الموضوع الرسمي للرسامين 2013

[3abderrahim]

آراشي رسومك جيدة:::: , وواضح تأثرك بأسلوب الرسم الياباني.

 

[Gamer-89]

[video=youtube;VY-dUI_0YWM]http://www.youtube.com/watch?v=VY-dUI_0YWM[/video]

حصلت هالفيديو عاليوتيوب ، فعلاً كنز وخصوصاً للي يبيون يتعلمون الرسم .

 

[Game Time]

محاولة رسم بالألوان المائية ديجتال ، اسلوب الديجتال لا أتقنه حتى الآن إن شاء الله مستقبلا اتقنه بالشكل المطلوب

الرسمة :

http://i39.tinypic.com/2lc0d55.jpg

هذا الي يسببه الإنقطاع عن الرسم بالديجتال المستوى رايح فيها :dizzy_face:

واليوم الإثنين وماحد رسم غيري XD

 

[Arashi]

^ فكرة ممتازة. راح أشارك كل ما سمحت لي الفرصة.
ما رديتي علي آياشي وش موادك المستخدمة في التلوين؟ ألوان خشبية مائية؟ ولا ماركر؟

اسفه ممكن ما لاحظت الرد
استخدم كذا شي للرسمه الوحده ^_^
هاذي صوره لهم:

عاليمين: الوان خشب Faber Castell للمساعده عالتظليل (عشان شوي يطلع كأنه ثلاثي الابعاد)
عاليسار: الوان Copic Markers Sketch وهي الاساس في التلوين
في الوسط أقلام تحديد نوعين: Copic Multiliners + Sakura Micron وكلهم ممتازين وسريعي الجفاف ^^
الدفتر هو خاص بألوان الـCopic عشان لا يجف اللون بسرعه
الاقلام الملونه على يسار الدفتر هي Jel Pen لوضع اللمعات والديزاينات فوق اللون ^_^



اما المائي فأستخدمه نادرا لو أحتاج الوان خلفيات...احسن شي Sakura Koi Field Sketch Set علبة السفر الصغيره ^_^

ما شاء الله تفاصيل الرسمه رهيبه @.@
عندك خيال واسع وتصميمك للملابس مميز ^_^




-----------------------------------

3abderrahim

آراشي رسومك جيدة:::: , وواضح تأثرك بأسلوب الرسم الياباني.​

​

تسلم ^^
وصح حاولت اخذ من ستايل احدى رسامات المانجا ^^

 

[Gamer-89]

Game time

تحتاج تشتغل على مستواك شغل مش طبيعي ، بكون صريح وياك وبقولك مستواك مش واعد جداً ، أنا شفت لك رسومات قبل هنا ومن فترة طويلة ، ولألحين ما احس في تحسن ملحوظ بين أول رسمة بالموضوع وهاذي اللي فوق ، افتح لك موضوع بسيجيتوك وهناك اطرح رسوماتك ، أو كونسبت آرت اورج وراح تحصل كريتيكز كويسة لرسمك .

 

[Arashi]

بالنسبه لسكيتش فالرسمه ممتازه خاصة ملامح الوجه جميله ما شاء الله :thumbsup:::
حلو انك دخلت الوان مختلفه في الشعر
بما التركيز عالوجه اليوم فعندي تعليق بسيط عالعين الزرقا...لو تحركها شوي لليسار أكثر بعيد عن الانف ممكن يكون احسن ::::


------------------------------------

وهاذي رسمتي...كنت أجرب فيها علبة الوان جديده فلا تهتمون للخبطة الالوان XD

​

 

[Game Time]

Game time

تحتاج تشتغل على مستواك شغل مش طبيعي ، بكون صريح وياك وبقولك مستواك مش واعد جداً ، أنا شفت لك رسومات قبل هنا ومن فترة طويلة ، ولألحين ما احس في تحسن ملحوظ بين أول رسمة بالموضوع وهاذي اللي فوق ، افتح لك موضوع بسيجيتوك وهناك اطرح رسوماتك ، أو كونسبت آرت اورج وراح تحصل كريتيكز كويسة لرسمك .

