hits counter

كثرة الاصدارات وسبل اللعب والدمى هدر للاموال او...؟

Fatale

True Gamer
السلام عليكم
صباح/مساء الخير
التوجه الجديد صراحة يخوف وحبيت اطرح الموضوع بما اني جالس في الدوام لا شغله ولا مشغله !

يمكن الكل لاحظ مؤخرا او خلنا نقول اخر سنتين او اخر سنة سبل الطمع والكسب بشكل مستفز والموضوع قاعد يتطور بشكل مخيف سار اللعبة ب60$ ناقصة! تبي تكمل اللعبة وتستمتع بها يبيلك تشتري النسخة الخاصة علشان الازياء والاسلحة وغيرها +كنترول مو بس كذا لازم ادابتر معها او مشغل!+ دمى =تكلفة كونسل كامل!!

ادري كلامي هذا بيزعل كثير بس اشوف نيتيندو شغاله في هذا الموضوع بشكل مستفز انقهرت لان في ناس اعرفها شرت كل دمى سوبر سماش !! المشكلة لو الدمى تشتغل على العاب ثانية ونفس الشخصيات لا لازم كل لعبة لها دمى!! ومن غير كذا كنترول جيم كيوب وقولنا ممتاز بس ليش ما يكون وايرلس طيب في اسوء الاحوال بسلك ويركب على الجهاز ع طول لا لازم ادابتر ! مع احترامي الشديد للي بيزعل هذا قمة الطمع والجشع المشكلة ماريو بارتي ١٠ لها دمى خاصة وبرضو splatoon لها دمى وهي نيو اي بي! ويمكن في غيرها يليت تطرحونها في الموضوع المشكلة كل ما اكلم احد عن انطباعي عن سوبر سماش يبدا يكلمني في الكنترول والدمى يقول معليش تجربتك ناقصة ! الوضع فعلا تدهور اشتر اضافات و سيزون باس للقصة اشتر شخصيات مخفية اشتر كنترول اشتر اللعبة الفلانية علشان تجرب ديمو لعبة الثانية
في النهاية هي حرية شخصية للي يشتري ويجمع بس كثرة هالنوعيات قاعد تخلي الشركات تطمع وتكثف طرق الاستغلال وتطويرها

الكلام هذا مو موجه للنيتيندو بس لكل الشركات بس اخذت نيتيندو مثال بسبب واقع تجربة

اعذروني على الاخطاء في الدوام واكتب من الجوال
 

wiiMoteGamer

Hardcore Gamer
اللي شفته في سوبر سماش أن الأميبو مجرد إضافة واللعبة مش ناقصة ولا شي من دونها، أنا شخصيًا أشوف إضافة سماش للأميبوز مش بالمستوى كفكرة.
بعض الألعاب ما تدعم بعض الأميبوز لكونها ما لها علاقة باللعبة، مثل لعبة Kirby and the Rainbow Curse ما أعتقد أنها مطالبة تدعم أميبو ماريو أو لينك، أميبو ماريو اللي صدر مع سوبر سماش مدعوم في لعبة ماريو بارتي برضو وأتوقع بيكون له نفس تأثير أميبو ماريو الثاني.
هنا تفاصيل للأميبوز والألعاب الداعمة لها http://www.nintendo.com/amiibo/compatibility/
كنترولر الجيم كيوب يملكه لاعبين كثار وما زال يستخدم بنفس البورت من سوبر سماش ميلي وبراول فالموضوع صعب لو صنعوا جديد مخصص للوي يو، لا تنسى أنه فيه برو كنترولر ما يحتاج سلك.
ما أشوف مثالك فيه جشع.
 

Zixmar

True Gamer
سوبر سماش الامييبوز فيها ماينقصوون التجربة، انا ماشريت ولا امييبو وعندي سماش، اصلا اغلب اللي شروا الامييبوز شارينها عشان يستعملونهم كدمى للزينة لا اكثر ولا اقل. يد الجيم كيوب اختارية، ترى عندك خيارات كثيرة غير يد الكيوب، البرو كنترولر ممتاز مثلا.
 

