hits counter

فاينل فانتسي 13 ... الديمو و أكثر !!

G.SKY

Hardcore Gamer
من فتره حبيت افتح موضوع لفاينل فانتسي 13 ... الديمو باقي عليه اسبوع و حبيت يكون فيه موضوع رسمي نحط فيه كل شيء عن اللعبه من هنا و طالع ... على الاقل يكون أرشيف رائع ينذكر مع الزمن

ffxiiic.jpg


مقدمه:
فاينل فانتسي 13 احد اكبر عناوين سكوير إينكس الي ظلينا نسمع فيها من بدايه الجيل الحالي و هي العنوان الرئيسي لسلسله فابولا نوفا كريستاليز و الي راح تصدر على البلاي سيتشن 3 و الأكس بوكس 360 في يوم من الأيام ... احد اكثر العاب الـ RPG المنتظره من فتره ليست بالقصيره أبدا

القصه (( سبويلرات)):
" بلس" هو العالم الي راح نتعايش فيه مع شخصيات فاينل فانتسي 13 ، عالم " بلس " يملك تاريخ حافل بالغموض و الشرور مما أدى إلى تواجد المدينه الطائره " كوكون " ... شعب كوكون بأصلهم يخافون من الشعب الموجودين في الأسفل لأسباب غير معروفه حتى الآن...
نلاحظ في هذا الجزء عوده الكريستال بشكل اساسي وهي في هذا الجزء جرم حي يمتلك القدره على بعث الحياه في المخلوقات و الآلات (( ليس البشر )) ... و يتواصلون بشكل اساسي مع مخلوقات بشريه ذو قدرات خارقه يدعون بالـ " فالسيي " الي هم خلف تواجد المدينه الطائره " كوكون " منذ 13 قرنا ...
الحكومه الخاصه بكوكون طلعت بقرار يدعى " الاكسايل " بعد ما اكتشفت ان فيه ناس من العالم السفلي من " بلس " بدت بطريقه غير شرعيه الصعود الى " كوكون " بهذه القرار تقوم الحكومه بطردهم من " كوكون " و من ساعدهم ايضا الى العالم السفلي ليلقوا الهلاك بما يسمى بالـ " العدوى "

نظام القتال:

شرحت نظام القتال من قبل في موضوع سابق و لحد ما أحصل على الديمو و ادرسه راح احط نقاط اساسيه:
- نظام القتال يعتمد على عدد معين من الضربات تختارها مع بعض المعلن عنه انك تقدر تضرب 3 ضربات مع بعض في نفس الوقت
- ممكن ضرب ضربه وحده و تخبي ضربتين لوقت ثاني لكن هناك عواقب لذلك
- ما فيه اختيار لقائمه الماجيك
- الضربات السحريه تظهر في اطار خاص مع الضربات العاديه لكن تحتاج انك تشق طريقك لها ببعض الاختيارات الاوليه (( Attack > Cure ))
- الاعداء راح تشوفهم بالشاشه و اول ما تحتك فيهم راح تتغير الموسيقى و بيدا القتال
- تقدر تنكسل ضرباتك بـ X و تقدر تأكدهم بمثلث

الديمو القادم:
على كتابتي للموضوع الديمو باقي له اسبوع ... شخصيا طلبته و ماني قادر انتظر موعد صدوره
للي يبي يطلبه عندكم خيارات منها: Play-Asia / Yes-Asia / Amazon.jp
لكن الافضل و الاسرع و الي انصح الكل فيه هو CDJapan.co.jp:
فاينل فانتسي 7 ادفينت شيلدرن مع ديمو فاينل فانتسي 13
الأسباب الي تخليني انصح بهل الموقع:
- راح يرسلون لك البلو راي قبل يوم اصداره على الاقل من يوم الى 4 ايام احيانا (( يوصلك على موعد الصدور باليابان))
- يوصل بسرعه على عنوانك بالسعوديه ... ياخذ يومين الى 3 ايام
- الارخص بين المواقع كلها

حقائق عن الديمو:

