hits counter

E3 متابعة مؤتمر Electronic Arts لـE3 2017

zlatanovic

True Gamer
بس أعتقد أن ميزة المحمول راح تكون سبب قوي جدا لشراء اللعبة لنسبة كبيرة من اللاعبين، بما أنها مو موجودة في جهاز ثاني حاليا، أعتقد كثير من لاعبين الكورة راح يصوروا نفسهم في الطائرة أو شيء من هذا القبيل و هم يلعبون على السويتش لما تنزل عليه

ف شخصيا أعتقد أن EA راح تحقق مبيعات ممتازة من وراء هذي النسخة.
كيف ما منها فايدة ؟ فيفا من أقوى ألعاب الكاجوالز وسستم سيلر، عنوان مهم لأي جهاز، وهذي بتكون أفضل تجربة Fifa محمولة إلى الآن، وبعدين اللعبة بتدعم السنجل جوي كون فما أدري من وين جبت معلومة انها بتحتاج كنترولر كامل:
انا كنت اجهل معلومة انها ممكن تشتغل بنص كنترولر، ولا كنت اتصور ( ولا ازال ) انه ممكن تلغي عدد من الازرار وتبقى اللعبة قابلة للعب . وهذا يزيد شكوكي فعلا انها نسخة مختلفة بعيدة عن النسخه الاساسية.
هل بتكون مربحه لأنها ممتازة على المحمول؟ ممكن جدا، هل هي مغرية كنسخة فيفا للمحترفين؟ شخصيا لا اعتقد.
انا الكلام اللي احاول اقوله هو اني عجزت افهم هذي النسخة موجهه لأي شريحة بالضبط.
 

lightq8

True Gamer
عجبتني نيد فور سبيد الجديدة شكلها ممتعة
 

Good Hunter

True Gamer
ما ملو EA.
ياخي اقسم بالله كرهت هالشركة احس انهم وصلوا لمرحلة استسلام وخلاص تحس انهم بيعيشون على هالالعاب الرياضية والعناوين المعروفة حقتهم الى الابد يالله يطلع معهم عنوان او IP جديد.

حتى الالعاب الرياضية ما عاد فيها تنوع وين فيفا ستريت او ديف جام او nba ستريت ديد سبيس.

بس مفضيين روسهم وعايشين على فيفا وnfl وnfs وستار وورز.
 

NA1F

True Gamer
كنت أتمنى اعلان فايت نايت بإصدار خاص لمحمد علي لكن مع الأسف
رجعو السلسلة المتخبطة nba live الي تجي فترة وتختفي فترة ماعيلش يا ea انسو الكورة سلة لان 2k تعمقت فيها ومافي منافسة
 

Veeto

True Gamer
انا على وشك أعمل دريفت لكن لأني اصطدمت بسيارة لازم اشوف مشهد slow motion لتحطم السيارة و بعدين أكمل عمل الدريفت و أنسى اصلا في أي زاوية كنت قبل المشهد، مو معقولة كل شوي مشهد slow motion لتحطم السيارة

سؤال.. لعبت اجزاء بيرن اوت؟


لان اللي اشوفه بالفيديو حرفيا ماخوذ من بيرن اوت
انا اخر لعبة نيد فور سبيد لعبتها عالبلاي 3 ومو متذكر اسمها :tearsofjoy: هذي اول مرة اتحمس للعبة

باقي بس اتاكد ان قصة اولويز اون لاين مو موجودة واحتمال كبير آخذها!
 

FANTASTIC DREAM

sugar man, colors to my dreams
بس مفضيين روسهم وعايشين على فيفا وnfl وnfs وستار وورز.

للأسف هذا التوجه مُربح جِداً(جزء كبير مسكهم لبراند ستار وورز و التوجه للمولتي بلاير)، هُناك تعاون سكوير مع مارفل و بُكره بتشوف القِسم الغربي من سكوير بيفتقد هالتنوع في الألعاب و ببتصير بعض ألعاب مارفل "كافيه" عن كُل شيء.

ترا.... "مِنطقي" جِداً إن مؤتمرات Ea و يوبي سوفت "مُمله"، فيه عناوين عِندهم ترجع كُل سنه و تُستعرض كُل سنه(لو ما كُنت متشوق ليها بتمل، و إذا ما إستمر تشوقك لها كُل سنه بتمل)، و ألعاب المولتي بلاير اللي إستعراضها ياخذ من E3ـيات حتى بعد اللانش بشهووور مِثل ما صار اليوم مع إستعراض توسعات باتلفيلد 1 حتى بعد صدورها، و مع إي 3 القادم بنشوف إستعراض لتوسعات باتل فرونت 2، نموذج عملهم سود وجههم في E3، بالغصب.

و way out أخذت مكان اللعبه الجميله الوحيده اللي تستعرضها في E3 كُل سنه، اللعبه الوحيده.
 

