في ماذا تفكرون ؟ {راجع شروط المشاركة بأول رد}

[سيفروس سنيب]

شنو نوع الحشيش الي تتعاطه لانك صاير اوفلاين بالموضوع

أخونا شاعري سم الله عليه ومايحتاج دليل عقلي

الحب كلام فارغ وقاعد يأخر البشرية
الزواج عبارة عن Business
تتزوج عشان تجيب ذرية يمسكون اسمك وما تكون genetic dead end

نعم في البزنس أقدر أدخل دخلة قرش وآخذ الي نفسي فيه وأنا مرتاح وصادق

لكن الزواج مليان fake pleasantries

والي مايجامل زيي حيجب العيد :

 

[Cinnamon]

لذلك يسمونه الناس مشروع زواج، وانا ماعندي مشكله اتاجر مع شريكة وفق عقد يلزمنا، وتتفق معها على أغراض و اهداف الشراكة الزوجية، واذا اخلت التزامها تحل الشراكة وتنتهي بفسخ العقد (ورقة الطلاق)

كيف عرفت أني خريج قانون

 

[Zhuge Liang]

انا اقول كلامي على اساس ان موضوع الطمأنينة لشريكة حياتك محسوم لانك ما راح تتوكل على الله الا اكيد عزمتوا على هالشي وما هو حشيش الله يقسم الخير للجميع

الله يوفقك و يطيك على نياتك

 

[wael5656]

ورقة طلاق وراها مصاريف ان تدفعها مؤخر , بينما الطرف الاخر ما عليه شيء , و في ناس حصلت فلوس زينه من وره هالشغله و الي اشتره سيارة و غيره
+ اي عقد توقعه مثلا في حالة مشاركة مصاريف البيت , قبل الزواح تقول لك اي و بعدها تقلب عليك و اذا طلقت تدفع فلوس و اذا عندك اطفال مصاريف النفقة عليك

الموضوع ما هو عقود و ورق فقط

الورقه هذه اهانتنا اهانه مالها مثيل خلتنا مثل العبد اللي يكدح ليل نهار و يعطي فلوسه لغيره و في النهايه مصيرك النكران و انت مالك شئ

اخ ايها الرجل العربي ماذا فعلت بك الدنيا

 

[Zhuge Liang]

الورقه هذه اهانتنا اهانه مالها مثيل خلتنا مثل العبد اللي يكدح ليل نهار و يعطي فلوسه لغيره و في النهايه مصيرك النكران و انت مالك شئ

اخ ايها الرجل العربي ماذا فعلت بك الدنيا

حتى العبد احسن على الاقل باله مرتاح

 

[Zhuge Liang]

و المشكله الأهل الي كل تفكيرهم :

 

[wael5656]

حتى العبد احسن على الاقل باله مرتاح

كوميديا سوداء

كوميديا سوداء

 

[Dark_N11]

لذلك يسمونه الناس مشروع زواج، وانا ماعندي مشكله اتاجر مع شريكة وفق عقد يلزمنا، وتتفق معها على أغراض و اهداف الشراكة الزوجية، واذا اخلت التزامها تحل الشراكة وتنتهي بفسخ العقد (ورقة الطلاق)

في عقد إعارة؟

 

[Dark_N11]

أسوء لأنك الريدي بتدفع مهر/شهر عسل يكسر الجدار وغالبًا يأخذها دين هنا فأنت ملزوم نفقة وبنفس الوقت تلحق ما تلحق من ديون!
لو نأخذ الزواج تجارة فهو صفقة فاشلة 100% للرجل الخليجي، المطلوب منك أعلى بكثير مما تحصله من مقابل إذا فيه مقابل أصلًا

ياخي اول مره تبرد القلب لول
الصفقة فاشلة و انا عن نفسي مكنسل الموضوع و حسيت اني مرتاح

 

[Vintage]

