hits counter

الموضوع الرسمي للرسامين | ورشة True Gaming لتعلم الرسم

Arashi

Dragon of Heaven
السلام عليكم ورحمة الله وبركاته


هذا الموضوع يختلف عن الموضوع الاخر واللي يركز على عرض أعمال فناني TG

ورشة 2022 | لنطور معاً ملكة الرسم


هني بنركز عالدروس والـreferences وكل ما يتعلق بتعلم الرسم سواءا تقليدي او رقمي، الدروس ممكن انت تعملها او تجيب من النت صور فيديو...الخ

وعشان نحافظ على سلامة الموضوع
وما ينقفل P:

1- يمنع وضع صور مخله بالاداب (يعني دروس الـAnatomy مب كلها صالحه للعرض خاصة رسم المرأه، فالأفضل تجنبها او ممكن تغطي بعض الصور بالفوتوشوب).
2- يمكن عرض تدريباتك هنا لو محتاج نقد ومساعده، لكن عرض الاعمال حتى لو سكيتشات سريعه (بغرض العرض فقط) يكون في
الموضوع الرسمي.
3- ممكن تكرار نفس الدرس بشروحات مختلفه.
4- يفضّل وضع كل درس في مشاركه منفصله عشان لا تتلخبط الدروس في بعض ويسهل التركيز عليها (مثلا رسم الايادي في مشاركه، ورسم الذراعين في مشاركه...الخ).


باذن الله بحاول أرتب الدروس في فهرس في اول مشاركتين ثلاث في الموضوع واحتمال اعدل تصنيفات الفهرس كل فتره حسب الدروس اللي تنضاف، وممكن تطلبون من المراقبين يعدلون المشاركات لو غبت فتره عن ترتيب الفهرس ^^


بكشخ الموضوع بالصور والتنسيقات بعدين، الحين عيزانه ::xd::
 
التعديل الأخير:

Arashi

Dragon of Heaven
محجوز للفهرس3

اظن كفايه 3 مشاركات ::whistle::
 

Arashi

Dragon of Heaven
درس رسم الملابس:

Anatomy of Clothing

طبعا هالدروس قديمه شوي لكن هي نفسها اللي ليلحين أطبقها لما أرسم الملابس، هالبوستات عباره عن واجباتي سويتها في كورس رسم ووراي مدرس يصحح الأخطاء ويعلق فتقدرون تستفيدون منها ^^
بس الاناتومي مب دقيق وايد لأن التركيز كان عالملابس فقط.


الدرس الأول: الملابس بشكل عام، الفكره هي ان نتعلم ان ثنيات الملابس عباره عن سلندرات بارزه تميش بمسارات معينه من نقطه تتسمى Tension Point، وهاذي النقطه تكون في مناطق مثل الركب والاكواع وامام الاباط، هي اللي تخرج منها مسارات الثنيات وتنتشر وترتخي بالتدريج في باقي اجزاء القطعه (اللبس)



الدرس الثاني: الملابس الواسعه والطويله او خلونا نسميه درس الفساتين، وهنا ركزنا على انواع معينه من الثنيات اللي تكثر في الفساتين والملابس الرومانيه والعبايات والشال عالرقبه ورداء المحاربين.


وهاذي بعض انواعها (Drapery) وطبعا هي ايضا تخرج من ناقط معينه والاهم مارعاة قانون الجاذبيه الأرضيه ووزن قطعة القماش (لازم references اثناء التدريب).

drawing-folds-drapery04.jpg
images


الدرس الثالث: الملابس الرجالية خاصة الجينزات اللي لو تلاحظون مليانه ثنيات بعضها موجوده حتى بدون التأثر بثنية ركبه او اي حركه، هالثنيات اللي موجوده من نفسها تسمى Memory Folds ان يكون مكان الثنيات معلّم (اثره موجود) لأن الجينز وبعض الانواع من القماش تترك أثر لما تثني ركبك او كوعك واحيانا صعب يروح الاثر حتى مع الكوي.


الأسبوع الرابع: نفس الدرس بس مع ثنيات أكثر ووضعيات فيها حركه.


الأسبوع الخامس: الملابس النسائية وهنا ركزنا عالفساتين والتنانير والملابس الوسيعه


الأسبوع السادس: ركزنا فيه على بعض انواع الاقمشه منها المخمل واللي ياخذ الضوء والظل بالمعكوس (جهة الاضاءه تتحول ظل وظهة الظل تتحول اضاءه)، والحرير اللي يكون الفارق بين درجة الظل والاضاءه كبير جدا جدا عشان تبين اللمعه، والقطن طبعا لطيف مافيه تعقيدات P:


الأسبوع السابع: ركزنا عالفرو وقانون الاضاءه في الفرو نفس المخمل، وعالدانتيل واللي يبرزه في الرسمه هو وضع ظل خفيف تحته (انا رسمت تحته بالرصاص)، والجلد اللي شوي يشبه الجينز بكثرة الثنيات وفيها Memory Folds وتظليله يشبه الحرير من حيث الفرق الكبير بين الظل والاضاءه، الـSapndex (القماش الستريتش اللماع) وهذا يشبه الحرير لكن الفرق بين الاضاءه والظل اكبر بكثير لدرجة ان الظل يقارب للسواد والاضاءه تصير شبه بيضاء كأنه بلاستيك.


الدرس الثامن: هنا طبقنا كل اللي تعلمناه على ملابس فيها تفاصيل واغلبنا ركز عالفانتاسي




الاهم لتعلم رسم الملابس هو استخدام صور من الواقع ومحاولة رسمها بالخطوات اللي عارضتها في الواجبات انك الاول ترسم الوضعيه بدون الملابس ثم ترضع اللبس عالجسم بالتدريج عشان تفهم ليش اللبس بهذا الشكل والثنيات بهالمسار ونوع القماش وطريقة التظليل.


وبالتوفيق جميعا ^^
 

Arashi

Dragon of Heaven

في أغلب الوضعيات تكون جهة من الجسم شايلة ثقل أكثر من الثانية وعادة ما تظهر مشدودة أكثر، تكون مشدوده لكن مب خط مسقيم بالمسطره لأنه جسم انسان فيه عضلات بأحجام مختلفة.

وعشان تحدد مكان الثقل ممكن تجرب الوضعية بنفسك عشان تحس وين شايل الثقل اكثر، او مثل ما مكتوب في الصورة انك ترسم خط من الجذع لين القدم عشان تعرف مسار الثقل وين رايح خاصة لوضعيات الوقوف عشان تبين الوقفه فيها توازن.
 

n a l a

Casual Gamer
يعطيكي العافية آراشي
الموضوع راح يكون مرجع ممتاز لكل الرسامين و الكل بيستفيد
- - - -
راح ارجع بدرس بسيط أن شاء الله
 

Arashi

Dragon of Heaven

لما ترسم الساق في عدة أبعاد واتجاهات اجعل مقدمة الساق في مستوى أنزل (اقل) من الفخذ.

طبعا بدون العضلات العظامه تبين ان الفخذ ومقدمة الساق جايين على خط واحد (لاحظ الساق من عالجنب)

d1b5my7-97293d10-3298-4d50-814b-57a81d66410f.jpg



لكن العضلات هي اللي تعطي شعور بالانحناء وان جزء جاي أرفع من الثاني. هالشي بتلاحظه ايضا وانت ترسم اجزاء الجسم الاخرى

d1b5n41-79ca1f13-11e7-423f-8ea1-4d57b87ce28f.jpg


هو نادرا ما ارسم جسم بوضعيات مستقيمه فيصير اني أنسى هالنقطه، قلت اضيفها مع الدروس للتذكير لي ولكم ::sweat::
 

Arashi

Dragon of Heaven
كنت أشرح طريقة الـCrosshatching لسنيب واقترح علي أنزل الشرح في الموضوع، كنت بتأكد منه لو شرحي واضح ^^



الفكره باختصار انك تعتمد على الـPatterns في التظليل
مكان الظل تكون الـPatterns أقرب لبعض وغامجه، مكان الاضاءه تصير بعيده عن بعض فتبين فاتحه



d641fd2fbac191a90b53fecd8b37723f.jpg


ولما مثلا تعبي قطعة صوف Patterns راح ترسم الشعرات متلاصقين صوب الظل وتبعدهم لين توصل للضوء
او تعبي شي نقط نقط ايضا النقط تتلاصق صوب الظل وتبتعد لين الاضاءه.

ونصيحه تدرب الأول على أشكال هندسية، الهدف انك تتعود تمشي بالـPatterns على شكل المجسم
الاول طبق الـPattern على مربع واعرف شلون تمشي من الظل لين الاضاءه
ثم على شكل هندسي (يعني من 2D إلى 3D) والافضل نفس الـPattern تطبقه على عدة أشكال اساسيه:
مخروط - مكعب - كرة - اسطوانة

14802316e50d7364cdca61a5a7866a5e.gif


وجرب اشكال 3D مثلا اجعل الكرة مشعرة كأنها مصنوعة من وبر حيوان.

نصيحه مهمه: خذ لك مثل هالدفتر (ورق بني او رمادي اللي يريحك) وتدرب عليه بالحبر فقط، لا تمسك قلم الرصاص وانت تتدرب لأنك تحتاج تتعود عالجرأه وما ترجع للمحايه كل شوي.
واستعمل اقلام حبر quality مثل اقلام تحبير Sakura Micron مقاسين 0.3 و 0.5 (لا اكبر ولا اصغر)
راح تدمر كم قلم في البدايه لأن الورق خشن ويدك ممكن تكون ثقيله عليه بس بتتعود وتصير يدك خفيفه مثل الريشه P:

هاذي ضور الدفتر والاقلام ^^


toned-sketch-pad-sizes-listed-p12302-40396_zoom.jpg



7-9-11-pcs-Sakura-Pigma-Micron-Pen-Needle-drawing-Pen-Lot-005-01-02-03.jpg




وهاذي أمثلة على التدريب عالورق الخشن من دفتري (قديم جدا لكن تمت مراجعته من قبل مدرس فمضمون XD)
صراحه ما لقيت امثلة بشكل جدول في النت، لأن هالحركه كانت خاصة بالكورس اللي خذناه واجوفها أسهل للتدريب

564M4kj.jpg
bQNx3Tn.jpg


تدريب اخر وهو الللي سميته "الزنجبيلات" انك ترسم أشكال تشبه الزنجبيل وتطبق عليها الـCrosshatching، فايدة الزنجبيلات انها تعتبر organic forms يعني كأنك تتدرب على كائن حي وبكره تقدر تطبق عالانسان والحيوان والنبات وغيرهم....

الاول تدرب بالتظليل بالخطوط العادية فقط (تقدر تضيف ظلال بالماركر والاضاءه بالجيي رول الأبيض لكن هذا اختياري)
ولا تنسى ترسم خطوط توضح استدارة كل قطعة في الزنجبيل وتحدد حدود كل قطعة فوق الثانية وهل فيها انحناءات وبروزات...الخ وبعد هالخطوط تشتغل عالـCrosshatching

KFRTmDc.jpg
3mnzSZ9.jpg

OyhsGgc.jpg


ثم استخدم اشكال اخرى عالزنجبيلات انك تعبر عن نوع سطح الزنجبيل: شعر او نتوءات او خشب...الخ .. يعني تخليه يصير 3D أكثر

qNmTWrT.jpg



تطبيق بسيط للدرس على نباتات وحيوان (في أكثر لكني ما أفضل اكثر عرض رسمات قديمه)

dGc6g3D.jpg
4kN5uCE.jpg
JlP3Iy0.jpg
 

wael_boss90

Hardcore Gamer
أحس أني ضايع شوي أنا كشخص لا يفقه في أبجديات الرسم من فين أبدا شايف كم حاجة هنا قدامي بس مو فاهم كيف أبدا أطبق فيها أتمنى لو في شرح مخصص للي ما يعرف يرسم خالص
 

Arashi

Dragon of Heaven
أحس أني ضايع شوي أنا كشخص لا يفقه في أبجديات الرسم من فين أبدا شايف كم حاجة هنا قدامي بس مو فاهم كيف أبدا أطبق فيها أتمنى لو في شرح مخصص للي ما يعرف يرسم خالص

حسب ايش ناوي تتعلم.. ترسم اشخاص ولا حيوانات ولا جمادات + أي ستاسيل... هل واقعي انيمي كرتون؟
لأن هالموضوع للي حدد ستايله ويعرف ايش الدروس اللي تناسبه،، فلو مبتدئ هنا يحدد احتياجاته ولو لقينا شي مناسب نعرضه له
 

wael_boss90

Hardcore Gamer
حسب ايش ناوي تتعلم.. ترسم اشخاص ولا حيوانات ولا جمادات + أي ستاسيل... هل واقعي انيمي كرتون؟
لأن هالموضوع للي حدد ستايله ويعرف ايش الدروس اللي تناسبه،، فلو مبتدئ هنا يحدد احتياجاته ولو لقينا شي مناسب نعرضه له

الرسم أكثر تعقيد مما توقعت , حاب أتعلم أرسم سكتشات عشان أرسم زوجتي المستقبلية
14e989620d79a8420906a9d1852b6349.jpg

وعشان أرسم الي أحب وأطلع منهم فلوس * ضحكة شريرة *
maxresdefault.jpg


سكتشات كرتونية خلينا نقول مو واقعي
 

Arashi

Dragon of Heaven
الرسم أكثر تعقيد مما توقعت , حاب أتعلم أرسم سكتشات عشان أرسم زوجتي المستقبلية
14e989620d79a8420906a9d1852b6349.jpg

وعشان أرسم الي أحب وأطلع منهم فلوس * ضحكة شريرة *
maxresdefault.jpg


سكتشات كرتونية خلينا نقول مو واقعي

يعني قريب من ستايل هنتر × هنتر مثلا؟ (الصور اللي وضعتها)
 

Arashi

Dragon of Heaven
يب شيء كذا كرتوني × انمي يناسبني أكثر مثل هنتر

اذن تحتاج نفس الاساسيات المستخدمه في اي ستايل رسم اخر سواءا كان واقعي او انيمي بحت
تتعلم الاساس ثم تطبق عالستايل اللي اخترته
ولازم تبدا بتعلم الامور بالتدريج من العامه إلى المفصله ابتداءا بالـgestures
مثل هذا


main7-1200x624.jpg


اما لو مستعجل على رسم الرأس والوجوه اولا فممكن نخلي الـgestures للخطوه التاليه ^^

المهم لا تغلط غلطتي لما بديت برسم كل شي دفعه وحده من البدايه لأن هالغلطه أخرت التعلم واضطريت ارجع اتعلم من الصفر كذا مره عشان أعدل الاساس عندي.. زمان ما كان عندنا محتوى مفيد في النت (":
 

سيفروس سنيب

بروفيسور فنون الظلام
كنت أشرح طريقة الـCrosshatching لسنيب

مفروض مانعرض رسمات هنا .. لكن اعتبريها طريقتي في قول شكراً

ZP0HhLz.jpg


طبعاً لازلت مبتدئ خربوطي لكن فهمي لهالأسلوب في الرسم صار أفضل من أول
كله معتمد على تمويه الخطوط ......


بجرب أرسم أسد المرة الجاية في موضوع الرسم

وألف شكر
 

Arashi

Dragon of Heaven
مفروض مانعرض رسمات هنا .. لكن اعتبريها طريقتي في قول شكراً

ZP0HhLz.jpg


طبعاً لازلت مبتدئ خربوطي لكن فهمي لهالأسلوب في الرسم صار أفضل من أول
كله معتمد على تمويه الخطوط ......


بجرب أرسم أسد المرة الجاية في موضوع الرسم

وألف شكر

لا بالعكس عرضك للتمارين هنا صحيح ^^

2- يمكن عرض تدريباتك هنا لو محتاج نقد ومساعده،

بس تحتاج شوي تطول بالك مع الخطوط، حاسه من الصور ان فيها شوية استعجال، الخطوط تنتهي بنقاط بارزه، حاول تخف يدك عالقلم عشان نهايات الخطوط تكون خفيفه.
بس حلو التطبيق كبدايه لأن رسماتك فيها ابعاد وهذا المطلوب ^^
جربت تتدرب عالاشكال الهندسيه؟

والعفو ^^
 

سيفروس سنيب

بروفيسور فنون الظلام
لا بالعكس عرضك للتمارين هنا صحيح ^^



بس تحتاج شوي تطول بالك مع الخطوط، حاسه من الصور ان فيها شوية استعجال، الخطوط تنتهي بنقاط بارزه، حاول تخف يدك عالقلم عشان نهايات الخطوط تكون خفيفه.
بس حلو التطبيق كبدايه لأن رسماتك فيها ابعاد وهذا المطلوب ^^
جربت تتدرب عالاشكال الهندسيه؟

والعفو ^^

ترى صح كلامك ماكنت متأني .. بإذن الله الثانية أعطيها اهتمام كافي
ولا ماتدربت أشكال ... يمكن أنسخ كم واحد من الي حطيتهم
 

Arashi

Dragon of Heaven
ترى صح كلامك ماكنت متأني .. بإذن الله الثانية أعطيها اهتمام كافي
ولا ماتدربت أشكال ... يمكن أنسخ كم واحد من الي حطيتهم

يس تدرب عالاشكال لو صفحه في اليوم، استمتع والاهم ما تضغط على نفسك، بجوف الفرق في يومين ثلاث لأن تعلم هالتكنيك ما ياخذ وقت وبتصير سريع فيه باذن الله :grin:
 

Arashi

Dragon of Heaven
طريقة سهلة لرسم الوجه من عالجنب بتقسيم الدائرة قسمين، الوجه ينرس على قد القسم الاول اما الثاني فهو لباقي الجمجمة


الرسام مع الاسف ما قام بتفصيل الجبهة فجبت صورة ثانية توضح شكلها من عند الحاجب لين أعلى الرأس

12-RFA-how-to-draw-a-face-from-the-side-step-12-eyebrow.jpg


نصيحة لا تعورون راسكم مع الخطوط A B C وغيرها لأنها بتضيعكم، تفيد فقط لتقدير المسافات بين الانف والعين والفم ومكان الاذن لكن الامر يختلف حسب قصة الوجه (طويل عريض نحيف...الخ) وحسب ستايل الرسم ايضا

ملاحظة: أكثر الرسامين (خاصة رسامي المانجا) يخطؤون في رسم الوجه من عالجنب لقلة الحاجة لذلك، فيقل الاهتمام بالتدرب عليه او يكون الرسام ناسي.
 
أعلى