لكل Audiophile مساعدة في اختيار Cans

[Justice]

صارلي مايقارب الشهر تقريباً وانا ابحث عن هيدفون ممتاز والمشكلة كل ماابحث اشوف اراى مختلفة وتحتار شنو تختار اكثر. على العموم انا حالياً محتار بين AKG K702 و Sennheiser HD595 بما انهم closed.
وطبعاً افكر اخذ FiiO E9 Headphone Amplifier او NuForce Icon uDAC-2.
طبعاً استخدامي لهم راح يكون حق الاشياء الصوتية من العاب، افلام، ميوزيك، فا ابغى اكون محصور على شي معين.
اتمنى يجي واحد خبير ويساعدني في الخيار او ينصحني بشي افضل.
طبعاً الميزانية بالكثير 500$ <ـ<

 

[Painkiller Q8]

أخوي توه شاري سماعه 7.1 رووعه من لوجتك .. وسعرها معقول جدا ..
هو نايم الحين .. راح اكلمه بكره واصورها لك !!

اذكر ان صارله يومين يمدح فيها وانا مطنش وماهتميت لها .. لاني اكره الهيدفونز جدا !!

 

[Dr MaD]

من تجربتي الطويله جدا (تقريبا ثلاث سنوات) لسنهايسر 555 (أخت 595 الصغيره) .. وحده من أفضل الصفقات اللي سويتها بحياتي
ولو بشتري سماعه فراح أدور من موديلات سنهايسر بعد تجربتي معاهم الناجحه

 

[Revolver]

مشكلة الهيدفونز المحيطية انها سيئة تماماً بالموسيقى, لأنه الأغاني يسووها ستيريو. وبصراحة نصيحتي لا تاخذ هيدفون محيطي نهائياً. فيه كروت صوت كثيره تحاكي الأداء المحيطي للألعاب و الأفلام. "كلامي كان رد على نصيحة Painkiller"
الخيارات اللي وضعتها ممتازة, لكن اذا تبغى خيار افضل + ارخص عندك الـAudio-Technica ATH-M50S, اقرأ مراجعتي لها اذا مهتم, صارلي مدة من شريتها ومستانس كثير فيها. اغلب استعمالي لها هو للموسيقى.
نصيحتي الأخرى خليك بين Audio Technica, Sennheiser و Denon. لا تطلع بين الثلاث شركات هذولا لأنهم الأفضل في الهيدفونز.

 

[Zero]

^
من جد، لا تطلع عن هالثلاث شركات، أترك عنك بوز وبيتز والخرابيط الفاضية هذه، سعر غالي على غير سنع. عندي نفس سماعة عبد العزيز وهي ممتازة جدا، فوق ما جودة الصوت فيها ممتازة تظل مريحة مهما رفعت الصوت ومهما طالت مدة استخدامها، هذا غير أني سعيد جدا بجودة تصنيعها. السرواندد زي ما ذكر عبد العزيز، ما ينفعوا للمقطوعات الصوتية بتاتا، السراوندد حق أفلام وجيمنج.

حسين، Audio-Technica شركة يابانية متخصصة بالصوتيات وتسوي مايكروفونات كاروكي وإلخ ياللي تحب المنتجات اليابانية :razz::

 

[Justice]

طيب شرايكم في سينهايزر؟؟؟