hits counter

مساعده بإختبارات الأيلس

s3rorh

True Gamer
سلام عليكم ...

هي تنكتب أيلس .. ولا أيلتس !؟ :what:

عموماً ... شباب .. أبي المساعده ... ناوي اقدم على إمتحان الأيلس ... واذا حصلت المساعده المطلوبه .. بخلي الإمتحان بيوم 18-2 بحيل الله :rockon:

اسألتي ..

- هل هذا هو الموقع الرسمي للتقديم على الإختبار ! https://ieltsregistration.org/ielts-candidate/candidateonline/home.html !.؟
- شنو الفرق بين academic و general training ؟
- شلون أستعد للأختبار !!!! شنو اقرأ !! .. شنو أسوي !!

وشكراً
 

soosi

True Gamer
- انا قدمت على الاختبار من هذا الموقع https://ielts.britishcouncil.org/Default.aspx , الصراحة مادري عن موقع تبعك .
- الاكاديمي اصعب , خصوصا قي قسم الرايتنج والريدنج , باقي الاقسام نفس الجنرال .
واذا انت بتقدم على جامعة او وظيفة طبعا اختار الاكاديمي . الجامعات يبون اكاديمي .

بالنسبة للأستعداد , أرسلي ايميلك على الخاص وانشالله ارسل الك كم حاجة يفيدوك :)
 

Xeon-Q8

True Gamer
أصعب مافي الإختبار Speaking .. تقعد قدام أستاذ بالمكان اللي تمتحن فيه ويختار موضوع ويقول سولف فيه
قالي سولف عن أداه مفيده بالبيت .. جبت العيد ههههههه
 

Ze Truth

Banned
فيه كتب تدريب يبعونها في المكتابات من نشر كامبرج واكسفورد فيها كل المعلومات اللي تحتاجها. اذا جاد لازم تقراها, لا تتعيجز.

اكبر مشكلة واجهتني بالاختبار, كانت الوقت. الوقت مشكلة كبيرة وعدوك اللدود! لازم تحسب حساب لكل ثانية وتكون مصحصح ومفتح عينك, عقلك واذنك (انصح تشرب لتر قهوة صباح الاختبار).
انا دخلت الاختبار وكنت مرة خادر (توني فاطر ومروق) وضيعت علي كم سؤال بسبب السرحة. بذات في الاختبار الاول, اللي هو الاستماع, لان اذا فاتتك فقرة خلاص مافي روجوع.

الايلتز مافيه اسرار, لغة انجليزية. بس اهم شيء تدخل وانت ماخذ فكرة كاملة عن الاختبار علشان ما تضيع وقت.

بكل بساطة:

1- اشتر الكتب او جيب لها بديل من الانترنت

2-تدرب عليها كويس وخذ الوقت بجدية (القراءة مثلا ساعتين لا تقعد اكثر من كذا)

3-لا تدخل الاختبار مروق, بل ادخل الاختبار وانت كلك حماس! كسر الماصات! واهجم على كل سؤال زي الاسد المفترس!

وفالك ان شاء الله بالـ9 (اعلى درجة باختبار الايلتز لكن محد حصلها)


أصعب مافي الإختبار Speaking .. تقعد قدام أستاذ بالمكان اللي تمتحن فيه ويختار موضوع ويقول سولف فيه
قالي سولف عن أداه مفيده بالبيت .. جبت العيد ههههههه

اختبار التحدث عاد هو اللي يبيله روقان وخيال.

هو راح يسألك اسأله عبيطة, "وش رايك بالمشكلة الفلانية؟" "قلي عن شيء من ماضيك؟" واسألة عبيطة ثانية ما راح يكون لك مزاج تكلم عنها او حتى تتكلم عنها مع واحد غريب.

بس تذكر, ما يهم ايش جوابك. اهم شيء تثبت انك تعرف تتكلم انجليزي. اختلق اشياء من عندك, كرر كلام الناس وتجنب اراء مثيرة للجدل مع المقابل (ماله داعي تخلق حساسية مع المراجع). تكلم بالطريقة اللي تبي.

انا للاسف, اخذت الاسئلة بجدية ورميت لي كم كلمة سوقية :sweat: وطبعا هذا ادى لخصم كم نقطة.
 

Sora Diersly

True Gamer
الآيلس اسهل من التوفل -_-" نهج الآيلس لغوي أكثر من كتابي. التوفل متزن أكاديمياً. مافيه فرق من ناحية القبول في الجامعات, لكن المفروض الآيلس يكون أسهل بمراحل. الشباب إن شاء الله يساعدونك بالآيلس, مااذكر اني قد أخذته أو درست لشيء. أعتبر الإمتحان كأنه إختبار لقدراتك بالنسبة للسنين اللي قعدت فيها بـ بريطانيا كل الفترة اللي فاتت.
 

The Doctor

Once a Voyager on a Cursed Sea
زي ما قالوا الشباب، إذا بتدخل في جامعة لازم تاخد الاكاديمي..
الاختبار سهل، و أسهل بمراحل من الTOEFL، خصوصاً في السبيكنغ، لأن الTOEFL iBT تتكلم مع الكمبيوتر و تحس روحك غبي، بس على الأقل مع الIELTS بتتكلم مع شخص

عشان تذاكر شوف لك أصعب كتاب تدريب، للأسف ما عندي فكرة عنهم لأني ما استخدمتهم، بس أهم شي إنك توقت نفسك، حط نفسك في نفس جو الاختبار
بالنسبة للكتابة، فعندك قطعتين تكتبها، وحدة 150 كلمة، و الثانية على ما اعتقد 250 إلى 300.. المهم، أول قطعة دائماً تكون عن وصف graph أو statistics و طريقة الوصف ما تتغير بغض النظر عن المحتوى
في الكتابة و السبيكنج لازم ترويهم إنك تقدر تستخدم جمل متنوعة، إذا ما تنوع أو تكتب أقل من العدد الأدنى من الكلمات بتخسر نقاط كثيرة

بالتوفيق :)
 

Superx

True Gamer
خذ لك توفل وريّح عمرك
 
أعلى