Veeto
True Gamer
السؤال الي يطرح نفس وصلب الموضوع ماذا تجلب حصريه جيرز لميكروسوفت؟ انت تعتقد ان ميكرو يهمها المبيعات ال5 مليون نسخه كربح مادي من وراء جيرز؟ طبعا لا هي شرت الحصريه حتى تجذب الناس للجهاز وميكرو تبي تكون الرقم 1 في سوق الالعاب فالسؤال هل جيرز راح تجذب جمهور جديد او مختلف "بشكل كبير" للجهاز بشراء حصريه جيرز؟ الي يحب الشوترز عنده اسباب اكثر من كافيه ان يشتري الxbox1 سابقا او لاحقا بسبب كميه الاسامي القويه للشوترز على الجهاز ربما ينتظر نزول السعر فقط واسباب اخرى ممثاله عكس لو كانت حصريه جديده لgenre اخر
هذي النقطة المفصلية اخوي حسان .. واللي اعتقد انت والاخ حسين تتناقشوا في شي غلط .. السؤال هل مايكرو تسعى لجمهور مختلف ؟ انا شخصيا ما اعتقد هالشي
انا دائما اقول ان مايكرو متوجهة بطريقة مختلفة في الجيل الحالي .. مايكرو ما تسعى الى - maximize sales volume - يعني مايكرو ما تسعى الى تضخيم المبيعات من ناحية العدد .. اتوقعها بتسعى لتركيز المبيعات على الجمهور الربحي الاكثر - maximize sales profit -
لهالسبب دخلوا بقصة الـ DRM .. ومتيقن ان حتى هالصفقة كانت معدة مسبقا .. فكرة مايكرو باختصار .. يشرحها الفارق التجاري بين لعبتي نيو سوبرماريو بروس وي يو .. وبين فاينل 13-2 في اليابان
الثنتين باعوا مليون تقريبا .. فلسفة نينتندو انها تبيع اكبر كمية من الاجهزة لان ربحيتها معتمدة على قوة عناوينها ومحافظتهم على قيمتهم .. فلو باع ماريو مليون .. بسبب نقص اليوزر بيس هذي خسارة
سكوير وعلى نفس النسق مايكرو .. ربحيتهم ما ترجع من المليون .. ترجع من اول نص مليون اشتروها في اول اسبوع او اول شهر .. فبدل ما تركز وتتعب جهودها على نص مليون - ما بعد شهر الاصدار - بتركز على نص مليون الاصدار
قيسها على اليوزر بيس .. رؤيتهم مبنية على الجمهور الربحي .. الجمهور اللي بيشتري جيرز من اول يوم .. مو على الجمهور الكلي اللي بيشتري جيرز .. لهالسبب انا اشوف هالصفقة ماشية حسب توجه استراتيجية عمل مايكروسوفت
واشوفها تكملة لهالشي .. لحد الحين اعتقد ان قرار الــ DRM .. جاء من راس الهرم في مايكروسوفت وما اعتقد ان قسم الاكس بوكس كان موافق عليه .. مشكلة القرار كانت في طريقة وتصرفات مايكرو في تصريحاتها بينته باسوء ما يمكن
لحد الحين تسمع في تصريحات مايكروسوفت انهم بيرجعوا ليه .. واانا اشوفهم مؤمنين في نموذج عملهم هذا