فيلم سعودي "صفقة بندق" من أخراج أخي التوأم علي المؤمن

[W.W.W]

[video=youtube;RcNTcEWSnQc]https://www.youtube.com/watch?v=RcNTcEWSnQc[/video]

طبعا انا مو جاي افتخر بالفيلم , لان اشوفه متوسط بالكثير , بس حبيت اشوف رأيكم >_>

رأيي فيه , فيلم متوسط , في الواقع توقعت شي سيئ , بس طلع جيد مقارنتا بانتاجات السعوديه الاخرى من شباب هاليومين , مع ان القصه تافه حاله حال قصص المسلسلات الخليجيه , تصدقون ؟ اشوفها احسن (&)

استمتعوا لول

 

[Wild Fox]

ابا ارجع الزمن خمس دقايق و اراجع اختياراتي ::

 

[squall leonhart]

عندك توأم ؟؟

 

[Wind Rider]

ايش اسم توامك ؟ com. ولا net. ؟ :laugh::

بكل صراحة الفلم سيء جدا جدا و لا يفرق عن الهراء الخليجي بالتلفزيون و ماشي على نفس نمطهم السقيم و نفس اساساتهم المتهالكة + "فلبيني تازة" ؟ هههههههههه ما عرف ايش اقول :whistle:

 

[m5050]

اكثر شي ازعجني الصوت ما قدرت اكمل كله وشه وموسيقى مو راكبه

 

[Old Hunter]

كمية القرف بالاخراج الخليجي بشكل عامل وكمية التصنع و " الفشخره " ، وفخرهم بالعلاقات .. شي جدا مقرف !

ويسد النفس .. : )

 

[loop]

اخوك يتابع أفلام ودراما غربيه ؟

ولا يستلهم أفكاره وإخراجه من المسلسلات الخليجيه ؟

قصدي هل هو راضي عن مسنوى المسلسلات الخليجيه ومايشوف فيها شيئ غريب ولا كان يحاول يغيّر ويسوي عمل ثاني

لان مستوى العمل سيئ صراحه والتمثيل يجيب الهم والحوارات أتعبتني نفسيا نفس كل المسلسلات الخليجيه الأخيره ... بالدقيقه 1:50 حوار الزوج مع زوجته متعب متعب :joy: ... بعدين ليش مره يكلم البنت بال(ش) ومره بالـ(ك) ؟ يثبت له على لهجه ! معقول المخرج ما يلاحظ


عموما المسلسلات الخليجيه ( الي نشوف المبدع الكناني "يراجعها" ببرنامجه لقيمات ) لهذا مشهادينها ومعجبينها أتوقع العمل هذا بيعجبهم.

 

[Gomez]

واو، ياخي أخوك لازم يوقع عقد مع ميكامي يسوون فيلم هو ووياه (&).

أمزح، قوله يحذف الفيديو حالاً.

 

[Gomez]

لحظة لحظة.. لاحظت شيء تفجيري!!!

الفيلم مقتبس من بريكنق باد يا عبدالله، علاقة الزوج بزوجته مثل سكايلر وولتر!!! يتهاوشون وكذا!!!!

أومق @______________________________@

 

[Madainee]

معليش العمل كله زبالة !

 

[abdullah-kh]

لا اخراج ولا صوتيات ولا نص ولا شيء. بصراحة ما قدرت أكمله للنهاية وحتى كمقارنة مع المسلسلات الخليجية فهذا أسوء بكثير. الظاهر أخوك لازم يستفيد من تجربة استديو "انا" الا من جد اشوف أفلامه الحين بمنظار العظمة بعد ما شفت هذا. بعدين عبدالله متوسط أجل :: فيه أفلام سعودية أكثر احترافية من هذا واصرف مثل:

[video=youtube;NMvCURQEhpM]https://www.youtube.com/watch?v=NMvCURQEhpM[/video]

شكل الوثائقي واضح لكن منتج معقول والأخراج اصرف بكثير من الفيديو فوق وحتى التمثيل معقول هنا.

 

[W.W.W]

في رد كتبت هنا ما ادري وين راح , اختفى ؟ :/

المهم , حبيت اذكر ان اخوي سوه الفيلم وهو عارف عيوبه على حسب كلامه , هو اساسا الفيلم كان بتكنسل وتوقف من عمله لفتره طويله , لكن مع رغبت ممثلين , نزله بسرعه بدون أهتمام بتصحيح الأخطاء

اخوي ما يتابع افلام اجنبيه "الا وقت الصغر" ويعتبر المسلسلات الخليجيه هي مثله الاعلى :yuck::

طبعا يستاهل كل هذا النقد الجارح , نصحته مليون مره يبتعد عن تقليد المسلسلات الخليجيه التافه ويحاول يسوي شي هادف ومفيد , كل مره اقول له كذا , يحسبني اقصد انه يقلد الاجانب في الاكشن >_>

