hits counter

في موقعي الفَنّي مُحتاج لكُتّاب فهل أجِد؟ // تحديث: أرجو مراجعة الرد الأول

msh1ri

Artist
السلام عليكم جميعاً! ، أو كما يقولون اليابانيون أوهايو مينا!

عندي موقع فَنّي قاعد أعمل عليه " تَوّه لَم يُطلَق " ومافيه احد معاي بيكتب فيه إلا أنا! وطبعاً هذي مشكله :(

ولهذا جيت اليوم أسأل جميع الفنانين إلي بالموقع من هذا المِنبَر : هل هناك من يريد الإشتراك معي فيه من أجل التسليه المُطلقه ::rock::::involve::؟!​

لا عليكم لن يكون العمل مجّاني إلّا في البدايه حتى نرى هل سينجح الموقع أم لا وبعدها كل فتره سأعطيكم مكافآت على اتعابكم ان شاء الله ( أو سأفكر في طريقه أفضل إن وجدت ) ، وعلى ما تصل تلك اللحظه اعتبروا الموقع للترفيه عن النفس واظهار ابداعاتكم فقط ^^​

وطبعاً اخترت هالموقع اطلب منه ناس رائعين لأن حقاً أحس كل أعضاء هالموقع ما ادري ليش اممم... ذو عِلمٍ وأدب ( مدري شدخل الأدب :tearsofjoy:) وهمّن مبدعين ذو فِكر عالي وليسوا طُفوليين​

وللي بيسأل الموقع راح يكون فَنّي يتكلم عن [ الرسم الورقي والرقمي - التلوين بكل أنواعه - فنون الأنميشن الغربي والياباني - فن المانجا والقصص المصوره - الموسيقى ] ومقالات ومقابلات مع الفنانين ومقالات فنيه مترجمه ، وربما أزيد على ذلك لاحقاً! .

فهل تقبلون ذلك أيُها الطَموحون المُبدِعون؟ ، أنا في الإنتظار!::involve::

المتطلبات حتى الأن
مصممين العدد : 2
كُتّاب : 3-4

با.... مدري ليش اخبّص الي يجي من
ربنا كله خير :tearsofjoy:



* اكتبوا هنا أنكم ستشاركون وسأسجلكم عندي في اللسته ريثما افتتحه ثم أتواصل معكم ::inno::

** تكفون لا تحذفوا الموضوع لأن الأمر مهم للغايه بنسبه لي :( ولا اعتبر موقعي منافس لكم لأنه فَنّي وأنت ألعاب فلا وجه للمقارنه ::cry:: ::sweat:: **​

*<<<< تحديث >>>>*

موقع فنون ارت تم الافتتاح ( مرحلة تجريبية ربما ) : https://FunonArt.com * وتم تنزيل أربع مواضيع بالفعل
- فـنـون آرت منصة فنية ستقدم تدوينات عن الفن العريق فقط دون خدش حياء احدٍ ، موقعنا مُناسِبٌ لجميع الأعمار!
- بدايةً سيركز الموقع على فنون الـ:
-> فن الأنيميشن - الرسوم المتحركة
-> فن الرسم والتلوين
-> فن قصص المانجا والكوميكس
-> لقائات مع فنانين عرب ( قريباً )
••••
سيتم نشر مقالات و التدوينات بالتنسيق مع الاعضاء الكُتاب
(( لكن حاليا وبشكل مؤقت التدوينات يوم واحد اسبوعيا على عاتقي الان ))

و *باب الإنضمام مفتوح لمن لديه شغف بالفن*
 
التعديل الأخير:

msh1ri

Artist
اذا تبي شي يخص المرأة و الزواج، بلغني

- صعرورة الدريع
احنا فين وانت فين , لا حول ولا قوة الا بالله أول ما شفت انه فيه رد على الموضوع قلت هذي الفرصه اخيرا احد عطاني وجه واخرتها يجيني تعليق غريب عجيب شاطح شطحه :tearsofjoy: , تبا لك ::cry::

معليك لو فيه بنقولك ان شاء الله ::laugh::::whistle::

وطبعاً اخترت هالموقع اطلب منه ناس رائعين لأن حقاً أحس كل أعضاء هالموقع ما ادري ليش اممم... ذو عِلمٍ وأدب ( مدري شدخل الأدب :tearsofjoy:) وهمّن مبدعين ذو فِكر عالي وليسوا طُفوليين

