hits counter

الموضوع الرسمي لـ كمال الأجسام

PS

True Gamer
أي قبل و بعد التمرين.
 

soosi

True Gamer
- 5 جرام كل يوم ( اذا اليي تاخذه كرياتين مونو )
- اذا انت وزنك فوق 200 باوند من 5 - 10 جرام
- ما يحتاج تسوي مرحلة اللودينج ( loading phase )
- بالنسبة الى الوقت ما تفرق بعد او قبل او في الصبح الخ
- ما يحتاج سايكل
- ماله شغل في تصلب العضل , خصوصا انك تاخده من اسبوع
- الكرياتين يتشبع في العضل ( saturated ) يبيلك فتره علشان تحس وتشوف فرق , مش مثل الكافيين ( القهوه ) تشربها و بعد نص ساعة تحس نفسك مصحصح وفايق وقت التمرين .

موفق :)
 

The Blue King 9

True Gamer
السؤال الي يدور في ذهني دائما
هل تمارين البوش اب والبطن تكفي لبناء الجسم المقسم وبناء العضلات ؟
 

Capitano-18

Hardcore Gamer
مبتدأ في هالرياضة وسألت كم واحد وعطاني جدول يومي حلو ومنظم.

سمعت ان التمرين يحتاجله على الاقل 5 وجبات يومياً، للأسف بحالتي ما اقدر لأني معظم اليوم مشغول. لذلك قررت استعمل البروتين وحبيت اتأكد من الخبراء بهالرياضة في تروجيمنج.

استعمل بروتين WHEY Gold Standerd Natural، ناس قالولي انه البروتين هذا هو الافضل والاصح، والي اكدلي التوب سيل في اكثر من موقع مشهور. شرايكم فيه؟

طريقتي هي اخذ 2 سكوب قبل التمرين و2 سكوب بعد التمرين وقبل النوم اخذ 2 سكوب من منتج نفس الشركة بس نوع ثاني هو بطيء الامتصاص.

حاب اعرف اذا نظامي كذا حلو عشان استمر ولا اذا فيه نظام ثاني افضل ياليت تعطوني من نصايحكم. شكراً
 

PS

True Gamer
في الاول لازم تعرف 5 أو 6 و جبات و عقب البروتين و الاشياء لثانية الانها مكملات غذائية وماتحل مكان الغذاء الاساسي.

وبنسة للبروتين أختيار موفق,6 سكوب في اليوم واااايد المتعارف من 3 الى 4.
 

xxamerxx

TG News Editor
انا شخص مو مهتم بكمال الاجسام بشكل كامل لكن مهتم تكون عندي six pack وش اسرع طريقه ممكنه مع ان جسمي رياضي نوعا ما ومش سمين ... فيه نوعيه تمارين معينه ؟ وكم تاخذ وقت "تقريبا" ؟
 

PS

True Gamer
اذا عنك دهون في البطن لازم تروح وعقب سهل تطلع غضلات البطن.

تعتبر اصعب عضلة في الجسم مب الانها تتأخر لين تطلع لا,لكن الدهون اللي في البطن أخر شي ينحرق في الجسم ولا عضلت البطن امرها سهل.
 

xxamerxx

TG News Editor
تقدر تقول ان الدهون في جسمي تقريبا 20 كيلو ومتوزعه على الجسم وانا مشترك في نادي لكن بس لياقه واغلب وقتي هروله بالمضمار و على الاوبتكال .. فيه تمارين معينه ابدأ فيها ؟
 

PS

True Gamer
تمارين البطن وايد حاول في نفس الوقت تحرق دهون المعدة و تسوي تمرين البطن.

تنقسم عضلات البطن 3 أجزاء

1 السفلى و تتمرن عليها بتحريك الرجل

2 الوسطى التمارين المعروفة

3 العليا تكون مستلقي و ترفع الجسم العلوي من الجسم بشكل قليل

وبعد التعود على التمرين غيرها وضيف أوزن لتمارين لتكبير حجم العضلة و البروز بشكل أفضل

في تمارين وايد أبحث في اليوتيوب
 

Xeon-Q8

True Gamer
تمارين البطن والبوش اب تسخين للجسم وشد للعضلات

بناء الكتله العضليه تحتاج تمارين بأوزان كبيره وكميه كبيره من البروتين يوميا وتحتاج وقت اقل شي 3 شهور (إذا كنت مثالي في التمرين والأكل) ممكن تاخذ فتره
من سنه إلى سنتين إذا كنت مهمل في التمرين والأكل

