الموضوع الرسمي لمطبخ تروجيمنج - يا ويل اللي يدخل ويقول "الشغاله تطبخ لي" ):<

[Arashi]

السلام عليكم ورحمة الله وبركاته



شخباركم يا أعضاء TG؟ :::::v:

عارفه ان معظم المنتدى اولاد والاغلب يظن ان مواضيع الطبخ للمنتديات النسائيه فقط...لكن في الفتره الاخيره انبهرت بكثير شباب ما شاء الله محترفين في الطبخ وأحسن من البنات بعد :no_mouth:

فحلو لو يكون لتروجيمنج موضوع طبخ خاص يستعرض فيه الواحد عضلاته المطبخيه

الشروط:

شرط واحد...لا تخلي شغلك عالخدامه او الوالده او المدام :thumbsdown:


وبس
​

 

[prince khalid]

السلام عليكم.
أظن في موضوع سابق للأكل والمطاعم ؟

 

[Arashi]

سندويتشات SubWay في المنزل

سندويتشات SubWay في المنزل

ملاحظة مهمة: يجب مراعاة الترتيب عند وضع المقادير داخل الخبز k_hand:

المقادير والطريقة

1-خبز طويل وفيه عرض
2-مرتاديللا Chicken Cocktail
3-Pepperoni مقلي قلي خفيف (ممكن تقليه بدون دهن او تسخنه بالميكرويف ويتحول إلى مقلي)
4-صدور دجاج مسلوقة (طريقة السلق المقترحة: في قدر بماء ساخن نضع بصلة حمراء كبيرة مقشورة مقطعة 4 قطع - فصة ثوم - مكعّب ماجي دجاج - 1\2 ملعقة شاي فلفل أسود - ملعقة شاي ملح)

5-مايونيز
6-ثاوزند آيلاند
7-شرائح جبن

7-طماطم << خطأ في العد

8-خس
9-بصل أحمر

تقسم شريحة الجبن إلى نصفين وتوضع داخل الخبز - يوضع الدجاج - يوضع البيبيروني

توضع جميعها في المايكرويف لمدة 30 ثانية حتى يذوب الجبن مع اللحوم قليلاً (الأفضل لا يذوب الجبن كاملاً لأنه يقال إن ذوبانه في المايكرويف ضار)

تضاف المرتاديللا

يضاف الخس - الطماطم - البصل الأحمر

يضاف المايونيز - الثاوزند آيلاند

تُلف السندويتشات بورق خاص بالسندويتشات (ورق الزبده)

تُقطّع السندويتشات من النصف



طرق أخرى


الطريقة الأولى

Pepperoni
مرتديللا تركي (ديك رومي)
صدور دجاج مشوية

مشروم طازج مقلي

شرائح الجبن - طماطم - بصل أبيض - خس (بدون صور)

هذه طريقة شوي صدور الدجاج: 1- بعد تذويبها (ان كانت مثلجة) يتم رش قليل من الملح والفلفل اللأسود

توضع داخل الشواية ويتم غرس عود خشب للتأكد من صلابتها

بعد أن تصطلب قليلاً ويميل لونها إلى الإصفرار يتم اخراجها من الشواية

توضع شرائح الجبن ثم الدجاج وتوضع في المايكرويف مدة 30 ثانية

نضيف البيبيروني والمرتديللا

نضيف الخس - الطماطم - المشروم - البصل - المايونيز - الثاوزاند آيلاند


الطريقة الثانية

بالترتيب: جبن - مرتيدللا تركي - بيبيروني - خس - طماطم - خيار (أو مخلل خيار) - زيتون أسود - مايونيز - ثاوزند آيلاند


طرق بدون صور

مع الأسف ماقدرت أصوّر كل المرات لكن هذي الأفكار اللي جربتها:

جبن - مرتديللا تركي - روست بيف (اللي لونه أسود وبني) - خس - طماطم - بصل أبيض - فلفل أخضر - مايونيز

جبن برتقالي - صدور دجاج مشوية - بيبيروني - بيكون - خس - طماطم - بصل أحمر - خردل - القليل جدا من الكاتشاب

وأكيد ما تحتاجون تتقيّدون بالمقادير وممكن تبتكرون طرق من عندكم :thumbsup:::

وبالهناء والشفاء
​

​

 

[Arashi]

prince khalid

ما مر علي...يمكن قديم؟ @_@

 

[Zixmar]

آراشي تراكِ شهيتيني بشكل مش طبيعي :"(، ان شاء الله راح احط أكلات معينة لو سويت.

