ليش بدأت أكره 2011 من الأن ..

[Id]

حسيت العنوان أكثر عنوان مكجول كتبته في حياتي بس ما عليه .. من زمان ما شاركت في المنتدى و قلت اليوم أطب عليكم بهالموضوع الي يرفع الضغط .. طبعاً يرفع ضغط الي يشترون أصلي مش أهل الكوبي و يعرفون نفسهم P:

هذي بس عناوين ألعاب السنة الي نعرفها إلى هذي اللحظة و أشوفها مهمة

أدري في غيرها مثل LBP2 و Ace Combat: Assault Horizon و أساسن كريد جديدة و CoD جديدة و بتكون من فريق سلدج همر و و.. بنتعب وإحنا نعد بس السؤال الي يطرح نفسه الأن كيف بنحل مشكلة التلحيق على هالعناوين كلها O_O

شكلها جمعية بتفك الأزمة <_<
​

 

[AS-HI]

انا طريقتي بالالعاب اللي تفوتني اشتريها دفعه وحدة يا ثامر مو شرط تغرق نفسك وتخسر فلوسك عليها اول ماتنزل
فيه شغلات في حياتك اهم من الجيمز , مو معناتها انك تأخرت بشراء اللعبة انك مو عايش حماسها المتقطر , اللعبة اللي تستاهل تشتريها اول ماتنزل بدها على العاب السنجل بلاير خصوصاً

أنا الحين توي اعيش حماس ميتال جير و اساسن كريد 2

مش أهل الكوبي و يعرفون نفسهم P:

اعرف ناس يسوون مشاكل على راعي المحل بسبب أن اللعبة 15 ويبونها ب 10 كيف لو استخدموا الاصلي :wow:

 

[M.D.L]

لأن زيلدا في آخر السنه

 

[BioMario]

شكلها بتكون من أفضل السنين بالراحة وما ننسى الـ DSi بعد

 

[Id]

قصدك الـ3DS علي .. حطيته في تويتر بس ما عدلت كتابة الإنجليزي لول

http://twitpic.com/3f9twz

 

[AS-HI]

شكلها بتكون من أفضل السنين بالراحة وما ننسى الـ DSi بعد

3DS*

 

[Xeon-Q8]

بالفعل احنا على موعد مع العاب قويه جدا السنه الجايه .. الواحد يحتاار في هالألعاب
كل شهر من السنه فيه لعبه او لعبتين .. يتحملهم المعااش .. من مميزات العزوبيه
وبصراحه اكثر من لعبه متحمس لها .. معظم الألعاب على قائمه المشتريات

لكن فيه لعبه مكرر بالقائمه مرتين Duke Nukem forever
شنو قصتها ؟؟

 

[Mute City]

مهتم بثمانيه العاب وما ننسى العدس : (

 

[Id]

^
^

كفشتني .. حطيتها مرتين لسبب بسيط .. اللعبة تتأجل من عشر سنين .. قلت ممكن تكون في أول 2010 أو أخرها من كثر ما تأجلت

 

[nbnt]

لحظه! كولكشن SotC و ICO فينه ياثامر! و قائمتك هذي بدون الالعاب الداونلودبل صح؟ :/

طبعاً مع تجاهل العناوين الميه في القائمه, المهم فيها بيتأجل ل2012.. TLG و RAGE.

 

[Id]

كولكشن مش شيء جديد نصنص فما حطيته <_< و أنت الميه + مافي داونلودبل ولا بورتبل

 

[m-oo-7md]

بالعكس ليه بديت احب 2011 من الان

 

[SCREAMING_RAGE]

همممممممم, مدري ليش لكن احس ان لستة العاب سنة 2010 أحسن منها بعض الشئ, ولا ؟!