الله يهديك بحركتك هذي دمرت أُم الجمله المتعوب عليها :tired::sob:
 
التعديل الأخير:

Arashi

Dragon of Heaven
ولا اعتبر موقعي منافس لكم لأنه فَنّي وأنت ألعاب فلا وجه للمقارنه ::cry::::sweat:: **

ناوي تفتح منتدى؟ الفكره ليحين مب واضحه :openmouth:
 

msh1ri

Artist
ناوي تفتح منتدى؟ الفكره ليحين مب واضحه :openmouth:
الفكره هي مدونه فنيّه فيها مواضيع يهتم لها جميع الفنانين ، وهذه المواضيع فنيه ولا تقتصر على الرسم فقط أو النحت بل كل انواع الفن وبيكون فيه مقابلات ومسابقات وحركات لكن طبعاً مستقبلاً مع الوقت

+ اعتذر فيه اخطاء املائيه بالموضوع كان مكتوب يكون مجاني مئه بالمئه قصدي لن يكون مجاني مئه بالمئه بل فيه مُقابل مادي وهكذا
 
التعديل الأخير:

Arashi

Dragon of Heaven
مدونه ... بس هل تتوقع ممكن تنافس مواقع التواصل مثل الانستغرام والتويتر وديفيانت...الخ؟
هي الفكره حلوه بس سالفة المقالات ... الناس الحين كسوله ما تحب القراءه فما اظن تتعنى تدخل مدونه عشان تقرا
اذا تعطيهم دروس بسيطه في الرسم بالصور بعد تكاسلون يجوفونها ):
ما احاول احبطك بس الموضوع يبي له دراسه عميقه الاول
 

ELOO

إكـتفاء
يا ليت توضح أكثر
الفكرة مُحفزة لكني ما فهمتها بشكل كامل
 

FANTASTIC DREAM

sugar man, colors to my dreams
مدونه ... بس هل تتوقع ممكن تنافس مواقع التواصل مثل الانستغرام والتويتر وديفيانت...الخ؟
هي الفكره حلوه بس سالفة المقالات ... الناس الحين كسوله ما تحب القراءه فما اظن تتعنى تدخل مدونه عشان تقرا
اذا تعطيهم دروس بسيطه في الرسم بالصور بعد تكاسلون يجوفونها ):
ما احاول احبطك بس الموضوع يبي له دراسه عميقه الاول

لا أنصح أي أحد يفكر في المنافسة أو عدد القراء خاصةً لو كان في البداية
السبب ليش تفتح مدونة تكتب فيها عن ما تحب هو إنت، إذا إنت تبغى و سعيد بالكتابة، هذا يكفي. في النهاية بيكون له تأثير إيجابي عليك و الإنجاز فيه يخليك أسعد.

أنا فتحت موقع من قبل سنتين ، و كتبت فيه الكثير ، و لم يكن هناك إلا قليل قليل من القراء حتى أخر يوم، لكن تدرين ماذا؟ لست نادم عليه أبداً. بل سأفتح موقع اخر بإذن الله.
 

msh1ri

Artist
لا أنصح أي أحد يفكر في المنافسة أو عدد القراء خاصةً لو كان في البداية
السبب ليش تفتح مدونة تكتب فيها عن ما تحب هو إنت، إذا إنت تبغى و سعيد بالكتابة، هذا يكفي. في النهاية بيكون له تأثير إيجابي عليك و الإنجاز فيه يخليك أسعد.

أنا فتحت موقع من قبل سنتين ، و كتبت فيه الكثير ، و لم يكن هناك إلا قليل قليل من القراء حتى أخر يوم، لكن تدرين ماذا؟ لست نادم عليه أبداً. بل سأفتح موقع اخر بإذن الله.
مدونه ... بس هل تتوقع ممكن تنافس مواقع التواصل مثل الانستغرام والتويتر وديفيانت...الخ؟
هي الفكره حلوه بس سالفة المقالات ... الناس الحين كسوله ما تحب القراءه فما اظن تتعنى تدخل مدونه عشان تقرا
اذا تعطيهم دروس بسيطه في الرسم بالصور بعد تكاسلون يجوفونها ):
ما احاول احبطك بس الموضوع يبي له دراسه عميقه الاول