Fatale

True Gamer
شباب انا حطيت مثال شي عايشته وجربته مع اني مستمتع باللعبة وكتبت اطرحو طمع شركات

مثل هبت الاشتركات في ea وغيرها
 

Mute City

True Gamer
فعلا وجود ادابتر لايادي الجيم كيوب شي قمة الفشل وفيه ناس ما قدرت تتحصل عليه
طويب اذا بتسوون اعادة انتاجية للكنترول خلوها وايرلس زي البرو كنترولر , وخلوه يدعم بعض الالعاب
زي ماريو كارت و ماريو 3دي ورلد و دونكي كونج الي ما تحتاج ازرار كثير ولا 2 انالوج
 
لو بتكلم عن طمع الشركات عن مثالك فعندك لعبة skylanders ولعبة disney infinity كلا اللعبتين ما تشتغل الا بقاعدة وشخصيات ..
اذا خربت القاعدة ما بتقدر تلعب اللعبة بدونها ورح اشتر لك قاعدة ثانية ! هذا غير الشخصيات الكثيرة باللعبه اللي ما تقدر تلعب فيها
الا لما تشتري دميتها الخاصة ..
 

Zixmar

True Gamer
فعلا وجود ادابتر لايادي الجيم كيوب شي قمة الفشل وفيه ناس ما قدرت تتحصل عليه
طويب اذا بتسوون اعادة انتاجية للكنترول خلوها وايرلس زي البرو كنترولر , وخلوه يدعم بعض الالعاب
زي ماريو كارت و ماريو 3دي ورلد و دونكي كونج الي ما تحتاج ازرار كثير ولا 2 انالوج
في ناس ماقدرت تحصل عليه هذا موضوع ثاني مدري ايش دخل. ليش فشل عشان يد الكيوب ماتدعم العاب الوي يو الثانية؟ هم غصبووك تلعب فيه؟ ترى يد الكيوب اختيارية، عندك خيارات كثيرة غيرها والبرو كنترولر خيار ممتاز جدا. الاركيد ستيك مثلا اختيارية بألعاب الفايتنج، اشوفه مثال شبيه. اتفق معك بجزئية ليش ماخلوه وايرليس، كان بيكون اريح ومانحتاج الادابتر.
 

Ahmad-001

True Gamer
^

الرجال تكلم مثلا مش حصراً!

الشركات كلها صارت تستخف بعقول اللاعبين بشكل كبير للأسف، من امثال يوبي سوفت يعني مش عارف كيف انت تنزل كولكتر ايديشن ومعاها فيجر لشخصيه ماحد يعرف عنها شي!،

غير السيزن باس الي اقرفونا فيه بكل لعبه، عمليه الدي ال سي المفروض تتم بطريقة غير، يعني تنزل لعبتك ويكون فيه مرحلة اعجبت ناس كثيرين وعندك مجال تنزل لها اضافه هنا ممكن نتفق، لكن تسويلي اضافه قبل لاتنزل اللعبه هذي مصيبه!
 

Zixmar

True Gamer
^

الرجال تكلم مثلا مش حصراً!

الشركات كلها صارت تستخف بعقول اللاعبين بشكل كبير للأسف، من امثال يوبي سوفت يعني مش عارف كيف انت تنزل كولكتر ايديشن ومعاها فيجر لشخصيه ماحد يعرف عنها شي!،

غير السيزن باس الي اقرفونا فيه بكل لعبه، عمليه الدي ال سي المفروض تتم بطريقة غير، يعني تنزل لعبتك ويكون فيه مرحلة اعجبت ناس كثيرين وعندك مجال تنزل لها اضافه هنا ممكن نتفق، لكن تسويلي اضافه قبل لاتنزل اللعبه هذي مصيبه!
الكلام موجه لي؟ xD
 

judge balthier

True Gamer
لو بتكلم عن طمع الشركات عن مثالك فعندك لعبة skylanders ولعبة disney infinity كلا اللعبتين ما تشتغل الا بقاعدة وشخصيات ..
اذا خربت القاعدة ما بتقدر تلعب اللعبة بدونها ورح اشتر لك قاعدة ثانية ! هذا غير الشخصيات الكثيرة باللعبه اللي ما تقدر تلعب فيها
الا لما تشتري دميتها الخاصة ..

لكن الدمى تستمر معك في الاصدارات الاخرى وتستطيع فعليا اللعب بها ، مشكلة ننتندو فاهمينها غلط (او حابين يطلعوا بربح خرافي ) تدري ايش الي يقهر..... كونك ما تقدر تستخدم اميبوز سماش مع ماريو بارتي الا بعد ما تمسح تخزينك لسماش ، ويا خوفي يجي اليوم الي يقول لك اشتر اميبوز فقط للعبة هذه فقط لان الاميبوز القديمين غير قابلة للعب (عكس طريقة عمل سكايلاندر وديزني اينفينيتي على حد علمي التي تستمر معك الفيقورز وتسجيلك موجود مهما تعددت الاصدارات ،شكل ننتندو حابين يطلعوا بمبلغ خرافي ، ال DLC فيزيكال قادم يا ناس :tearsofjoy: ).
 

