ترو جيمنج كيف اتخلص من شخص مزعج؟ احتاج مساعدتكم

[Leon_Kennedy]

شباب ترو جيمنج احتاج فزعتكم من كم شهر في شخص معاي بالشغل مخليني على اعصابي بس اتجاهلة بالبداية كنت افكرة محترم كنا نتكلم احيانا لما طاحت الميانه مع الوقت بداء يزعجني وتصرفاته تصرفات اطفال ومزحه ثقيل ومزعج وكله نقزات من تحت لتحت (شغل خساسه) وسلبي طول الوقت بتذمر فلان فيه وعلان فيه كأنك في مجلس نسوان .. احيانا يقول كلام ودي ارد عليه بس ما اعرف شلون لان انا مش متربي نفس التربيه القذرة.. بغرفه الطعام اشوفه بعض المرات ما يخليني حتى اتهنى بوجبتي.. احس في اي لحظه بفقد السيطرة اتضارب وياه بس امسك نفسي لاني بمكان عمل.. احد مر بهالموقف وقدر يتجاوزه بسهولة؟ لا تقولون تجاهلة لان ما اقدر هالشخص اشوفه كل يوم معاي بالشغل صعب اني اتاجهلة..ما ادري شنو يبي بالحياة.

 

[fatal framer]

@Khalid_Faisal
ممكن تجرب انك تنصحه لما تكونون بروحكم
او كلم مسؤولك انك ماتقدر تعامل مع هالشخص وتقدر توصلها للمدير اذا مافاد بدون لا تعطي تفاصيل ولو اصر اذكر له شي سلبي بسيط

ممكن تجرب انك تنتقل لقسم او مكتب ثاني وترتاح منه

 

[Zorro]

طبعا كلامي "آخر الدواء الكي"
لازم تلمح له قبل كل شي و اصبر فترة مع التلميح المتواصل ، اذا ما نفع معاه شي و لا قدرت تنقل لقسم ثاني مثل ما قال @fatal framer ، اشوف انه اهون الحلين انك :
تزبد له و تتزاعلو (بعدين تتصالحو و تخليك رسمي بعدها )
بدل ما "تتعارك" وياه و تتزاعلو

 

[XIIIXIIIXIII]

لست أفضل من يعطي النصائح...لكن ما كنت لأفعله بنفسي هو:

1- التجاهل والإعراض إن كانا خياراً, لكن لا أظن بأن هذا سيعمل إن كنتما تعملان في مكان واحد :emoji_no_mouth:

2- فقط كن assertive دون النزول بمستواك الأخلاقي. قام بالإساءة لشخص؟ أخبره بأنك لا تحب سماع ذلك. قام بإزعاجك بسلوك معين؟ أخبره بأن ذلك السلوك مزعج. وجوده حولك يزعجك؟ أخبره بذلك (لكن بلطف).

الأمر هو...لا تهبط بمستواك الأخلاقي لأجل سلوك يزعجك, ولا تقم بإيذاء من يزعجك للانتقام لنفسك. @@


*ملاحظة: لا أعلم كيف تعمل الأمور في بيئتك, لكن عندما لا أخبر من يزعجني بسلوكه بأنه يزعجني, أنا أكون مؤيدة له بشكل مبطن -ضد نفسي- @@

 

[fatal framer]

@Khalid_Faisal
نفس ماقالولك فهد ونايتمير
لو بعدها خلاك في حالك خلك رسمي سلم رد السلام طلب منك مساعدة في الشغل ساعده
انت مشكلتك هينة شخص مزعج ارحم من شخص معاك بالدوام وتصيرلك مشاكل بالشغل لانه يتاخر في الدوام او مرضياته زايدة وغير متعاون بالشغل

 

[شيطون]

من الاخر
سالفة انا احسن من كذا ومانزل لمستواه كلام فاضي
فيه نوعية ماتبطل الا اذا رديت عليه بنفس الشيء
،

 

[Lord Kaido]

من الاخر
سالفة انا احسن من كذا ومانزل لمستواه كلام فاضي
فيه نوعية ماتبطل الا اذا رديت عليه بنفس الشيء
،

هاد شغل يا صديقى فى مصلحة لازم تمشى دير بالك ترد على حد بالشغل بنفس أسلوبه بتصير مشكلة قد الدنيا بالشغل ما فى هاى النوعية وهاى النوعية الكل بدك تكون معه بالسيف سايد




بخصوص الاخ
من الاخر كثير الشكوى وبيعمل جوسيب ومزعج التعامل معه لازم يكون تصرف سريع لازم تحكى معه وتكون صريح واذا ما نفع مرة احكى مرتين قله فى اشياء تزعجنى منك بصراحة وبدى اياك تحلها بنفسك لانى ما احب تصرفاتك لكن اختار اسلوب تتعامل معه بكل هدوء

أو عندك خيار اسمع بس ما تعطى تعليق هو ينفر لوحده مع الوقت

صدقنى بس احسن خيار هو انك تحكى معه عشان مصلحتك

عشان لا تخليه يكرهك وعشان تكسبه على الأقل بصفك لمصلحتك الشخصية

والأمور تنحل بسهولة

 

[Solay]

موب لازم "تتضارب" عشان تفتك منه.

تقدر تعاتبه بنبرة هجومية شويتين بس مع احترام توضح فيها انك متضايق من اسلوبه وبالعادة بينفر منك.

 

[fatal framer]

موب لازم "تتضارب" عشان تفتك منه.

تقدر تعاتبه بنبرة هجومية شويتين بس مع احترام توضح فيها انك متضايق من اسلوبه وبالعادة بينفر منك.