والكتل العضليه الكبيره ، مثل المصارعين ، والممثلين ، تحتاج شي ثاني


انا شخص مو مهتم بكمال الاجسام بشكل كامل لكن مهتم تكون عندي six pack وش اسرع طريقه ممكنه مع ان جسمي رياضي نوعا ما ومش سمين ... فيه نوعيه تمارين معينه ؟ وكم تاخذ وقت "تقريبا" ؟
نفس الكلام للأخ اللي فوق
 

soosi

True Gamer
لكن مهتم تكون عندي six pack وش اسرع طريقه ممكنه


مافي طريقة سريعة في هذه الرياضه سواء بناء عضلات او حرق دهون

موفق
 

BaKREee

Hardcore Gamer
وش معنى مصطلح الهدم بتمارين الحديد؟! اسمعه كثيرر .

ووش افضل توزيع او ترتيب لتمارين البطن ؟ مثلا تنصحون يوميا تمارين بطن او يوم ايه ويوم لا وهكدا .... ؟؟
 

NOBLE

Hardcore Gamer
img1089.png


كيف بس ؟ :D
 

Xeon-Q8

True Gamer
هدم انسجه العضلات بفعل حمض اللاكتيك

إذا كان الهدف من تمرين المعده هو "ألتضخيم" ، ثلاث ايام بالأسبوع ممتاز

إذا كانت العضله موجوده لكن الدهون متراكمه ، يوميا ممتاز ايضا
 

BaKREee

Hardcore Gamer
الهدف حرق الدهون او الشحوم :/

طيب كيف اتفادا الهدم ؟
 

Xeon-Q8

True Gamer
ماكو طريقه واضحه ، في منتجات مكتوب عليها تحويل الهدم إلى بناء
ممكن صحيح وممكن خطا

النوم هو الحل ، بشكل عام هالعمليه طبيعيه بسبب التمرين
 

Karim le BOSS

True Gamer
العمر الاساسي لبناء الاجسام هو 17 ولا 16 ؟

لانه فيه واحد اعرفه عمره 16 سنه و عنده 2 باك في بطنه @@ . و جسمه كله صلب جدا بس ياكل كثير ما شاء الله

و من قوه رجله يشوت الكوره اقوى من اللي عمره 25 +
 

Xeon-Q8

True Gamer
النمو يكتمل عند 18 سنه

لايوجد قانون كوني بهذا الأمر ، ممكن تبدأ متى ماتحب ، لكن على حساب صحتك طبعا!

بعض النوادي الصحيه في الكويت لاتقبل من هم دون 18 سنه

لكل قاعده شواذ بطبيعه الحال
نصيحه : نم بكّير واصحى بكّير ، وشوف الصحه كيف بتصير :D
ابعد عن هالرياضه : "فلوس" ، إذا ماعندك استعداد تصرف على نفسك على المدى الطويل (سنه++) ريح بالك
لان شغلك بالنهايه بيروح عليك .
 

Sora Diersly

True Gamer
سؤال سريع: هل الكرياتين (الحبوب 6 حبات باليوم = 5000 ملجرام) تزيد الوزن بأي شكل من الأشكال؟ اللي بيقول "لازم تمرين علشان تحرق الحمض" ممكن تبيني نوعية التمارين المقصودة؟ حديد وكذا؟ أنا ماعندي برنامج حديد متكامل لسى, لكني أسبح ساعة كاملة باليوم وأركض 20 دقيقة بعدها. وأحاول أسوي تمارين خاصة بالـ باي سبس, تراي سبس والصدر. بأجهزة مثل High Low Row والجهاز اللي تسحبه من فوق ويشد منطقة الظهر (ناسي اسمه 0,0) وكذا... اسوي تمارين للباي/تراي سبس والصدر لأنهم ضعيفين جداً لدرجة أنها تردعني عن السباحة الصحيحة بسبب ضُعف اليدين :"(

