Naif
Executive Member
من قبل اسبوعين تقريبا وصلتني Nintendogs نسخة shiba and friends و صراحة كنت مقرر اكتب عنها مراجعة للموقع و لكني اعتقد اني ما بقدر احكم على مستوى اللعبة بشكل عام في مرجعة و اعطيها تقدير الا بعد فترة طوييييييييلة اكون فيها اكتشفت كل الادوات و سويت كل الاشياء .. ( لان هذا هدف رئيسي من اهدافها ) ..
اكثر شي بيعجبك صدق في اللعبة هو كيف يستجيب الكلب لك .. سواء يوم تلمسه او اذا تناديه او تقوله ينفذ الحركات .. في بداية اللعبة تشوف الشاشة تقترب فيك من باب محل بيع الكلاب .. لازم تدق على الباب كم مرة بشاشة اللمس و بعدين بيفتح لك الباب و بيطلع لك كم خيار .. اذا تريد تشتري كلب او اذا تريد تلعب مع بعض الكلاب ..
بعد ما تختار الكلب اللي تريد تاخذه بتنتقل للبيت .. البيت هو المكان اللي بتقضي فيه معظم وقتك .. في البداية بتشوف الكلب خايف و مرتبك ( و هذا شي حلو في اللعبة .. مشاعر الكلب تحسها صدق واقعية 0_0 ) و بعد فترة من اللعب معاه يبدا يتعود عليك و تقر تختار اسمه و تعلمه كم حركة .. اذا تريد تعلم الكلب اسمه او تعلمة الحركات المختلفة لازم تقول الكلمة على المايك اكثر من مرة حتى يحفظها ( كل مرة بتقول فيها الكلمة بشكل واضح بيطلع فوق كلبك لمبة ليت تدل انه استقبل الكلمة .. و اذا صار العكس تطلع فوقه علامات تعجب ) .
اللعبة تقريبا بدون هدف و تذكرني بشكل كبيـــــر في انيمال كروسينج ( نفس الاسلوب من ناحية ان هدف معظم اللاعبين اعتقد فيها بيكون تجميع الادوات المختلفة) لكن في هذي اللعبة بتقدر تتفاعل مع الادوات اللي تجمعها اكثر مثلا سمعت انه في بعض الاشياء تتكسر اذا رميتها لمسافة بعيدة و في بعض الاشياء تقدر تلبسها كلبك ( مثل ما تشوفون في الصور .. طوطو = كووول )
الرسومات حلوة وايد خاصة رسومات الكلاب التفاصيل فيها متقنة بدرجة كبيرة خاصة طريقة حركتها و حتى تفحصها الاشياء اللي تشوفها اول مرة او يوم تقفز اذا شديت الحبل اللي على رقبته بقوة و انت تجوله في المنطقة .. رسومات الكلاب و (طريقة حركتها و تفاعلها ) اكثر نقاط اللعبة الايجابية.
الموسيقى هادية في معظم الاوقات ( الا تقريبا اثناء المسابقات ) و تذكرني وايد باسلوب موسيقى انيمال كروسينج ( خاصة الموسيقى اللي كانت تشتغل في الليل ) .. استخدام المايك مهم في اللعبة وايد و مازال كلبي يتعلم اسماء الحركات على شان جي لازم اكرر الكلمة اكثر من مرة على شان ينفذ الحركة و لكن اذا نفذ الحركة صح و داعبته شوي و حكيت جسمه بتطلع على شوية شرارات هذا يدل انه تحسن في هذا المجال شوي .. مع التدريب بيصير احسن و احسن في تنفيذ الحركات بعد سماع صوتك .
اللعبة تشبه وايد انيمال كروسينج .. و اعتقد كل واحد حب انيمال كروسينج بيحب هذي اللعبة بشكل كبير اما اللي ما عجبتهم فما انصحهم فيها ..
بعض الاشياء الصغيرة اللي لاخظتها في اللعبة :
- معظم الادوات و الاشياء الحلوة ما بتقدر تشتريها من المحل في اللعبة و لكن بتحصلها في اماكن مختلفة في الحي و انت تجول كلبك
- و انت داخل البيت او في الحديقة مع كلبك او اذا كنت تتجول معاه بتقدر تسمع اصوات السيارات في الشارع او في بعض الاحيان اصوات سيارة الشرطة
- في اسطوانات اغاني تجمعهن بعضهن يكون ما مسجل عليها شي .. تقدر تسجل عليها اي صوت تقدر تشغله في اي وقت و تخليه يستمر .. و بعض الاسطوانات الثانية في الحان مختلفة من اللعبة ..
