[مساعدة] في أختيار جوال مناسب مخصص للـ Texting

[Niessu7]

صار لي فترة أفكر اغير جوالي وعدة اسباب تخليني أؤؤجل هالفكرة ، عموماً أفكر في جوال مخصص للـ texting بكيبورد بشكل أساسي وأحترت بين 3 أجهزة .

• Nokia 5730 XpressMusic : بما أنه أزاح E75 من قائمة اختياراتي ، هذا أكثر جوال داخل مزاجي للان عشان شكله وكيبورده وسعره وخصوصاً انه يصور فيديو 30fps بين الاختيارات الثانية .

• Nokia E72 : هو السبب الرئيسي في تأجيل فكرة أقتناء جوال جديد للان ولا أعرف هل نزل عندنا لحين أو لا (سمعت أنه نزل في الامارات وفي الرياض) ، ماعندي خلفية كبيرة عن E71 فمستخدمينه يقدروا يفدوني لانه راح يكون مشابه له .

• BlackBerry Curve 8520 : الناحية التقنية فيه ضعيفة بس ماعندي أي مشكلة أني أخذه أذا كان راح يعطيني تجربة ترضيني لو أقتنيته .

* أيش الي يهمني في الجوال : الكيبورد ثم الكيبورد ثم الكيبورد ونعم اصابعي كبيرة ما أبي أخذ جوال ويضايقني في الكتابة .. ويهمني أيضاً يكون ممتاز/يحتوي (تويتر ومواقع السويشل نتورك + الايميل + يوتيوب + متصفح زي الناس) ، ماتهمني الكاميرا بشكل كبير.


* الميزانية : ماراح أدفع أكثر من 1500 ريال لجوال .


أي اقتراحات لجولات أخرى في حدود الميزانية والاهتمامت مرحب بها ، تهمني جداً اراء الي جربوا الاجهزة في النواحي الي اهتم فيها أنا .

 

[s3rorh]

كنت بنصحك بجهاز .. بس من قلت

ونعم اصابعي كبيرة

خفت على الجهاز منك :w00t:

 

[Niessu7]

لول طيب وش هو عشان لا أرعبه با اصابعي الجميلة .

 

[Majeed]

E72 .. يكفي أنه خليفة E71 الرهيب ..

 

[CyberMaster]

Nokia E72 أفضل خيار من كل النواحي مواصفات وسعر وفيه كل الي تبيه
بس موضوع الأصابع هذي لازم تجربها بنفسك وتقرر لكن بشكل عام من الأراء الي شفتها في النت اغلبهم يمدحون كيبورد الجهاز
الجهاز حالياً موجود في نوكيا كير الرياض بـ1899 ريال وسمعت انه موجود عند الحداد بـ1650 ريال ومشاعل العاصمه معلن من زمان انه راح يجيبه بـ1450 ريال
بس للأسف منطقة الشرق الأوسط كلها ماوصلها حالياً الا اللون الذهبي اذا تبي الأسود او الفضي يبي لك تصبر لين توصل الدفعه الثانيه

[YOUTUBE]sqw09CPCtrY[/YOUTUBE]

 

[The Bloodstains]

إذا بتاخذ جوال بس حق Texting فنصحيتي لا تفكر في غير الـBlackBerry. الـBold 9700 قريب ينزل واعتقد ان ازرار الكيبورد أكبر من من أي جوال BlackBerry موجود. أو إذا انت محتاج جوال بس مستغني عن الـWiFi فـTour 9630 بيكون خيار ممتاز.

Tour 9630:

Bold 9700:

وهذي انطباعات وآراء عن الجوال http://www.engadget.com/2009/11/05/blackberry-bold-9700-hands-on-and-impressions/


وغير عن الـBlack Berry عندك Motorola Droid.

 

[haMod07]

ليش ماتصبر لنوكيا N900 جهاز جبار بنظام meamo

جهاز جباااااار
شوف له فيديوات في يوتيوب
نزل في البحرين بدون كيبورد عربي ب2200 ريال
وبعد العيد يمكن ينزل عربي رسمي كيبور وسوفتوير .. بس أتوقع سعره يرووح فوق
preview بسيط عنه :
http://www.youtube.com/watch?v=7PPFzSQ1oW0

تعديل :
نصيييحة : البلاك بيري لا تاخذه الا ااذا تعرف أحد يستخدمه ويدردش معاك ...