جاني فضول أعرف الشباب اللي يتكلمون هنا مستقبلاً .. أتوقع أغلبكم بيكون متزوج بإذن الله .. وبرغبته بعد

 

[Zhuge Liang]

جاني فضول أعرف الشباب اللي يتكلمون هنا مستقبلاً .. أتوقع أغلبكم بيكون متزوج بإذن الله .. وبرغبته بعد

كل شيء وارد الأراء و الافكار تتغير بمرور الزمن لكن هذا ما يمنع ان الموضوع بيه risk و الامور الي ذكرت هي واقع حال موجوده في البيئة المحيطة و المجتمع

 

[wael5656]

جاني فضول أعرف الشباب اللي يتكلمون هنا مستقبلاً .. أتوقع أغلبكم بيكون متزوج بإذن الله .. وبرغبته بعد

بالنسبه لي حاليا من غير شر طبعا لكن مستقبلا ممكن ليش لا

المقصد الواحد لما يتزوج لازم يفكر يدخل باقل الخسائر هو خسران خسران ما يبغالها سواء ماديا او عاطفيا لكن نقول اقل قدر ممكن يب اللي يقول ان الزواج مو خساره ابد هممهم مدري اش اقول له بس الله يوفقه دنيا و اخره

الله يرزقنا بنت الناس الصالحه ذات الدين و ذات الجمال و اللي تقدر ظروف العالم الحاليه عشان تقدر ظروفي مو ظروف قبل ٥٠ سنه او ٢٠ سنه تختلف عن الان و طبعا كلامي عام هنا مو اقصد شئ معين بحدا ذاته طبعا


المهم ما ابغى يجي يوم اتزوج لمجرد اني ابغى اتزوج و كل اصحابي تزوجوا او خلاص لازم اتزوج لاني كبرت في العمر و ان شاء الله ما يكتب على احد بمثل هذا الشئ لان المخاطره في هذه الاوقات اعلى شئ بصراحه

 

[Vintage]

كل اللي أتمناه هو أن نظام الزواج المختصر اللي انتشر في كورونا يستمر .. التكاليف العالية اللي بتندفع في الزواج تنصرف بين الزوجين أفضل.

 

[used2Bcat]

و المشكله الأهل الي كل تفكيرهم :

شوف عاد انا كل ردودك ونظراتك للزواج ما اتفق وياها لكن بهذه ضحكتني بقوة لأنها من جد هذا اللي صاير مع الأهل لا و أختي الكبيرة تقولي اخلص ما ابغى اصير خالة و بس ابغى يقولون عمتي و اهاوش حد غير عيالي

و عاد أنا مجننهم كل ما ذا قلت بنتي بدلعها الله يرزقني اذا تزوجت، اخر مرة أقولهم بخليها تمر حوش البيت و تأشر تختار وين احط الباب بجدار بين الشقة بالعمارة و بيتنا ههههههه و بعدها بسوي باب وداخله بابين، باب وهي تحبي تفتحه و باب اذا كبرت شوي عشان اذا بغت تروح عند أهلي وترجع

 

[White Soul]

وضعكم مأساوي، يبغى لكم خطبة عصماء من @s3rorh في فضل الزواج

 

[Zhuge Liang]

شوف عاد انا كل ردودك ونظراتك للزواج ما اتفق وياها لكن بهذه ضحكتني بقوة لأنها من جد هذا اللي صاير مع الأهل لا و أختي الكبيرة تقولي اخلص ما ابغى اصير خالة و بس ابغى يقولون عمتي و اهاوش حد غير عيالي

و عاد أنا مجننهم كل ما ذا قلت بنتي بدلعها الله يرزقني اذا تزوجت، اخر مرة أقولهم بخليها تمر حوش البيت و تأشر تختار وين احط الباب بجدار بين الشقة بالعمارة و بيتنا ههههههه و بعدها بسوي باب وداخله بابين، باب وهي تحبي تفتحه و باب اذا كبرت شوي عشان اذا بغت تروح عند أهلي وترجع