و تالي اذا احتاجوا بعض بالشغل تصير المسالة شخصية
هذا الكلام ماينفع تبي تواجهه بهالطريقة من البداية لو خارج عملك ميخالف بس هذا شغل اخوي ليش يخليه ينفر منه وبعدين اذا احتاجه بالشغل مايساعده هذا غير النميمة اللي بتصير

اخوي صاحب الموضوع تبي تحاول تكلمه وتبدي فيها كخطوة اولى توكل على الله وبادر بهالشي بس بدون انفعال او هجوم
بهدوء ولطف نفس ماقالوا اخوانا افضل لانه هذا شغل باجر لو تحتاجون بعض كل واحد حاقد على الثاني وشوف شيصير بعدها مو بعيدة يروح يشتكي من وراك هذا سبني وقل ادبه علي بيصير فلم دراما

 

[Solay]

و تالي اذا احتاجوا بعض بالشغل تصير المسالة شخصية
هذا الكلام ماينفع تبي تواجهه بهالطريقة من البداية لو خارج عملك ميخالف بس هذا شغل اخوي ليش يخليه ينفر منه وبعدين اذا احتاجه بالشغل مايساعده هذا غير النميمة اللي بتصير

اخوي صاحب الموضوع تبي تحاول تكلمه وتبدي فيها كخطوة اولى توكل على الله وبادر بهالشي بس بدون انفعال او هجوم
بهدوء ولطف نفس ماقالوا اخوانا افضل لانه هذا شغل باجر لو تحتاجون بعض كل واحد حاقد على الثاني وشوف شيصير بعدها مو بعيدة يروح يشتكي من وراك هذا سبني وقل ادبه علي بيصير فلم دراما

لا ويرجع له بعدين بأسلوب رسمي أكثر مثل ما قال فهد فوق.

وطبعا انا اتكلم عن حل أخير أفضل بدل حل "المضاربة".

 

[Naif92]

ما في غير حل واحد.....

محتوى مخفي: تلميح

HAIL SITHIS

 

[XI]

زبدله.

 

[I B R A]

زبدله.

هههه ضحكتني ياخي :emoji_grin:

--

انا اشوف التلميح فيه هذي الحالات احسن شي ، بعض الاشخاص للاسف ما يتقبل النقد او يفهم النصيحة بشكل اخر
لكن تقدر تلمح له زي لما يجي يمزح معاك لا تضحك ، حاول يعني تظهر له بشكل غير مباشر انك متضايق

المواقف هذي والله صعبه ، الله يعينك

 

[s3rorh]

واذا ما فادت جميع الحلول المذكورة فوق ...

محتوى مخفي: ببساطة

سوي له فورمات

محتوى مخفي: تات تات ترا لالت تت

 

[k87]

موضوع ان تربية قذرة مستحيل اقولها لأن بالطريقة
هاذي غلطت على اهله ويمكن هم افضل الناس ولكن بيئته او ربعه والخ هم اللي خلوه يصير بهالسوء

المهم

عن نفسي جريء واعطي بالويه
اول ماتشوفه كلمه وابتسم له...طبعا الكلام يكون عن
انك منزعج من تصرفاته وانك ماتحب هالاشياء لانه ماتناسبك وتتمنى انه يحترم طلبك وان مايعيد هالشي وياك وقوله تذا تبغي تواصل هالحركات فأتمنى تبتعد عني لان هالشي يوعجني ومانبغي زعل بينا ولكن احب الواحد يحترمني او يعاملني مثل ما اعامله

في النهاية اذا مافاد
طرش لي صورته باسوي فيه حركة Hitman الجزء القادم

 

[Anaxïmandrøs]

أطلب منه سلف بمبلغ ضخم مايقدر عليه وازعجه بكثرة الطلب وبعدها راح يهرب منك فأي لحظة يشوفك ومو بعيد أنه يغير المدينة .

 

[Solay]

أطلب منه سلف بمبلغ ضخم مايقدر عليه وازعجه بكثرة الطلب وبعدها راح يهرب منك فأي لحظة يشوفك ومو بعيد أنه يغير المدينة .

هههههههههههههههههه

حل ابداعي صراحة.

 

[Saudi Fighter]

أطلب منه سلف بمبلغ ضخم مايقدر عليه وازعجه بكثرة الطلب وبعدها راح يهرب منك فأي لحظة يشوفك ومو بعيد أنه يغير المدينة .

ههههههههه جرب علم النفس العكسي انشب له انت

 

[K_L]

مع تحفظي على بعض الالفاظ والمعتقدات اللي في مشكلتك ..

لازم تنبهه بشكل واضح ان تصرفاته السلبيه هذي تأثر عليك بشكل سلبي جدا وتاثر على انتاجيتك وكمان حاول تفهمه بشكل صريح ان الموضوع مو شخصي وانك تحترمه كأنسان لكن هذي المواضيع ماتناسبك... كمان حاول وانت تكلمه تمسك يده او كتفه المهم انك تحسسه ان هذا مو هجوم عليه وان علاقتكم مع بعض جيده في العمل.
اعتقد من الظلم لك وله انك تسكت عنه وتنزعج منه !! لازم تكلمه بأسرع وقت ولا تدخل احد في الموضوع لانو مو محرز! انت بس حاول تكون جاد وعلاقتك رسمية معاه.

 

[Sultan/X]

اخ كأنك تعاني معاناتي، او على الاقل معاناتي بالماضي ببعض الموظفين معي بالقسم، بيئة بأختصار عبارة عن جموعة نسوان كل وحدة حاقدة وغيرانة من الثانية وتجلس تحش فيها ونظام احزاب ومجموعات، اللي ماجرب البيئة هذي ماراح يفهم وش اقصد، لكن بشكل عام الرسمية شي ضروري لازم تصطنع الثقل بمكان العمل على اني ضدة بس على الاقل لازم تعرف مين تثقل معاه ومين تعامله بطيب وبس.