نصحته يخذ درس مجاني مع بريكنج باد لكن من دون جدوه

في ردود هنا مبالغ فيه , التصوير والاخراج اشوفه لا بأس به , التمثيل بدون وجود الحوارات ممتاز مستحيل تحصل تمثيل رائع , والنص مش بسهوله تجيبه مثل ما تتخيلون , لهذه اشوف التمثيل مقبول خصوصا من البنات

اشوف العيب الرئيسي والاكبر هو القصه التافه وياليته على كذا بس , في ركاكه في سير الاحداث وعدم احترافيه كافيه

عموما بتوفيق لتوأمي العزيز , هذا اول مشروع له ومستواه لا بأس به , وله مستقبل مشرق

 

[Anaxïmandrøs]

في رد كتبت هنا ما ادري وين راح , اختفى ؟ :/

المهم , حبيت اذكر ان اخوي سوه الفيلم وهو عارف عيوبه على حسب كلامه , هو اساسا الفيلم كان بتكنسل وتوقف من عمله لفتره طويله , لكن مع رغبت ممثلين , نزله بسرعه بدون أهتمام بتصحيح الأخطاء

اخوي ما يتابع افلام اجنبيه "الا وقت الصغر" ويعتبر المسلسلات الخليجيه هي مثله الاعلى :yuck::

طبعا يستاهل كل هذا النقد الجارح , نصحته مليون مره يبتعد عن تقليد المسلسلات الخليجيه التافه ويحاول يسوي شي هادف ومفيد , كل مره اقول له كذا , يحسبني اقصد انه يقلد الاجانب في الاكشن >_>

نصحته يخذ درس مجاني مع بريكنج باد لكن من دون جدوه

في ردود هنا مبالغ فيه , التصوير والاخراج اشوفه لا بأس به , التمثيل بدون وجود الحوارات ممتاز مستحيل تحصل تمثيل رائع , والنص مش بسهوله تجيبه مثل ما تتخيلون , لهذه اشوف التمثيل مقبول خصوصا من البنات

اشوف العيب الرئيسي والاكبر هو القصه التافه وياليته على كذا بس , في ركاكه في سير الاحداث وعدم احترافيه كافيه

عموما بتوفيق لتوأمي العزيز , هذا اول مشروع له ومستواه لا بأس به , وله مستقبل مشرق

عبد الله مارح اكذب عليك.. التمثيل "تحديدا" يبدو مصطنع جدا وسيئ للأمانه حتى بمعايير الأعمال العربية والخليجية

 

[W.W.W]

عبد الله مارح اكذب عليك.. التمثيل "تحديدا" يبدو مصطنع جدا وسيئ للأمانه حتى بمعايير الأعمال العربية والخليجية

بالعكس تعجبني صراحتك (&)

بس عموما الفيلم شغل هاوي لا اكثر , مهو منتج بتكلفه وقدرها , يعني توقعوا الكثير من العيوب

غير ذلك اشوفه قدرته على التصوير والاخراج جيده

 

[Wind Rider]

اعتقد صار في اجماع على ان هذا العمل هو الاسوء بالتاريخ...هل نقول انه يسحق الصفر من عشرة بجدارة ؟ <tgman>

 

[W.W.W]

^

 

[NO1]

في ردود هنا مبالغ فيه , التصوير والاخراج اشوفه لا بأس به , التمثيل بدون وجود الحوارات ممتاز مستحيل تحصل تمثيل رائع , والنص مش بسهوله تجيبه مثل ما تتخيلون , لهذه اشوف التمثيل مقبول خصوصا من البنات

النص ماتحتاج تشتريه أو تحتاج مساعده من أحد يسويلك اياه اذا كنت تحب عملك.. عادي ترجع تكتب النص أكثر من مره... و تصير أحيانا المخرج بنفسه يعيد و يكتب أربعين مره و أحيانا يتأخر سنتين.

نصحته يخذ درس مجاني مع بريكنج باد لكن من دون جدوه

عبدالله نصيحة أخ لأخوه المسلم
مش أي شيء يعجبك بيعجب غيرك, و نصيحتي لأخوك يقرا روايات عربية تعجب ذوقه تزيد عنده مستوى الكتابه. أخوك مش مغصوب يعمل عمل عن الرومنسية و الحياة الزوجية التعيسة عنده الكثييييير من المجالات الي ممكن تعجبه و يبدع فيها.

على العموم عبدالله يكفي النقد لين هني و ما أريد ازيد "علشان ما أجرح " بس امسح الموضوع... و في إنتظار حلقة إيش اللي
::::

 

[FANTASTIC DREAM]

اللي بيسوي افلام, لازم يدرس تخصص افلام, ياخذ بعثه او الكورس اللي في دبي ينفعه.

