مدير شركه اطلس يسأل: هل انت مستعد لشراء لعبه عربيه ؟

[Colorization]

ترا وايد مستهزئين بالعرب، مادري احنا قرود والأجانب من كوكب ثاني يعني؟

يمكن مو لعبة، لكن QamarDeen من أفضل الأشياء اللي استعملتها بحياتي الإلكترونية، وأعتبره فخر الصناعة العربية في الـApp Store. الألعاب تختلف عن البرامج في أشياء، لكن الـcore متشابه بنسبة كبيرة جداً. تصميم، برمجة، تنفيذ، يخلط مع طموح، إرادة، وتطلّع للأفضل.

http://bandar.raffah.com/wp/?p=2640

ماني شايف الإعجاز اللي البعض يشوفه. برمجة الألعاب مش بالضرورة يكون فيها 100 شخص فكل فريق. الأرقام هذي exceptions، للعلم بس. دامنا نتكلم عن الألعاب البسيطة، أعتقد ألعاب الآيفون بتكون مثال بسيط وحلو أتكلم عنه.

Canabalt: لعبة بجرافكس ريترو ورائع ونظيف، موسيقى تقحص على ألعاب أم ملايين الدولارات بالميزانية، جيم بلاي بسيط جداً. النتيجة؟ لعبة آركيدية قمة بالمتعة والإدمان. العدد؟ 4 أشخاص.

Kometen: قد تكون أكثر لعبة artistic لعبتها بحياتي؛ موسيقى حالمة، جرافكس مرسوم 100% باليد على ورق ومسحوب عن طريق السكانر إلى الكمبيوتر. جيم بلاي غريب من دون objectives، اللعبة exploration للفضاء بحيث إنك comet تحوم بالفضاء وتكتشف كويكبات وكواكب كبيرة. النتيجة؟ تجربة surreal (آسف، بجد ما عندي ترجمة مناسبة للكلمة). عدد الأشخاص؟ اثنين بس.

180: لعبة بزل شبيهة بـBust-A-Move مع تويست في الجيم بلاي يغير طريقة اللعب بشكل كامل وجميل. البرودكشن فاليو مو مثل اللعبتين اللي فوق، وما لعبتها بنفسي حتى أتكلم عنها أكثر، مجرد شفت لها فيديوات وصور، لكن عجبتني الفكرة وايد. شخص واحد من منتدى NeoGAF صممها.

Tumbledrop: أكثر لعبة كيوت لعبتها على الآب ستور. الرسوم جميلة، الأصوات مبهجة، الجيم بلاي ممتع (في ألعاب شبيهة له كثيرة). شخص واحد صممها في نيوجاف.

اللي عنده موهبة في التصميم وقدرة مش بسيطة على البرمجة ممكن يسوي كل شي يبيه، وشي أروع لما يكون معاه مجموعة شباب موهوبين مثله. اللي عباله إنه كل مشروع لازم يكون بحجم GTA أفقه ضيّق وعايش فحلم أنصحه يصحى منه. المشاريع الصغيرة هي بوابة لمشاريع أكبر، والمشاريع الصغيرة تعجبني أكثر من المشاريع الكبيرة، لأنك لما تكون محدود بـlimitation مخك يضطر يقفز فوق منصات عالية عشان يحاول يخلق شي غير عادي ومثير للإهتمام. لهذا السبب ولحتى هذي اللحظة في ناس وآنا منهم نعتبر Space Invaders و Pac-Man أفضل الألعاب بالتاريخ. ومش مجرد إعتبار ماشي، آنا كل يوم ألعب باك-مان عالآيفون.

الله يوفقكم بأي مشروع صغير تبدونه، ولو كان عالآيفون أو XNA بكون أول شخص يدعمه.