شكرا على صراحتك

مستواي كرسم مانجا او اسلوب الانمي ما كنت متقنه بالشكل الي انت تتخيله او اني محترف ، انا اسلوبي الي احترفته كان في الاسلوب الكرتوني الشبيه بديزني

وحاليا ً جالس اجرب برنامج جديد وهذي الرسمة واحدة من التجارب الي جربتها اليوم

وأنا أعرض رسوماتي على رسامين اعرفهم وكلهم قالو إني أتحسن بإستمرار طبعا هذي الرسمة عرضتها هنا فقط إن شاء الله يوم الخميس تشوف شي مختلف ويعجبك ^_^

 

[Game Time]

بالنسبه لسكيتش فالرسمه ممتازه خاصة ملامح الوجه جميله ما شاء الله :thumbsup:::
حلو انك دخلت الوان مختلفه في الشعر
بما التركيز عالوجه اليوم فعندي تعليق بسيط عالعين الزرقا...لو تحركها شوي لليسار أكثر بعيد عن الانف ممكن يكون احسن ::::


------------------------------------

وهاذي رسمتي...كنت أجرب فيها علبة الوان جديده فلا تهتمون للخبطة الالوان XD

​

شكرا على مدح رسمتي المتواضعة :::: لكنها ليست بالمستوى الذي أطمح له لذلك عرضتها ولم أعرض الرسمات الي اشوفها افضل منها لأنه الإنسان يتعلم من الأخطاء أكثر

ما حفظت الرسمة فما بعدل عليها بالنسبة لي هذه الرسمة والرسمات الي ما تعجبني تجارب لا أحب العمل عليها مرة أخرى

في رسمتك الألوان متنساقة وماشوف أي لخبطة

 

[Gamer-89]

^

حاول تبعد عن الديجيتال وعن فكرة الستايل ، تعلم بشكل عادي ، بالبداية تعلم أساسيات الرسم واتقنها وبعدين وبشكل طبيعي راح تحصل ستايلك الخاص فيك ، تحتاج تمرن الدماغ عندك وتعوده يشوف الأشياء بمنظور فني تقدر تستخدمه للرسم ، أنصحك وعأساس ما يضيع عليك أي وقت تروح لموقع ctrlpaint وتركز على فيديوهاته اللي تعلم أساسيات الرسم وتطبق عليها أمثلة كثيرة ، هناك هو اختصر كل شي وحط لك ورك شيتز تقدر منها تطور مستواك بشكل جيد ، أيضاً اقرأ في كتب مختلفة للرسم ودايماً قبل لا ترسم سو عملية تفحص للشي اللي قدامك وفككه وبعدين حوله لأشكال أساسية عشان تقدر ترسمه ، لازم تتعلم ترسم الأشكال الهندسية بالبداية ولازم تدرب يدك تنقل الشي اللي قدامك وتشوفه مجرد خطوط وحدود ، كل رسامي ديزني لمن بدوا كانوا يتعلمون المنطور واللاين والأشكال والأناتومي وبعدين ابتكروا ستايلهم الخاص . أنا كنت مثلك بالبداية ورسمي كان حرفياً معفن ومرت علي فترة ما حسيت بأي تغير ملحوظ ، لمن بدأت أحتك مع مجتمع الفناين وأقرأ بالكتب الفنية وأتعلم الأساسيات تغيرت بشكل كبير وانتقل مستواي نقلة كبيرة .

 

[Game Time]

^

أنا تعلمت الرسم اليدوي ( الكرتوني ) الممل جدا لذلك أفضل تعلم الديجتال حاليا ً لأنه أغلب الفنانين اليوم في الديجتال

 

[Century Wizard]

شوية خرابيش رسمتها في الدوام (=



اللي ما شاف الحلقة 22 من العمالقة لا يفتح !!