انها الحرب

نظرتي للزواج واقعيه لا جملت الموضوع مثل البعض في اطار خيالي و مثالي و لا قلت ان فكرة سيئة و يجب الابتعاد عنها تماما , ممكن لو الشخص المناسب موجود وفق ظروف مناسبه الموضوع يكون جيد

لكن ما اقدر انكر ان الرجل في و ضع disadvantage ماديا و معنويا و قانونيا بحيث مطلوب منك الكثير و المقابل قليل غير ان يتم معاملتك مثل بنك لسداد الفواتير

 

[Zhuge Liang]

وضعكم مأساوي، يبغى لكم خطبة عصماء من @s3rorh في فضل الزواج

كل شيء له ايجابيات و سلبيات , عارفين فوائد الزواج و عيوبه ايضا فما محتاجين خطبة بالموضوع

 

[Eye]

أسوء لأنك الريدي بتدفع مهر/شهر عسل يكسر الجدار وغالبًا يأخذها دين هنا فأنت ملزوم نفقة وبنفس الوقت تلحق ما تلحق من ديون!
لو نأخذ الزواج تجارة فهو صفقة فاشلة 100% للرجل الخليجي، المطلوب منك أعلى بكثير مما تحصله من مقابل إذا فيه مقابل أصلًا

صفقة فاشلة ١٠٠٪؜؟

طيب ممكن دراسة الجدوى لو سمحت

 

[Dark_N11]

صفقة فاشلة ١٠٠٪؜؟

طيب ممكن دراسة الجدوى لو سمحت

مايحتاج دراسه انت تأخذ اقل بكثير مما تعطي
يعني مادياً الصفقة فاشلة

ممكن انت كشخص تتنازل لمصلحة نجاح الزواج
لكن من منظور محايد لا يوجد تكافؤ

 

[Zhuge Liang]

صفقة فاشلة ١٠٠٪؜؟

طيب ممكن دراسة الجدوى لو سمحت

تزوج يا عين و بلغنا اذا نجحت التجربه او فشلت نستفيد من تجاربك و تكتب لنا رد طول بعرض و تعمل منشن للأمة العربيه قاطبة و تقول فيه انا مطلوم شايفين انا مطلوم

 

[Veeto]

مايحتاج دراسه انت تأخذ اقل بكثير مما تعطي
يعني مادياً الصفقة فاشلة

ما ودي اسوي ليك الحسبة علشان تعرف انك تطلع كسبان

=======

نجي للجد .. اتقوا الله في انفسكم ولا تفكروا بهالطريقة
المشكلة انتوا تتكلمون عن امور مادية بحتة .. للزواج فوائد اعمق من هالامور .. المشكلة انها كلها امور (( ايمانية )) و (( عقائدية )) يعني اذا مو مقتنع منها سابقا ما بتقتنع حاليا

 

[Eye]

مايحتاج دراسه انت تأخذ اقل بكثير مما تعطي
يعني مادياً الصفقة فاشلة

ممكن انت كشخص تتنازل لمصلحة نجاح الزواج
لكن من منظور محايد لا يوجد تكافؤ

افا يا خوي هذاوانت حق اسثمار وتداول وول ستريت ، لازم كل شي محسب له بدقة

كم تدفع وكم تاخذ بالنسبة لسعر السوق ، اف يو كنو وت اي مين

من منظور محايد والله البنات ضعيفات ، ممكن بالنهاية هي اللي تعطي وانت اللي تاخذ

تزوج يا عين و بلغنا اذا نجحت التجربه او فشلت نستفيد من تجاربك و تكتب لنا رد طول بعرض و تعمل منشن للأمة العربيه قاطبة و تقول فيه انا مطلوم شايفين انا مطلوم

