم بالنسبة للألعاب اللي انتظرها هالجيل اونيموشا 4 ، كنجدوم هارتس 2 ، فاينل 12 ، زيلدا و روج جالاكسي .. مو متذكر شي بعد ..

لكن طبعا في العاب قوية بتنزل ياخذها إن شاءلله لكن ماراح يكون عندي حماس عشان انهيها بسرعة ..
مثل ايس كومبات ممكن ..

 

[Golden_Sun]

بالنسبة لي .. لـــع مو مستعد .. طبعاً انا اتكلم عن الأكس بوكس 360 .. تو النااااس على نكست جينريشن عالاقل بعد 6 اشهر واكثر!

اما باقي الاجهزة اللي موعدهم السنه القادمة وقتها بكون مستعد لهم = ) ..

بالنسبة للـHDTV منوووووو ما وده!! .. بس الفلوس ما تقعد بإيدي حتى اقدر اشتري واحد! ممكن خلال السنه القادمة ^^ احتمال كبير!..

هل انا متحمس للـ360؟
لأ .. مع احترامي لعشاقه ومنتظرينه .. ما اشوفه يصلح لي

هل انا متحمس للـPS3؟
اهتمامي فيه يزيد كل مرة!

هل انا متحمس للـRev؟
اكثر جهاز متحمس له = ) .. مو بس لأني اعشق نينتندو .. فكرة الجهاز كلها دخلت مزاجي بقوة واشوف ان طريق نينتندو اللي تسكله هو بالضبط ما اريده انا من الفيديو جيمز!

 

[M 7 L]

السلام عليكم...


انا من ناحيتي أشوف إن الجيل هذا ما زال يقدر يقاوم مسافات طويلة أكثر وأكثر...

وأعتقد أيضاً إن وقت صدور الإكس بوكس 360....غير صحيح أبداً....لأن ما أعتقد في أحد متحمّس لدرجة إن ينزل الجهاز في هاذي الفترة...وغير كذا الألعاب إلي صدرت عاديّة جداً...وأكثرها ( منظور أوّل ) لمتى بنقعد على منظور أول !! ....لازم يكون فيه ألعاب فيها أفكار جديدة....

وأنا أشوف إن الريفو هو الجهاز إلي سار على النهج هذا وهو الأسلوب المبتكر...وأعتقد سوني راح تكون معاها في هذا النهج أنا الإكس ما أتوقّع....


وفي النهاية أقول ما زلت ألعب بهالجيل وأبغاة يطوّل أكثر...وأنا بإنتظار P S 3


سلام.........

 

[Kratos]

لسا باقي شوي .. لما تنزل FFXII و KH2 و زيلدا على الكيوب بيكون خلاص الألعاب المهمة أنتهت بالنسبة لي ..
بس تبقى العاب ثانية مثل إيس كومبات زيرو و روج جالكسي لازم أجربها
الـ HDTV و الله أنا جربت هيلو 2 .. و الفرق زي ما قالوا الشباب مو ذاك الكبير بس لسا أفضل من الوضوح العادي ..
أتوقع نشوف الفرق بيكون أكبر مع دخول الألعاب الي تدعم دقة أعلى في الـ 360 , PS3

 

[Final Fantasy]

لما أنتهي من هالألعاب .. :


Wild Arms Alter Code: F
Prince of Persia 3
Xenosaga III
Onimusha: Dawn of Dreams
Phantasy Star Universe
Tales of Legendia
Black
Grandia III
Wild Arms the 4th Detonator
Ryu ga Goto Ku
Kingdom Hearts II
Shadow Hearts: From the New World
Final Fantasy XII
Tomb Raider: Legend
Dirge of Cerberus: Final Fantasy VII
Tales of the Abyss
Ape Escape 3
Code Age Commanders
Okami
Rogue Galaxy
Suikoden 5
Splinter Cell 4



.... ساعتها أكون مشطب على هالجيل تماما .. و أنتقل كليا للجيل القادم

 

[Aizmov]

ردي مثل رد محمود و خط خط تحت فاينل فانتسي 12 و كينج دوم هارتز 2
و تلفزيون الـ HDTV لازم اشتريه ^^