- راح تقدر تلعب بسيناريو لايتنينج و سنو الي راح يكونون مختلفين
- الكاميرا راح تقدر تحركها بحريه في القتال و برا القتال
- الشخصيات غير اللاعبين يتكلمون باصوات بشكل كلي ... ما تحتاج تضغط X علشان تكلمهم كل ما قربت منهم يتكلمون بصوت اعلى
- مده اللعب تفوق الساعه
- الـ HP يتعبى بعد القتال (( نوووووووووو T_T ))
- الفريق تبع القتال 3 او اقل
- " لوسيل " يستخدمون ماجيك غيرهم لا
- احتمال يكون فيه تروفيز للباتل (( ما ادري لو كان يقصد النسخه النهائيه ولا الديمو ))

و هنا اوقف الموضوع و راح احدثه كل ما صار شيء ... انتهى :grin:
 
التعديل الأخير:

G.SKY

Hardcore Gamer
فيه نسخه انجليزيه من البلو راي تم الاعلان عنها بس للأسف سكوير ما حطت وياه يعني ما فيه :sadwalk:
 

Neoraxis

Hardcore Gamer
احس تعبئة الـhp اوتوماتكيا كان لازم منها كون كل خطوة تعملها في اللعبه عبر الـATB ومافي mp فعلى اي اساس تستخدم ماجيك خارج المعارك 0:...

بس على كذا يارب الوحوش يكونو اصعب بما اننا ضامنين الـhp بين كل معركه P: ..

احس اللعبه بتقدم الكثير لجنر الاربي جي ممكن مش ناحية اسلوب المعارك *لان الافكار مجمعه من كذا لعبه* بس في الاستكشاف,ويارب ماتكون لاينر زي فف 10 ... لان الظاهر التنقل بين المناطق بيكون اسلوبها زي فف 10 وممكن 12 بس ماتوقع نشوف ورلد ماب T-T
 

Nyx

True Gamer
شباب الديمو ماراح يتوفر على النت ؟

-
أحلى شي في مواضيع فف13 هو الأر-بي-جي فانز في المنتدى يطلعولك ماتدري من وين :razz::
الجيل ذا بالمره مو جيلكم هاه :smug:؟
 

G.SKY

Hardcore Gamer
احس تعبئة الـhp اوتوماتكيا كان لازم منها كون كل خطوة تعملها في اللعبه عبر الـATB ومافي mp فعلى اي اساس تستخدم ماجيك خارج المعارك 0:...

بس على كذا يارب الوحوش يكونو اصعب بما اننا ضامنين الـhp بين كل معركه P: ..

احس اللعبه بتقدم الكثير لجنر الاربي جي ممكن مش ناحية اسلوب المعارك *لان الافكار مجمعه من كذا لعبه* بس في الاستكشاف,ويارب ماتكون لاينر زي فف 10 ... لان الظاهر التنقل بين المناطق بيكون اسلوبها زي فف 10 وممكن 12 بس ماتوقع نشوف ورلد ماب T-T

نقطه الـ MP عجبتني ... تفكير سليم :grin:
بس يا أخي البوشن بيصير ما له فايده كذا :xd:

و على رايك ... لو اللعبه سهله بنتحر :crying:

الوورلد ماب اكدوها في فيرسيس بس مو في 13 يعني الاحتمال من ضئيل الي معدوم لو يخلونها زي 12 (( و هذا الواضح )) بيكونون ناس رهيبين :grin:

شباب الديمو ماراح يتوفر على النت ؟

-
أحلى شي في مواضيع فف13 هو الأر-بي-جي فانز في المنتدى يطلعولك ماتدري من وين :razz::
الجيل ذا بالمره مو جيلكم هاه :smug:؟

الاحتمال ضئيل جدا جدا جدا جدا جدا انه يتوفر على الانترنت بس ليه لا ؟

بالنسبه لسالفه هل الجيل ... امممم ... اذا كان قصدك الاجهزه المنزليه فأيه بس المحموله ... اتوقع فيه العاب تستاهل تنذكر :happy: ... بعدين مين قصدك ... انا :razz:: ؟
 

Futrus

True Gamer
تتوقع الديمو بظل ليمتد ولا بكون له اعادة اصدار؟
 

G.SKY

Hardcore Gamer
^
انسى اعاده الاصدار ... ما راح يسوونها ... يمكن بالستور ؟
بس مع الفلم ... اتوقع اول دفعه فقط
 

Ryu-Bounty Hunter

True Gamer
لول من هذا الشي اللي عالق في مخي بالنسبة لشهر ابريل..الديمو :D

و توني اذكر انه ياباني لول.

