hits counter

لحظة وقفت عندها لعبة

Invader Zim

TG’s Discord owner
smashedcomputerwow-sms-050911.jpg.cf.jpg


ايش هي اللحظة الي خلتك توقف لعبة معينة وما ترجع لها نهائيا او على الاقل لفتره معينة
 

MH MD

Moderator
مشرف
فاينال بوس فف١٠

كنت اندرليفلد، بس صعب تعرف بنظام تلفيل اللعبة العبيط ذي اللي مافيه ارقام، رحت له واستغربت انه اللعبة سمحتلي اوصله اصلا، لأنه فرق القوة هايل وما كنت اقدر اسوي اي تاثير واموت بضربتين وواضح كان المفروض الفل شوي زيادة

قلت خلاص بخليه بعدين.

مرت عشر سنين من كلمة "بعدين" ذي.

لسه موجود عندي السيف فايل حقها ومرات اشيك انه شغال وفعلا شغال واقدر اروح له الحين مباشرة…ف….maybe one day….
 

*RA!N*

Hardcore Gamer
جاك اند داكستر الجزء الاول حملته على الفور قبل كم يوم ولما جيت بلعب
مااقدر اتخطى العرض السنمائي انتظرت دقيقه وطفشت وحذفت اللعبه.
---------
و dishonord 2 وصلت للغز وانحشرت ومهما قريت وشفت فيديوهات برضه ماني فاهم ><
واللغز يتغير مو ثابت يعني ماتقدر تشوف فيديو وتسوي زيه .
 

Veeto

True Gamer
فاينل 13 .. وصلت تشابتر 7 كانه
وفكرت ... انا العب وانا كاره كل الشخصيات ونظام القتال والعالم .. ليش اكمل !
 
  • Like
Reactions: dro

شيطون

Fortnite Lover
نير اوتوماتا ثاني مرحلة اليات تلعبها
اوريدي كنت العبها وانا متململ وجات هذي المرحلة ونحرت اهتمامي باللعبة
 

game for new

True Gamer
a585c5d8fdd8889067cd1f38c07e1177965323ee.jpg

هذي الملعونة في Fire emblem radiant dawn خلتني اوقف لمدة اسبوع عن اللعبة عشان افكر بس كيف اهزمها ماكان ينفع وياها اي شيء حتى حركات القلتش والغش الي موجودين في المحاكيات ماكان ينفعون وياها ههه اقسم بالله حتى يوم هزمتها كانت بالحظ ولحين مو متذكر كيف اهزمتها اصلا لكن كانت بالحظ جدا مع موت عدد كبير جدا من الشخصيات عندي ، وكلهم ضد هذا البوس .
 
التعديل الأخير:

AzureFlame

Moderator
مشرف
فاينال بوس فف١٠

كنت اندرليفلد، بس صعب تعرف بنظام تلفيل اللعبة العبيط ذي اللي مافيه ارقام، رحت له واستغربت انه اللعبة سمحتلي اوصله اصلا، لأنه فرق القوة هايل وما كنت اقدر اسوي اي تاثير واموت بضربتين وواضح كان المفروض الفل شوي زيادة

قلت خلاص بخليه بعدين.

مرت عشر سنين من كلمة "بعدين" ذي.

لسه موجود عندي السيف فايل حقها ومرات اشيك انه شغال وفعلا شغال واقدر اروح له الحين مباشرة…ف….maybe one day….

البوس بمكان الثلج؟ XD
 

Othmane

Deference for Darkness
بصراحة.. ماتذكر سحبت على لعبة (اخر 8 سنين على الاقل) ، دائما لما ابدا لعبة لازم اخلصها حتى احكم عليها بالشكل الكامل... ونجح الامر في كم لعبة وطلعت بتجربة للذكرى.

المرات النادرة الي سحبت فيها كانت بسبب اداء اللعبة.. توصل لمرحلة تصير الاطارات تحت 15.
 

Lohseofizalith

Tarnished
بدايات الفصل التاسع ب FF VII Remake.

اللعبة تحفة خاصة من ناحية الشخصيات و القصة و أسلوب اللعب لكن بها عيوب قاتلة، الخطية الزائدة و الدنجن الذي كلها ممرات و تحسها تمطيط فقط و المهمات الجانبية القادمة من التسعينات، في عدد من المراحل أحسست أني ألعبها غصبا عن نفسي.

غالبا سأعود للعبة لأن بها لحظات قوية جدا من أفضل ما لعبت، و من أجل الحوارات بين الشخصيات.
 