صار لي اسبوع ونص بادي بالتمارين/السباحة, بعد إنقطاع طويل. وهدفي الأساسي هو النحف, والثانوي هو بناء جسم صحّي وخالي من الترهُّلات. انا خسرت مايُقارب 52 كيلوجرام سابقاً وأنا فخور بهالشيء. لكن المشكلة مع الترهُلات اللي مخليتني ثابت على شكل/هيئة سيئة وحدة. اللحين السباحة ساعة/ركض صاروا مايسوون لي شيء للأسف. رغم أني ملاحظ عدم زيادة الوزن السريعة مثل سابقاً, بفضل الله ثم الرياضة. ومن ناحية الأكل, خرب النظام الغذائي الصحّي قبل 4 شهور, لكن رجع مثل ماكان سابقاً قبل اسبوعين. يمكن المشكلة الوحيدة في هذا النظام الغذائي هو أني ماأقدر آكل أكثر من 3 وجبات باليوم. حدّي 3 والثالثة بالمطاق آكلها لما ألاقي عندي وقت. لذلك مازال مافيه توقيت للوجبات, وبعض الأحيان آكل فطوري الساعة 2 الظهر -ـ-"

المشكلة اللحين هي ان ماعندي أسلوب حياتي مُعزّز بتمارين الحديد على الإطلاق, ولا أدري من وين أبدأ. بالمُناسبة, صار لي اشتغل على التراي/باي سبس من أسبوع, واللحين المُفصَل الأيسر للذراع يؤلمني بشكل غبي كل ماحاولت أثني اليد أو أمدّها. هل هذا طبيعي؟ هو مثل إحساس الـ Sourness بس الغريب انه مو راضي يروح وصار له 4 ايام كذا, واليد اليمنى جاها بس يوم واحد واللحين تمام. سؤال جانبي: هل كويس اشتغل على منطقة وحدة كل يوم؟ وإلا احط بينهم يوم؟ وهل أخذ الكرياتين طبيعي في وضعي الحالي؟ وإلا اوقفه احسن؟ لأني ماني لاقي بودرة الـ WHEY في الحفر ابدا -ـ-"

أدري اسئلة كثيرة, لكن تحملوني شوي :/
 
التعديل الأخير:

Xeon-Q8

True Gamer
الطرح كان عشوائي اخ عمر ، فالإجابه ممكن ان تكون عشوائيه ايضا ، بفعلك انت لا بفعلي انا ، لكن سأكون احرص على الترتيب :)


سؤال سريع: هل الكرياتين (الحبوب 6 حبات باليوم = 5000 ملجرام) تزيد الوزن بأي شكل من الأشكال؟
إجابه سريعه : لأ

الكرياتين يؤخذ بهدف : زياده التحمل في التمارين ، بعد التمرين الثالث او الرابع تبقى العضله تستجيب ، غير متأثره نوعا ما بالتمارين السابقه
تفيد بفقد الوزن ، بحيث انها تزيد وقت التمرين ، وبالتالي تزيد عمليه حرق الدهون عن طريق بذل الجهد والحركه ، بكل بساطه ^_^

صار لي اشتغل على التراي/باي سبس من أسبوع, واللحين المُفصَل الأيسر للذراع يؤلمني بشكل غبي كل ماحاولت أثني اليد أو أمدّها. هل هذا طبيعي؟ هو مثل إحساس الـ Sourness بس الغريب انه مو راضي يروح وصار له 4 ايام كذا, واليد اليمنى جاها بس يوم واحد واللحين تمام.

طبيعي جدا ، ودليل على استجابه الجسم للتمارين ، بعد اسبوع او اسبوعين تتعود على هذا الأمر ، يأتي للـ "مستجدين" في عالم بناء الأجسام
لن يتكرر دائما بعد مده ، اقل تقدير بعد شهر ، اما بفضل الأكل الصحي او المكملات الغذائيه الممتازه كـ (xtend ) و whey protien بسبب وجود
المكونات التي تخفّض وتقلل الشعور بالألم في العضله .


سؤال جانبي: هل كويس اشتغل على منطقة وحدة كل يوم؟ وإلا احط بينهم يوم؟
بناء على ماسبق ، لا ، الأفضل اعطاء العضله يومين على الأقل لعمل recovery ، وسوف تلاحظ ذلك بنفسك في التمرين :)


وهل أخذ الكرياتين طبيعي في وضعي الحالي؟ وإلا اوقفه احسن؟
السؤال الأهم : تعرف كيفيه استخدامه ؟
إذا لم يمضي عليك وقت طويل في التمرين ، اتركه فورا ، لان استخدامه حاليا لن يأتي بالمنفعه المنشوده

الأفضل ان تعطي نفسك مده (شهر) على اقل تقدير ، تعّود جسمك على التمارين والأكل المنظّم ، والغني بـ البروتين بطبيعه الحال .