 

[Suzuki Yu]

^
3 فرق
فريق نسائي عددهم كبير (( 40+ )) بس ما عندي معلومات كامله عنهم
فريق رجالي و فيه 11 شخص
و فريق إنداي من 4 اشخاص

و فيه عندنا نقص كبير جدا جدا جدا جدا و مزعج جدا في الـ Art Design Area >.<
كثير من مخططاتنا موقفه على هل الشيء ، عندنا افكار حلوه و نقدر ننفذها بس من ناحيه الرسوم و الجرافيكس و كذا ما فيه احد يساعدنا
علشان كذا فريق الإنداي ناوي يصرف من جيبه علشان هل الشيء في المستقبل =)

OK توقعت وبشكل كبير انه هذا يكون جوابك بنائا على مشروع التخرج السابق .

بس شي غريب جدا ان الفريق النسائي كبير جدا لهذا الحد ! ( فرق التطوير المشهورة ما يكون فيها هذا العدد من النساء! @_@ ) بس ايضا مستغرب ليش أصلا مقسمينكم ! EDIT : ( اوه نسيت انه احنا بالسعودية <_< )
انتوا ببدايتكم ومحتاجين انكم تستفيدوا من كل القدارت والافكار المتاحة

 

[Painkiller Q8]

مثلا مجموعة مطورين عرب سوو لعبه سيئه جدا ..وانا شريتها والسبب (الدعم لهم وتوقع تطور اكثر لهم في المستقبل) يعني ان يكون فيه امل اني تشوف اشياء افضل في المستقبل .. بس انا متأكد ان يبيلهم 20 سنه لين تشوف لعبه فاائقه الامتياز وتنشهر في العالم.. يعني يصير عمري قريب الــ50 سنه يالله اشوف شي بيرفكت ؟؟

 

[Colorization]

أحلى شي إنك على طول إفترضت إنه اللعبة اللي بيسوونها سيئة، وإنه ما بينتجون لعبة جيدة إلا بعد 20 سنة (بل ومتأكد من هالشي).

بعدين محد قال إشتر اللعبة إذا سيئة. Vote with your wallet. تبي تدعم ما تبي تدعم شي راجع لك.

تذبحوننا بكيف إنه العرب حمير وما يعرفون يفكرون، ولا يسوون ألعاب ولا يفيدون البشرية بشي. ولما يطلع واحد يقول أوكي بجرب... ترددون عليه نفس الكلام.

عرب. كل مكان دخلته وشفت واحد قال بسوي لعبة، شفت الناس تسانده (ليش أروح بعيد، منتدى NeoGAF بعض أعضاءه قاعدين يصممون لعبة، وأصدروا أكثر من 6 ألبومات موسيقية، وبديت ألاحظ إنهم قاعدين يكتبون قصص بالقسم العام). إلا إحنا. لما واحد يبي يسوي شي ماله إلا الرجم.

تعديل: آنا ما أقول سو العكس، وتحمس لكل شي فيه عرب. بالعكس، آنا من بداية الموضوع وضحت موقفي الشخصي من هالشي. بس خلك واقعي وفكر بمنطق، وإبتعد عن المبالغات.

 

[G.SKY]

^
علشان تغير الفكره هذي لازم ما تيأس =)
و تظل تحاول =)
اذا تأثرت بهل الشيء ما راح تقدر تثبت العكس =)
حتى لو كانت اللعبه حقتي تافهه لأبعد درجه انا احتاج الي يشتريها و يلعبها ... ليه ؟ ما ابي الفلوس ابي الـ feedback انا كيف اتطور اذا ما فيه احد يقولي انا وين اخطأت ؟ ((و هذا سبب اننا بنسوي بيتا))
و هذا دعم الناس لنا بالنسبه لي =)
بس اذا كانوا كلهم ضدي ... كيف بيوني اتطور =/ ؟

OK توقعت وبشكل كبير انه هذا يكون جوابك بنائا على مشروع التخرج السابق .

