الموضوع الرسمي لنتدارك سولزا وننهي دورة حياة النار والظلام | Dark Souls III
- بادئ الموضوع Raulioo
- تاريخ البدء
-
- الوسوم
- dark souls 3
Eye
السوسة
معليك انت تستطيع نحن معك
اهم شي حافظ على اعصابك ولا ترتبك ، كمل على طريقتك ضربة ضربتين بس حاول ما تتحرك كثير بدون سبب
Cinnamon
Blade of Miquella
محاولة جيدة عارفة نمط هجومه .. باقي كم محاولة زيادة واستخدمي ال Ember من الانفنتوري لو معك ، يرفع ال maximum hp بس لما تموتي يروح
S30D1999
True Gamer
فيه مصعد يفتح اختصار جنب مدخل الزعيم حسب ذاكرتي بيوفر عليك وقت
Cinnamon
Blade of Miquella
ارجعي للبونفاير الاساسي وحطي فحمهم على الكرسي (&)
Nostalgic
True Gamer
وتبقى دارك سولز 3 صاحبة أفخم معارك الزعماء!
قبل ما تنهي اللعبة في منطقتين أو 3 مناطق سرية مدري إذا مريتي عليهم أو لا (أحدها تملك أفضل الزعماء في المحتوى الأساسي)، برضو إذا عندك التوسعة فهذا وقت مناسب لتقومي بزيارة المحتوى الإضافي الأول.
S30D1999
True Gamer
خلاص انت على مشارف النهاية … فيه مناطق جانبية يفضل تخلصينها من الحين وبعدها تروحين للإضافة
Sam.
fire walk with me
ولا فهمت كلمة خصوصا الفحم والكرسي..<
اكثر جزئية تستفزني اذا عذبني زعيم وفي الاخير لو قتلته اكتشف انه محبوس في غرفة مغلقة
انا اضيع في المناطق العادية فغالبا لا بس اللعبة اتوقع فيها الاضافة .....
m7tram
True Gamer
هذيلا الكراسي الخمسه .. العروش شفتيهم في فاير لينك شراين؟؟ روحي عند كل كرسي وراح تقدرين تحطين أتربة الزعماء اللوردز الي معاج عن طريق ضغط زر اكس عند كل كرسي لما تحطينهم كل واحد بكرسية راح يتبطل لج اخر مكان فاللعبه .. لكن لو كنتي حابه اللعبه وودج تكملين فيها في مناطق سريه مري عليهم والشباب ماراح يقصرون عن اماكنهم وينهم.
Nostalgic
True Gamer
بحاول أعطيك تلميحات وما أحرق عليك قدر الإمكان:
إذا ذاكرتي ما تخونني فالمنطقتين الأولى والثانية متصلة مع بعض. بعد معركة الراقصة وقبل دخولك للقلعة في منطقة أقصى اليسار لو استكشفتيها بتلاقي المنطقة والزعيم الأول، كملي استكشاف وبتوصلي للمنطقة الثانية مع زعيمها. بترك لك كيفية الوصول للمنطقة الثانية.
المنطقة الثالثة سرية أكثر من السابقتين، في منطقة السجن بتلاقي تمثال تنين يتأمل الأفق... قلديه.
عليك تجاوز المناطق وهزيمة الزعماء بنفس الترتيب اللي ذكرته.
يسمح
ASWD
True Gamer
ASWD
True Gamer
بوسيف39
True Gamer
خلصت اللعبة الأساسية قبل فترة وهزمت كل الزعماء، وقلت بعيد بلدبورن عشان أتأكد من نقطة وخلصتها وهزمت أغلب الزعماء وأيوا هذا الجزء الأفضل وأحسن من الأول وبلدبورن.
السولز مبنية على ثنائية القتال والاستكشاف، بالتالي هذا يلقي حمل على تصميم القتالات سواء من ناحية قدرات اللاعب أو تصميم الأعداء، ويلقي بحمل على تصميم المراحل وأشوف هذا الجزء الأفضل من هاتين الناحيتين، وبفرق عن ما سبقه.
بداية اللعبة اخترت المحارب لأني قررت بلعب Dex وجلست ألعب بالفاس لفترة معتبرة، ثم غيرت سلاحي لشي مثل المعول وبعدها استخدمت سلاح الزعيم الثاني، بعدها رسيت على سلاح sellsword twinblades وسلاح جانبي كان سيف كبير، نفس الجزء الأول فيه كمية أسلحة كبيرة منوعة فصعب اللاعب ما يلقى سلاح يناسبه بس سالفة ال weapon art تضيف نكهة لطيفة للأسلحة.