بالنسبة للHP يزيد كله بس ولا جزء منه؟ و حسه شي ما يطمن بالنسبة للصعوبة..يعني يمكن يعطونا الHP بس يجيون وحوش صععب تهزمهم :xd:
 

Neoraxis

Hardcore Gamer
ايضا شي محير هل استخدام الايتيمز بيكون ضمن الـatb ولا بيكون استخدام مش محدود P: ...

انا مادري احس الفريق ماخذ اي شي من 12 غير العلم الي يبين مين الرئيس في البارتي P:,واللعبه في دماغهم مكمله لفف 10
 

G.SKY

Hardcore Gamer
^
اتوقع ان كميه الوحوش بالساحه الوحده هي سبب هل الشيء ... EXP قليل و وحوش كثيره ؟ يمكن ... الديمو بيحكم ^__^

لول من هذا الشي اللي عالق في مخي بالنسبة لشهر ابريل..الديمو :D

و توني اذكر انه ياباني لول.

بالنسبة للHP يزيد كله بس ولا جزء منه؟ و حسه شي ما يطمن بالنسبة للصعوبة..يعني يمكن يعطونا الHP بس يجيون وحوش صععب تهزمهم :xd:

مو مكتوب بالمقابله ... هو قال يعبي و بس لول ... ما ادري لو fully
انا اتمنى الصعوبه تكون عاليه ... ابي تحدي :crying:
الديمو فيه رئيسين على حد علمي و اتمنى يكونون صعبين :grin:

ايضا شي محير هل استخدام الايتيمز بيكون ضمن الـatb ولا بيكون استخدام مش محدود P: ...

انا مادري احس الفريق ماخذ اي شي من 12 غير العلم الي يبين مين الرئيس في البارتي P:,واللعبه في دماغهم مكمله لفف 10

فيه غير الـ ATB نقاط معينه تنخصم منك كل ما ضربت هذي بعد ما تدري شنو سالفتها لول !!!
و الوحوش ظاهره :razz:: يعني فاينل فانتسي 12 :razz::
 

Ryu-Bounty Hunter

True Gamer
مو مكتوب بالمقابله ... هو قال يعبي و بس لول ... ما ادري لو fully
انا اتمنى الصعوبه تكون عاليه ... ابي تحدي :crying:
الديمو فيه رئيسين على حد علمي و اتمنى يكونون صعبين :grin:


توقعي ان ماراح يكون سهل ابدا وان بنشوف تحدي كبير مثل ما شفنا في X :happy:

ننتظر ونشوف لما ينزل :rockon:
 

TIAMAT

True Gamer
الوورلد ماب اكدوها في فيرسيس بس مو في 13 يعني الاحتمال من ضئيل الي معدوم لو يخلونها زي 12 (( و هذا الواضح )) بيكونون ناس رهيبين

أريد ورلد ماب كلاسيكية :crying:
 

Zero

فريق الأنمي
الديمو حتى لو نزل على البلايستيشن نتورك أو الأيف قبل اللعبة بفترة ما راح أهتم فيه ، كفاية إذلال لول وأبغى ألعبها كاملة مرة واحدة ، تجربة هنيئة للي بيشتري الفلم.
 
التعديل الأخير:

Mute City

True Gamer
- الـ HP يتعبى بعد القتال
شي ما يحمس أنا أعتقد راح يقعون في نفس خطأ 10 إنه لما تلمس كرة التخزين تروح منك كل الحالات وتتعالج full
وهذا يجعل اللعبة سهلة :angry:: خلاف 9 الي كنا نتعذب فيه :crying:

الوورلد ماب اكدوها في فيرسيس بس مو في 13 يعني الاحتمال من ضئيل الي معدوم لو يخلونها زي 12 (( و هذا الواضح )) بيكونون ناس رهيبين
أعتقد إنه خيار جيد بس ما أتمناها زي 12 :sarcastic: زي 10 راح يكون مقبول :sweat:

