hits counter

لعبة حلو تلعبها بس ما حلو تخلّصها

بوسيف39

True Gamer
هذه الفكرة من فترة ببالي وأفكر أسوي عنها فيديو مع الشباب بس لين هذاك الوقت عندي فضول أعرف كلام الشباب هنا، عن نفسي بختار The Lost Vikings

The_Lost_Vikings_SNES_cover.0.jpg


لعبة على الsnes من تطوير بليزرد لما كان اسمهم Silicon & Synapse، فكرتها أنك تتحكم بثلاث فايكنجس تبدل بينهم وهي بلاتفومر ألغاز، كل واحد منهم عنده خصائص تفرده عن غيره.

واحد سريع ويقدر ينط بس ما يقدر يهاجم إلا هجوم ينطح بيه لما يركض ويكسر نوع معين من الجدران، الآخر عنده درع ويقدر يستعمله للصد ويقدر ينزل ببطء من مكان عالي لأنه ما يقدر ينط، أو يستعمله كمنصة عشان الأحمر ينط فوقها، الأخير يقدر يهاجم بسيف أو أسهم بس ما ينط او يصد الضربات، طبعا سهل تشوف كيف هذي القدرات تستعملها عشان تخلص المراحل وتحل الألغاز، مثلا مكان يكون فيه عدو فتجيب صاحب الدرع وتخليه بالبداية وتجيب المهاجم وتطلق عليه بالأسهم عشان يموت أو منصة ما تقدر توصلها بالنطة العادية فتجيب الدرع وتنط فوقه بعدين تنط لمكان أعلى، وأظن الفكرة وصلت لأن اللعبة تضيف أفكار أكثر قدام وتتعقد الأمور للأفضل، تقريبا.

هذا كله يخليها ممتعة واللعبة عندها هوية كرتوينة ظريفة، بس أشوفها حلوة عشان تشوف وين توصل وما يحتاج تخلصها لأنها ما تعطيك مجال للخطأ، لو مات واحد من الفايكنجس مافي ايتم يرجعه ولازم توصلهم كلهم لنهاية المرحلة عشان تخلص المرحلة فلو خسرت واحد منهم لازم تعيد المرحلة كلها، كلهم عندهم هلث بار وتلقى ايتمز تعالجهم بس ما تفيدك لما يكونوا موتى طبعا، عن نفسي وصلت مرحلة معينة وجلست أحاول فيها وبعدين تركت اللعبة.


هل فيه ببالكم ألعاب مثلها حلوة كتجربة فقط بدون أنك تفكر تخلصها؟
 

KitKat 4.4

True Gamer
ماهي لعبة او لعبتين بل جنرا بكبرها واللي هي سيئة الذكر: الروجلايك

ممتعة وادمانية بأول كم رن وبعدين خلاص تتكرر الغرف بشكل مقيت وتصبح شغل قرايند رخيص
 

YAHiA

Nightmaren
الزعيم السري في ألعاب الشمب، مرات يكون ممتع ومرات بيض
 

ahmed-xd

True Gamer
Need for speed rivals و need for speed most wanted 2005
في البداية الأشياء تسويها تحس فيها تنويع بعدين قريب النهاية تحس بالتكرار بس لعبتين ممتعتين
 

Grumpy

True Gamer
Yooka Laylee and the Impossible Lair

هاللعبة فاجأتني و ما توقعتها بهالجودة. كنت جدا مستمتع بها، الين ما وصلت اخر مرحلة.
تعيسة. عبارة عن كمية صعوبة لغرض الصعوبة فقط. يعني تخيل كأنك تلعب طول اللعبة على Normal، و المنطفة الاخيرة بدون سابق انذار تصير Very Very Hard.
ما عجبني هالشي و تركتها للأسف بدون ما انهيها.
 

بوسيف39

True Gamer
ماهي لعبة او لعبتين بل جنرا بكبرها واللي هي سيئة الذكر: الروجلايك

ممتعة وادمانية بأول كم رن وبعدين خلاص تتكرر الغرف بشكل مقيت وتصبح شغل قرايند رخيص
عن نفسي ما لعبت من الروجلايك سوي هيديس وحاليا دد سلز، كلهم مستلذ بيهم وبعشوائية الأسلحة، لكن لعلي انحاز لقولك إذا لعبت أكثر.
 

بوسيف39

True Gamer
Yooka Laylee and the Impossible Lair

هاللعبة فاجأتني و ما توقعتها بهالجودة. كنت جدا مستمتع بها، الين ما وصلت اخر مرحلة.
تعيسة. عبارة عن كمية صعوبة لغرض الصعوبة فقط. يعني تخيل كأنك تلعب طول اللعبة على Normal، و المنطفة الاخيرة بدون سابق انذار تصير Very Very Hard.
ما عجبني هالشي و تركتها للأسف بدون ما انهيها.
الي سمعته عن اللعبة أنك تخلص المراحل عشان تحصل أشياء تعطيك فرص بالمرحلة، بس حتى مع هذا بعدها صعوبة مبالغ فيها؟

هذا أسوأ نوع الي تصير خايسة على الرمق الأخير.
 

The Last Lombax

In a new adventure~
سبايدرمان 2018. هو مو "ما حلو تخلصها" بالمعنى الحرفي لكن مو حلو تجميع كل شي فيها لأنه يخرب حلاوة التجربة.
 
ثلاثية اساسنز كريد (فالهالا, اوريجينز، اوديسي)
العبهم من حين لأخر ختمت اوريجينز لكن اوديسي و فالهالا لا القصة فيهم ضعيفة والمهمات كذلك لكن عوالمهم ممتازة مو بقوة عالم ريد ديد أو ذا وتشر لكن في كثير أشياء ممكن تسويها وتستكشفها
 

Nostalgic

ᴛʜᴇ REMINISCER
ألعاب الألغاز بصورة عامة ما ينفع تكون طويلة. من ذاكرتي القصيرة، لعبة Creaks رغم إعجابي بها إلا أني أحسست بالملل بعد ساعتين ونص أو 3 ساعات من اللعب وتركتها بدون عودة.

برأيي العمر المثالي لهذه الألعاب 3 ساعات كأقصى حد مثل حالة ليمبو وإنسايد.
 
أعلى