 

[king zell]

ما أتوقع في فايدة من الموضوع اذا كل شخص يجيب مواضيع كوبي بيست من برا

اللي بيطبخ يصور بنفسه و يحط تجاربه هنا (مش شرط تكون شي أسطوري)، كذا أفضل و بيكون موضوع مفيد فعلا

 

[BLACK WIZARD]

ما أتوقع في فايدة من الموضوع اذا كل شخص يجيب مواضيع كوبي بيست من برا

اللي بيطبخ يصور بنفسه و يحط تجاربه هنا (مش شرط تكون شي أسطوري)، كذا أفضل و بيكون موضوع مفيد فعلا

هههه ماهم الي بيطبخون بياخذون الوصفات من النت يعني تريدنا نخترعلك طبخات :: انا مايمديني غير اسوي بيض .......الله يعز الوالدة بس :joy:

بخصوص طبخك اراشي
ماأقول إلا شهيتيني بالطعام بحاول اعمل هاي الطبخة ومشكورة

 

[Arashi]

Xixmar

في انتظار اكلاتك...اكتشفت ان وصفات الاولاد خطيره :thumbsup:::::


------------------------------------------------------------------------------------------------

king zell

اكيد محد بجيب من برع وبما اننا في تروجيمنج فما احتجت اكتبها كملاحظه لأن الكل هني يكره النقل :winky:


------------------------------------------------------------------------------------------------

BLACK WIZARD

عادي ممكن تاخذ الوصفه من النت بس تصور تجربتك :::v:
صور السندويتش لما تجربه ^^

 

[king zell]

هههه ماهم الي بيطبخون بياخذون الوصفات من النت يعني تريدنا نخترعلك طبخات ::

خذ الوصفة من النت مش مشكلة، بس اطبخها بنفسك و حط صورك عشان تكون تجربتك فعلا

انا اللي ما أبيه ناس تروح تجيب صور من موقع أو منتدى ثاني

 

[JIN KAZAMA]

انا انسان مااعرف اطبخ ، حدي خبز وجبنه

 

[Phantom Fiction]

فعليا جربت أطبخ طبختين بس. حاولت أسوي كبسة دجاج بوصفة من الوالدة لكن طلعت الكبسة بيضاء وكثرت المويه على الرز وصار مثل العجين xD

الطبخة الثانية رز السليق. الطبخة ما كانت صعبة ولعلها من أسهل أكلاتنا لكن أتقنتها أكثر من الطبخة الاولى لي.. لعلي ألقى صورها في الجهاز

 

[BLACK WIZARD]

بالنسبة لي اول تجربة فعلية للطبخ كانت فطائر جبن وزعتر الغريب بالامر انها طلعت لذيذة من اول مرة بس كانت شوي العجينة من داخل طرية
المهم كملنا كل الفطائر الي طبختها واليوم الثاني صحينا كل واحد ماسك بطنة ....مغص:yuck::.... طلع السبب العجين الغير ناضجة واني بدل ماأحط طحين ابيض رقم1 حطيت بالغلط طحين احمر رقم 2 2 :scream:
من بعدها مادخلت المطبخ :joy:

 

[Boo22]

هذا هو الموضوع القديم http://www.true-gaming.net/boards/showthread.php?t=21886 موجود في الصفحة الأولى :stuck_out_tongue_cl

 

[alruqeishy]

أنا خلوني على الشاي بس @@ أضبطه لكم تمام @@

 

[Genocide Diego]

عن نفسي مالي في الطبخ خير شر

كل اللي أقدر أسويه سندويشة جبنة + كاسة شاي :sweat_smile:

الله يخلي الوالدة بس <3

 

[Royal Spark]

الموضوع الرسمي لإبداعات الطلاب المبتعثين، في إنتاج مواد غريبة يعتقد إنها صالحة للإستهلاك البشري.

 

[Dark Master]

^
XD

الموضوع القديم كان للمطاعم وماكان للطبخ
هنا نبغى نشوف ابداعات (&)

 

[Dmck]

هذا موضوع فية بوتنشل يكون افضل موضوع بالنسبة الي في تي جي ( ساكن لحالة مع اخو والاثنين مبتدائين في الطبخ ...)

Arashi

تسللم على الشرح المفصل :clap:
وتحمست جدا اجرب طرريقة !!!
شكلي اليوم او بكرة بس اطلع اشتري مكونات

 

[BLACK WIZARD]

الموضوع الرسمي لإبداعات الطلاب المبتعثين، في إنتاج مواد غريبة يعتقد إنها صالحة للإستهلاك البشري.