Lazy Gamer

Hardcore Gamer
البوس بمكان الثلج؟ XD
تقصد المواجهة الثالثة مع symor ؟ هو مو صعب هو يحتاج تكتيك ، لكن اسوء شي فيه الcutscene ابو خمس دقايق الي لازم تعيده كل ما تخسر ، و مافي سكيب :poutingcat:
 

AzureFlame

Moderator
مشرف
Dynasty Warriors 9 أول نص ساعة.. الجزء الرئيسي الوحيد اللي ما قدرت أخلصه من كثر ماهو سيء.
 

Lazy Gamer

Hardcore Gamer
صارت كثير ، اقرب وحده قبل سنة لعبت persona 5 royal بعد طول انتظار ، وصلت بداية محتوى royal بعد اكثر من ١٠٠ ساعة و طلعت وحده من النهايات السيئة و نسيت و حفظت في نفس ملف الحفظ ، طارت علي ١٠٠ ساعة من غير ما اجرب المحتوى الجديد ::cry::.

يلا ناوي اعيدها لما تنزل في القيم باس ومرة وحده اجرب المحتويات الاضافية .
 

AzureFlame

Moderator
مشرف
بدايات الفصل التاسع ب FF VII Remake.

اللعبة تحفة خاصة من ناحية الشخصيات و القصة و أسلوب اللعب لكن بها عيوب قاتلة، الخطية الزائدة و الدنجن الذي كلها ممرات و تحسها تمطيط فقط و المهمات الجانبية القادمة من التسعينات، في عدد من المراحل أحسست أني ألعبها غصبا عن نفسي.

غالبا سأعود للعبة لأن بها لحظات قوية جدا من أفضل ما لعبت، و من أجل الحوارات بين الشخصيات.

نفسك كنت بوقف عند هالمكان، الاحباط كان Too much..

بس بالنسبة للمهام الجانبية، بالعكس بفترة التسعينات مع ألعاب نفس VII الأصلية قدمت المهام الجانبية بشكل أفضل بكثير. صايرة طبيعية باللعبة وما تحسها Check Marks و Check List ممل نفس اللي حاصل مع هالريميك ومعظم الآربيجيز الحين. شغل الإرشاد السياحي ما بلش الا بعدين وقتل جزء كبير من متعة الإستكشاف بالنسبة لي.
 

Gavroche

World history is a court of judgment
اذكر وقفت عند الزعيم الاخير في لعبة 2064 read only memories وخليت البلايستيشن مدة شهر وعقبه رجعت وهزمته في ربع ساعة (&)
 

AzureFlame

Moderator
مشرف
ترا اتجاوزته بكثير، لما اقول فاينال بوس انا اعنيها.

اوه ما انتبهت لكلمة فاينل عدل المعذرة قريتها في بوس XD

إيه صعب وعالمزاج، أول مرة هزمته ما حسيت بالصعوبة كثير بس لما رجعت لعبت الجزء وباريته مرة ثانية قلت حق نفسي أنا شلون هزمته قبل؟ (&).
 

Bounty

رحمه الله
Trails in the sky الأولى .. مع انها عاجبتني والكتابه فيها حلوه،، بس فجأة وقفت لعبها لأنها اوتديتد بقوه وحسيت بشعور التخمة لأنها سلسلة كبيرة حيل وراح اضطر اقط عليها الف ساعة عالاقل اذا بخلص كل الاجزاء لول

لعبه The Awakened Fate ultimatum .. ليلحين مو مستوعب اشلون تحملت اوصل للنهاية، طول فترة لعبي كانت لايعة جبدي.. ولما وصلت للرئيس الاخير كان cheap لدرجة .. يا الهي


صعب جداً اوقف لعب بس هالالعاب من القلائل الي اضطريت اوقف لأن بس وصلت حدي لول
 

Daud

True Gamer
Sekiro عند اول زعيم... اللعبة بالنسبة لي صعبة جدا هذا وانا لاعب تقريبا كل العاب السولز والدن رينغ.. بس يبيلها رد فعل سريع وسرعة بديهة لذلك ما قدرت اكمل فيها ابدا وبعتها على طول... سمعت انو ممكن تنزل عالجيم باس فممكن اعطيها فرصة ثانية
 

صامد

عضو
ما أذكر اللحظة بالضبط (أعتقد كانت منطقة ثلجية؟ متأكد البنت الآلية لها علاقة) بس زينوبيلد2 بعد 70 ساعة من "عشان تكمل في القصة لازم تطور المهارات الجانبية للشخصية الفلانية!!1" وصلت معي ووقفتها.

أيضا ما ساعد أن شعور تضييع الوقت كان ملازمني معها ونفس الشيء ينطبق على زينوبليد اكس وبيرسونا 5 الي وقفتهم بعد ساعات لا يستهان بها.
 

