Solay
Double Jumper
Switch
متوفرة ديجيتال على الايشوب
اللعبة لعبة زيلدا بالكامل لكن بأسلوب لعبة Crypt of the Necrodancer ومع بعض العناصر من نفس اللعبة، طيب وش سالفة نيكرودانسر؟ نيكرو دانسر أفضل وصف لها هو Rythm/Dungeon Exploration لعبة العالم فيها يتحرك بحسب ايقاع معين واللي يختلف بحسب المنطقة وموسيقتها، حركة الأعداء، ضرباتهم، العقبات، كلها تمشي على هذا الايقاع والمطلوب منك انك تجاريه لأنه حتى انت ما تقدر تمشي او تضرب او تستعمل اي شي من ادواتك الا بحسب هذا الايقاع.
طيب لعبة مثل كذا تعتمد على الموسيقى هل المفروض أتوقع تراكات ممتازة؟
خذ:
ملحن اللعبة هو نفسه ملحن نيكرو دانسر واللي ايضا كان ملحن ساوندتراك سوبر ميت بوي(نسخة البي سي والاكس بوكس) وله عدة أعمال ثانيه معروفة، الجدير بالذكر انه ببداية مسيرته ذكر أنه يتمنى يشتغل على عنوان من نينتيندو حتى كان له أعمال بـ Oc Remix لبعض ألعاب نينتيدو منها زيلدا، فالمفروض اننا مقبلين على ساوندتراك واعد.
بتختار وحدة من الشخصيتين يا لينك او زيلدا وتتجول فيها بأنحاء هايرول وهدفك الأساسي هو البحث عن أربعة زعماء تحتاج تقتلهم للدخول لمنطقة الزعيم الأخير، لكن بطريقك للبحث عنهم بتحتاج تستكشف العالم وتمر بدنجنز وشراينز عشان تقدر تاخذ أدوات وتطويرات تساعدك بتقدمك باللعبة ، اللعبة فيها عناصر بسيطة من العاب الروقلايك مثل انك لو مت جزء بسيط من الأدوات راح تفقدها واللي هي ادوات اصلا لها عداد معين وراح تفقدها بكل الحالات مع عدة استعمالات وايضا راح تفقد الفلوس اللي جمعتها، بس بالجانب الآخر ما راح تفقد ادوات اللعبة الأساسية ولا راح تفقد الألماس اللي هو عملة أهم وتساعدك بشراء بعض التطويرات المستمرة وأدوات أخرى.
بعالم اللعبة موزع عدة نقاط حفظ، اذا فعلتها بتقدر لو مت ترجع لأي وحدة تختارها بالعالم ولو تقدمت شوي باللعبة بتقدر حتى تتنقل تنقل سريع بينهم، اللعبة حتى فيها باكتراكنج بحيث انك ممكن تدخل شراين تلقاه يحتاج اداة معينة أنت ما تملكها فترجع له بعدين متى ما لقيت هاذي الأداة.
طيب انا عاجبني كل شي بس سالفة الريذم مب مرة كويس معها، وش الوضع؟ اللعبة من الاوبشنز فيها خيار فري/فيكسد مود واللي يلغي لك سالفة أنك لازم تمشي على الايقاع بالوقت المناسب وبيحافظ لك على باقي عناصر اللعبة فموب مود للبزران لا لا تزال بتحتاج تخطط لتحركات الأعداء وهجماتهم وتوقت لتحركاتك لكن طبعا التجربة الأساسية هي الأكمل.
اللعبة فيها طور القصة الأساسي، وفيها أطوار أخرى تعطيك تجربة مختلفة مثل طور البيرماديث واللي هو يخليك تفقد كل شي لو مت، وطور يغير لك توزيع اللعبة بالكامل على طريقة ألعاب الروقلايك ففيه تنوع من هاذي الناحية والجميل انه حتى فيها كو اب.
تريلر:
جيمبلاي:
التقييمات @SHAMSSON ما قصر حط لها موضوع مختلف فتقدرون تشيكون عليها هناك.