بس شي غريب جدا ان الفريق النسائي كبير جدا لهذا الحد ! ( فرق التطوير المشهورة ما يكون فيها هذا العدد من النساء! @_@ ) بس ايضا مستغرب ليش أصلا مقسمينكم ! EDIT : ( اوه نسيت انه احنا بالسعودية <_< )
انتوا ببدايتكم ومحتاجين انكم تستفيدوا من كل القدارت والافكار المتاحة

مشكله الـ Art تنحل بالـ out-sourcing بس يبيلها تكلفه و حاليا مو مستعدين كثير =)
مدينه الملك عبد العزيز كانت تبي ناس متفرغه لهم و كثير من الرجال عندهم وظايف ثابته و ما قدروا يتركوا وظايفهم بينما النساء يختلف الوضع ، زي ما قلت فيها تضحيه >.<

مثلا مجموعة مطورين عرب سوو لعبه سيئه جدا ..وانا شريتها والسبب (الدعم لهم وتوقع تطور اكثر لهم في المستقبل) يعني ان يكون فيه امل اني تشوف اشياء افضل في المستقبل .. بس انا متأكد ان يبيلهم 20 سنه لين تشوف لعبه فاائقه الامتياز وتنشهر في العالم.. يعني يصير عمري قريب الــ50 سنه يالله اشوف شي بيرفكت ؟؟

20 سنه ؟ على اي اساس :surprised: ؟

 

[Painkiller Q8]

^
محد قال عن العرب حمير .. وترا انا مو ضد الفكره 100% يعني مثلا لو اشوف لعبه من انتاج عربي راح اتضايق مثلا ؟؟؟

انا كل الي اقصده من بدايات تاريخ القيمز لي اليوم مايقارب 40 سنه .. ماشفنا ولا لعبه عربيه ممتازه .. وطول هذي الفتره يخليني ماتوقع اشوف شي اساسا !!! هذا كان قصدي .. بس اتمنى ان يكون تفكيري مو صحيح

وانشاءالله نشوف العاب من انتاج عربي ... مثال لما جربت RED FACTION والله كنت راح اللعبها للمره الثانيه بس لان العربي فيها طالع روعه .. فما بالك لعبه عربيه بالكامل؟

 

[G.SKY]

^
وين كوريا و الصين عن صناعه الالعاب من 40 سنه ؟ ليه توهم يطلعون =) ؟ نفس الشيء ^_^

====

محمد ، عجبتني هل اللعبه ، آخخخخ لو عندنا بس رسام زي العالم XD

[video=youtube;UDooZ6hs9-A]http://www.youtube.com/watch?v=UDooZ6hs9-A[/video]

 

[Colorization]

أعتقد إنك ما تشوف مطورين عرب لأنه احنا على عكس نسبة كبيرة من بقية العالم وظايفنا مؤمن عليها من قبل الدولة، الشهادة والوظيفة تعتبر شي by default يجيك من الحكومة، لذلك لما يكون عندك مصدر دخل ثابت ويعيشك ما بتبذل جهد إستثنائي عشان تسوي شي ممكن ينجح وممكن لأ.

حسب خبرتي واللي ممكن تكون بسيطة بحياة الأجانب، فهم يعتبرون الشغل في هالمجال وظيفة قبل كونه متعة أو شي، وغالباً الوظيفة ما تكون ممتعة مثل ما البعض يتصور، لأنه عملية البرمجة مش ممتعة مثل اللعب. هذا بالإضافة إلى إنه الفيديوجيمز كفكرة وتكوين نبعت من عندهم ومو عندنا، لذلك خبرتهم الوفيرة بهالمجال بتكون شي ما يختلف عليه اثنين.

تعديل: Tumbledrop ممتعة وايد، و كيوت بشكل حلو (أحيانا أكره الأشياء الكيوت لأنها تو متش، بس هذي تضحكني). الجيم بلاي فكرته بسيطة بس وايد ممتعة. حط في بالك إنه هالأشياء حلوة والناس تتقبلها أكثر من الأشياء الـsophisticated خاصة لو كنت تطالع سوق آركيدي مثل الآيفون أو XNA. وايد أحب هالنوعية من الألعاب.