وأتمنى إنه تكون لكل شخصية ميزتها :rockon: مو زي 10 كل الشخصيات يستخدومن مجك وسكيل :spy:
 
التعديل الأخير:

G7Ga7

True Gamer
اسبوع واحد هايب هايب هايب هايب :rockon:
 

G.SKY

Hardcore Gamer
^
انت اهم شيء لا تتحمس و تطالع الفيديوات لما تنزل :razz::

شي ما يحمس أنا أعتقد راح يقوعن في نفس خطأ 10 إنه لما تلمس كرة التخزين تروح مك كل الحالات
وهذا يجعل اللعبة سهلة :angry:: خلاف 9 الي كنا نتعذب فيه :crying:


أعتقد إنه خيار جيد بس ما أتمناها زي 12 :sarcastic: زي 10 راح يكون مقبول :sweat:

وأتمنى إنه تكون لكل شخصية ميزتها :rockon: مو زي 10 كل الشخصيات يستخدومن مجك وسكيل :spy:

لحد الحين " الواضح " ان الي بيميز الشخصيات هم الاستدعاءات :confident:
 
التعديل الأخير:

Upperleft

True Gamer
ودي اجربها، بما اني ما لعبت فف من قبل و ما لي نفس العب شي جديم P:
 

true story

Hardcore Gamer
أعتقد إنه خيار جيد بس ما أتمناها زي 12 :sarcastic: زي 10 راح يكون مقبول :sweat:

:spy:
بس 10 ما فيها ورلد ماب كيف بدهم يعملوها زي 10؟:confuse:
 
التعديل الأخير:

Ryu-Bounty Hunter

True Gamer
لول ليش متشائمين من ان الHP يزيد؟ بالعكس احسه بخلي اللعب حماس اكثر..ما اتوقع حطوا هالإضافة تسهيل و بس :sweat:
 

Dmck

True Gamer
لأسباب الي تخليني انصح بهل الموقع:
- راح يرسلون لك البلو راي قبل يوم اصداره على الاقل من يوم الى 4 ايام احيانا (( يوصلك على موعد الصدور باليابان))
- يوصل بسرعه على عنوانك بالسعوديه ... ياخذ يومين الى 3 ايام
- الارخص بين المواقع كلها

في انتظار انطباعتك اذا وصلتك في وقت مبكر ان شاء اللة :rockon:

اقول مين عندة فكرة على العدو او شرير رئيسي في فف 13؟؟
 

Id

True Gamer
اقول مين عندة فكرة على العدو او شرير رئيسي في فف 13؟؟

أحسن شيء محمسين إن أجهل كل شيء من هالناحية في اللعبة ...
 

EPIC FAHAD

True Gamer
Microsofts deal with Square prevents a US demo of FFXIII?

"Original sources said a year ago and as early as Christmas that the US version of Final Fantasy VII: Advent Children would be getting the Final Fantasy XIII playable demo and I assumed the Euro version would receive this as well. This is proving how much Microsoft is screwing up plans by throwing money around instead of letting the gaming world evolve. I don't even hate Microsoft, even though I disagree with their practices and also shoving out an incomplete console that is called the XBOX 360."

المصدر
!!!!!!!!!!!!!!!!!!!!!!!!!!!?
 

G.SKY

Hardcore Gamer
المصدر
!!!!!!!!!!!!!!!!!!!!!!!!!!!?

من جدهم لول ؟
من فتره نزل خبر اصدار الفلم في امريكا و نزل للطلب في المواقع بالانترنت
و الحين بيحطون وياه ديمو للأكس بوكس بس ؟!!!
ننتظر تأكيد رسمي للموضوع لول ... مع اني ما اتوقع ؟ متى بيمديهم يترجمون و يعدلون لين ذاك الوقت اللعبه نفسها في اليابان بتكون مو جاهزه ولا راح يعدلون الديمو ؟
حلاتها مايكرو تضخ المزيد من النقود و الديمو الجديد يصير اطول :razz::
 

T i d u s

Hardcore Gamer
بالعكس ما خلوا الـ HP يزيد بعد كل معركة إلا لأن المعارك راح تكون قوية !
 
أعلى