:laugh: افضل عنوان شفتة في حياتي :laugh:

 

[Boo22]

^
XD

الموضوع القديم كان للمطاعم وماكان للطبخ
هنا نبغى نشوف ابداعات (&)

الشباب الي كانوا يطبخون كانوا يحطون وصفاتهم وصور من المنتج النهائي.. فيه شباب كثير هناك يطبخون مثل منصور و بن كيلر

 

[The Last Lombax]

الموضوع الرسمي لإبداعات الطلاب المبتعثين، في إنتاج مواد غريبة يعتقد إنها صالحة للإستهلاك البشري.

ما أدري ليش جملتك الأخيرة ذكرتني بالبيض المقلي اللي تسويه Otae في جينتاما xD

 

[alruqeishy]

ما أدري ليش جملتك الأخيرة ذكرتني بالبيض المقلي اللي تسويه Otae في جينتاما xD

قصدك الـDark Matter :joy:

 

[The Last Lombax]

قصدك الـDark Matter :joy:

بالضبط :joy:

 

["a7mad"]

انا والله اطبخ كم من سندويشه. عندك مثلا توست مع تونه و مخلل و جبن شرايح .. هذي تشبع و ماتاخذ وقت .. أو تورتيا مع دجاج صدور و لبنه و جبن شرايح.

 

[Zixmar]

انا والله اطبخ كم من سندويشه. عندك مثلا توست مع تونه و مخلل و جبن شرايح .. هذي تشبع و ماتاخذ وقت .. أو تورتيا مع دجاج صدور و لبنه و جبن شرايح.

هذي مش طبخة :sarcastic:

 

[The Doctor]

أغلبكم ما يعرف يطبخ؟! يا للعار!

أنا صار لي الحين كم سنة مقتنع إن ما يصير الواحد يعتبر نفسه إنسان بالغ إذا ما يقدر يعتمد على نفسه، و الطبخ واحد من هالأشياء اللي المفترض تقدر تعتمد على نفسك فيها >.>

 

[Don JoKer]

بالنسبة لي ما اعرف اطبخ إلا بيض مقلي .. غير كذا اعتبر نفسي نووب في المجال ذا‍!
البيض المقلي والاندومي هم اصدقائي في الليالي الي اسهر فيها @_@

 

[Nasser]

ههههه الله يرحم ايام الغربة ،كان ايام الضغط تقضيها ساندوتشز نص كم وشغل سريع ..

ولنا يخف عليك الضغط " بالعادة يوم يجي الويكند " ، تقضيها بالمطبخ وتطلع كل اللي نفسك فيه ، حتى ساعات تطبخ حق يومين قدام.

الطبخ متعة ترى ،صح ساعات الواحد يكسّل لكن لما يجيك المزاج حاول تدخل المطبخ ، راح تستمع وانت تطبخ واحتمال تطلع بشي لذيذ !

وبرضه احتمال تطلع حارق المطبخ فانتبه تجيب العيد .

 

[m5050]

الموضوع وقته غلط جداً وقت اختبارات ولا فيه وقت للمطبخ ::
عموما الطبخ متعه خصوصا وقت الاجازه مع الفضاوه يحلى المطبخ ، الطبخ راح تطيح في بشكل كبير في اوقات الزنقات زي المبتعثين
او زي حالتي انا بيتنا مافيه حريم ابد الا الوالدة الله يحفظها وكبيره في السن والمطاعم زهقنا منها مالك الا تطبخ وتوفر على نفسك
انا خبرتي اكثر شي في المكرونه فيتشوني :heart_eyes: ،باستا، سبيجيتي ، اذا كنت مروق اسوي رز بعض الاحيان للبيت ^^
اكثر شي يكرهك في الطبخ غسيل الصحون ، اذا ما فيه شغاله تغسل الصحون الله يعينك لول :stuck_out_tongue_cl
هذا حاطها في موضوع الاكل والمطاعم من زمان نشارك في الموضوع

نرفع الموضوع ونحاول ننشطه شوي
ربيان بالثوم مشوح طبق حلو وسهل وسريع .. ينفع كاضافه على الرز او المكرونه او اي شي حاب تاكله معه
هنا الوصفه http://www.youtube.com/watch?v=QGAJokcwBXI

 

[BLACK WIZARD]

الموضوع وقته غلط جداً وقت اختبارات ولا فيه وقت للمطبخ ::

بعدكم ماخلصتم الله يعينكم بس ترى يختلف من مكان لاخر إحنا اسبوعين ونبدأ فصل ربيع 2014
بعدين مادام عندك اختبار ليش ماتروح تذاكر k_hand::joy::joy: