طلة على الجيل القادم، محرك Unreal الجديد

[Tanton]

Epic Games عرضوا كم صورة وعرض Real-time بالكامل لمحرك أنريل القادم
بصراحة الصور مذهلة بس الفيديو cam مو واضح مرة، مع ذلك يبين انه رهيب

http://www.true-gaming.net/home/19493

[video=youtube;n3XeCHywNYM]http://www.youtube.com/watch?feature=player_embedded&v=n3XeCHywNYM[/video]

http://www.true-gaming.net/home/19615

 

[G7Ga7]

تدرون وش المُحزن؟ إني أتوقع انه على نهاية السنة الجاية, الـPC جيمرز بيقدرون يشغلون لعبة مثل الي بالعرض. واحنا يالكونسول جيمرز منتكبين بالناتال والموف الي بيزيدون عمر الـ360 والـPS3 لسنوات زيادة على نفس الهاردوير . أصلاً الآن ألعاب المولتي بلاتفورم على الـPC تحس انها متقدمة جيل كامل عن الكونسول. ريزولوشن أعلى بأضعاف مضاعفة, و 60 فريم ريت مهنا أحسن منه. واحنا الكونسول باليالله يطلع اللعبة 720p بـ30 فريم.

 

[Ghost of sparta K]

^^^^

غلط دعم pc نفسه اضعف من دعم اجهزة الكونسول الشركات ما راح تطبق هذه الفكره بالسرعه الي انت متخيلها يعني شوف كرايسس 1 تطلب مواصفات جباره مما ادى الى ضعف مبيعات اللعبه فما باللك بالألعاب الجيل الجديد الي راح تخليك تحط ثلاث كروت رسوميه

و ما الفائده من القوه العضليه المذهله لل pc بدون دعم الشركات يعني مايكرو قالت مع السلامه للجهاز من زمان و روكستار بالطريق ما شفنا نسخة حاسب لريد ديد + ترددها سابقا بطرح جراند

و ea مو مثل السابق مع الحاسب في تراجع في الالعاب الحصريه له

و بالنسبه للالعاب الملتي ترى في العاب على كونسول لها جودة العاب pc أو مقاربه منه الي قاعد نشوفه من العاب الكونسول الممتازه مجهود لا بأس منه مثل كيل زون 3 , جاد اوف وور3 , هيفني رين , انتشارتد 2 , الن وريك تأثيرات الاضائه ممتازه

 

[G7Ga7]

وش الي الـPC ماله دعم؟ الـPC مدعوم حاله حال أي كونسول. وزي ما للكونسولز ألعاب حصرية, الـPC له ألعاب حصرية. والسنتين الأخيرة أي لعبة بلاتفورم على البي سي تناظر اختها الي على الكونسول وتضحك عليها. وحتى لو فيه شركة او ثنتين ما تدعم البي سي, ما يعني انه البي سي خلاص انتهى لول. أصلاً سوق ألعاب البي سي قاعد ينتعش بشكل خُرافي, شكراً لستيم. شوف أنا مثلك كونسول جيمر وما قد لعبت لعبة كاملة على البي سي أبداً, لكن هذا ما راح يخليني أعيش في حالة استنكار وأقول البي سي ما عنده دعم أو ماله فايدة.

يعني شوف كرايسس 1 تطلب مواصفات جباره مما ادى الى ضعف مبيعات اللعبه فما باللك بالألعاب الجيل الجديد الي راح تخليك تحط ثلاث كروت رسوميه

شفت... هذا الكلام الي ما أحبه. تجي وترمي كلام من عندك. من الي قال مبيعات كرايسيس ضعيفة؟

By May 2010 the game has sold over 3 million units (and its standalone expansion about 1.5 million units)[39] making it one of the best selling PC games of all time.
http://en.wikipedia.org/wiki/Crysis#Commercial

البي سي بلاتفورم قوي من ناحية المبيعات والسوق ومن ناحية تقنية. ومدعوم بشكل ممتاز جداً.

ترى في العاب على كونسول لها جودة العاب pc أو مقاربه منه الي قاعد نشوفه من العاب الكونسول الممتازه مجهود لا بأس منه مثل كيل زون 3 , جاد اوف وور3 , هيفني رين , انتشارتد 2 , الن وريك تأثيرات الاضائه ممتازه

كل هالألعاب تشتغل على 720p أو أقل, وولا وحدة فيهم حتى تقرب من 60 فريم في الثانية بشكل ثابت. ولما تحوّل على طور الـ3D ما تشوف إلا كارثة في الأداء لول... بينما لو كانت عالبي سي كان بتكون بريزولوشن أعلى بكثير وفريم ريت أفضل.

 

[Zero]

المشكلة أن Crytek قالوا أن المبيعات ما عجبتهم أو شيء من هالقبيل والناس أخذوها كأنهم قالوا المبيعات ضعيفة، ترى في فرق كبير بين الإثنين، مبيعات اللعبة ممتازة جدا على أي مقياس، وأصلا Crytek يحمدوا ربهم أن لعبة كان تحتاج هاردوير قوي ونازلة على الPC فقط ومبيعاتها كانت ممتازة.

جحجاح، سوق الPC فعلا مسحوب عليه مقارنة بالتسعينات والنصف الأول من العقد الماضي، مايكروسوفت أكبر داعم صارت أكبر ساحب وصرنا ما نشوف ألعابها على الPC أبدا بعد ما كانت تنزل (بعضها) بعد فترة طويلة جدا، والقرصنة أثرت فيه بقوة أيضا لسهولتها الكبيرة، في النهاية السوق يعاني من جميع الأطراف أضف عليها الهاردوير الغالي. بس طبعا لما نقول هالكلام هذا لا يعني أنه ما فيه شيء، للحين في ألعاب حصرية قوية جدا مثل ألعاب بليزراد وغيرها، وأيضا نسخ الPC أقوى بشكل ملحوظ من الكونسولز.

لكن في نهاية المطاف برأيي اقتناء PC جديد وقوي حاليا للجيمر العادي مثل سالفة أجهزة الألعاب "الجهاز الفلاني ما أبغى أقتنيه لأجل كذا وكذا فقط"، هذا لو افترضنا أن الواحد هدفه من شراء جهاز قوي هو الألعاب فقط. وفي النهاية في ناس مقتنعين بذلك وراح يشتروا.

 

[Ghost of sparta K]

الكلام ما جبته من عندي الكلام من الأستوديو و الدليل تخفيض مواصفات كرايسس 2 عشان لاعبي pc اكثر يقدرون يشتروها + تسمي 3 مليون مبيعات على الهايب الي حصلته اللعبه !

بالنسبه للدعم انت تنكر الواقع pc مو مثل قبل الشركات تتردد بطرح العابها و أستياء كبير من الشركات على جهاز pc بسبب القرصنه المتزايده مثل شركة أكتفيشن مع بلاك أوبس

 

[ALONE]

بصراحه شئ مذهل

الجميل في الأمر ان ايبك راح تستخدم هل المحرك في الألعاب القادمه في هل الجيل

ويمكن اول لعبه تتستخدم بعض العناصر من المحرك الجديد هي جيرز 3

واتمنى تكون الأضائه والمطر

وبصراحه مااقدر اتخيل كيف بيصير ينرال اينج 4 !!!

اذا هاذا 3 بأخر تطوير له

 

[عاشق 360]

متوقع شي اكبر من جذي للجيل القادم

لووول البطل ذكرني بفانكويش .

 

[G7Ga7]

بس طبعا لما نقول هالكلام هذا لا يعني أنه ما فيه شيء، للحين في ألعاب حصرية قوية جدا مثل ألعاب بليزراد وغيرها، وأيضا نسخ الPC أقوى بشكل ملحوظ من الكونسولز.

طيب هذا الي قاعد أقوله! صحيح البي سي حالياً مو مثل ما كان أيام التسعينات, وصحيح انه في بداية جيل الكونسولز هذا البي سي كان جداً سيء مع بورتات كونسول مضروبة وشبه انعدام ألعاب تسوى. لكن السنتين الماضية الوضع مختلف تماماً, وسوق البلاتفورم هذا قاعد يرتفع من جديد.

الكلام ما جبته من عندي الكلام من الأستوديو و الدليل تخفيض مواصفات كرايسس 2 عشان لاعبي pc اكثر يقدرون يشتروها + تسمي 3 مليون مبيعات على الهايب الي حصلته اللعبه !

1) أوبتيمايزيشن للسبيكس =/= تخفيض قدرات. على حسب كلام البي سي جيمرز إلي أعرفهم, كرايسيس 2 مظهرها خرافي على البي سي, من خلال تجربتهم للنسخة المتسربة... وتراها كانت بيتا أو شيء, يعني لسى مو النسخة النهائية.

2) حتى لو كان فيه تقليل من "مواصفات" كرايسيس 2, فالسبب الحقيقي لأنه EA تبغى اللعبة بالغصب على الكونسولز, ولازم تسوي trade-offs عشان توصل لهالهدف.

كرايسيس باعت 3 مليون نسخة يا شيخ.... هايب ولا بدون هايب, العائد المادي كان ضخم جداً = ربح ضخم جداً = باعت بشكل ممتاز.

بالنسبه للدعم انت تنكر الواقع pc مو مثل قبل الشركات تتردد بطرح العابها و أستياء كبير من الشركات على جهاز pc بسبب القرصنه المتزايده مثل شركة أكتفيشن مع بلاك أوبس

ما قلت انك غلطان, البي سي مو مثل قبل زي ما قلت فوق, والقرصنة منتشرة.... لكن هذا ما منع البلاتفورم يكبر بشكل خرافي السنتين الماضية. ألعاب مثل سوبر ميت بوي و أمنيجيا و ألعاب بليزارد و فالف وغيرهم لا زالوا يدعمون البي سي بشكل كبير. وزي ما قلت لك, كون شركة او ثنتين خففت دعمهم للبي سي هالجيل, ما يعني ان فجأة البي سي صار بلاتفورم ماله دعم.

عموماً نرجع للموضوع, زي ما قلت في أول رد, البي سي حالياً سابق الكونسولز تقنياً بفرق كبير للأسف, وعلى نهاية السنة الجاية -بسبب التضخم الي قاعد يشهده البي سي جيمنج حالياً, وتقدم التقنية السريع- راح تكتمل دورة الجيمنج هاردوير, والبي سي بيسبق الكونسولز بجيل كامل. لكن على غرار الأجيال السابقة, الكونسولز هالجيل شكلهم راعين طويلة, وما راح يلحقوا البي سي على طول بسبب الناتال/موف/3D..الخ.
الله يستر.

 

[alakafi]

فما باللك بالألعاب الجيل الجديد الي راح تخليك تحط ثلاث كروت رسوميه

فيه كروت شاشة اضعاف قوة الإكس بوكس نزلت , وهي عبارة عن كرت واحد

ايش قصدك بتخليك تحط ثلاث كروت بس حبيت افهم

 

[Assassin'o]

والله لو نرجع على أجهزة الجيل الماضي او الي قبله والمطورين يرجعون يطورون العاب عليهم ويسحبون على الحالي والجاي بيكون أصرف :tongue:

 

[JIN KAZAMA]

فيه كروت شاشة اضعاف قوة الإكس بوكس نزلت , وهي عبارة عن كرت واحد

ايش قصدك بتخليك تحط ثلاث كروت بس حبيت افهم

هذا العرض (حق الانريل ) هو الانجن حق الجيل القادم من الاجهزه (مش ال360-3) وعشان يشغلوه استعملوا ثلاث كروت شاشه , فهمت

 

[alakafi]

^
اوكي فهمت قصده

اتوقع اللعبة تكلف مليار في المستقبل

 

[Raziel]

بس يا عبدالرحمن تكلفة تطوير ألعاب الكونسول وهم المتخلفين تقنياً بسنوات ضوئية عن هاردوير البي سي لازالت قاسية
على المطورين ، THQ قبل كم أسبوع قريت لهم تصريح بيورو جيمر يقولون لو ينزل كونسول جديد الحين كارثة علينا لأن تكلفة
التطوير مهيب سهلة بوضعنا الحالي فما بالك بجهاز بتقنيات أغلى وتكلفة أعلى ؟ + كين لفين (مطور بايوشوك) يقول ما أفكر
بالجيل الجديد للكونسولز سواء كمهني أو كمستهلك .

 

[قناص]

أتسائل وش مصير الجيل القادم و اللي بعده .. بالمنطق ديتليز أكثر و أنيميشن أفضل يعني
وقت تطوير أطول و كلفة أكبر ..
ثلاث و اربع سنوات للتطوير مش مقبول صراحه .. و الوضع غامض حقيقه ..
أعتقد أن سوفتوير صناعة الألعاب يحتاج تطوير بشكل كبير .. مين يتذكر البلايستيشن إيدج ؟!

 

[Classic Player]

تدرون وش المُحزن؟ إني أتوقع انه على نهاية السنة الجاية, الـPC جيمرز بيقدرون يشغلون لعبة مثل الي بالعرض. واحنا يالكونسول جيمرز منتكبين بالناتال والموف الي بيزيدون عمر الـ360 والـPS3 لسنوات زيادة على نفس الهاردوير . أصلاً الآن ألعاب المولتي بلاتفورم على الـPC تحس انها متقدمة جيل كامل عن الكونسول. ريزولوشن أعلى بأضعاف مضاعفة, و 60 فريم ريت مهنا أحسن منه. واحنا الكونسول باليالله يطلع اللعبة 720p بـ30 فريم.