Veeto

True Gamer
وبعدين اللعبة بتدعم السنجل جوي كون فما أدري من وين جبت معلومة انها بتحتاج كنترولر كامل

ولا كنت اتصور ( ولا ازال ) انه ممكن تلغي عدد من الازرار وتبقى اللعبة قابلة للعب . وهذا يزيد شكوكي فعلا انها نسخة مختلفة بعيدة عن النسخه الاساسية

كل نسخة لفيفا فيها طور تحكم كاجوالي بدائي بزرين للتمرير والتسديد.. فما ادري ليش مستغرب انك تقدر تلعب بجوي كون واحد!
 

شيطون

Fortnite Lover
مِنطقي" جِداً إن مؤتمرات Ea و يوبي سوفت "مُمله"، فيه عناوين عِندهم ترجع كُل سنه و تُستعرض كُل سنه

لهذا ماهتميت اتابع المؤتمر لايف
ولما شفت الكل يتكلمون عن way out شفت تريلرها وسحبت على الباقي
 

hussien-11

Senior Content Specialist
انا الكلام اللي احاول اقوله هو اني عجزت افهم هذي النسخة موجهه لأي شريحة بالضبط.

الكاجوالز + الناس الي تبغى فيفا محمولة تلعب فيها بأي مكان مع أي شخص (مثلي P: ).
 
التعديل الأخير:

ALONE

True Gamer
كنت أتمنى اعلان فايت نايت بإصدار خاص لمحمد علي لكن مع الأسف
رجعو السلسلة المتخبطة nba live الي تجي فترة وتختفي فترة ماعيلش يا ea انسو الكورة سلة لان 2k تعمقت فيها ومافي منافسة
معاك حق 2k هيمنت على كورة السلة مثل هيمنه فيفا على العاب الكورة
انا عشت فترة في امريكا اقسم بالله ماشفت احد يلعب او حتى يجيب طاري nba الكل مهووس بـ 2k ويلعبها
 

Dark_N11

True Gamer
انا مااعرف ايش البعض كان يتوقع من المؤتمر .. EA ببساطه اعلنوا عن ألعابهم كلها بأستثناء دراجون ايج و كم لعبه ستاروورز لأنه بدري عليها
و شوفنا عنوانين جديده منهم ..
 

Rain

True Gamer
انا مااعرف ايش البعض كان يتوقع من المؤتمر .. EA ببساطه اعلنوا عن ألعابهم كلها بأستثناء دراجون ايج و كم لعبه ستاروورز لأنه بدري عليها
و شوفنا عنوانين جديده منهم ..

من جد. المؤتمر كان جيد جداً وبالعاب EA المعروفه + لعبتين جديدة بالكامل. يعني اوكي EA هي الmain villain بصناعة العاب الفيديو لكن شوية تفاهم ما بيضر :emoji_rolling_eyes:​
 

ifahadx

True Gamer
ما شفت المؤتمر لان كل شي فية متوقع كنت مهتم فقط باللعبة الصغيرة اللي يعلنون عنها كل سنة والسنة هذي لعبة way out كانت لعبة بفكرة ممتازة
الباقي شي متوقع منهم
بالنسبة للسويتش توقعت نشوف لعبة او لعبتين بالاصافة الى فيفا على الاقل باقي الالعاب الرياضية ! ولو كبورت سريع ! لكن واضح ان EA داخلة على السويتش بأقل مجهود حتى A Way Out اللي تعتبر لعبة مفصلة للسويتش ما نزلوها للسويتش !
فيفا زي ما توقعنا من اول اعلان لقدومها الى السويتش راح تكون بورت سريع ورخيص ! ورجاء لا تقول ( افضل تجربة فيفا محمولة ) يعني تفوقت على فيفا 12 على الـ PSvita ولا تفوقت على فيفا نسخة الجوالات ؟ كلنا نتفق ان فشل البورتات الرخيصة من مصلحة الجهاز على المدى الطويل وقت ما تجي لعبة وتنزل على اجهزة PS4-PC-X1 ونسخة واحد من الاجهزة رخيصة ومليانة مشاكل فغالبا نشوف مجتمع الجهاز يقاطع اللعبة وهذا تكرر من كثير من العاب الـ PC والعكس في العاب مثل payday اللي اساسها ممتاز لكن بسبب سوء دعم نسخ الاجهزة المنزلية مجتمع الكونسول قاطع اللعبة والنتيجة ان اللعبة ماتت على الكونسول رغم ان اساسها ممتاز !
هذا بالاضافة الى ان فيفا لعبة تحتاج مجتمع كامل فاللعبة لازم تبيع بشكل كبير عشان تنجح ! وبما ان EA مش قادرين يقدمون التجربة الكاملة فالمفروض ما يبيعون اللعبة بالسعر الكامل ! فيفا نفسها على الـ PC مش ناجحة بسبب تقصير EA
 