صحن تونه كبير مع سلطه بزيت قليل، أفضل من البروتين الصناعي ، وألذ ، وأضمن في كميه البروتين 50 غرام تقريبا :)



أنا ماعندي برنامج حديد متكامل لسى, لكني أسبح ساعة كاملة باليوم وأركض 20 دقيقة بعدها. وأحاول أسوي تمارين خاصة بالـ باي سبس, تراي سبس والصدر. بأجهزة مثل High Low Row والجهاز اللي تسحبه من فوق ويشد منطقة الظهر (ناسي اسمه 0,0) وكذا... اسوي تمارين للباي/تراي سبس والصدر لأنهم ضعيفين جداً لدرجة أنها تردعني عن السباحة الصحيحة بسبب ضُعف اليدين :"(

لابد من نظام واضح المعالم ، العشوائيه غير مفيده ، لن تأتي إلا بالإجهاد لجسدك من غير منفعه ، تمرين عضلات الجسم بشكل كامل مطلوب
وامر أساسي ومهم ، التركيز على منطقه دون أخرى من الأخطاء الشائعه عند المبتدئين ، يظن انه سيأتي بالمنفعه بشكل اسرع ، اقول انها لن تأتي إلا بجسم مشوّه خالي من الجمال ، عضلات الجسم متكامله بعضها يعتمد على بعض ، اكرر على اهميه وضع جدول كامل يشمل جميع
العضلات ، هذا هو المتعارف عليه ، والأصح ، والأكثر فائده لك :)
 
التعديل الأخير:

PS

True Gamer
حق اللي يسأل عن الكرياتين.

[video=youtube;i7kLgZYQJLg]http://www.youtube.com/watch?v=i7kLgZYQJLg&feature=player_embedded#![/video]
 

Sora Diersly

True Gamer
شيون/زيون شكرا على إجاباتك المرتبة D: تقريبا جاوبت كل شيء كتبته رغم أن افكاري كانت عشوائية فعلا :/

طيب وهل هناك روتين workout منظم ومرتب أقدر امشي عليه واضمن نتائج جيدة فيه على المدى القريب/البعيد.. ماتفرق فعلا, لكن أبغى أمشي على أرض صلبة بدال وضعي الحالي الحوسة :/
 

Xeon-Q8

True Gamer
انت اختار مايناسبك من هنا
http://www.bodybuilding.com/guides/

انصحك تتصفح الموقع عدل ، فيه كميه معلومات لاتقدّر بثمن
وبشكل عام التجربه هي ميدان التعلم ، ومع الوقت راح تصلّح لنفسك بعض المفاهيم الخاطئه ، وتشوف نفسك تتقدم على صعيد الفكر والجسم

بالتوفيق ^_^
 

SAUD~F-16

True Gamer
عندي شوية استفسارات .
1- نوعية الأكل ونظامي الغذائي يأثر على سرعة نمو العضلات؟ انا حاليا اسوي تمارين خفيفة , ضغط , تمارين عضلات البطن , تمارين للكتفين , و شوية رفع اثقال. من 3 شهور , لكن التطور بطيء, و اكلي غير صحي ابدا , وجبات سريعة و مشروبات غازية وطاقة ..والخ يعني ماني مهتم من ناحية الأكل

2- انا عمري 19 ونحيف جدا وطويل .. معرف كم طولي بالظبط لكن كل من شافني قال اني كل مالي انحف .. اي نصائح؟
 

BaKREee

Hardcore Gamer
بديت اعاني من تساقط الشعر بعد شهر تمارين الحديد , احد عنده خلفيه عن الموضوع ؟؟
 

USefQ80

True Gamer
^^
اللي اقدر اقوله الشي هذا احد الخرافات اللي كنت اسمعها قبل عن الحديد !! و يوم بلشت ما شفت شي ( بعد سنتين )
اتوقع شي ماله علاقة بالحديد روح حق الدكتور يمكن فيك نقص بأحد الفيتامينات او اي شي ثاني لا سمح الله

اتمنى واحد خبره يأكد هالشي :)
 

PS

True Gamer
ماله خص في الحديد,هذا يصير أكثر شي حق اللي يسون رجيم و يكون عندهم نقص في الفيتمينات أو شي ثاني.
 

m-oo-7md

True Gamer
شباب تم ولله الحمد الاشتراك بالنادي وحاب ابدا ابني جسمي بس ابي منكم كم صنيحه وافضل التمارين للمبتدئين :)
 
أعلى