 

[Painkiller Q8]

أعتقد إنك ما تشوف مطورين عرب لأنه احنا على عكس نسبة كبيرة من بقية العالم وظايفنا مؤمن عليها من قبل الدولة، الشهادة والوظيفة تعتبر شي by default يجيك من الحكومة، لذلك لما يكون عندك مصدر دخل ثابت ويعيشك ما بتبذل جهد إستثنائي عشان تسوي شي ممكن ينجح وممكن لأ.
.

بالضبط ...
ذكرتني في موقف صار معاي ايام الدراسه .. كنا ندرس برمجه مكثفه .. وسوينا العاب بسيطه في برنامج Visual Basic .. وانا بنفسي سويت لعبه كره قدم (بلنتيات) وجرافكس حلو بس الكود فقير لان الماده كانت سطحيه.. وبعدين في واحد من ربعنا Geek قال شباب خلونا نفرغ نفسنا في الصيف ونسوي لعبه فلاش .. ونبدع فيها ..ويمكن نبيعها .. و .. و.. و...الخ

عموما فكرنا فيها ولما قابلنا الدكتور ... وقلنا الطموح موجود .. والفكره موجوده والديزاينر موجود وكل شي جاهز وعندنا سكتشات... قال الدكتور بالحرف الواحد: يمعود انت وياه تتعبون حالكم اخرتها برنامجكم او لعبتكم الي سويتووها وتعبتو عليها شهووور .. محد راح يدري عنها وراح تكون مجرد (اضحوكه) للناس .. وفي الاخير كل واحد منكم راح يتوظف ويقعد على المكتب يقرى جرايد ويشرب قهوه ... -__- احباااااااط جبااااااار

واحد من الشباب قال ليش تحبطنا ؟؟ .. قال لان انا بنفسي مع موجوعه مبرمجين مرينا في هذي المرحله وتعبنا وآخر شي الاحباط يالنا من كل صوب إلى درجه اني سويت للبرنامج Shift + Delete !!

الموضوع ما ان العرب مايعرفون شي.. الي اقصده مافي اهتمام لهذي الفئه بالذات ... يعني تروح لتاجر صاحب موئسسه وتقوله ممكن تدعمنا ؟ راح يقولك لاحبيبي ماتعمامل مع هذي الاصناف !

تعديل: كل ماتوفرة الامكانيات المعيشيه .. قل الابداع :annoyed:

 

[ryo hazuki]

انا اول مانزلت والي مدبلجة كانت على ال ps3 واشتريتها و بعدين نزلت لل 360 و اشتريتها و لما نزلت ريد فاكشن كنت اول واحد يشتريها

الحين توي ستوري 3 النسخة المترجمة بس لل ps3 و نسخة ال 360 حطين فيها انجليزي و اسباني بس شكرا يابلوتو و شكرا جزيلا و ماقصرتوا على الدعم ، والله مااشتري توي ستوري لل ps3 وخلوها لكم ، و اكيد عذرهم الوحيد ان ال 360 علية قرصنة ،. بالله عليكم هل احد شاف ريد فاكشن او وال اي بنسخ مقرصنة و معربة ؟ الي شاف بليز يقولي

ما اشوف لهم عذر و بلوتوا انا اسف و من اليوم ماراح اجاملكم و ماراح اشتري العابكم

 

[G.SKY]

^
اثبت لي شيء توك =)
" خل اللاعب سعيد من البدايه ولا بتروح فيها "

 

[G7Ga7]

[video=youtube;HpaRQFOZ5pI]http://www.youtube.com/watch?v=HpaRQFOZ5pI[/video]

مسوينها اربعه و مستواها عالي

الأربعة هذولا ما طلعوا من الفراغ وسووا لعبة ممتازة: http://www.hellogames.org/about-us/
كلهم اشتغلوا على العاب بورن أوت وبلاك وألعاب ثانية. يعني عندهم خبرة كبيرة في تصميم الألعاب.