 

[Futrus]

للحين ما شبعت أبداً من هالجيل ولا اللي قبله أنا شريت الPS2 في أواخر ال2002 وللحين مو ملحق ألعب الألعاب القديمه وحتى الجديه والإكس بوكس شريته في نهاية 2003 وندمت والجيم كيوب للتو شاريه وماعندي ولا لعبه وياه يعني بصراحه أعتبر نفسي للتو بادي في الجيل الحالي والجيل السابق كل يوم أكتشف إن فيه ألعاب فاتتني و تستحق ألعبها لذا قررت تأجيل شرائي لأي جهاز للجيل القادم حتى أحس بالإكتفاء الكلي من الموجود عندي حالياً ويمكن ما أشتري أي جهاز أصلاً! يمكن أشتري الPS3 بعد 3 أربع سنين أو أكثر

 

[hussien-11]

بعد هالسنوات اللي قضيتها مع هالجيل تحس أنك اكتفيت منه ومستعد للجيل القادم ؟
لا مو مكتفي ، بعد زيلدا و فاير امبلم و روجي جالاكسي و كينجدوم هارتس2 و فاينل فانتسي12 بكتفي ، خصوصا زيلدا ..
ولا تشوف ان هالجيل عنده أشياء للحين ماقدمها ؟
من ناحية التقنيات برأيي قدم كل شي ، حتى الإكس بوكس صار ما يلحق على ألعاب الpc الجديدة بالجرافيك مثل أول ..
اشتريت تلفزيون HDTV للجيل القادم ؟ ولا تشوف ماله داعي ؟
بالنسبة لي ما له داعي .. ​

 

[Black]

منتظر Black .. بعدها تقدر تقول مكتفي ..
بعدين شراء جهاز Next-Gen ما يمنع انك تلعب الاجهزة الحالية .. ليش ؟ .. مو معقولة واحد راح يلحق يشتري كل العاب اللنش تبع الـ 360 الي حاطهم بمخه .. يعني يعتبر العاب الجيل هذا الدوام .. والعاب الـ 360 الراتب الشهري >.> " قررت اشتري لعبة كل شهر خصوصاً مافيه كوبي واللعبة الواحدة بـ 225 ريال ( بالخارج ) " ..
يعني بالاحرى تقدر تقول مكتفي وغير مكتفي ..
بخصوص الـ HDTV .. منتظر لما تنزل صيغة 1080p بالاسواق .. حرام ادفع على جهاز اكثر شيء يدعمه 1080i وانا ادري اني ما راح استفيد لمدة طويلة <.< ..

 

[The_One]

بالنسبة لي قل حماسي كثيراً لألعاب هذا الجيل بشكل عام وما أصبحت أتعمق في الألعاب مثل السابق .. وفيه ألعاب قوية كثيرة نزلت وما شعرت بأي دافع لشرائها ...


لكن في نفس الوقت متحمس لنزول زيلداTTP وFFXII أكثر من تحمسي لنزول البلي ستيشن3 ..أو حتى الريفلوشن !


يعني بإختصار زيلدا و فاينل آخر لعتين لي على هذا الجيل وبعدها الأجهزة راح تنشال من امام التلفزيون وبكون مستعد لأستقبال للجيل القادم ...

 

[Khalid-S]

مدام زيلدا ما نزلت ,, ما احس اني شبعت من هذا الجيل

NINTENDO WE WANT ZELDA ASAP !!

 

[الــخــــارق]

الجيل الحالي بالنسبة لي باقي
له فيه كثييير..
لأني عندي قائمة مطولة بالألعاب اللي توني
ما بعد لعبته وخلصتها..
ألعب نصف ساعة وأخليها إلى أن يحين دورها..

متى ما أنتهت القائمة أقدر أقول
وداعا للجيل الحالي وأهلا بالنكست..

 

[Uchiha Basem]

مستعد للـNext-Gen ؟

مو مسدئ(مصدق) ايمت يجي

------

بس بشكل عام الحاسب الشخصي اول جهاز دخل و دخلني معو الجيل الجديد (كويك4 -ايج3-كول اوف ديوتي2-فير)

 

[Nintendo]

الجيل الجديد بالنسبة لي يبدا مع صدور الريفو والبلايستيشن3 وحاليا مش مستعد ابدا للدخول لجيل جديد ..