* بدايةً حاولت اطرح مواضيعي في مواقع التواصل لكن دايم شكلها يكون خايس ومو عاجبني فقلت اسويلي موقع خاص فيني احسن عشان ما اخاف على محتواي من الحذف

أنا من البدايه ما افكر انافس احد وأساساً شفت المحيط العربي مافيه موقع فني بمعنى الكلمه أو مافيه واحد قوي وفيه تفاعل ومعجبين كثار ولهذا قلت مدام المجال عاجبني واحب الكتابه اسويلي موقع اكتب الي بقلبي فيه واسوي فيه اشياء تعجب الفنانين مثلي شروحات , دروس , مسابقات , لقائات مع الفنانين , مقالات , نصائح , ومعلومات

وعن التوفيق التوفيق بيد الله مدام اساس الموضوع متعه فكل ما يجي منه خير كان مرح أو مكسب مادي , و مفكر من أول اشغل معاي اشخاص اخرين عشان الموقع ما يقعد فتره دون تفاعل , وطبعا اختار الاشخاص الي احس انه عندهم حب حقيقي وعِلم ممكن يفيدون فيه غيرهم وبمبلغ رسمي للترفيح والكسب ايضاً , ترى يمديني اطلب من اي موقع يسويلي 20 مقال بسعر رخيص بس انا مابي هالشي , ابي ابداع ^^

** اذا دخلت بفكره جديده أو مافيها منافسين اقوياء يمديك تسيطر بوقت قياسي لو عندك عزيمه وافكار **

+ وعن الكسل ما اتوقع الواحد بيكون كسول للاشياء الي تمتعه وانا مجربها مع نفسي , فيه موقع عربي كل فتره وفتره يسوون تدوينات عن الانمي وفنانين الانميشن بشكل ابداعي ومختلف ولهذا القى نفسي كل فتره وفتره اطل عليهم عشان اشوف جديدهم فا الحين هذا يصير معاي ليش ما يصير مع غيري ؟.. ما اظن لا::inno::
 

msh1ri

Artist
يا ليت توضح أكثر
الفكرة مُحفزة لكني ما فهمتها بشكل كامل
الموقع عباره عن مدونه راح يُنشر فيها مواضيع فنيه شيقه منها المفيد ومنها المُسَلّي

مما سينشر : مواضيع , لقائات مع الفنانين , نتعرف على جميع انواع الفن وليس فقط "الرسم" , مسابقات , والكثير ( ناسي الحين هه ) , ان شاء الله اتوضحت ^^؟
 

msh1ri

Artist
@فارس الجهني @Arashi @ELOO
ودي اخذ شوركم هل صج اخلي لكل تدوينه مبلغ ولّا اخليه مجاني للمرح والتسليه فقط بلا عوار راس؟ ( مرح وتسليه جماعيه )
 

Zorro

True Gamer
- مصطلح فن فضفاض ، ممكن تشرح اكثر وش انواع الفن المقصود ؟
معليش ، عددها لي بوضوح و حاول انك تنسى كلمة إلخ بقدر الإمكان :smirkcat:

- دائما و ابدا لا تبدأ في مجال عام و مفتوح و تخلي الباب على مصراعيه مثل ما يقال ، ابدأ بمجال واحد او مجالين عشان تعرف تركز فيه اكثر و على بال ما تجمع لك فريق شغوف ..

- هل عندك ميزانية للموقع ما راح تضرك لو ما استمريت بعدين !؟
اللي اشوفه انك تجمع اللي عندهم رغبة و شغف ثم تجرب الموقع لشهرين مثلا ..
اذا شفت انه الموقع بيمشي وانه عندك فريق شغوف و ملتزم معك ،ممكن تبدأ تحط حوافز :
إما لكل تدوينة مبلغ معين او مبلغ شهري و المطلوب عدد من التدوينات كل اسبوع مثلا ..
و ممكن حتى تعوضهم على التدوينات اللي كتبوها في فترة التجربة (( هذه مجالها واسع و ممكن نتكلم عنها بعدين )) ..
 

msh1ri

Artist
- مصطلح فن فضفاض ، ممكن تشرح اكثر وش انواع الفن المقصود ؟
معليش ، عددها لي بوضوح و حاول انك تنسى كلمة إلخ بقدر الإمكان :smirkcat:

- دائما و ابدا لا تبدأ في مجال عام و مفتوح و تخلي الباب على مصراعيه مثل ما يقال ، ابدأ بمجال واحد او مجالين عشان تعرف تركز فيه اكثر و على بال ما تجمع لك فريق شغوف ..

- هل عندك ميزانية للموقع ما راح تضرك لو ما استمريت بعدين !؟
اللي اشوفه انك تجمع اللي عندهم رغبة و شغف ثم تجرب الموقع لشهرين مثلا ..
اذا شفت انه الموقع بيمشي وانه عندك فريق شغوف و ملتزم معك ،ممكن تبدأ تحط حوافز :
إما لكل تدوينة مبلغ معين او مبلغ شهري و المطلوب عدد من التدوينات كل اسبوع مثلا ..
و ممكن حتى تعوضهم على التدوينات اللي كتبوها في فترة التجربة (( هذه مجالها واسع و ممكن نتكلم عنها بعدين )) ..
شوف صراحه شكلي بخلي المدونه نفس ما قلت مجانيه بالبدايه ونشوف اذا فيه تطور خير.. كملنا من ناحية انه اعطي كل فتره للأشخاص الي ينشرون مكافئه على تعبهم < نفس فكرتك الرائعه!

وعن تحديد شنهي المواضيع الفنيه بقولك الحين صج وبختصار بعيداً عن التشعُب

[ الرسم الورقي والرقمي - التلوين بكل أنواعه - فنون الأنميشن الغربي والياباني - فن المانجا والقصص المصوره ]
 

Zorro

True Gamer
ملاحظه للجميع عدلت على الموضوع ووضحت اكثر فكرة الموقع راح تلقون الكلام باللون الأزرق

@فارس الجهني @Arashi @الـفـهـد الـعـربـي @ELOO

ممتاز .. الآن تقدر تسوّق لها و هي واضحة اكثر..
و اذا لقيت احد في مجال فني واحد او مجالين اثنين مثلا ، ابدأو مباشرة بعد ما ترتبو اموركم و تعملون خطة بسيطة لكن واضحة وتلتزمو فيها ..
لا تنتظر تجمع فريق عشان المجالات الفنية اللي ذكرتها كلها .. منها تبدأون تتحمسو بشكل عملي و منها تبدأون تعرفون احتياجاتكم والسلبيات و الإيجابيات اللي ماكانت ظاهرة قبل ماتدخلو في جَدّ الجَدّ و تكونو كثيرين..

واحتمال اقدر اكون معكم في غير المجالات هذه ..


بالتوفيق .. و متابع للموضوع ..
 

msh1ri

Artist
ممتاز .. الآن تقدر تسوّق لها و هي واضحة اكثر..
و اذا لقيت احد في مجال فني واحد او مجالين اثنين مثلا ، ابدأو مباشرة بعد ما ترتبو اموركم و تعملون خطة بسيطة لكن واضحة وتلتزمو فيها ..
لا تنتظر تجمع فريق عشان المجالات الفنية اللي ذكرتها كلها .. منها تبدأون تتحمسو بشكل عملي و منها تبدأون تعرفون احتياجاتكم والسلبيات و الإيجابيات اللي ماكانت ظاهرة قبل ماتدخلو في جَدّ الجَدّ و تكونو كثيرين..

واحتمال اقدر اكون معكم في غير المجالات هذه ..


بالتوفيق .. و متابع للموضوع ..
تقدر تشاركنا في غير هذه المجالات مثل ماذا؟
 

Zorro

True Gamer
تقدر تشاركنا في غير هذه المجالات مثل ماذا؟
غير المجالات المذكورة فوق ، خليها لوقتها و يصير خير ..


يالله عندك @Good Hunter ، واحدة من المجالات توفرت ..
 

ELOO

إكـتفاء
متابعه للموضوع
 

Arashi

Dragon of Heaven
لا أنصح أي أحد يفكر في المنافسة أو عدد القراء خاصةً لو كان في البداية
السبب ليش تفتح مدونة تكتب فيها عن ما تحب هو إنت، إذا إنت تبغى و سعيد بالكتابة، هذا يكفي. في النهاية بيكون له تأثير إيجابي عليك و الإنجاز فيه يخليك أسعد.

أنا فتحت موقع من قبل سنتين ، و كتبت فيه الكثير ، و لم يكن هناك إلا قليل قليل من القراء حتى أخر يوم، لكن تدرين ماذا؟ لست نادم عليه أبداً. بل سأفتح موقع اخر بإذن الله.

المشكله انه يبي يدفع للكتاب فحرام تضيع فلوسه على مدونه ما تنجح.. من جذي اقول له لازم يخطط للمنافسه ):

وعن التوفيق التوفيق بيد الله مدام اساس الموضوع متعه فكل ما يجي منه خير كان مرح أو مكسب مادي , و مفكر من أول اشغل معاي اشخاص اخرين عشان الموقع ما يقعد فتره دون تفاعل , وطبعا اختار الاشخاص الي احس انه عندهم حب حقيقي وعِلم ممكن يفيدون فيه غيرهم وبمبلغ رسمي للترفيح والكسب ايضاً , ترى يمديني اطلب من اي موقع يسويلي 20 مقال بسعر رخيص بس انا مابي هالشي , ابي ابداع ^^

كنت اقول هالكلام لأن فكرت حرام تدفع وتخسر.. لكن دام تفكر بهالطريقه فم ينخاف عليك باذن الله ^^
انا عندي شوية مواضيع عن منتجات حلوه للرسم ودروس خفيفه ممكن اشارك فيها .. بس طلب واحد.. بليييييز حط خاصية تلوين النصوص وارفاق الصور ههه ترى احب الالوان XD


@فارس الجهني @Arashi @ELOO
ودي اخذ شوركم هل صج اخلي لكل تدوينه مبلغ ولّا اخليه مجاني للمرح والتسليه فقط بلا عوار راس؟ ( مرح وتسليه جماعيه )

مبدئيا خلها مجانيه وجرب.. التسليه بداية كل مشروع ناجح ::smug:: <<< اتوقع XD

[ الرسم الورقي والرقمي - التلوين بكل أنواعه - فنون الأنميشن الغربي والياباني - فن المانجا والقصص المصوره ]
مما سينشر : مواضيع , لقائات مع الفنانين , نتعرف على جميع انواع الفن وليس فقط "الرسم" , مسابقات , والكثير ( ناسي الحين هه ) , ان شاء الله اتوضحت ^^؟

::mad::::mad::::mad::::mad::::mad::::mad::::mad::



شي واحد مهم تضيفه من البدايه للمدونه.. قسم لأخبار الفعاليات المتعلقه بالفن مثل كوميك كون وIGN في الوطن العربي وخارجه
 

msh1ri

Artist
كنت اقول هالكلام لأن فكرت حرام تدفع وتخسر.. لكن دام تفكر بهالطريقه فم ينخاف عليك باذن الله ^^
انا عندي شوية مواضيع عن منتجات حلوه للرسم ودروس خفيفه ممكن اشارك فيها .. بس طلب واحد.. بليييييز حط خاصية تلوين النصوص وارفاق الصور ههه ترى احب الالوان XD
اي مواضيع حلوه نبيها ::wow:: :grin: , و زين ذكرتيني ان شاء الله بضيف الي قلتيهم

شي واحد مهم تضيفه من البدايه للمدونه.. قسم لأخبار الفعاليات المتعلقه بالفن مثل كوميك كون وIGN في الوطن العربي وخارجه
صح ما فكرت فيها حلوين ان شاء الله همّن بحط قسم لهذي الامور ^^
 

msh1ri

Artist
و نسيت اقولكم ان شاء الله بحاول اشد حيلي وانهي الموقع قبل 16 - 6 - 2019 , يعني تقريباً شهر , انا شاريه شهر 3 لكن ما اشتغلت عليه الا يمكن 10% حتى الان ( نسبه من بالي ) .
 

Zorro

True Gamer
و نسيت اقولكم ان شاء الله بحاول اشد حيلي وانهي الموقع قبل 16 - 6 - 2019 , يعني تقريباً شهر , انا شاريه شهر 3 لكن ما اشتغلت عليه الا يمكن 10% حتى الان ( نسبه من بالي ) .
هل قاعد تصممه من الصفر ولا شلون ؟
 

msh1ri

Artist
هل قاعد تصممه من الصفر ولا شلون ؟
اصممه بالوورد برس " wordpress " هالموقع يمديك تسوي موقعك بدون ما تفهم اي شي بالبرمجه + اشوف شروحات في يوتيوب عشان تساعدني بتسوية متطلباتي الي محتاجها , صح اساساً تاخذ وقت لكن ارحم من البرمجه لأن امورها اطول واعقد فالحمد لله على نعمة التطور ^^
 

Zorro

True Gamer
اصممه بالوورد برس " wordpress " هالموقع يمديك تسوي موقعك بدون ما تفهم اي شي بالبرمجه + اشوف شروحات في يوتيوب عشان تساعدني بتسوية متطلباتي الي محتاجها , صح اساساً تاخذ وقت لكن ارحم من البرمجه لأن امورها اطول واعقد فالحمد لله على نعمة التطور ^^
معروف الوورد برس..
شوف اي ثيمات جاهزة و اختار اللي يناسبك..
راح تتعب بالبحث عن الثيمات..
 

msh1ri

Artist
معروف الوورد برس..
شوف اي ثيمات جاهزة و اختار اللي يناسبك..
راح تتعب بالبحث عن الثيمات..
معليك اخترت واحد من الاساس بس باقي اختيار ألوان الموقع وترتيب الصفحات واختيار الخطوط + تصميم الشعار سويته لكن ضاع مدري وين هه ::fdoly::
 

MAGIC

Hardcore Gamer
وللي بيسأل الموقع راح يكون فَنّي يتكلم عن [ الرسم الورقي والرقمي - التلوين بكل أنواعه - فنون الأنميشن الغربي والياباني - فن المانجا والقصص المصوره - الموسيقى ] ومقالات ومقابلات مع الفنانين ومقالات فنيه مترجمه ، وربما أزيد على ذلك لاحقاً! .

تقريبًا كل هذه الأمور موجودة في تروجيمنج.
بنصحك تشتغل على الخطة أكثر قبل التنفيذ.
 

msh1ri

Artist
تقريبًا كل هذه الأمور موجودة في تروجيمنج.
بنصحك تشتغل على الخطة أكثر قبل التنفيذ.
موجوده صح ولكن ليست متخصصه فيه فقط تُطرَح المواضيع وتُنسى مع الزمن ، على عكس موقع متخصص في هذا المجال ( لأن ترو قيمنق أساسه متخصص بالقيمنق وليس الفنون )

وهَمّن لو عندك نصايح جميله عطني اياها مستحيل اقول لا ::smug::..
 

Sultan/X

Banned
عندي شغف بكتابه الروايات والان جالس اكتب رواية ، مريضة، سادية، لايوجد فيها خير او شر ولا صح او غلط تتخطى مفايهم الناس عن الحب والحكم على الاخر ودايم ابحث عن الصادم والمقلق والغوص بالنفس البشرية، بشاركها هنا لما اخلصها ولو حاب ياعزيزي اشاركها بمدونتك، وايضا عندي حب للفلسفة بالموسيقى وبالاخص من الالفية وورى عربيا وشرقيا لكن مابتكون مقالات متعمقة تعتبر خواطر عن اللي اسمعة وخواطر بدون فلاتر او كلام شاعري مرتب يصعب الوصول له للقاري العادي. اذا حاب بكون سعيد بالمشاركة.
 

msh1ri

Artist
عندي شغف بكتابه الروايات والان جالس اكتب رواية ، مريضة، سادية، لايوجد فيها خير او شر ولا صح او غلط تتخطى مفايهم الناس عن الحب والحكم على الاخر ودايم ابحث عن الصادم والمقلق والغوص بالنفس البشرية، بشاركها هنا لما اخلصها ولو حاب ياعزيزي اشاركها بمدونتك، وايضا عندي حب للفلسفة بالموسيقى وبالاخص من الالفية وورى عربيا وشرقيا لكن مابتكون مقالات متعمقة تعتبر خواطر عن اللي اسمعة وخواطر بدون فلاتر او كلام شاعري مرتب يصعب الوصول له للقاري العادي. اذا حاب بكون سعيد بالمشاركة.
أهلين فيك طبعاً سعيد بمشاركتك! بس انتظر يفتح الموقع و ولا يهمك ارسلّك علطول * فيس غمزه * ::inno::
 
أعلى