والأعداء بهذا الجزء أحسن من الأجزاء الماضية بفرق، عنيفين بشكل كبير وعندهم ضربات أكثر عندك مثلا هذيلاك الي بمرحلة road of sacrifices الي يمسكوا غصون أشجار فوق أن الدامج مالهم عالي بالنسبة لبداية اللعبة عليهم مدى كبير، والعنف والجودة هذه موجودة بالزعماء كذلك، ما أظن فيه زعيم سيئ واحد بهذا الجزء وفيه بوتقة من الزعماء ممتازين، يمكن أوضح مثال لهذا ببداية اللعبة لما تقاتل جندير عنده ضربات منوعة وقوية والزعيم له فيز ثاني يخلي القتال ديناميكي حبتين، لكن أتوقع أكثر زعيم يوضّح هذه السالفة "مشاهدو الأبيس" يبدا القتال بواحد نفس حجم اللاعب وهذه نوعية القتالات الي أفضلها شخصيا بالسولز، بعدها ينهض صاحبه بعدها ينهض واحد ثالث ممكن يكون معك أو ضدك، ومن ثم يبدأ الفيز الثاني وكل القوة تتجمع بمقاتل واحد، أشوفه قتال نموذجي لزعماء السولز الممتازين، يكون عنده حركات قوية وواضحة والقتال مع تقدمك يتغير عشان اللاعب ما يمل.
الشي الأخير الي أريد أتكلم عنه هو تصميم المراحل، صحيح تصميم العالم بهذا الجزء خطي وما أمانع هذا عن نفسي بس تصميم المراحل هذا الأحسن بالسلسلة بالراحة، ماخذين نهج مراحل الميترويدفينا الي تكون متشعبة وتارسة جوايز ووحوش، كل مرة تستكشف تلقى ايتمز ممكن تفيدك أو تلقى اختصار أو تلقى فخ وبوتقة من الأعداء تنتظرك، والمراحل واسعة ودسمة ومرات تكون طوابق بحيث يكون فيه جزء علوي واخر سفلي، وكثير من المراحل تكون مقسومة نصين والنص الثاني يختلف بفارق عن الأول وحتى توزيع البنافير بهذا الجزء مريح عشان ما ندق مشاوير على الفاضي، أتوقع من أحسن المراحل باللعبة الي توضح هذه الفكرة مرحلة Cathedral of the Deep نصها الأول الخارجي مختلف بفارق من ناحية الوحوش والتصميم عن نصها الداخلي، ما بس من ناحية نوعية الأعداء بل التصميم نفسه تغير والعقبات كذلك، أبسط شي داخل فيه جزئيات فيها سم وعمالقة تنتظرك عشان تهزمك، أظنها من أحسن مراحل اللعبة وعتبي الوحيد عليها أنها بالنص الأول أكثروا من استعمال سالفة العدو الي مندس وراء الجدار وما تشوفه.
لو فيه كلمة وحدة بقولها عن هذا الجزء بتكون متقن، كل شي يقدمه مضبوط ويحسن على من قبله، فيه أحسن زعماء وأحسن وحوش أحسن تصميم مراحل، عشان كذا أقول أنه الأقرب للكمال.
اتسائل لو جربت الDLC ، الزعيم الأخير فيه هو افضل زعيم اخير بالسلسلة برأيي
S30D1999
True Gamer
تقصد غايل ؟
بوسيف39
True Gamer
بعدني ما لعبته.
طبعا مافي غيره
Santi caz
True Gamer
وش نظام الغدرة مع نسخة pc ختمت اللعبه والاضافة الاولى ومشيت لنص الاضافة الثانيه والحين رجعت حملتها واكتشفت ان التخزين راح لان مافيه دعم لسحابة ستيم 
.. بعد ماشفت الوضع كذا حملت مود 120hz و ركبت التعريب و عجبني خطه وبلعب اوفلاين تكفي انها تحمسك لتخزينه جديده لكن شكلي بحول على الجزء الاول اللي اتذكر فاجئني ببطئه مقارنة الثالث وهذا اللي وقفني اني اكمله و استغل الحين اني مطول عن الثالث
.. بعد ماشفت الوضع كذا حملت مود 120hz و ركبت التعريب و عجبني خطه وبلعب اوفلاين تكفي انها تحمسك لتخزينه جديده لكن شكلي بحول على الجزء الاول اللي اتذكر فاجئني ببطئه مقارنة الثالث وهذا اللي وقفني اني اكمله و استغل الحين اني مطول عن الثالث
m7tram
True Gamer
وش نظام الغدرة مع نسخة pc ختمت اللعبه والاضافة الاولى ومشيت لنص الاضافة الثانيه والحين رجعت حملتها واكتشفت ان التخزين راح لان مافيه دعم لسحابة ستيم
صار فيني نفس الشي مع ديفل ماي كراي 3 وماحصلت التخزينه لما رجعت لها بعد فتره .. لكن سويت بحث بالنث وكان في طريقه اني ارد احملها كانت موجوده بالسيرفر لكن مو بشكل اوتوماتيكي .. نسيت الحين اشلون الطريقه لكن انصح انك تسوي بحث زياده بقوقل.