Gavroche

World history is a court of judgment
ما أذكر اللحظة بالضبط (أعتقد كانت منطقة ثلجية؟ متأكد البنت الآلية لها علاقة) بس زينوبيلد2 بعد 70 ساعة من "عشان تكمل في القصة لازم تطور المهارات الجانبية للشخصية الفلانية!!1" وصلت معي ووقفتها.

أيضا ما ساعد أن شعور تضييع الوقت كان ملازمني معها ونفس الشيء ينطبق على زينوبليد اكس وبيرسونا 5 الي وقفتهم بعد ساعات لا يستهان بها.

هذي مشكلة الاربجي الازلية، تستثمر وقت ضخم علشان تتقدم في اللعبة ..
 

Omni-Doom

The Last Quincy
a585c5d8fdd8889067cd1f38c07e1177965323ee.jpg

هذي الملعونة في Fire emblem path of rediance خلتني اوقف لمدة اسبوع عن اللعبة عشان افكر بس كيف اهزمها ماكان ينفع وياها اي شيء حتى حركات القلتش والغش الي موجودين في المحاكيات ماكان ينفعون وياها ههه اقسم بالله حتى يوم هزمتها كانت بالحظ ولحين مو متذكر كيف اهزمتها اصلا لكن كانت بالحظ جدا مع موت عدد كبير جدا من الشخصيات عندي ، وكلهم ضد هذا البوس .

من أغث زعماء السلسلة ، آشنارد و البلاك نايت نكتة جنبها.
 

صامد

عضو
هذي مشكلة الاربجي الازلية، تستثمر وقت ضخم علشان تتقدم في اللعبة ..
صحيح لكن زينوبليد2 كانت بالذات مزعجة لأنك لازم تطور مهارات جانبية اسمها فيلد سكيلز ما لها علاقة بالقتال ومستوى الشخصية بس عشان تقدر تفتح مناطق معينة وتتقدم بالقصة.
 

YAHiA

Nightmaren
كل ما أشوف هذا المنظر في أي لعبة، أعرف انه وقتي مع اللعبة قرب ينتهي بالرغم من المكابرة:sweatsmile:

artworks-000085482514-ws18ed-t500x500.jpg
 

Dark Jester

True Gamer
بوكيمون اللؤلؤة المقيتة
Brilliant diamond

وصمة عار و ذنب لا ينبغي ان ينسى.. هذا مو ريميك هذا هووم وورم للكلية اللي اشتغلت عليها ٣٠ دقيقة قبل موعد التسليم
الان اقتربنا من سنة و لا زلت عند الوسام الثاني يا اخوانا
مو قادر اكملها .. هذه اول مرة تحصل معاي مع لعبة بوكيمون و لا مو عشاني خرفت… ليجيند اركيوس اللي جات بعدها استأنست بها جداً

a585c5d8fdd8889067cd1f38c07e1177965323ee.jpg

هذي الملعونة في Fire emblem path of rediance خلتني اوقف لمدة اسبوع عن اللعبة عشان افكر بس كيف اهزمها ماكان ينفع وياها اي شيء حتى حركات القلتش والغش الي موجودين في المحاكيات ماكان ينفعون وياها ههه اقسم بالله حتى يوم هزمتها كانت بالحظ ولحين مو متذكر كيف اهزمتها اصلا لكن كانت بالحظ جدا مع موت عدد كبير جدا من الشخصيات عندي ، وكلهم ضد هذا البوس .

هذه لها سلسلة ثابتة: فيزكال ثم ماجيك ثم فيزكال ثم اليمنت و هكذا
و فوق هذا لازم تعرف ان الخانة اللي تكون واقف عليها راح تفرق معك في القتال و لازم يكون معك التنانين عشان عندهم دعم لكل الوحدات المجاورة
ما راح تعرف الشيء هذا الا بالقايد
 

Bill Cober

True Gamer
Yakuza 5 لما تلعب بشخصية هاروكا ::yuck::

لما عرفت أن في الشخصية لا زم تغني وقفت اللعبة
 

Tia

ᴛʜᴇ ROTTEN-UNTAINTED
capsule_616x353.jpg


آخر ثلث من هاللعبة كان لعنة مترس حرفياً من اسوأ الالعاب الي لعبتها اخر سنتين باسوأ نظام عشان تطلع نهايتها يخلي الي سووه في بريفلي ديفوليت لعب عيال بالمقارنة
 

m7tram

True Gamer
اووه كثير .. سكايرم على المدح الاسطوري الي كنت اسمعه لعبت تقريبا 10 ساعات ماكان فيهم ولا ربع متعه فقلت لأ مو لي.
ذا ويتشر 3 وزيلدا بريث اوف ذا وايلد 5 ساعات كانت كافيه اني اوقف عنهم لاني قاعد اغصب روحي العب.
 
أعلى