لا تتوقع مطوّر عربي - أو حتى أجنبي -جديد على صناعة الألعاب يبدأ يسوي ألعاب زي هذي. مستحيل.
عشان توصل لمستوى عالي من الخبرة زي مطورين Hello Games تحتاج سنوات من التطوير وسنوات من التجربة ومن الفشل في بعض الأحيان وسنوات من التطوّر الذاتي.

مشكلة اللاعبين العرب انهم ما عندهم صبر. وما ألومهم بصراحة. ستاندرد الألعاب الآن اصبح في أعلى درجاته على الإطلاق, والطلب من اللاعبين انهم يصبرون ويدعمون المطور العربي في ألعابه الي راح تكون أقل من الستاندرد لفترة مش بسيطة شيء صعب جداً.
و للأمانة ما أقدر أقول ان هالفئة من اللاعبين العرب غلطانين أو اي شيء زي كذا. أبداً, يحق لهم التصرف بفلوسهم زي ما يبون, ومحد يقدر يجبرهم على شراء ألعاب أقل مستوى من الي يتوقعونه.

لكن أتمنى ان هالفئة قليلة, وأنا شخصياً أسوي الي اقدر عليه اني اقنعهم ان المطور العربي يحتاج وقت لكسب الخبرة وثقة الناشرين عشان يُدعم مادياً عشان يوصل لستاندرد تطوير الألعاب الي نشوفه اليوم.

 

[Zeyad]

ابي مثال عن لعبه جودتها سيئه لو تقدر =)

القائمة طويلة اقرب مثال تحت الرماد كان لها زوبعه وهايب بالهبل جربتها وطلعت عاديه جدا ماراح انتقص من المطور واطلع عيوب بالهبل لكن بالمقابل كانت بداية موفقة لهم, لانروح بعيد تخيل لعبة مثل Too Human تنزل لمنطقتنا ويكون لها هايب وتتفاجئ يوم تلعب انها لعبة ابوكلب..

بالنهاية لعبة مثل Rayman 3: Hoodlum Havoc كان لها صدى طيب ومستواها كان عالي و من تطوير اوبي سوفت نزلت على اجهزة الاكس بوكس والبلاي2 والكيوب والمخرج كان عربي اسمه احمد بوخليفة يمكن اماراتي او سعودي لكن تخيل شخص من منطقتنا يخرج لعبة بهذا المستوى العالي بنسبة لي اشوفه كنز المفروض مايفرط به ..

 

[Def-yusuf]

أهم شي ما أبغى قصة .. لأن لعبة بدون قصة أفضل بمليون مرة من لعبة قصتها مخيسة

زي Joe Danger ما لها قصة ( الرجال جته إصابة وإنت لازم ترجعه لسابق عهده ) بس

 

[Bounty]

ما سوت عليه السؤال

 

[G.SKY]

أهم شي ما أبغى قصة .. لأن لعبة بدون قصة أفضل بمليون مرة من لعبة قصتها مخيسة

زي Joe Danger ما لها قصة ( الرجال جته إصابة وإنت لازم ترجعه لسابق عهده ) بس

أول شهر من ورشه العمل دربونا على كيفيه كتابه القصه ، لا تستهين بالخيال الواسع فيه قصص طلعت (( خصوصا عند قسم البنات )) شيء من جد كان ودي العبه =)

ما سوت عليه السؤال

ليه ؟ بالعكس النتيجه الي طلعت فيها من الموضوع مره حلوه ، النسبه الشرائيه عاليه لو بنحولها على رآي الاغلبيه و نكبر العدد ما اتوقع تنزل عن 70% في اسوء الاحوال
و من كلام الشباب قدرت استوعب ايش المفروض يكون توجهنا و من اي ناحيه و التركيز يكون على ايش بالضبط ، وايش توجه شركات مثل اطلس لازم يكون و ايش لازم يسوون بالضبط ، اليوم بشكل غير رسمي تكلمت مع واحد منهم عن الموضوع هذا انصدم من النسبه و قالي لازم اقدمها بأقرب فرصه
احتمال كبير توجه المشروع يتغير ، و نشتغل على العاب فعليه للكونسولز من ورا هل النقاش =)