الحمدلله اخذت تلفزيون جديد مثل ربسو ( بروجشكن وعملاق ) واخذت معه الهوم ثيتر ويدعم البروقراسف والHD والدولبي برو لوجك والخ الخ الخ ... ولكن ماني شايف ذاك الفرق الكبير يوم اجرب العاب البلايستيشن2 عليه !! مجرد اممم نقدر نقول توضيح بسيط بالصوره ..

عموما ان شاء الله مع البلايستيشن3 نشوف احلى فرق واحلى جرافيكس

 

[ASWD]

بالنسبة لي لااااااااااااع

لا يبوي تو الناس *وبقوة*على النيكست جنريشن خلني اول شي الحق على كومة الالعاب اللي عندي وكومة الالعاب اللي بتصدر خصوصا على لبلاي ستيشن2 بعدها يصير خير..

Splinter Cell4 =XB

GC = زيلدا

PS2 =حدث ولا حرج..القائمة المؤكدة
-Ace Combat Zero
-Black
-Tourist Trophy
-Onimusha: Dawn of Dreams
-Xenosaga III
-Phantasy Star Universe
-Tales of Legendia
-Kingdom Hearts II
-Final Fantasy XII
-Tomb Raider: Legend
-Dirge of Cerberus: Final Fantasy VII
-Tales of the Abyss
-Okami
-Rogue Galaxy
-Ryu ga Goto Ku (انتظر اشوف مستواها)

بالنسبة الى تلفزيون الــHD حاليا ما افكر فيه *ميزانية تعبانة* انتظر نزول الاسعار ومن الحين مخلي في بالي نوعية التلفزيون اللي راح اخذه SONY BRAVIA

طبعا ماراح اخذه عشان سواد عيون النيكست جنريشن بس..راح اخذه لاني محتاج تلفزيون بدل تلفزيوني لمطرطع اللي صار اله اكثر من 6 سنوات وهو جالس عندي ـ__ـ

 

[calgary_dude]

أنا نسيت حاجة إسمها بلايستيشن 2...و نسيت الجيل هذا تماماً ما عدا لعبة فاينل فانتاسي 12 المنتظرة طبعاً و العاب القتال اللي ما اقدر اتخلى عنها مثل ديد اور الايف التميت و سول كاليبر 3 و تيكن 5 و كينج اوف فايتر..بس غير كذا..انا طلقت الجيل هذا بالثلاثة و قاعد على الأربيجات الرائعة اللي فاتتني على البلايستيشن 1 و السوبر نينتندو...و على النينتندو دي اس P:...

بالنسبة للتلفاز الـHD طبعاً اريد اشتريه..بس ما في الميزانية تعبانة...كالعادة -_-...و اشوف اني لو امتلك اجهزة النكست جين الثلاثة افضل من واحد مع تلفاز HD و لكن السؤال هو هل باقدر حتى اني اوفر ثمن اجهزة النكست جين..ام لا؟

 

[calgary_dude]

أنا نسيت حاجة إسمها بلايستيشن 2...و نسيت الجيل هذا تماماً ما عدا لعبة فاينل فانتاسي 12 المنتظرة طبعاً و العاب القتال اللي ما اقدر اتخلى عنها مثل ديد اور الايف التميت و سول كاليبر 3 و تيكن 5 و كينج اوف فايتر..بس غير كذا..انا طلقت الجيل هذا بالثلاثة و قاعد على الأربيجات الرائعة اللي فاتتني على البلايستيشن 1 و السوبر نينتندو...و منهمك مع العاب النينتندو دي اس P:...