محتوى مخفي: ...

http://im32.**********/zIBT8.jpg
http://im32.**********/f1fSI.jpg
http://im32.**********/sMmhz.jpg
http://im32.**********/jWfUs.jpg

 

[Game Time]

جميلة جدا الخربشات

بس الرسمة الثالثة عيونه ما تشبه لفاي

 

[Arashi]

Game Time

هو فعلا رسم الوجه حلو وبدا يظهر ستايلك الخاص (ما اجامل ^^)
بس مثل ما قال Gamer-89....قبل كل شي لازم المخ ياخذ عالرسم...وهالشي يصير اولا بالرسم التقليدي عالورق...ترى الديجيتال جدا جدا مختلف ويعتبر مستوى اعلى نوعا ما
مب القصد ان مستوى اقل من انك تتعلم ديجيتال...لكن التقليدي راح يساعدك تتطوّر أسره ومنه تقدر تتجه للديجيتال على طول ^_^
واول شي تعلّم الاساسيات وبناء هيكل للوجه والجسم وبعدها حاول تقلّد بعض الوضعيات...واحسن طريقه عشان تتطور بسرعه هي رسم قصص لو قصيره...هني تحس انك مجبور ترسم حركات معيّنه وبتتقنها مع الممارسه (عن تجربه) :thumbsup:


Edogawa

ما شااااااااااااء الله رسمت أقوى مشاهد الحلقه @.@

محتوى مخفي: Attack on Titan ep22

الرسمه الاولى: واضح انحاء ظهر ليفاي وهو يهجم عالتايتونه...نوعا ما أصتصعب رسم الانحاء من الامام وياخذ وايد وقت
الرسمه الثانيه: ضبطت وجه التايتونه بتفاصيله...بس الذراع ما أحسها مثنيّه للضرب @@ (يمكن حاولت تخفيها ورا الخطوط الي تعبر عن الحركه ^^)
الرسمه الثالثه: هني لما ليفاي يبدأ بفر نفسه للهجوم...وضّحت السرعه بطريقه ممتازه ^^
الرسمه الرابعه: ليفاي يقلّد سونيك XD...انبهرت بتوضيحك للحم وهو يتقطع...هالرسمه أعتبرها #1 هالاسبوع :::::clap:

وهاذي رسمه ثانيه لثيم الاثنين (منو بيختار للخميس؟) @_@

هالمره رسمت ولد نحيف نوعا ما (عادة ما احب ارسم عصاقل بس نجرب )

 

[Game Time]

انا بختار ثيم يوم الخميس رسم نينجا من عالم الانمي قديم او جديد

ومستعد احط لكم صور أو أمثلة ترسمو منها

 

[Arashi]

^^^^
اوووووووووووووووه احسن حظي اني توني راسمه واحد @.@
بس بحدده بالاسود عالاقل لأني مشغوله هالكم يوم ^^




رسمه انتهيت منها اليوم,,,كنت اجرب تلوين ملابس بالاسود (واصعب شي >_<)
رسمتها لشخص مكتوب اسمه عالقميص...بس الجيل pen ساح و........>_>

 

[Century Wizard]

نوعا ما أصتصعب رسم الانحاء من الامام وياخذ وايد وقت

نفس مشكلتي، رسم انحنائات الجسم من الامام صعب وغالباً يضبط معي بالصدفة :sweat_smile:

الرسمه الثالثة في البداية ماعرفت كيف ابين سرعة الجسم فيها، رسمت الحدود متصلة ببعض وطلع كأن الجسم ثابت
بس لما جربت ارسم الحدود بخطوط صغيره ومتقطعة اختلفت النتيجة تماماً

 

[Gamer-89]

^

سو تجربتين ، الأولى جب لك لمبة أو مصباح صغير ، أدخل غرفتك وطف الأنوار ووجه اللمبة لأي شي تبي ترسمه ، أو مثلاً وجه اللمبة اتجاه ظهرك أو يدك أو جسمك وابدأ أرسم الظل اللي تشوفه ، طالع للظل على إنه شكل أسود مموه ، بنفس الطريقة حاول تشوف الأشياء اللي ترسمها ظلال وراح تتقن الحدود الخارجية ، رسم الجسم من الأمام أو الخلف أو أي شي ثاني يكون صعب لأن فيه شي اسمه سيمتري أو مماثلة ، جرب تحط خط في منتصف الورقة ولمن تبدأ ترسم الجسم نفس اللي تسويه على جانب الخط سوه عالجانب الأيمن ، لو كان في إختلافات بسيطة سو تعديلات بعد ما ترسم كل شي .

 

[oblivious]

oblivious

ماشاء الله مستواك رهيببببببب

شكرا لك على الإطراء.
بالنسبة لرسمتك, الأيعاد لا خلل فيها, لكنك استعجلت في خطوطك, حاول تعطي الخطوط وقتها وحقها في الرسم.

