ZIBIT
True Gamer
كنت متكاسل احمل الديمو، بس لما شفت الناس في المنتديات ضايعين في حل اللغز تذكرت ايام زمان لما كنا نسأل وندور حلول في المجلات
فقررت اجرب الديمو تجربة سريعة وهذي الخلاصة:
يب، متخبي ورا الكنبه....
هي وحدة من الثنتين، يا ان جرعة الرعب هنا زايدة عن الحد او اني جبان وما عاد اتحمل الامور هذي.. من الخوف ما طلعت الدور الثاني حتى
المنظور الأول على كرهي له إلا انه زاد نسبة الخوف بشكل كبير، تحس انك انت اللي داخل البيت فعلاً و لو طلع لك وحش
رح تكون في وجهه مباشرة، مافي شي يحميك... مادري كيف رح العبها بالفي آر والسماعات.
الجو العام للبيت ذكرني كثير بريزي4 وايفل وذن، حتى تصميم المختل هذاك تحسه واحد من قرويين ريزي4
الباكتراكينج موجود وهذا شي جيد... صح اني اشيل هم طريق الرجعة لما القى مفتاح او شريط فيديو، لكن صراحةً افتقدت للإحساس هذا ومبسوط بعودته
الأصوات احب اشيد فيها، نص الرعب كان بسببها.. كل غرفة اوقف فيها فترة لين استوعب ايش الاصوات اللي قاعد اسمعها
قربعة في المطبخ، هوا يضرب الشبابيك، واحد يجري في الدور اللي فوق.. الخ يارجل حتى صوت مشي البطل ع الارضية الخشب يفجع
بشكل عام متحمس لها، مع ان المنظور الأول كريه بس مومشكلة اذا بقية جوانب اللعبة رح تكون متقنة
يا رجل من كثر الخوف في مرة وانا بفتح احد الابواب قلت بسم الله.