بالنسبة للتلفاز الـHD طبعاً اريد اشتريه..بس الميزانية تعبانة...كالعادة -_-...و اشوف اني لو امتلك اجهزة النكست جين الثلاثة افضل من واحد مع تلفاز HD و لكن السؤال هو هل باقدر حتى اني اوفر ثمن اجهزة النكست جين..ام لا؟

 

[Tomb raider]

السلام عليكم وحرمة الله وبركاته ^^

بعد هالسنوات اللي قضيتها مع هالجيل تحس أنك اكتفيت منه ومستعد للجيل القادم ؟

انا مليت من الجيل هذا ...... معظم الالعاب جربتها بس ورميتها اله يلعن الكوبي , لكن بعد ما اشتريت الكيوب نسيت البلاي 2 و اهتميت بأهم العاب الكيوب بالنسبه لي طبعا .. الاكس مرمي عند اخوي والبلاي 2 مغبر ! كل اللي انتظره هو Tomb raider LEGEND وزيلدا والباقي كله دي اس وبس

اشتريت تلفزيون HDTV للجيل القادم ؟ ولا تشوف ماله داعي ؟

حاليا ماله اي داعي
خل الرفلوشن تنزل ... ويحلها الف حلال .

 

[Monkey D. Luffy]

السلام عليكم ورحمه الله وبركاته ...

انا اشوف ان اجهزه الجيل الجديد تنزل في منتصف 2006 لان رحت اليوم للنسر ولقيت XBOX 360 ب 4500 ريال ؟؟!! ولعلمكم كان بس الجهاز لحاله وعشان كذه ابيهم ينزلون بدري عشان لما اخلص من الجيل هاذا تكون الاجهزه نزلت اسعارها في الاسواق ... تصدقون اني شاري N64 ب 2800 ريال مع شريط ماريو ويد وحده وبعدها ب 4 شهور نزل سعره الى 1400 ريال :jawDrop::

والله حراام

 

[Austin 3:16]

السلام عليكم...

لاأظن انني مللت من هذا الجيل ...خاصة بوجود العاب انا في حالة ادمان عليها الان مثل WE و NFS ...وتونا على العااب الجيل القادم ..

 

[Uzumaki Naruto]

ما اشوف اصلا ان السؤال يتساهل ينسال ..

مافي فرق كبير .. بس شي خفيف بالجرافيكس وجيل جديد ؟ ..

يمكن الشي الجديد هو الريفو .. وايه مستعد له -_-

 

[Miyamoto]

موضوع جيد بس انا صدقا غير مستعد اذا لم يكن هناك فارق...
الجرافكس لم يبهرني و اعول السبب على العروض الي شفتها قبل حركة المجسمات و عددها تحسن و لكن ليس بشكل يقذفك بعيدا او يعصف بخيالك المشاهد كلها للاسف مكرره , لا جديد مع ال360 اريد النكهه اليابانيه اريد شيئ ملحمي اكثر من هيلو على الجيل القادم ليس نسخ سيئ على كل حال لست متحمس ل360 الان و سانتظر البلاي و الريفو و العاب حقيقية و هذا الجيل مازال يمتلك العاب جيده مثل زيلدا و اكم لعبه على البلاي 2 و عشرات الالعاب على المحمول...
التلفاز ... لا لن اقوم بشراء هي ديفنشن ... ربما بعد سنتين لاني لم اشاهد فرق جوهري...

 

[Jizasu]

انا بصراحه شايف نفسي مستعد اني آخذ الاكس بوكس 360 على اساس انه اول جهاز نيكست جنريشن و مواصفاته عاجبتني واللعابه قائمه مميزه...اما عن هل جيل...فقائمت اللعابي نفس قائمة محمود مع بعض الزيادات...و للحين مالعبت زيلدا...يعني في مشوار طويل مع اكس بوكس 360 و الاجهزه الحاليه ^.^

 

[msm]

بالنسبة لي لا .. لازال هناك الكثير من الألعاب ..

وحتى بعد صدور الأجهزة الجديدة كلها ممكن أضل ألعب ألعاب الجيل هذا ان كانت جديدة (مثل ماحصل مع PSone) ..

 

[SHABASH]

والله بصراحة انا لسه عايش الجيل اللي فات الى الحين ...

والجيل الحالي لسه ما انتهيت منه عشان باقي العاب جامدة جابة في الطريق..

ومع هذا كلة انا مستعد للجيل القادم ..

طبعا بدون تلفزيون جديد