مساعدة في نقل تختيم لعبة الى حساب مختلف

[fatal framer]

بغيت مساعدة منكم ياجماعة لاني ماعرف شلون انقل الملفات

عندي كينجدوم هارتس ٣ نسخة اوروبية وصارت لخبطة عندي في الحسابات والتختيم

قبل انا كنت متاكد انه التختيمة بنفس الحساب اللي فيه المحتوى الاضافي remind

اليوم رديت وشفت انه صارت لخبطة التختيم بحساب والمحتوى الاضافي بحساب ثاني

ياليت تفيدوني هل اقدر استخدم هاردسك خارجي في نقل التختيمة ولا لازم فلاش ميموري

 

[ASWD]

للاسف ملف الحفظ مرتبط بالحساب وما تقدر تستخدمه على حسابات غير..خذ اللي اعرفه والله اعلم

 

[Sonata]

يبدو إن نقل الملفات من حساب إلى آخر غير ممكن للأسف رغم إنك تقدر تنقلها من جهاز إلى جهاز. وحسب ما قرأت فهذا الشيء إجراء احترازي عشان اللاعبين ما يستغلون هالخاصية في تداول التروفيز وتناقلها، لأنك إذا بتنقل التخزينة فلازم تنقل معها التروفيز.

 

[fatal framer]

يعني لازم ارجع العب من البداية معقولة سوني متحجرة

 

[MH MD]

اعتقد انه في برنامج تعديل ملفات الحفظ ممكن ينفع معاك هنا؟ ما عندي خبرة فيها وكيف تشتغل بس اشوف الاحسن تعدل عليها بحيث يظهر انك مختمها بدل ما تعيد

 

[fatal framer]

اعتقد انه في برنامج تعديل ملفات الحفظ ممكن ينفع معاك هنا؟ ما عندي خبرة فيها وكيف تشتغل بس اشوف الاحسن تعدل عليها بحيث يظهر انك مختمها بدل ما تعيد

وشنو اهو البرنامج؟

 

[Dark Phantom]

وشنو اهو البرنامج؟

صحيح كلامه البرنامج اسمه ps4 save wizard عير مجاني بسعر 60 دولار تقدر تاخذ تخزينه اي شخص وتعدلها عشان تشتغل على حسابك طبيعي أضافه على كل هذا يتوفر فيه أكواد غش اذا حاب انك تستعملهم للعديد من الألعاب

 

[Caelum]

بغيت مساعدة منكم ياجماعة لاني ماعرف شلون انقل الملفات

عندي كينجدوم هارتس ٣ نسخة اوروبية وصارت لخبطة عندي في الحسابات والتختيم

قبل انا كنت متاكد انه التختيمة بنفس الحساب اللي فيه المحتوى الاضافي remind

اليوم رديت وشفت انه صارت لخبطة التختيم بحساب والمحتوى الاضافي بحساب ثاني

ياليت تفيدوني هل اقدر استخدم هاردسك خارجي في نقل التختيمة ولا لازم فلاش ميموري

صارلي نفس الشي بمونستر هنتر واضطريت اعيد +20 ساعة تختيم لاني شريت الاضافة من حساب ثاني
عموما لا تخاف موضوع كنقدوم هارتس سهل من بعد الاضافة في حاجة اسمها Easy codes تختارها بداية التخزينة الجديدة، تقدر تخلي الاعداء حرفيا يموتون بضربة وحدة
ادخل تخزينة جديدة وفعل كل الاكواد و سوي سكيب للكتسين وبتخلص كامل اللعبة بحوالي 4 ساعات ويمكن اقل بعد (انا اخذت مني 6 ساعات لاني سويت pause لفترة). وتقدر تبدا ريمايند وتطفي الاكواد وتشغلها براحتك

 

[Dark Phantom]

او ممكن في طريقه ثانيه انك تسوي activate حق الحساب اللي شاري منه الإضافة وتلعب بالحساب اللي موجود فيه التخزينه الكامله بتمشي معاك الأمور طالما اللعبه والإضافة نفس الريجن

 

[BlueSky]

او ممكن في طريقه ثانيه انك تسوي activate حق الحساب اللي شاري منه الإضافة وتلعب بالحساب اللي موجود فيه التخزينه الكامله بتمشي معاك الأمور طالما اللعبه والإضافة نفس الريجن

يب هذي أبسط طريقة, فعل الحساب اللي اشتريت منه اللعبة في جهازك و بعدها تقدر تلعب بحسابك اللي ختمت اللعبة منه

 

[fatal framer]

مشكورين على ردودكم كلكم اخواني

اي حسابي مفعل وتاكدت من هالشي والبرنامج صراحة ما اثق فيه

عموما لا تخاف موضوع كنقدوم هارتس سهل من بعد الاضافة في حاجة اسمها Easy codes تختارها بداية التخزينة الجديدة، تقدر تخلي الاعداء حرفيا يموتون بضربة وحدة
ادخل تخزينة جديدة وفعل كل الاكواد و سوي سكيب للكتسين وبتخلص كامل اللعبة بحوالي 4 ساعات ويمكن اقل بعد (انا اخذت مني 6 ساعات لاني سويت pause لفترة). وتقدر تبدا ريمايند وتطفي الاكواد وتشغلها براحتك

يعطيك العافية اخوي انك نبهتني

وهذا اللي قاعد اسويه بس اكيد ماقدر بجلسة وحدة اختم اللعبة كلها بس اريح من اني اعيدها كنظام اللعبة العادي اكيد