 

[Niessu7]

الـ Tour 9630 عدم وجود WI-FI فيه مسحه من قائمتي تلقائياً مع أنه كيبورده شكلياً أفضل من البقية للاسف .

البولد 9700 لم ينزل راح يكون بسعر 2000+ ناهيك انا مافيني اصبر أكثر ، أنا أفكر في الكيرف 8900 حالياً أيضاً بس أحس انه ماراح يفرق معاي كثير مع 8520 خصوصاً اني مو مهتم بالـ gps الكاميرا والشيء الوحيد الي مضايقني فيهم اثنينهم انهم مايدعموا

الموتورلا درويد ، شكله قبيح نوعياً عدا ذلكرالنظام طالع عليه ممتاز بشكل ماتوقعته وكل شيء فيه برفيكت بس عموماً ما اتخيل بينزل قريب هنا ويكون بسعر مناسب لي .

بالنسبة لـ N900 فا انسى.. غير انه ما أحس عملي كونه جهاز ميديا أكثر ، سعره يترواح بين الـ 800 دولار ! على كذا ايفون موبايلي ينادني !

اليوم سالت عن E72 في مشاعل العاصمة وقالوا بعد العيد حتى سالتهم عن 5730 وقالوا مخلص >.> وكلمت الحداد فرع ابن خلدون على اساس بتاكد E72 نزل عندهم أو لا بس ماحد يرفع .

ما أعتقد أني راح أستنى كثير وخصوصاً أن الفلوس نهائياً تختفي من عندي بسرعة وعندي مخططات ثانية ، فاراح أروح أشوف اذا E72 موجود فاراح أخذه طوالي .. لو مالقيته خياري راح ينحصر بين البلاك بيري كيرف 8900/8520 أو 5730 .

أي واحد عنده تجارب/انطباعات عن الكيرف 8520/8900 ياريت يكتبها لاني مهتم أشوف مدى فعالية الـ OS مع اهتماتي ، وهل يهم الـ HSDPA فعلياً في البلاك بيري ؟

 

[The Bloodstains]

إذا تعرف احد يشتغل في موبايلي، يمكن يساعدك في شراء الـBold 9000 بنص السعر، هو سعره 2100 تقريباً، تاخده 1200 او شي قريب من هالسعر.

وإذا ما لقيت احد، فاعتقد ان الكيرف خيار ممتاز، بس يبغالك تشوف الكيبورد هل يناسبك او لا.

 

[Colorization]

أستخدم BlackBerry Curve 8900 من أكثر من شهر، بسهولة أفضل كيبورد لأي تلفون إستخدمته من قبل (ممكن ما يكون أفضل كيبورد للبلاك بيري، يبيلك تجرب الأجهزة كلها وتشوف شنو أكثر شي يناسبك؟ آنا وايد ارتحت مع الكيرف).

الجهاز فيه عيوب غبية، أهمها إنه ما يدعم 3G وفقط 2G. هالشي يرفع الضغط لو كنت تبي الجهاز يغنيك عن الكمبيوتر، لكن إستخداماتي كلها light-weight وما تتطلب سرعة عالية (تويتر، إيميل، مسنجر). الـOS ظريف وسهل وبرامجه حلوة. الـMedia Manager جميل جدا وشبيه بالآيبود شوية، فيه عندك playlists وتقدر تتصفح قائمة الألبومات أو المغنيين أو الـgenres وهكذا.

الكيبورد مريح وايد لدرجة إني أكتب إيميلات طويلة فيه من دون مشاكل.

أنصح بالبولد٢ أو أي جهاز بلاك بيري يديد لأنه الأجهزة القديمة عيوبها غبية، بس اذا كنت تبي الكيرف بس، الجهاز جميل وممتع و لولا عيب الـ2G كنت بنصحه لكل الناس.

متصفح الإنترنت مال البلاك بيري خايس للمواقع الكبيرة، يستحسن تركب Opera أو Bolt. عموما آنا ما أستخدم البراوزر إلا بحالات نادرة. أستخدم برنامج Viigo لقراءة الـRSS.

 

[SAM]

أنصحك بـ بلاك بيري مافيه احد مايمدحه ودارج بين الناس هالايام

 

[Jonas]

مبروك صراحه اخترت الاختيار الافضل E72 و احسن شي انك ابتعدت عن الخياس الي اسمه بلاك بيري