Mute City

True Gamer
في ناس ماقدرت تحصل عليه هذا موضوع ثاني مدري ايش دخل. ليش فشل عشان يد الكيوب ماتدعم العاب الوي يو الثانية؟ هم غصبووك تلعب فيه؟ ترى يد الكيوب اختيارية، عندك خيارات كثيرة غيرها والبرو كنترولر خيار ممتاز جدا. الاركيد ستيك مثلا اختيارية بألعاب الفايتنج، اشوفه مثال شبيه. اتفق معك بجزئية ليش ماخلوه وايرليس، كان بيكون اريح ومانحتاج الادابتر.
الاركيد ستيك ما يقارن اصلا لانه يشتغل على كل العاب الفايت , وحتى لو كانت خيار مفترض يكون احترام لعقلي مو اشتري ادابتر , ترى اسهل شي تكون يد وايرلس
وتنشحن زيها زي البرو كنترولر مو ادابتر وهرجة طويلة , وحتى لو كانت اختيارية مفترض تكون اسهل من التعقيد حتى ماد كاتز سوت كنترول الكيوب يشبك على الوي موت
ايش حجة نينتندو ؟؟ وياليت وفرتهم بالشكل المطلوب كلها انباعت والان احنا تحت رحمة البياعين =\
 

Dark Master

فريق الأنمي
على سيرة الكنترولات الشي الوحيد اللي مستحيل أقدر أفهمه هو عدم دعم الـPS4 و الـ X1 لكنترولر الجيل الماضي من الأجهزة رغم انه مافي تغيير تقريباً
أنا عندي 3 كنترولرز ألريدي على الـPS3 ليش لازم أشتري عالـPS4 دستة كنترولر ثانية رغم انهمافي داك الفرق تقريبً وبألعاب الملتي بلاير ماتفرق شي
 

Dark_N11

True Gamer
شئ طبيعي راح تشوف السيزون باس و طرق ثانية للربح لأن تكلفة الألعاب ترتفع و سعر الألعاب ثابت
الأن بالنسبة لـ للأميبوز فهي موجة للأطفال مثل الدمى العادية لهذا انفاق اهل الطفل راح يكون بشكل منطقي .. لكن هدر المال يكون لمن يجيك شخص فوق ال20 يحاول يجمع كل الدمى
و مستعد يدفع 500$ دولار على Ebay عشان يشتري دمية واحده .
 

ABUALI

True Gamer
@Dark Master
اعتقد لأن ال ps4 خاصة فيه تچ باد ومافي طريقه يدعمها كنترولر البس٣
ما ادري عن الاكس بوكس
 

Dark Master

فريق الأنمي
^
ألعاب الفايتنج مثلاً ماأتوقع تحتاج التتش باد ولا ماكانت سوبر سماش تدعم لحد كنترولر الكيوب
 

judge balthier

True Gamer
شئ طبيعي راح تشوف السيزون باس و طرق ثانية للربح لأن تكلفة الألعاب ترتفع و سعر الألعاب ثابت
الأن بالنسبة لـ للأميبوز فهي موجة للأطفال مثل الدمى العادية لهذا انفاق اهل الطفل راح يكون بشكل منطقي .. لكن هدر المال يكون لمن يجيك شخص فوق ال20 يحاول يجمع كل الدمى
و مستعد يدفع 500$ دولار على Ebay عشان يشتري دمية واحده .

يعني الحل اننا نزيد سعر الالعاب (الذي حاليا مرتفع ، خصوصا من الستور) عشان يغطي تكاليف العاب الي هي already مقصص منها يكفي للعبة أخرى وموضوع بشكل DLC و Season Pass ،يا رجل احنا قاعدين ندفع سعر لعبة كاملة على نصف لعبة (الا من رحم ربي) ، معليش اكره وضع اللوم على سعر اللعبة واننا يا اللاعبين ما نحس بمعاناة المطور الي (ماكلني في الطالعة والنازلة ) ،وانسى مشاكل عند شركات ما عندها (ادارة موارد) زي الناس والعالم وابرر لهم في الطالع والنازلة على اسعار مبالغ فيها على العاب ناقصة ، نص مشاكل صناعة الالعاب من اللاعبين نفسهم (الي راضي بهالشيء ويبرره) للاسف .
 
التعديل الأخير:

Dark_N11

True Gamer
judge balthier@
اسف يا عزيزي هذا الواقع , طبعاً انا ما اقول انه لا يوجد نصب .. بل النصب موجود و بكثره خصوصاً من EA و اكتفجين
لكن هذه الأمور بدأت كلها بسبب ارتفاع تكلفة تطوير الألعاب , و شركات كثير افلست بالجيل الماضي .
 

judge balthier

True Gamer
judge balthier@
اسف يا عزيزي هذا الواقع , طبعاً انا ما اقول انه لا يوجد نصب .. بل النصب موجود و بكثره خصوصاً من EA و اكتفجين
لكن هذه الأمور بدأت كلها بسبب ارتفاع تكلفة تطوير الألعاب , و شركات كثير افلست بالجيل الماضي .
عادي اخوي ما يحتاج تتأسف ما قلت شيء غلط هذا منتدى مفتوح للنقاش كل منا له الحق في ان يناقش ضمن حدود الادب وانت ما خرجت عنها لكي تتأسف اخي الكريم :) ، شركات افلست مش فقط بسبب سعر الالعاب (الجيل الذي افلسوا فيه هو الجيل الي ارتفع فيه سعر الالعاب فكر فيها شوي ) هناك اسباب اخرى اهمها ادارة الموارد وايضا كونهم لازم كل مشاريعهم تكون مكلفة (يا اخي نزل العاب في الستور بسعر مقبول تكون مصدر دخل جانبي يفيدك).
 

Zoda

True Gamer
ماريو بارتي 10 الي فهمته طور الاميبو ماتحتاج دمى اظافية دمية ماريو المرفقة بتكون كافية ماني متاكد اذا كانت الدمى بتضيف تاثيرات جانية على المرحلة لكن الي شفته المراحل تتغير شكليا فقط ابزعل لو استغنوا عن الاطور الجانبية بطور الاميبو
 

The Last Lombax

In a new adventure~
لكن الدمى تستمر معك في الاصدارات الاخرى وتستطيع فعليا اللعب بها ، مشكلة ننتندو فاهمينها غلط (او حابين يطلعوا بربح خرافي ) تدري ايش الي يقهر..... كونك ما تقدر تستخدم اميبوز سماش مع ماريو بارتي الا بعد ما تمسح تخزينك لسماش ، ويا خوفي يجي اليوم الي يقول لك اشتر اميبوز فقط للعبة هذه فقط لان الاميبوز القديمين غير قابلة للعب (عكس طريقة عمل سكايلاندر وديزني اينفينيتي على حد علمي التي تستمر معك الفيقورز وتسجيلك موجود مهما تعددت الاصدارات ،شكل ننتندو حابين يطلعوا بمبلغ خرافي ، ال DLC فيزيكال قادم يا ناس :tearsofjoy: ).
متأكد ١٠٠٪ انه يمديك تستخدم اميبو سلسلة ماريو اللي اخذتهم لسماش مع ماريو بارتي ١٠ العيب الوحيد انه راح تضطر تمسح بيانات سماش منه.
 

kha0o0lid

Gamer
في ناس ماقدرت تحصل عليه هذا موضوع ثاني مدري ايش دخل. ليش فشل عشان يد الكيوب ماتدعم العاب الوي يو الثانية؟ هم غصبووك تلعب فيه؟ ترى يد الكيوب اختيارية، عندك خيارات كثيرة غيرها والبرو كنترولر خيار ممتاز جدا. الاركيد ستيك مثلا اختيارية بألعاب الفايتنج، اشوفه مثال شبيه. اتفق معك بجزئية ليش ماخلوه وايرليس، كان بيكون اريح ومانحتاج الادابتر.
اخي العزيز مو موضوع اجبروا احد او لا
انت مو ملاحظ دايما انهم يتجاهلوا طلبات الفانز ؟؟
يسون كل شي تمام 90% ولازم يخربون الشي اللي سوه
مستحييييييييييييييل يبسطون حد
مثلا الاميبو و قرار الnwe 3ds بدون شاحن
وسالفه اليوتيوب الخ ههههههههه تحس عندهم واحد من الاداره شغله بس كيف ينكد على العالم:mad:
هذا بخصوص نينتندو !!!

بينما بشكل عام صارت الشركات تشتغل شغل سريع سريع بدون مايتأكدون من المنتج
ينزلونه ناقص وبعدين يغثونا بالتحديثات
وقبل ماينزلوا اللعبه !! يفكروا بالمحتوى الاضافي !
قبل ع ايامنا كنا نحصل منتج متكامل ومبسوطين عليه
بينما الحين مع التطور والفيدباك اللي انبنى عندهم من فتره طويله نحصل منتج ناقص
صار الواحد يحس انهم يستغلونه ابشع استغلال الا من رحم ربي ....
 

Sage

True Gamer
سالفة الحيمكيوب كنترولر لسماش هو لأرضاء الناس اللي كانوا يلعبون ميليي و برول بكنترولر الجيمكيوب... ماله داعي كل واحد عنده سماش 4 ضروري يكون عنده جيمكيوب كنترولر.. و اصلا ما عندي مانع اشتري adapter و كنترولر خاص للعبة وحدة بس، لكن راح العبها ساعات طويلة و سنين عديدة قدام (&)
 

judge balthier

True Gamer
متأكد ١٠٠٪ انه يمديك تستخدم اميبو سلسلة ماريو اللي اخذتهم لسماش مع ماريو بارتي ١٠ العيب الوحيد انه راح تضطر تمسح بيانات سماش منه.
Ok
وانا ايش كاتب في ردي !!!!
اقرأ ردي مرة أخرى، راح تجد ان الكلام الي تقوله موجود في ردي
لو ما اعرفك زين كان قلت Go home your drunk ::laugh::
 

The Last Lombax

In a new adventure~
Ok
وانا ايش كاتب في ردي !!!!
اقرأ ردي مرة أخرى، راح تجد ان الكلام الي تقوله موجود في ردي
لو ما اعرفك زين كان قلت Go home your drunk ::laugh::
العتب على اللي يقرأ الردود من الجوال xD أسف.
 

Zixmar

True Gamer
اخي العزيز مو موضوع اجبروا احد او لا
انت مو ملاحظ دايما انهم يتجاهلوا طلبات الفانز ؟؟
يسون كل شي تمام 90% ولازم يخربون الشي اللي سوه
مستحييييييييييييييل يبسطون حد
مثلا الاميبو و قرار الnwe 3ds بدون شاحن
وسالفه اليوتيوب الخ ههههههههه تحس عندهم واحد من الاداره شغله بس كيف ينكد على العالم:mad:
هذا بخصوص نينتندو !!!

الامييبو شفيها؟ تراها حرفيا ماتنقص التجربة، نينتندو تنزّلك المنتج كامل وزيادة وهالشي معروف، الامييبوز مجرد اضافات بمعنى "اضافات".
انت اول شي تعرف الامييبوز شيسوون بماريو كارت وسوبر سماش عشان تلقي هالحكم؟ انت لاعب هاللعبتيين اصلا وشفت كمية الاشياء اللي فيهم؟ انا شخص ماشريت امييبوز وانا العب هاللعبتيين، ايوة ماتحتاج ولا امييبو عشانهم.

ماني فاهم ايش علاقة اليوتيوب بهالموضوع، انت اخذت منحنى ثاني وماله علاقة باللي جالس يقوله صاحب الموضوع.
 

The Doctor

Once a Voyager on a Cursed Sea
مثلا الاميبو و قرار الnwe 3ds بدون شاحن
وسالفه اليوتيوب الخ ههههههههه تحس عندهم واحد من الاداره شغله بس كيف ينكد على العالم:mad:
هذا بخصوص نينتندو !!!

بينما بشكل عام صارت الشركات تشتغل شغل سريع سريع بدون مايتأكدون من المنتج
ينزلونه ناقص وبعدين يغثونا بالتحديثات
وقبل ماينزلوا اللعبه !! يفكروا بالمحتوى الاضافي !
قبل ع ايامنا كنا نحصل منتج متكامل ومبسوطين عليه
بينما الحين مع التطور والفيدباك اللي انبنى عندهم من فتره طويله نحصل منتج ناقص
صار الواحد يحس انهم يستغلونه ابشع استغلال الا من رحم ربي ....
هذي النقاط مالها دخل بالموضوع الأساسي. خلوا الردود بصلب الموضوع.
 
أعلى