اسفه ممكن ما لاحظت الرد
استخدم كذا شي للرسمه الوحده ^_^
هاذي صوره لهم:

عاليمين: الوان خشب Faber Castell للمساعده عالتظليل (عشان شوي يطلع كأنه ثلاثي الابعاد)
عاليسار: الوان Copic Markers Sketch وهي الاساس في التلوين
في الوسط أقلام تحديد نوعين: Copic Multiliners + Sakura Micron وكلهم ممتازين وسريعي الجفاف ^^
الدفتر هو خاص بألوان الـCopic عشان لا يجف اللون بسرعه
الاقلام الملونه على يسار الدفتر هي Jel Pen لوضع اللمعات والديزاينات فوق اللون ^_^



اما المائي فأستخدمه نادرا لو أحتاج الوان خلفيات...احسن شي Sakura Koi Field Sketch Set علبة السفر الصغيره ^_^[/COLOR]

شكرا لك على الرد المفصل والصور. أحب أتفرج على قرطاسية وعدة الناس xD
آها تستخدمين أقلام جل, أنا أستخدم الجواش إذا بغيت تغطية بيضاء. ممتاز جدا مع الألوان المائية.
بالنسبة لكوبيك, هل تفرق جودتها بشكل ملحوظ عن الماركات الثانية؟ جربت بروماركر ويوكن لكن ما اندمجت مع الماركرز تمام :/ الدمج فيهم صعب مو زي الألوان المائية. مادري هل الخلل من نوعية الماركرز ولا أنا ما عرفت لها.
شكرا لك آراشي, شجعتيني أرجع أجرب الماركرز.

ما شاء الله تفاصيل الرسمه رهيبه @.@
عندك خيال واسع وتصميمك للملابس مميز ^_^

شكرا لك, يسعدني إنها أعجبتك.


ثيم الخميس النينجا, سكيتش وألوان أساس فقط, ما حبرتها ولا كملت تلوين لأنه زهقت وما أتوقع أكملها قبل الخميس خخخ

 

[Ayane]

دايما اتابع هالموضوع و فيه مواهب ما شاء الله و بصراحه الرسم احبه من يوم كنت صغيره بس للأسف بسبب عدم الدعم تركته من يوم صغيره و ما صرت ارسم صحيح الا السنتين اللي فاتوا للحين مستمره و مستواي قاعد يتحسن بس للأسف عالبطيء بس متفائله عشان جذي بعرض بعض رسماتي ( مشكلة الاطراف اعاني منها بعد )

الاغلبيه ديجيتال مع اني اغلب شي ارسم تراديشنال

لرسم التراديشنال استخدم Copics, promarkers و touch markers و افلام التحديد Pigma sensei و Micron Pigma ( كلهم ممتازين و بجودة اقلام التحديد مالت كوبيكس و بسعر ارخص )

 

[Game Time]

oblivious

:: يذكرني بشخصية من Tenchu :clap::thumbsup:

أعجبتني كثيرا ً


Arashi

بس عندي سؤال : ليش التلميع او انعكاس اللمعة تخليها نقط صغيرة ؟

بالعادة في اسلوب المانجا الانعكاسات يخلوها خطوط بيضاء



Ayane

أهلا بك ِ معنا ^_^

الرسمات ممتازة

 

[Arashi]

الرسمه الثالثة في البداية ماعرفت كيف ابين سرعة الجسم فيها، رسمت الحدود متصلة ببعض وطلع كأن الجسم ثابت
بس لما جربت ارسم الحدود بخطوط صغيره ومتقطعة اختلفت النتيجة تماماً

اذن الخطوط المتقطعه هي اللي توضّح السرعه...معلومه مهمه @@

رسم الجسم من الأمام أو الخلف أو أي شي ثاني يكون صعب لأن فيه شي اسمه سيمتري أو مماثلة

هاذي المشكلة >_<
الطرق اللي كتبتها مفيده...وزيد عليها عشان تتأكد من النتيجه طالع الرسمه من المرايا وراح تطلّع كل فضايحها...رسامي المانجا المحترفين يتبعون هالطريقه ^^
او ارسم على ورقه شفافه واقلبها عشان تجوف العيوب


لكن بشكل عام محّد يرسم شي متطابق 100% من الجهتين...بس لو التطابق 90% ما راح تبين في الرسمه عيوب ^^

شكرا لك على الرد المفصل والصور. أحب أتفرج على قرطاسية وعدة الناس xD

هههههههه حتى انا XD ايش رابك لو نخلي لنا اسبوع راحه بس نصوّر أسلحتنا الفتاكه؟ :v:

آها تستخدمين أقلام جل, أنا أستخدم الجواش إذا بغيت تغطية بيضاء. ممتاز جدا مع الألوان المائية.

