hits counter

للمهتمين بالتروفيز: اكتشاف بأبديت الـ Vita الأخير (2.60 Firmware)

Silverado

Gamer
السلام عليكم، عيدكم مبارك :v:

مادري إذا هو اكتشاف بس عموماً بما إني ما قريته في إعلان الفيرم-وير الرسمي من سوني..
قبل شوي لما دخلت للتروفيز من جهاز الـ Vita طبعاً تعرفون إن فيه خيارين أما إظهار ألعاب الجهاز أو ألعاب الجهازين "Vita + PS3" من خيار PSN فوق، المهم بعدما دخلت إلى لعبة من اللستة لقيت في الخيارات "شعار الثلاث نقط ... بالزاوية اليُمنى" لقيت خيار جديد وهو Privacy Settings بالعربي خصائص الخصوصية (سلكوا) تقدر من خلال هذا الخيار إن تخفي لستة التروفيات حقت اللعبة بحيث ما تظهر لأصدقائك أو تختار ناس معينين يقدروا يشوفوها والباقين بيلاقوها مخفية.


الملاحظات:
- إذا مثلاً جبت في لعبة 10 تروفيات وبعدين اخترت تخفيها، التروفيات ما بتنمسح.
- القائمة المخفية بتكون مخفية في الـ Vita والـ PS3 برضو، سوني بتستفز التروفي هنترز عشان يشتروا الجهاز.
- الإخفاء لا يعني المسح، اللستة بتظل موجودة في مواقع الطرف الثالث المختصة بالتروفيز "ذات التحديث اليدوي".
- الخُلاصة: القائمة المخفية بتكون مخفية في أكاونتك "قدام ربعك" + المواقع المتصلة مع قاعدة بيانات الأكاونت مباشرة، مثل:
http://playstation.com
http://psnprofiles.com
http://yourgamercards.net


مثال:
لاحظوا إني محيت ألعاب مثل PAIN وSOCOM وMotorStorm: Pacific Rift، بتلاقوها موجودة في مواقع الطرف الثالث مثل الرابط الأول ومواقع مباشرة مخفية فيها مثل الرابط الثاني:
http://ps3trophies.com/profile/BuJabra89
http://psnprofiles.com/BuJabra89


الطريقة:

QX0Mkj7.jpg

ادخل على لستة تروفيات اللعبة واضغط علامة الثلاث نقط "..." واختار أول خيار

PxWYTmM.jpg

إذا شلت علامة الصح وضغطت OK بتختفي اللستة وما بيشوفها إلا إنت


إيش الفايدة:
- فيه ناس بيتفشلوا من ألعاب لعبوها مثل هانا مونتانا ومادري إيش :satisfied:
- فيه ناس بيتعقدوا نفسياً من "0%" طبعاً التروفي هنترز.
- فيه ناس ما يرضوا بأقل من 100% مادري إيش يحسون فيه بس هذا واقع.


الأبديت مو مقتصر على هذي السالفة، زي ما نزل خبر في ترو جيمنج قبل يومين إن الأبديت يسمح بعمل back-up للتخزينات بسهولة، بتلاقوا أيقونة الـ Plus لما تدخلوا لأي لعبة وبتقدروا تعملوا الـ back-up من الجهاز إلى ملف التخزين حق الـ Plus "طبعاً لازم تكون مشارك فيه" بسهولة دون الحاجة للرجوع إلى الـ Content Manager.
 
التعديل الأخير:

XORO

True Gamer
- فيه ناس بيتفشلوا من ألعاب لعبوها مثل هانا مونتانا ومادري إيش

مطلع البلاتينيوم فيها لووووووووول :sweat_smile:
 

L.O.R.D

True Gamer
إيش الفايدة:
- فيه ناس بيتفشلوا من ألعاب لعبوها مثل هانا مونتانا ومادري إيش :satisfied:
- فيه ناس بيتعقدوا نفسياً من "0%" طبعاً التروفي هنترز.
- فيه ناس ما يرضوا بأقل من 100% مادري إيش يحسون فيه بس هذا واقع.


الأبديت مو مقتصر على هذي السالفة، زي ما نزل خبر في ترو جيمنج قبل يومين إن الأبديت يسمح بعمل back-up للتخزينات بسهولة، بتلاقوا أيقونة الـ Plus لما تدخلوا لأي لعبة وبتقدروا تعملوا الـ back-up من الجهاز إلى ملف التخزين حق الـ Plus "طبعاً لازم تكون مشارك فيه" بسهولة دون الحاجة للرجوع إلى الـ Content Manager.