ABUALI

True Gamer
سؤال.. لعبت اجزاء بيرن اوت؟


لان اللي اشوفه بالفيديو حرفيا ماخوذ من بيرن اوت
انا اخر لعبة نيد فور سبيد لعبتها عالبلاي 3 ومو متذكر اسمها :tearsofjoy: هذي اول مرة اتحمس للعبة

باقي بس اتاكد ان قصة اولويز اون لاين مو موجودة واحتمال كبير آخذها!
كنت مستغرب والآن بان السبب
فريق كريتون من استلم نيد فور سبيد وهي صايره برن آوت بسيارات مسجلّه... خذ لفه على آخر العاب نيد فور سبيد من ايام ps3 ليومك هذا، بتشوف الtakedown وحركات سلوموشن برن آوت، مو بالدرجه اللي صايره نفس باي باك لكنها كانت مناسبه لبرن آوت ايام ps2 و دحشها في نيد فور سبيد أصبح ممل، ولو تلعب نيد فور سبيد موست وانتد راح تفهم قصدي، لعبة ممتعه خربها وجود السلوموشن وtakedown، أو بالأصح فقدت هويتها.

تعودنا على الcustimzation والحلبات المغلقه والمنافسه الشرسه في نيد فور سبيد، وبرن آوت لعبه أخرى ولها طابعها ومستمتعين فيها أيضا، ولكن من الأفضل ان يكون لكل لعبه هويه خاصه بها يميزها عن الأخرى.
 
التعديل الأخير:

k87

Banned
EA هالسنة عبارة عن waste of time
العاب اركيدية كالعادة مثل FIFA اللي كل سنة تصير اخس
و NFS اللي اشوفها BURNOUT ولكن اركيدية اكثر
الشيئ الوحيد المتحمس له A Way Out..

متحمس لمؤتمر PC بكرا
 
التعديل الأخير:

titanfall

Tarnished
انا كنت اجهل معلومة انها ممكن تشتغل بنص كنترولر، ولا كنت اتصور ( ولا ازال ) انه ممكن تلغي عدد من الازرار وتبقى اللعبة قابلة للعب . وهذا يزيد شكوكي فعلا انها نسخة مختلفة بعيدة عن النسخه الاساسية.
هل بتكون مربحه لأنها ممتازة على المحمول؟ ممكن جدا، هل هي مغرية كنسخة فيفا للمحترفين؟ شخصيا لا اعتقد.
انا الكلام اللي احاول اقوله هو اني عجزت افهم هذي النسخة موجهه لأي شريحة بالضبط.
هي مو موجهة لمحترفين اللعبة، فقط إلي يبغي يلعب في كل مكان، إلي يلعب في البيت راح يفضل نسخة جهاز ثاني
سؤال.. لعبت اجزاء بيرن اوت؟


لان اللي اشوفه بالفيديو حرفيا ماخوذ من بيرن اوت
انا اخر لعبة نيد فور سبيد لعبتها عالبلاي 3 ومو متذكر اسمها :tearsofjoy: هذي اول مرة اتحمس للعبة

باقي بس اتاكد ان قصة اولويز اون لاين مو موجودة واحتمال كبير آخذها!
اعرف بيرن آوت، و حركة ال slow motion لتحطم السيارات مو جديدة على NFS ، و تغاضيت عنها في ألعاب السلسلة الأخيرة، لكن إذا السنقل بلاير كله مهمات قصة فهو مشكلة لأن أسلوب المهمات مو مناسب للعبة سباق، قرب من السيارة الفلانية عشان يطلع لك مشهد سينمائي أن شخصية تطلع من السيارة و تروح فوق السيارة، أو روح اصطدم بالشاحنة، وين راحت السباقات و المنافسة :emoji_disappointed:

على الأقل يعطوني خيار تنظيم سباقات ضد ال AI لأن القيادة و السيارات في اللعبة و المؤثرات طالعة رهيبة، ال slow motion واضح ان ما في أمل تتخلص منه EA، و أنا كنت أحسب أن فورزا إلي بتنزل مع السكوربيو راح تكون هوارايزون لكن اتضح أنها الثانية، يعني خطية، الأفضل انتظر EA تكشف عن الأطوار إلي تقدر تلعبها بدون اونلاين حتى أحدد موقفي النهائي منها.
 

Veeto

True Gamer
لكن إذا السنقل بلاير كله مهمات قصة فهو مشكلة لأن أسلوب المهمات مو مناسب للعبة سباق، قرب من السيارة الفلانية عشان يطلع لك مشهد سينمائي أن شخصية تطلع من السيارة و تروح فوق السيارة، أو روح اصطدم بالشاحنة، وين راحت السباقات و المنافسة

ما اعتقد لهالحد.. حتى بيرن اوت كان فيها سباق وتنافس

عموما اعتقد ان احنا بنتفق على اختلافنا.. انا عجبني اللي شفته وانت ما عجبك.. ننتظر اللعبة النهائية شنو بتكون
 
أعلى