الجواش ممتازين واظن هاذي اللي يستخدمونها المانجاكا عادة...راح أجربها باذن الله...عالاقل ما تشف مثل الجيل pen اللي لازم اصبغ فوقه عدة مرات (الا لو بغيت اللمعه خفيفه فالجيل ينفع)

بالنسبة لكوبيك, هل تفرق جودتها بشكل ملحوظ عن الماركات الثانية؟ جربت بروماركر ويوكن لكن ما اندمجت مع الماركرز تمام :/ الدمج فيهم صعب مو زي الألوان المائية. مادري هل الخلل من نوعية الماركرز ولا أنا ما عرفت لها.

تقدر تقول فرق السما والارض...الكوبيك تقدر تدمج الالوان تقريبا مثل المائيه...وتقدر تعمل تدرّج 4 درجات للون الواحد او بدمج كذا لون...وفيه قلم Blender يخفف لك اللون عشان يصير الدمج أضبط....والكثير من الخدع والحركات تطبقها بهالالوان...بس عشان تضمن جودة التلوين لازم يكون عندك ورق Bleeding proof ضد الامتصاص عشان لا ينشف اللون ويمديك تدمج...احسن شي اوراق Deleter ونوع ماذكر اسمه ينباع في جرير @@

شكرا لك آراشي, شجعتيني أرجع أجرب الماركرز.

العفو وعقبال نجوف رسماتك العجيبه ملونه بالكوبيك :thumbsup:::

س عندي سؤال : ليش التلميع او انعكاس اللمعة تخليها نقط صغيرة ؟

بالعادة في اسلوب المانجا الانعكاسات يخلوها خطوط بيضاء

النقط عادة يستخدمونها رسامات الشوجو...احيانا ما تعبّر عن اللمعه وتكون للزينه فقط ^^
الخطوط حلوه بعد ولاحظتها اكثر في مانجات الشاونن @@
عاد مادري ان كانت هاذي قاعده عندهم ولا لا :sweat_smile:




فيديو لرسامه كويتيه نعتبرها #1 في ألوان الكوبيك...تعلمت منها حركات حلوه منها دمج الوان الخشب مع الكوبيك...ممكن يفيدكم حسابها عاليوتيوب + حسابها عالانستجرام ::::

http://instagram.com/handtalk

[video=youtube;FQSRrkw2lnY]http://www.youtube.com/watch?v=FQSRrkw2lnY[/video]









برجع أعلّق عالرسومات بعدين باذن الله ^_^

 

[Game Time]

هذه رسمتين اليوم

حاولت أطلع بنينجا شبيه بنينجا مورتال كومبات ولونته بالماركر كلر

http://i40.tinypic.com/2dtxkdf.jpg

بينزو من فيلم ون بيس زد

http://i40.tinypic.com/ojgff7.jpg

رسمة قديمة وكانت تجربة للبرنامج لنينجا من الانمي القديم

http://i39.tinypic.com/2r4sd2q.jpg

 

[Gamer-89]

http://i.imgur.com/e7ECQsE.jpg

 

[Boo22]

شباب بالله اتمنى لو ينكتب ثيم الاسبوع في مكان واضح (مثلاً يتحدث اول رد )


@اراشي
عندك مشكلة كبيرة في رسم الوجه والرأس، لو توقفين الرسم الكامل(جسم مع التلوين ) و تركيزين على الوجه والرأس بيكون افضل.. الرقبة فيها جاية بطريقة غريبة والرأس وضعه ماهو صحيح.. ايضاً عندك الخدود دائماً تتجنبينهم وتخلين الراس حاد جداً
ايضاً المسافات بين الملامح (العيون والخشم واحجامهم مقارنةً بالزاوية الي مصوره فيها الشخصية ). أتوقع لو تتدربين على رسم شخصيات انمي مشهورة بتحسين بالفرق