- ما واجهتني مشكلة كبيرة في اللغة اليابانية في اللعبة لكن بما ان اللعبة الامريكية قادمة شهر اغسطس اعتقد من الافضل الانتظار .. ( واجهتني بس بعض المشاكل في مسابقة كاس تنفيذ الحركات لانك لازم تعرف شو الحركة اللي طالين منك تنفذها في كل مرة .. و بعض الكلام اللي ما افهمه يوم يحصل طوطو كلب ثاني في الحارة )
- قريت انه في جهاز بيانو بتحصله في اللعبة بتقدر تعزف عليه و كلبك بينبح معاك .. بس لازم تعلمه اول ^^"
و اي سؤال انا حاضر ^^
هذي بعض الصور لطوطو ( اسف على الجودة .. >_< )
طوطو الاسد P:
طوطو في نزهة
طوطو المثقف
اكثر شي بيعجبك صدق في اللعبة هو كيف يستجيب الكلب لك .. سواء يوم تلمسه او اذا تناديه او تقوله ينفذ الحركات .. في بداية اللعبة تشوف الشاشة تقترب فيك من باب محل بيع الكلاب .. لازم تدق على الباب كم مرة بشاشة اللمس و بعدين بيفتح لك الباب و بيطلع لك كم خيار .. اذا تريد تشتري كلب او اذا تريد تلعب مع بعض الكلاب ..
بعد ما تختار الكلب اللي تريد تاخذه بتنتقل للبيت .. البيت هو المكان اللي بتقضي فيه معظم وقتك .. في البداية بتشوف الكلب خايف و مرتبك ( و هذا شي حلو في اللعبة .. مشاعر الكلب تحسها صدق واقعية 0_0 ) و بعد فترة من اللعب معاه يبدا يتعود عليك و تقر تختار اسمه و تعلمه كم حركة .. اذا تريد تعلم الكلب اسمه او تعلمة الحركات المختلفة لازم تقول الكلمة على المايك اكثر من مرة حتى يحفظها ( كل مرة بتقول فيها الكلمة بشكل واضح بيطلع فوق كلبك لمبة ليت تدل انه استقبل الكلمة .. و اذا صار العكس تطلع فوقه علامات تعجب ) .
اللعبة تقريبا بدون هدف و تذكرني بشكل كبيـــــر في انيمال كروسينج ( نفس الاسلوب من ناحية ان هدف معظم اللاعبين اعتقد فيها بيكون تجميع الادوات المختلفة) لكن في هذي اللعبة بتقدر تتفاعل مع الادوات اللي تجمعها اكثر مثلا سمعت انه في بعض الاشياء تتكسر اذا رميتها لمسافة بعيدة و في بعض الاشياء تقدر تلبسها كلبك ( مثل ما تشوفون في الصور .. طوطو = كووول )
الرسومات حلوة وايد خاصة رسومات الكلاب التفاصيل فيها متقنة بدرجة كبيرة خاصة طريقة حركتها و حتى تفحصها الاشياء اللي تشوفها اول مرة او يوم تقفز اذا شديت الحبل اللي على رقبته بقوة و انت تجوله في المنطقة .. رسومات الكلاب و (طريقة حركتها و تفاعلها ) اكثر نقاط اللعبة الايجابية.
الموسيقى هادية في معظم الاوقات ( الا تقريبا اثناء المسابقات ) و تذكرني وايد باسلوب موسيقى انيمال كروسينج ( خاصة الموسيقى اللي كانت تشتغل في الليل ) .. استخدام المايك مهم في اللعبة وايد و مازال كلبي يتعلم اسماء الحركات على شان جي لازم اكرر الكلمة اكثر من مرة على شان ينفذ الحركة و لكن اذا نفذ الحركة صح و داعبته شوي و حكيت جسمه بتطلع على شوية شرارات هذا يدل انه تحسن في هذا المجال شوي .. مع التدريب بيصير احسن و احسن في تنفيذ الحركات بعد سماع صوتك .
اللعبة تشبه وايد انيمال كروسينج .. و اعتقد كل واحد حب انيمال كروسينج بيحب هذي اللعبة بشكل كبير اما اللي ما عجبتهم فما انصحهم فيها ..
بعض الاشياء الصغيرة اللي لاخظتها في اللعبة :
- معظم الادوات و الاشياء الحلوة ما بتقدر تشتريها من المحل في اللعبة و لكن بتحصلها في اماكن مختلفة في الحي و انت تجول كلبك
- و انت داخل البيت او في الحديقة مع كلبك او اذا كنت تتجول معاه بتقدر تسمع اصوات السيارات في الشارع او في بعض الاحيان اصوات سيارة الشرطة
- في اسطوانات اغاني تجمعهن بعضهن يكون ما مسجل عليها شي .. تقدر تسجل عليها اي صوت تقدر تشغله في اي وقت و تخليه يستمر .. و بعض الاسطوانات الثانية في الحان مختلفة من اللعبة ..
- ما واجهتني مشكلة كبيرة في اللغة اليابانية في اللعبة لكن بما ان اللعبة الامريكية قادمة شهر اغسطس اعتقد من الافضل الانتظار .. ( واجهتني بس بعض المشاكل في مسابقة كاس تنفيذ الحركات لانك لازم تعرف شو الحركة اللي طالين منك تنفذها في كل مرة .. و بعض الكلام اللي ما افهمه يوم يحصل طوطو كلب ثاني في الحارة )
- قريت انه في جهاز بيانو بتحصله في اللعبة بتقدر تعزف عليه و كلبك بينبح معاك .. بس لازم تعلمه اول ^^"
و اي سؤال انا حاضر ^^
هذي بعض الصور لطوطو ( اسف على الجودة .. >_< )
طوطو الاسد P:
طوطو في نزهة
طوطو المثقف