مع اني اشوف دراسة الأفلام ما نفعت مخرجين كثير في هوليود وهذا على كلامهم, لكن الأهم من كذا المخرج يبغاله Vision والشيء ذا ما ياخذه الا بالإهتمام والمتابعه المستمره لأجود الأفلام وفي نفس الوقت في كتب تعلمك فن الScreenplay وكيف تكتب بطريقه ذكيه, وفي كتب تعلمك فن الCinematography وكيف ان تحريك الكاميرا عامل مهم يلعب في جودة الفلم.

صناعة الأفلام شيء صعب.

 

[Marche]

مب هامني شي كثر ما هامني كون هل هو أخوك فعلًا ولا لأ؟

من كثر خرطك الواحد قام يشك، مرة انته كويتي، ومرة انته سعودي من الشرقية، والممثلين مب كأنه لهجتهم كويتية؟

واستغفر الله شفت من القبح ما يكفي من الممثلات هذيلا، يعني البنات فعلًا يتحسبون شكلهم أحلى بهالميك أب الخايس والحواجب اللي كأنها رصيف، أقسم بالله كنت عادي أزوع

 

[The Fantom]

^
انا اضمن لك ان الفيديو سعودي 100٪ ومن الشرقيه ايضا ::::
لكن من جد العمل يرفع الضغط وتقليد واضح للخرابيط الخليجيه :thumbsdown:

 

[W.W.W]

مب هامني شي كثر ما هامني كون هل هو أخوك فعلًا ولا لأ؟

من كثر خرطك الواحد قام يشك، مرة انته كويتي، ومرة انته سعودي من الشرقية، والممثلين مب كأنه لهجتهم كويتية؟

بأي حق تتهمني اني كذاب ؟

ومتى انا جيتك وقلت لك انا كويتي ما ادري سعودي ؟ لا تقعد تألف كلام من راسك

 

[ACE 47]

تمثيل بااارد جدا ومصطنع..وقفت الفيلم عند المشهد الي تغني له وهو يتصل جواله ...نفسي اشوف شي مختلف بالمسلسلات الخليجية دائما القصة عن الورث وزوجة الاب غالبا هي الvillain, هذا غير الصياح والبكاء ووجع الراس والمكياج الي بالاطنان ..مــــيه

 

[Marche]

بأي حق تتهمني اني كذاب ؟

ومتى انا جيتك وقلت لك انا كويتي ما ادري سعودي ؟ لا تقعد تألف كلام من راسك

الكلام اللي في ملفك الشخصي يقول هالشي ^

 

[W.W.W]

الكلام اللي في ملفك الشخصي يقول هالشي ^

وااااااو جايب لي رد من 4 سنوات ومن عضويه قديمه وفي ملفي الشخصي

وانت ايش دراك ايش نوع النقاش الي بيني وبينه ؟ يمكن اترول عليه او شي من هذا القبيل ؟

يب , انا سعودي وصاحب الفيلم السخيف الي فوق من أخوي التوأم

اعتقد في له ظهور لأخوي في نهاية الفيلم "الكواليس" , هو اسمراني وطويل

 

[MadPhantom]

اهني اخوك عالسماجة.. محله التلفزيون الخليجي بدون شك k_hand::thumbsdown:
كل شي بكفه ومقطع الجاكوزي بكفه ثانيه ::

 

[dro]

المشكلة انك مزعجنا ان ذوقك ارتفع الخ و اخر شي تعمل للفيديو موضوع ؟ .. مجرد انك تعمله موضوع و تقول عنه متوسط و ترقع له جريمة و ما ابالغ ان بعض المسلسلات الخليجية افضل من ها التعاسة !
خلي ولد اختك الي ازعجتنا فيه يعمل فيلم كمان (&)

 

[NO1]

الكلام اللي في ملفك الشخصي يقول هالشي ^

أنت شو دراك بالمحادثة؟ :neutral_face:

 

[Marche]

أنت شو دراك بالمحادثة؟ :neutral_face:

وانته شو يخصك؟

وأوه صح، عبدالله أو أيًا كان اسمك، دام أخوك التوأم تقول إنه أسمراني، أذكر إنك حطيت صورتك في موضوع صور الأعضاء وكنت أبيضاني، طبعًا الموضوع اللي راح في الفترة اللي انحذفت مشاركات شهر من المنتدى

 

[NO1]

وانته شو يخصك؟

هههههههههههههههههههههههههههههههههههههه الله يهديك و يصلح بالك

 

[W.W.W]

وانته شو يخصك؟

وأوه صح، عبدالله أو أيًا كان اسمك، دام أخوك التوأم تقول إنه أسمراني، أذكر إنك حطيت صورتك في موضوع صور الأعضاء وكنت أبيضاني، طبعًا الموضوع اللي راح في الفترة اللي انحذفت مشاركات شهر من المنتدى

شوي شوي يا محقق كونان

تبي تصدق ولا بسلامتك , ماني مجبور اقنعك