هههههههههههه

هي حلوة الفكرة ذي ، بس ذا يعني انا عينة الاختبار المثالية؟ ويب صحيح ما راح نختلف ، لكن مو معناها راح تنطبق عليكم

يا رجال انا حالة ميئوس منها ، اللي بارتبط فيها بتدخل الجنة من فعايلي

 

[Zhuge Liang]

ما ودي اسوي ليك الحسبة علشان تعرف انك تطلع كسبان

=======

نجي للجد .. اتقوا الله في انفسكم ولا تفكروا بهالطريقة
المشكلة انتوا تتكلمون عن امور مادية بحتة .. للزواج فوائد اعمق من هالامور .. المشكلة انها كلها امور (( ايمانية )) و (( عقائدية )) يعني اذا مو مقتنع منها سابقا ما بتقتنع حاليا

احنا نتكلم ؟ و لا المقابل لم تروح تخطب يحسب عليك مصاريف مهر مبالغة و حفلة و في ناس تطلب ممتلكات بالاسم و اذا بنته موظفة يريد راتبها لأهلها و غيرها

مو احنا الي قاعد نطالب بفلوس او اي شيء فوق الحسبه , المطلوب فقط هو العدل لا اكثر و لا اقل

منو الي تزوج و صار مليونير من الموضوع ؟ غالب الرجال شغالين و في ناس شغالين وظيفين يالله يلحق مصاريف بيته و يكرف ليل نهار , حتى اعرف ناس تشتغل 3 و ظائف

امور (( ايمانية )) و (( عقائدية )) على العين و الرأس لكن الله سبحانه و تعالى ايضا اعطانا عقل نفكر بيه , الموضوع ما هو تعال انت و حظك يطلع زواج جيد او سيء

 

[Invader Zim]

ما ودي اسوي ليك الحسبة علشان تعرف انك تطلع كسبان

=======

نجي للجد .. اتقوا الله في انفسكم ولا تفكروا بهالطريقة
المشكلة انتوا تتكلمون عن امور مادية بحتة .. للزواج فوائد اعمق من هالامور .. المشكلة انها كلها امور (( ايمانية )) و (( عقائدية )) يعني اذا مو مقتنع منها سابقا ما بتقتنع حاليا

صحيح كم ييكلف الزواج ١٠٠-١٥٠ الف ولا شي
الان كم قيمت الذرية ؟
يعتمد على كفائة اعضاء الجسم(&)

 

[Zhuge Liang]

افا يا خوي هذاوانت حق اسثمار وتداول وول ستريت ، لازم كل شي محسب له بدقة

كم تدفع وكم تاخذ بالنسبة لسعر السوق ، اف يو كنو وت اي مين

من منظور محايد والله البنات ضعيفات ، ممكن بالنهاية هي اللي تعطي وانت اللي تاخذ



هههههههههههه

هي حلوة الفكرة ذي ، بس ذا يعني انا عينة الاختبار المثالية؟ ويب صحيح ما راح نختلف ، لكن مو معناها راح تنطبق عليكم

يا رجال انا حالة ميئوس منها ، اللي بارتبط فيها بتدخل الجنة من فعايلي

لذلك نحن بحاجة الي كرسي الاعتراف married people edition و كل واحد يكتب لنا متى تزوج و قصة زواجه و وضعه مع الزواج و الايجابيات و السلبيات

 

[Eye]

لذلك نحن بحاجة الي كرسي الاعتراف married people edition و كل واحد يكتب لنا متى تزوج و قصة زواجه و وضعه مع الزواج و الايجابيات و السلبيات

المشكلة ان الاعراف تختلف من بلد لبلد ومن عايلة لعايلة ومن سنة لسنة

ولد عمي عرس قبل ٣ سنوات
كلفه الزواج ~ ٣٠٠ الف ريال سعودي ~ ٨٠ الف $ ~ ١٢٠٠ لعبة

١٢٠ الف ريال مهر
٨٠ الف عرس
ساكن مع اهله بالبيت
١٠٠ الف شهر عسل وخرابيط البيت

رفلي طبعا

واحد من عيال خالتي عرس بوقت الكورونا ، بالكثير ١٥٠ الف ريال كلفه كل شي

ف يعتمد على الزمان والمكان والعرض والطلب

 