 

[Super Shadow]

ما أريد من 2011 الا زيلدا سكاي ورد و العدس و سونيك أنفرستي و بس P:

 

[Sand Wraith]

هي سنة كبيسة بتاريخ الألعاب أكيد .. : )

بس مش شرط تشتري كل شي .. يعني مثلاً عن نفسي ما بفكر أشتري FPS و لا أهتم بالأونلاين من أساسه يمكن لأنه الانترنت تعيس في الـ Upload عندي لذا اهتماماتي بتكون نحو السينجل بلاير أو الكامبين بالألعاب فتوجهي حيكون آكشن أدفنتشر أكثر و لعبتين آربيجي إذا نزلوا على الـ PS3 و هما Mass Effect 3 و Elder Scrolls V باقي الألعاب إذا حد اشترها من أصحابي باخدها منهم غير هيك ما عندي مشكلة أنتظر سنين حتى أجربهم .. : )

 

[Xeon-Q8]

^
^

كفشتني .. حطيتها مرتين لسبب بسيط .. اللعبة تتأجل من عشر سنين .. قلت ممكن تكون في أول 2010 أو أخرها من كثر ما تأجلت

لول .. يالله خيرها بغيرها

وان شاء الله تنزل هاللعبه ماصارت 10 سنين

 

[Dmck]

منتظر من 2011
مارفل VS كابكوم 3
DLC SSF4 AE
ديد سبيس 2
برسايت ايف 3 او ثيرد بيرث داي
مونستر هنتر 3 بورتبل

سونيك أنفرستي

اول مرة اسمع بيها
2دي او 3دي ؟

 

[JOE]

حنضحك على ذي القائمة آخر السنة لما يفلب من يفلب و يتسطّح لـ2012 من يتسطّح .

+

MvC3 > ثامر

 

[Painkiller Q8]

رد فاكشن @_@ يااااااااقلبي

L. A. Noir .. قووتي 2011 :tongue:

 

[Id]

خليك ساكت أنت ولعبتك أبو زرين

 

[Nintendo]

^^

لول صادق

عموما السنه الجاية لازم نشوف لها حل ثامر, نسوي جمعية ويصير كل لعبة مهمة واحد مننا يشتريها ويخلصها ويعطيها الثاني (اي شخص من جده وده يشترك الله يحيه), وبكذا بنوفر فلوسنا, فيه حل ثاني انه نطلب نسخ المراجعه ونحصل الالعاب ببلاش هههههههههههه ببلاش ههههههههههه ببلاش ههههههههههههه (فيوزاته ضربت).

المشكلة ال3DS ذا بيضيع كل الميزانية عندي

 

[The Doctor]

هممم... خمس ألعاب...

 

[slifer dragon]

بس 6 ألعاب من هالقائمة أهتم أشتريها عن نفسي + جهاز ال3DS وكم من لعبة عليه ..

 

[Spartan-A34]

كل سنة اقوى من الي قبلها ,, من القائمة ابي اشتري 5 العاب ,, و مثل ما قلت القائمة راح تزيد اكثر :laugh::

 

[Painkiller Q8]

Id ماعندكم خدمة تأجير في السعوديه ؟؟

لو فيه تقدر تلعبهم كلهم بدون ماتشتري اي وحده .. وماتكره 2011 الحبيبه

 

[AS-HI]

فيه حل ثاني انه نطلب نسخ المراجعه ونحصل الالعاب ببلاش هههههههههههه ببلاش ههههههههههه ببلاش ههههههههههههه (فيوزاته ضربت).

المشكلة ال3DS ذا بيضيع كل الميزانية عندي

لاتنسونا بنسخ المراجعه :laugh::

ال3DS :inlove: اصلاً هو بالحاله ميزانية كاملة مع العابه -_- يازين ايام المحمول تشتريه من ابو ريالين ذيك الايام كان فيه 6000 لعبة مختلفة و بـ 10 ريال الحين حطوا لنا كمن لون وقاموا يهايطون بالاسعار

 

[Zero]

تم حفظ الصورة

عن نفسي في حاجات من هالسنة للحين ما لحقت عليها... شكله بيكون صيفي حافل >_>

 

[Tomb raider]

اتمنى من كل قلبي ان تووم ريدر تتأجل

 

[Emirates]

نسيت لعبة كرايتك الحصريه للاكس 360 ذا كينجدوم

ضيف ايضا للي متحمسين لالعاب الكنيكت امثالنا جايتنا بروجكت دراكو وكود نيم d ورايز اوف نايت مير

شكلنا فعلا فعلا ما بنلحق

 

[Jonas]

الصيف زهق دايماً و نادر ينزل فيه شي يسوى , عادي كم لعبه أأجلها للصيف و انتهى الموضوع