صحيح
من كم يوم شفت الموضوع في نيو جاف
http://www.neogaf.com/forum/showthread.php?t=645767
و أغلبهم كان يبغون يخفون الألعاب 0% أو الألعاب "المخجلة" من قائمتهم
 

R E M i X E R

Hardcore Gamer
إيش الفايدة:
- فيه ناس بيتفشلوا من ألعاب لعبوها مثل هانا مونتانا ومادري إيش
- فيه ناس بيتعقدوا نفسياً من "0%" طبعاً التروفي هنترز.
- فيه ناس ما يرضوا بأقل من 100% مادري إيش يحسون فيه بس هذا واقع.


يا الله معقول فيه كذا !!؟ تتفشل منها تلعبها ليه من الأساس !؟

عموما انا حا أخفي مجس 2,3 فيتا , مسوية زحمة !! حتى لو جبت البلاتنيوم بها :stuck_out_tongue_cl
 

FARES_

True Gamer
شخصيا اشوفها حلوه الحركه وايد... ولي نظرات ثانيه عكس الي انت حاطها

- ترتب تصنيف تروفياتك حسب الي تفضله شخصيا
مثال واحد يحب بس يحط العاب الي مأخذ فيها بلاتينيوم بالواجهه للناس والباقي مخفي

- ترتب تروفياتك حسب الألعاب الي تحبها
يعني الي يدخل عليك بس يشوف ذوقك باللالعاب بدال لخبطه الأركيد على العابك على غيره من تروفيات

- فيه العاب اصلا ما تستاهل الذكر ولا تكون بواجهه العابك الي مخلصها xD
 

النسر الأسود

TG news editor
بداية الجيل كنت مهتم بالتروفيز والأتشيفمنتس لكن الآن فقدت أي اهتمام فيها

عكل الشي المفيد برأيي إخفاء الألعاب يلي نسبتها 0% مش عشان التفشيل ولكنها مسوية زحمة فعلاً بدون سبب
 

Mesharey

True Gamer
مايطلع عندي هالإختيار :\

اخترت الثلاث نقط اكثر من مرة وطلع اخيرا .. نفس الاختيار مرة اضغط يطلع ومرة لأ من غير لا اروح لاختيار ثاني ..

عموما اخيرا تفعل هذا الاختيار، موجود بالاكس بوكس من زمان واحتاجه هنا، بمسح Pain وكم لعبة ثانية مسوية زحمة على الفاضي ..
 
التعديل الأخير:

Mesharey

True Gamer
نظفت اللستة .. مسحت ممكن 15 لعبة ..
كنت أفضل انه يكون مسح بالكامل مو بس إخفاء .. لأنه يبين عندي .. انا ما ابي اشوفهم باللستة مسوين زحمة، قلت اهميته -.-"
 
التعديل الأخير:

Silverado

Gamer
- ترتب تروفياتك حسب الألعاب الي تحبها
يعني الي يدخل عليك بس يشوف ذوقك باللالعاب بدال لخبطه الأركيد على العابك على غيره من تروفيات
أيوه بالضبط، لعبة زي Jet Set Radio اللستة كاملة 9 تروفيات ما جبت منهم غير 2 عاملة تلوث بصري على الفاضي :::confused:::

مايطلع عندي هالإختيار :\

اخترت الثلاث نقط اكثر من مرة وطلع اخيرا .. نفس الاختيار مرة اضغط يطلع ومرة لأ من غير لا اروح لاختيار ثاني ..

عموما اخيرا تفعل هذا الاختيار، موجود بالاكس بوكس من زمان واحتاجه هنا، بمسح Pain وكم لعبة ثانية مسوية زحمة على الفاضي ..
شكلك كنت تدخل للستة من القائمة الأولى في التروفيز "حقت الـ Vita فقط" بس واضح إنك اكتشفت هذا الشيء قبل لا أكتب هذا الرد..
PAIN لعبة غبية كويس إني ما شريتها، جتني ببلاش، ولا كنت تحسفت حتى إن كانت بنص دينار -.-
MotorStorm: Pacific Rift منهيها على جهازي القديم "قبل لا أسوي أكاونت" ولما جيت ألعبها الحين طلع الشريط خربان بس تحملت التروفي لست واللعبة ما تشتغل ههه :neutral_face:
 

ryo hazuki

True Gamer
هوه مفيد انك تقدر تمسح او تخفي ال 0 تروفي , بس بشكل عام الابديت مش بذيك الاهمية
 

FARES_

True Gamer
توني سويتله ابديت .. خشيت بس الWelcome to home :satisfied:
 
أعلى