[لُقمَان]

عن موضوع الزواج والأحوال المادية، الله سبحانه وتعالى قال في سورة النور :
(وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ)
وبالتفسير الصحيح : "فلا يمنعكم ما تتوهمون من أنه إذا تزوج افتقر بسبب كثرة العائلة ونحوه ."

فمقولة "الزواج تجارة فاشلة" خاطئة في أصلها، التجارة الفاشلة هو التكاليف الخيالية في عصرنا الحالي،
وهو الذي يجب أن ينتهي، معقولة +150 ألف ريال "40 ألف دولار" هو المتوسط للتكاليف بمجتمعنا ؟

 

[Yashiro]

فعلة "الزواج تجارة فاشلة" خاطئة في أصلها، التجارة الفاشلة هو التكاليف الخيالية في عصرنا الحالي،
وهو الذي يجب أن ينتهي، معقولة +150 ألف ريال "40 ألف دولار" هو المتوسط للتكاليف بمجتمعنا ؟

الأعراف و التقاليد دمرت مفهوم الزواج و الأسرة.

 

[Dark_N11]

افا يا خوي هذاوانت حق اسثمار وتداول وول ستريت ، لازم كل شي محسب له بدقة

كم تدفع وكم تاخذ بالنسبة لسعر السوق ، اف يو كنو وت اي مين

من منظور محايد والله البنات ضعيفات ، ممكن بالنهاية هي اللي تعطي وانت اللي تاخذ

ما ودي اسوي ليك الحسبة علشان تعرف انك تطلع كسبان

نجي للجد .. اتقوا الله في انفسكم ولا تفكروا بهالطريقة
المشكلة انتوا تتكلمون عن امور مادية بحتة .. للزواج فوائد اعمق من هالامور .. المشكلة انها كلها امور (( ايمانية )) و (( عقائدية )) يعني اذا مو مقتنع منها سابقا ما بتقتنع حاليا

انا ما اقول كلامي هو المنظور الوحيد لأن القيمة تختلف من شخص لأخر لكن عن نفسي هذه الطريقة الي مخي يعمل فيها بكل مجالات الحياة
الزواج مثل اي استثمار في مخاطره لكن العائد المتوقع قليل و بالكاد راح يوازي حجم استثماري
و فيه متغيرات كثير غير ثابته ممكن تنفعك و ممكن لا
مثل الزواج للأستقرار العاطفي هذا غير مبني على اساس صلب و ملموس و ماتقدر تحسب نسبة تحقيق الهدف او لا لأنها مشاعر

 

[Eye]

عن موضوع الزواج والأحوال المادية، الله سبحانه وتعالى قال في سورة النور :
(وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ)
وبالتفسير الصحيح : "فلا يمنعكم ما تتوهمون من أنه إذا تزوج افتقر بسبب كثرة العائلة ونحوه ."

فعلة "الزواج تجارة فاشلة" خاطئة في أصلها، التجارة الفاشلة هو التكاليف الخيالية في عصرنا الحالي،
وهو الذي يجب أن ينتهي، معقولة +150 ألف ريال "40 ألف دولار" هو المتوسط للتكاليف بمجتمعنا ؟

الحين لازم البذخ ، صار ضرورة عند الناس

يعني بدال ما تجيب حلا عادي ، لازم تجيب شوكولاته من سويسرا

بدال ما تعطيها خاتم وشوية ذهب ، لازم تشتري لها تاج وصولجان واساور وقلايد من زمرد وياقوت وعقيق والماس

لازم تعطيها كنز ايريبور .. ذا اقل القليل وما يبين بيعون بعض الناس للاسف