Khalid-S
Executive Member
انا حتى الآن مستغرب كيف في ناس مو فاهمه الموضوع ، مع اننا عدنا الاسباب مليون مره.
والله انا حزنان. احنا المنتدى الوحيد الي يحارب الكوبي بكل قوه وبالنهايه اعضاء كثار طلعوا ومن ضمنهم اعضاء قدامى.
لكن ايش نسوي...
اذا احنا (ترو جيمنج) متواصلين مع شركات عربيه الي يشتغلون فيها يردون هنا بالمنتدى ونحاول ندعمهم قدر المستطاع عشان يستمرون في مكانهم ويقدمون افضل ما عندهم. دعمهم الوحيد هو بشراء منتجهم، مو تسرق منتجهم.
اما الي يشوف انه عادي يسرق منتجهم.. ما اقول الا انتبه الدنيا بتدور وبيجي ناس يسرقون تعبك. ومتأكد ما بتكون راضي.
امس كنت اتكلم مع مصمم برامج. صمم برامج iPhone وغيرها. حط تعب شهور في برنامج قرآن للجهاز احلف بالله انه اجمل برنامج موجود للجهاز حتى الآن من الناحيه التصميمه سواء GUI او برمجه الاكواد. شاب عربي سعودي توصله ايميلات شكر على تعبه في تطوير البرنامج وتبشيره بان تم قرصنه برنامجك ونشره في المنتديات.
على حسب كلام بعض الشباب ان اسواقنا ما ينوكل منها عيش (مع انه فاهم المسئله خطأ تماما). شوف الضرر الي لحق بالمطور هذا، برنامج عربي على جهاز غربي موجه للمسلمين العرب. الي ينتظر منهم الدعم بالشراء راحوا ينزلون النسخه المقرصنه، هذا وهو المطور "محترم" ثقافتنا المقرصنه ووفر نسخه مجانيه من برنامج بميزات قليله. الحين هذا المطور ايش يعطيه دافع انه يكمل ويقدم اجمل ما لديه من مواهب؟
هذا مثال لمدى التعب والجهد الي يحطه الصانع في صنعته ويروح على الفاضي. هل ترضى في يوم يحصلك مثل ما حصل له؟
للاسف الي متعود على الحرام صعب يتركه. الي متعود يشتري 25 لعبه ب 250 ريال صعب انه يشتري لعبة وحدة ب 250 ريال. للاسف العمليه مو داخله مخه لانه تعود على الكثير وما يشبع بالقليل الصحيح.
المشكله الي اكبر من كذا، هو شراء العاب كوبي ومو تحميلها. لمن تشتريها وهدف قرصنتها هو انها تكون مجاناَ كذا انت قاعد تدعم الحراميه الي يبيعون الديسكات وتحط لهم مصدر دخل بالحرام.
هذا غير المسائل الدينيه الي ما نبي نتطرق لها عشان ما ندخل في متاهات.
المسئله صعبه يا اخوان. من كل الجوانب يبقى خطأ مهما حاولت تحط عذر من اي جانب. الي يحمل العاب من الانترنت مجاناَ ويعترف بينه وبين نفسه ان فعلته هذي خاطئه افضل من الي يدافع ويطلع اعذار.
خصوصاَ وإن، الاجهزه جميعاَ تقدر تحمل Demos للالعاب (بما فيهم PSP, DS الي كان من الممكن تقرصن لعبه فقط عشان تشوفها) لكن الآن في Demos تنزلها رسمياَ منهم وتجرب اللعبه. الوقت الي بتحطه في اللعبه الكامله مقرصنه متأكد نفسه بتحطه في الديمو (فئه من المقرصنين يشترون العاب كوبي لتجربتها).
اتمنى الشباب يفكرون في الامر جدياَ. اذا اوضاعه الماديه سيئه وما يقدر يترك الجيمز الله يعينه وان شاء الله ربي يفتحها عليه (بالمحاوله والبحث عن وظيفه اضافيه). اذا تعترف بان الي تفعله خطأ وتحاول تصحح منه افضل مليون مره من الاعتراف بالخطأ والمتسك به.
السلام عليكم.
والله انا حزنان. احنا المنتدى الوحيد الي يحارب الكوبي بكل قوه وبالنهايه اعضاء كثار طلعوا ومن ضمنهم اعضاء قدامى.
لكن ايش نسوي...
اذا احنا (ترو جيمنج) متواصلين مع شركات عربيه الي يشتغلون فيها يردون هنا بالمنتدى ونحاول ندعمهم قدر المستطاع عشان يستمرون في مكانهم ويقدمون افضل ما عندهم. دعمهم الوحيد هو بشراء منتجهم، مو تسرق منتجهم.
اما الي يشوف انه عادي يسرق منتجهم.. ما اقول الا انتبه الدنيا بتدور وبيجي ناس يسرقون تعبك. ومتأكد ما بتكون راضي.
امس كنت اتكلم مع مصمم برامج. صمم برامج iPhone وغيرها. حط تعب شهور في برنامج قرآن للجهاز احلف بالله انه اجمل برنامج موجود للجهاز حتى الآن من الناحيه التصميمه سواء GUI او برمجه الاكواد. شاب عربي سعودي توصله ايميلات شكر على تعبه في تطوير البرنامج وتبشيره بان تم قرصنه برنامجك ونشره في المنتديات.
على حسب كلام بعض الشباب ان اسواقنا ما ينوكل منها عيش (مع انه فاهم المسئله خطأ تماما). شوف الضرر الي لحق بالمطور هذا، برنامج عربي على جهاز غربي موجه للمسلمين العرب. الي ينتظر منهم الدعم بالشراء راحوا ينزلون النسخه المقرصنه، هذا وهو المطور "محترم" ثقافتنا المقرصنه ووفر نسخه مجانيه من برنامج بميزات قليله. الحين هذا المطور ايش يعطيه دافع انه يكمل ويقدم اجمل ما لديه من مواهب؟
هذا مثال لمدى التعب والجهد الي يحطه الصانع في صنعته ويروح على الفاضي. هل ترضى في يوم يحصلك مثل ما حصل له؟
للاسف الي متعود على الحرام صعب يتركه. الي متعود يشتري 25 لعبه ب 250 ريال صعب انه يشتري لعبة وحدة ب 250 ريال. للاسف العمليه مو داخله مخه لانه تعود على الكثير وما يشبع بالقليل الصحيح.
المشكله الي اكبر من كذا، هو شراء العاب كوبي ومو تحميلها. لمن تشتريها وهدف قرصنتها هو انها تكون مجاناَ كذا انت قاعد تدعم الحراميه الي يبيعون الديسكات وتحط لهم مصدر دخل بالحرام.
هذا غير المسائل الدينيه الي ما نبي نتطرق لها عشان ما ندخل في متاهات.
المسئله صعبه يا اخوان. من كل الجوانب يبقى خطأ مهما حاولت تحط عذر من اي جانب. الي يحمل العاب من الانترنت مجاناَ ويعترف بينه وبين نفسه ان فعلته هذي خاطئه افضل من الي يدافع ويطلع اعذار.
خصوصاَ وإن، الاجهزه جميعاَ تقدر تحمل Demos للالعاب (بما فيهم PSP, DS الي كان من الممكن تقرصن لعبه فقط عشان تشوفها) لكن الآن في Demos تنزلها رسمياَ منهم وتجرب اللعبه. الوقت الي بتحطه في اللعبه الكامله مقرصنه متأكد نفسه بتحطه في الديمو (فئه من المقرصنين يشترون العاب كوبي لتجربتها).
اتمنى الشباب يفكرون في الامر جدياَ. اذا اوضاعه الماديه سيئه وما يقدر يترك الجيمز الله يعينه وان شاء الله ربي يفتحها عليه (بالمحاوله والبحث عن وظيفه اضافيه). اذا تعترف بان الي تفعله خطأ وتحاول تصحح منه افضل مليون مره من الاعتراف بالخطأ والمتسك به.
السلام عليكم.
التعديل الأخير: