الموضوع الرسمي للأكشن فيجرز و الستاتشيوز للفديو جيمز و الانمي و تبادل الخبرات.

[MALDINI]

هدي الهواية اللي افلستني و خلتني اتراجع عن الفديو جيمز لفتره طويلة, و صدقني مهما قلت بشتري اخر فيجر او تمثال ترجع لموقع و تشوف شي مايتفوت تشتري واحد ثاني ):
المهم الموضوع راح احط فيه افضل الشركات في مجال الفيجرز او التماثيل او (العاب الرجاجيل) .. ايضا اخبارها و صور و نتبادل الخبرات فيها. انا قريب بديت في تجميعها و عندي مسوي كم بري اوردر
لكم فيجرز حتى الن ماوصلت.

الفيجرز او الالعاب بدت او وضحت بشكل اكبر في الثمانينات مع العاب او فيجرز GI Joe وصارت الباربي حقة الاولاد, و صارت الحي لها معارض خاصة بها (فقط) باليابان او اوروبا و أمريكا. و تشارك ايضا شركاتها في معارض اخرى ابرزها Comic-Con وغيرها.
مع السنين طلعت شركات يابانية او غربية و منها المستمر و منها اللي انتهى من زمان ما ودي ابربر كثير لان الموضوع بيطول لكن راح احط لحين افضل الشركات وصناعاتها تتنوع من جودة عالية فخمة. و جودة عادية الخ...

Hot Toys: وهي اكثر شركة اعرف عنها معلومات فبتكلم عنها.

صفحتهم على الفيسبوك: واللي يعلنون عن آخر منتجاتهم او جديدهم راح تحصلونها هنا.
http://www.facebook.com/hottoys

طبعا هي من هونج كونج... و اعتبرها افضل و ليس من افضل الشركات بالعالم كله تنتج فيجرز فخم و العاب لمحبين هدي الهواية.
عندها اكثر من لاين Line ابطال الافلام و ابطال الكوميكس DC, MARVEL و الفديو جيمز و كم لاين مختلف. كل شي عندهم غالي و صعب تحصله ادا ما سويت بري اوردر من قبل لانه راح يصير الفيجر غالي بعد ما ينزل ايضا عندهم انواع من الفيجرز عادي و DX و كمثال نزلوا من فترة فيجر للجوكر بالدارك نايت الموضح بالصورة واللي صعب تحصله الا في ايباي و غالي ولا اصلا يستاهل سعره الحين لانه قديم ولكن كمثال هد القديم:

وهدا ال DX ويجي معه ايضا الجوكر وهو باللبس العسكري!!

اتمنى وضحت الفكرة... ايضا في فيجرز هوت تويز تقدر تتحكم بأشياء كثيرة مثل العيون!!!! تحركها يمين و يسار و وفوق و تحت و على الجوانب و تقدر تحرك اي طرف من اطراف الجسم. فبتقدر كدا تصنع Scene على كيفك مع الخلفية اللي ترفقها هوت تويز مع الفيجر بالصندوق. و في اصدارات ال DX داائما الكرتون يجيك فخم مع البتكيج حقها و اكسسوراراتها كثيرة مثل ماتشوفوا بصورة فيجر باتمان اصدارة فلم 1989 الممثل كيتون

ايضا يجي مع اصدارات ال DX الستاند للتثبيت و انوار تشتغل ببطاريات عشان تعطيك شعور الفوز.
حتى الان ما سويت الا بري اوردر لاثنين و اشوفهم مايتفوتوا. طلبت باتمان 1989 و الجوكر للممثل جاك نيكلسون

اسعار الفيجرز حقتهم تتراوح مابين ال 120$ حتى 650$ و في ايباي بعض الاحيا اسعار حلوة و اسعار خيالية و مبالغ فيها.
الموضوع طويل جدا فراح اسويه ابديتس على طول و طبعا الموضوع لتبادل الخبرات و من فين نشتري الفيجرز و اسعارها و اخبارها و و و..
NECA:

بدأت الشركة تسوي فيجر للافلام (ترنيميتر, بريديتورز, الين, هالوين, و و و) و الحين توسعت بعد النجاح و صارت تسوي شخصيات الفديو جيمز مثل بايوشوك و اساسينز كريد و كلب الحرب و هيلو و بورتال و جيرز اوف وار و ستريت فيتر الخ الخخ
اشوف الشركة جيدة و الكواليتي بالفيجرز حقتها ماعليها وعشان كدا اسعارها حلوة و معروفة بين الناس كثير و لها معجبين بكل انجاء العالم.
وهدي بعض انتاجاتها..

انا مخطط اني اجمع كل شخصيات بايوشوك من نيكا لانها رهيبه و لا شفت اي شركة تظبطها مثلهم ايضا الباكيج حق الشركة عادي جدا عكس هوت تويز اللي ماتحصله بمحلات عادية الا محلات الكوميكس او فقط عن طريق الاونلاين و نيكا و اكثر الشركات تحصلها بمحلات العاب مثل TOYS R US الخ الخ...

راح اكتفي بأبرز شركتين لليوم هدا و قريب ان شاء الله راح ادكر شركة اخرى من اليابان مثل بانداي BANDAI و كوتوبوكيا و فيجما و ريفولتيك و غيرها مثل تماثيل سايد شو SIDESHOW اللي مالها حل.
ايضا راح اتكلم بالتفصيل كيف تحفظ الفيجرز خصوصا اللي يكون اللبس حقها من القماش او البلاستيك المقوى او المعدن او مواد اخرى مثل المطاط يعني كيف تحافظ عليها من الغبار او التلف
اترككم الحين مع بعض الصور من فيجرز هوت تويز و تمثايل سايد شو...

​

 

[MAX9009]

الفيجرز =( احسه مرض واحاول اخفف من شرائهم .

 

[Al Pacino]

فيقري الوحيد جا مع الكولكترز اديشن لـ شوجون2:

تاكيدا شنجن

 

[Sky Walker]

هدي الهواية اللي افلستني و خلتني اتراجع عن الفديو جيمز لفتره طويلة, و صدقني مهما قلت بشتري اخر فيجر او تمثال ترجع لموقع و تشوف شي مايتفوت تشتري واحد ثاني ):

قصة حقيقية ..

 

[Raulioo]

هذا الحليوة الوحيد اللي عندي فيجر له

 

[Game Time]

كان عندي زمااااااااان كثير فيجرز لباتمان وسبايدر مان ومجموعات لكن لسوء حظكم لن تشاهدوها تم التبرع بها لطفل من معارفنا الله يشفيه


هشوف شو الي ضل عندي ووهصورهم وانا بتمنى صراحة اشتري حاجات للجيمز بس للأسف مافي عنا محلات في العالم العربي بتبيع الفيجرز

الجديدة

تعديل :

للاسف مالقيت شيء من الي كان عندي

 

[Raziel]

اخيراً يا بدر .. الموضوع بيكون مرجع ممتاز لكثير ممن راح ينضمون للنادي (إحم مب بس أنا لحالي )
الفيجرز مستقبلاً هي اللي راح تزين غرفة الجيمنج المستقبلية 3>

 

[أوكازو]

انا مهووس بالشغلة هذي أيضاً، لكن إجمالاً مستحيل أدفع مبالغ كبيرة بالفيقرز
لما يطلع Collector's Edition من لعبة و يكون معها فيجر اتحمس للغاية اني اشتريها حتى لو كنت مو متحمس لها، و ما صارت معي كثير الحمدلله
صارت معي فقط في لعبة BATMAN ARCHAM CITY، ما كنت متحمس للعبة مرة، لكن الحافز الكبير لشراؤها هو الفيجر اللي جاي معها، و إجمالاً اللعبة كانت جيدة.

 

[kInGsIzE]

لاااااااااااااااااااااااا
قفلوا ذا الموضوع !!!! من فتره ابي اوفر فلوسي !!! صرفت كثير على الاكشن فيجرز ابي اوفر لمستقبلي :














.......
تبا ما اقدر لازم اشوف :nerd:
شباب شوفوا هدفي القادم لول:

قيمته 500 دولار تقريبا .. بلبسه زوجتي المستقبليه غصب :tongue:

 

[Wild Fox]

^^
احمد هذا تلبسه انت , اساسا ما راح تقدر تتركه بس تحط يدك عليه بسمعك تصرخ و تصير زي هذا
[video=youtube;Iz-8CSa9xj8]http://www.youtube.com/watch?v=Iz-8CSa9xj8[/video]

==================

عندي في جده فيجرز كثيره للمصارعين .. كنت اجمع فيهم من 1994؟ ما اذكر من متى بس عندي مصارعين كثير ... بس حسب الاشاعات ان الصغارلا شتتوهم

المجموعه اللي عندي زي هذي .. طبعا Animal و Big boss man صعب صعب صعب صعب تحصلهم .. بس اذكر اني لقيت انيمال او اتوقع جاني من امريكا ما اذكر بالضبط
من يذكر فيجرز Heman ?

كان عندي بالهبل ! حوالي 20 حبه يمكن , حتى بعضها مكرر ! و السياره حقته كمان

كان عندي كميه لا بأس بها ...
حاجات كثير ضاعت علي و لا اقدر احصلها ... و حاليا ما عندي الا رفيق دربي على طاولتي

طبعا انا في انتظار اني استقر في مكان , و أبدأ رحلة التجميع من جديد ... أول فيجر باشتريه هو هذا



r

قلبتوا المواجع علي :sadwalk:

 

[kInGsIzE]

^^^^^
هيييييماااااااااااااااااااااااان T.T
ياخي لي فتره اتذكر شيرا و ابي اعرف اسم هذا و مو قادر لول .. ما عندك فيجر شيرا؟ :inlove:

يبيلي اصور لكم مجموعتي اليوم او بكره

 

[سليل]

كلهم من MegaHouse. هذي الشركة المفضلة بالنسبة لي
عندي عدد لا باس فيه من المجسمات و اسعى اني اجمع اكثر
عذرا هذي الصور اللي عندي حاليا و كلها من الانستاغرام

 

[Sora Diersly]

اللي فاتح الموضوع إنسان ماعنده قلب ولا يرحم خلق الله. الشباب قاعدين يلطمون لهم اسبوع في تويتر xD

عموما أنا ماني فان لتجميع الفيغرات, تعجبني أشكالهم لكن أشوفها هواية تفليسية. لو أفكر اشتري واحد, لازم بالمُقابل اضحّي بلعبة, وهالشيء ماراح يصير إلى ماأتوظف براتب 10,000 وفوق على الأقل >.>"

لي رجعة للموضوع................................................................................. بعد 4 سنين ._.

 

[MAX9009]

انا مهووس فيجرز للاسف واحاول اوقف وامسك نفسي =( وللآن موقف شراءهم لكن في كم واحد عيني عليه من امازون وبعدها ما ابغى شي .. بصورهم واحطهم

 

[SAUD~F-16]

اسعار الفيجرز حقتهم تتراوح مابين ال 120$ حتى 650$

من جدكم؟! لهدرجه مكلفين !! وانا اشوف الشباب مكتمين لول!! بس ليش لهدرجه اسعارهم غاليه؟

والفيجرز الوحيدين الي امتلكتهم كانوا لبيكمون:sadwalk: ايام الطفولة , وكان المفضل عندي هو تشارماندر التنين -__-, و كانو اخر فيجرز امتلكتهم على الأطلاق.

 

[Painkiller Q8]

ماني من هواه تجميع الفجرز بس عندي كم شغله في غرفة الجيمز !

 

[MAX9009]

شوي صور للي عندي

يكفي في غيرهم لكن ما صورتهم =/

واخيراً الحوب الكبير ....
مايعتبر فيجر لكن داخل بنفس الموضوع تقريباً

 

[The Last Lombax]

الفيجرز اللي عندي :

اثنين من كل شخصية xD

كان عندي فيجرز صغيرة لشخصيات مختلفة كنت أجمعها من وجبات هابي ميل وأنا صغير لكن أتى الجيل الجديد ومسحها عن بكرة أبيها

 

[I-NERO-I]

:inlove:

 

[SCORPION-Q8]

اليوم امتلكت اول فيجرات بحياتي (&)

 

[Q8Dante]

SCORPION-Q8
خوش تشكيلة اكيد ماخذهم من الرحاب .. بس من اي محل ؟

 

[SCORPION-Q8]

^

يب من الرحاب .. من المحل الي على زايه بالسرداب ..

دييير بالك تسأله عن اي شي .. ترا يصك سبويلرات عادي عنده الوضع .. صكني ب4 سبويلرات الله يهديه .. بغيت احرقه هو ومحله