@oblivious
رسمك رهيب والبوز ممتاز .. اتمنى اشوف وقفة اكشنية اكثر (ادري اصعب بشكل كبير ) مثلاً مستعد للهجوم او مستعد للقفز. ايضاً اتمنى اشوف ملامح اكثر حيوية (الرسمتين الي حطيتها ملامحهم جامدة جداً ) أتمنى اشوف شيء مثل صراخ مثلاً او غضب او ضحك هستيري

@Ayane
تذكريني برسم اختي ، دائماً ما تخلي الشعر بنفس الاستايل الي انتي ترسمينه فيه عشان تغطي العين الثانية لأنها صعب ترسمها مثل شكل الاولى :satisfied:
عندك الموهبة ويبغالك شوية شغل على تناسب الجسم والرأس مع بعض.

@خالد
واو شغلك رهيب ! و الخطوط حقت الحركة المستخدمة ممتازة


مجموعة سكتشات قبل كم يوم سويتها

 

[Game Time]

Gamer-89

هذي رسمت يوم الإثنين صح ؟ كان رسمت النينجا

Boo22

سكتشات جميلة

بالنسبة للتحديات وليش ما نحط عنوان التحدي في الصفحة الاولى لأنه اغلب الاعضاء بيتابع آخر الردود في الصفحة الأخيرة وقليل من يفتح الصفحات الأولى من الموضوع

عنوان تحدي يوم الإثنين القادم :



شخصية انمي كيوت او كووائي مثل : تشوبر ، هابي من فيري تيل

 

[سيفروس سنيب]

برنامج الرسام




سكان كراسه



برنامج Expression Design
شخصية اسمها Jisa وتعني باليابانية فرق التوقيت بين دولتين
هو غير متوافق اجتماعياً ومهتم جداً بالذكاء الاصطناعي





تفتيت كلمة Undergraduate فرحةً بالتخرج



شخصية هادئة وقليلة الكلام



Protactinium



Xnton



Obsidian أفصح روبوت اخترعه الانسان



Teclo نظام رؤية شديد الدقة به 93 قناة لتصفية اللون




في الختام ..
أهديت كتاب عن الرسم –جاء مع أدوات وخامات تعبئة-
ان اردتم استطيع رفع الكتاب , مع الخامات ولكن لا اعد ان يتم ذلك بسرعه فصفحاته كثيره




​

 

[oblivious]

oblivious

:: يذكرني بشخصية من Tenchu :clap::thumbsup:

أعجبتني كثيرا ً

هههههه صحيح تنفع الشخصية كروس بين آيامي وريتشيمارو :::: يسعدني إنها أعجبتك

هههههههه حتى انا XD ايش رابك لو نخلي لنا اسبوع راحه بس نصوّر أسلحتنا الفتاكه؟ :v:

تقدر تقول فرق السما والارض...الكوبيك تقدر تدمج الالوان تقريبا مثل المائيه...وتقدر تعمل تدرّج 4 درجات للون الواحد او بدمج كذا لون...وفيه قلم Blender يخفف لك اللون عشان يصير الدمج أضبط....والكثير من الخدع والحركات تطبقها بهالالوان...بس عشان تضمن جودة التلوين لازم يكون عندك ورق Bleeding proof ضد الامتصاص عشان لا ينشف اللون ويمديك تدمج...احسن شي اوراق Deleter ونوع ماذكر اسمه ينباع في جرير @@

ايه أؤيد وبقوة اننا نستعرض بأسلحتنا xDD
ما أخفيك تحمست جدا أجربها! أعتقد إني مبدئيا راح أجرب تدرجات السكين تونز وإذا أعجبتني راح أجيب عدة أكبر إن شاء الله. لأن أسعارها ما تشجع الواحد يتهور ::

هذه رسمتين اليوم

انتقادي لها نفس الرسمة السابقة. أبعادك جيدة لكن مشكلتك في الخطوط. جرب برنامج mypaint مجاني, فيه أداة رصاص تنفع للأسلوب رسمك

@oblivious
رسمك رهيب والبوز ممتاز .. اتمنى اشوف وقفة اكشنية اكثر (ادري اصعب بشكل كبير ) مثلاً مستعد للهجوم او مستعد للقفز. ايضاً اتمنى اشوف ملامح اكثر حيوية (الرسمتين الي حطيتها ملامحهم جامدة جداً ) أتمنى اشوف شيء مثل صراخ مثلاً او غضب او ضحك هستيري

شكرا لك يسعدني إنها أعجبتك. ملاحظتك في محلها. غالبية الشخصيات الي تطلع معي جامدة من دون مشاعر. أول أعتقد لأنه مابي أغامر بس مؤخرا صرت أشك إنه يجذبني هالنوع. راح أحاول أركز على الملامح, شكرا على الملاحظة.

Xnton
Teclo نظام رؤية شديد الدقة به 93 قناة لتصفية اللون

​

الروبوتات تصاميمها رهيبة ما شاء الله!!


ثيم الخميس, شي كيوت. للأسف مفهومي للكيوت بوردرلاين كريبي خخخخخ ;-;

كروس أوفر بين azazel و maou-sama. يارب أحد شاف هالانميين علشان يستوعب الفكرة هنا =.="

 

[Gamer-89]

^

خخخخخ .. من جد ، لو شفت هالكائن عالحقيقة ممكن ما أنام بالليل ... الرسمة الأولى والثانية ممتازين للغاية وبالذات الثانية ، رسمك للشخصيات بوضعية أكشن وتركيزك على ملامح الوجه رائع .. دايم أحصل صعوبة بهالشي وما أقدر أضبطه مثلك ما شاء الله ، هاذي رسمة يوم الخميس ، سويتها عالسريع وما عندي وقت أنظف السكيتشات وأصلح كل الأخطاء أو اسوي كولرنج أو حتى أظلل ، إذا فضيت بعدين ان شاء الله بهتم فيها أكثر .. الشخصية مقتبسة من الموجلز بفف ..

http://i.imgur.com/05EBo6F.jpg

 

[Arashi]

@اراشي
عندك مشكلة كبيرة في رسم الوجه والرأس، لو توقفين الرسم الكامل(جسم مع التلوين ) و تركيزين على الوجه والرأس بيكون افضل.. الرقبة فيها جاية بطريقة غريبة والرأس وضعه ماهو صحيح.. ايضاً عندك الخدود دائماً تتجنبينهم وتخلين الراس حاد جداً
ايضاً المسافات بين الملامح (العيون والخشم واحجامهم مقارنةً بالزاوية الي مصوره فيها الشخصية ). أتوقع لو تتدربين على رسم شخصيات انمي مشهورة بتحسين بالفرق

بسبب الحجم الكبير >_< لازلت أتدرب واعمل تجارب...الرسم بحجم كبير صعب علي سواءا رأس او جسم كامل (هل في احد مثلي يواجه نفس المشكله مع الحجم؟) pen_mouth:
تسلم عالملاحظات :thumbsup:::




رسمة الجمعه واعذروني عالتأخير (وطبعا بعدين أرجع أعلق عالرسومات) :v::satisfied:

خصية انمي كيوت او كووائي مثل : تشوبر ، هابي من فيري تيل

تقصد ما أخترع شي من عندي بس آخذ شخصيه ظريفه وارسمها @.@
ممكن من الفيديو جيمز؟



وبالنسبه لعرض نوع التحدي...فكرة الرد الاول حلوه...ايش رايكم بعد تضيفون عليها تعديل العنوان اذا يصير ^^

 

[Gamer-89]

^

في طريقة ممكن تساعدك في مشكلة الحجم ، ابدي بـ " Thumbnail" أو رسمة صغيرة بمقاس صغير ، أكتبي بيوتيوب ثمبنيل دروونج وبتفهمين الفكرة أكثر ، لمن ترسمين الثمنيل سوي مربعات عل الثمنيل نفسه بالمسطرة ، مثلاً بخلي رسمة الثمنيل 10 مربعات ، ارسمي عشر مربعات ثانية كبيرة بنفس الريشو ، يعني مثلاً إذا كل مربع 1سم في 1سم خليها 4 في 4 ، وانقلي الرسم في كل مربع ثمنيل للمربع الكبير .. هالطريقة حتى ممكن تفيدك في النسخ من الصور بشكل أفضل .