والله صادق , بس المشكلة اللحين لو بتاخذ جهاز جبااار بكل معنى كلمة جبار بيكلفك مبلغ خيالي ولا راح تستفيد منه لأن للأسف مافي ألعاب تدعم بالشكل الكامل و المطلوب ,
انا عندي جهاز بي سي إشتريته بمبلغ وقدره وتورطت فيه والله .. لعبت ماس ايفكت 2 ميترو و كذا لعبة عشان أشوف الفروق وبالفعل فرق مابين السماء و الأرض !!
بس الألعاب قليلة للأسف .. لو تدخل مجال البي سي راح تلقى إن أغلب الألعاب استراتيجية و mmo ومن هالجنرات وانا طبعا اكررررررررهههه الاستراتيجي و mmo -___-
يعني شوف مثلا كاسلفينيا و انسليفد و ألعاب كثير ماتشوفها على البي سي وحرام تتفوت .. بالمقابل ألعاب البي سي خصوصا السنة الي راحت عادية ماعاد ستار كرافت 2 الي هي استراتيجية يعني اكررررههههااا =_= ومدري اذا فيه العاب ثانية بس ناسي والله

 

[ASWD]

اهم شي حلو سالفة الشعر في الانجن الجديد:

 

[awadnin]

اهم شي حلو سالفة الشعر في الانجن الجديد:

أول شي قمت أركز فيه بالعرض هو الشعر (بسبب سماعي لبودكاست TG الأخير) :]

 

[JIN KAZAMA]

أول شي قمت أركز فيه بالعرض هو الشعر (بسبب سماعي لبودكاست TG الأخير) :]

اهم شي حلو سالفة الشعر في الانجن الجديد:

لووول , شكلكم ماشفتوا شعر ماركوس في الجزء الاخير ! من نعومه وسلاسه شعره بانتين كانوا ناويين يقلعوا لميس ويجيبوه هو يسوي اعلانات للشامبو حقهم !

 

[hussien-11]

تدرون وش المُحزن؟ إني أتوقع انه على نهاية السنة الجاية, الـPC جيمرز بيقدرون يشغلون لعبة مثل الي بالعرض. واحنا يالكونسول جيمرز منتكبين بالناتال والموف الي بيزيدون عمر الـ360 والـPS3 لسنوات زيادة على نفس الهاردوير . أصلاً الآن ألعاب المولتي بلاتفورم على الـPC تحس انها متقدمة جيل كامل عن الكونسول. ريزولوشن أعلى بأضعاف مضاعفة, و 60 فريم ريت مهنا أحسن منه. واحنا الكونسول باليالله يطلع اللعبة 720p بـ30 فريم.

طيب ايش تنتظر مادامك عارف هالشي ؟ انضم للبي سي جيمرز و عيش حياتك يا عمي

المقابل ألعاب البي سي خصوصا السنة الي راحت عادية ماعاد ستار كرافت 2 الي هي استراتيجية يعني اكررررههههااا =_= ومدري اذا فيه العاب ثانية بس ناسي والله

مشكلة ما دامك ما بتحب الألعاب الاستراتيجية ، الي هي طول عمرها جنرا محبوبة جدا و "شعبية" لأي لاعب بي سي ، لكن الخلل مش في البي سي لأنه كان عليه إصدارات قوية متعددة السنة الماضية

ستاركرافت2 - civilization5 - ستوكر كول اوف بيربيات - كاتاكليزم - أمنيشيا و غيرهم ، هذا غير النسخ الأفضل و بفارق سنوات ضوئية من ألعاب الملتي بلاتفورم !

على سبيل المثال و للمقارنة .. شوف مافيا 2 على البي سي مع فيزكس نفيديا ( شي جبار ) :

[video=youtube;GMHeIGjLZ9I]http://www.youtube.com/watch?v=GMHeIGjLZ9I[/video]

هذا غير الـmods و الديموات التقنية الي أعتبرها متعة بحد ذاتها

[video=youtube;_6IBH8DoOCI]http://www.youtube.com/watch?v=_6IBH8DoOCI[/video]

هذا الديمو "ريل تايم" شغال على الجيل الخامس من بطاقات ATi ، و أي شخص عنده بطاقة حديثة يقدر يشغله بنفسه و يشوف المستوى الرسومي لأي درجة وصل

صحيح البي سي كان وضعه سيء جدا جدا في فترات ( و القرصنة أكبر سبب ترى )

لكن الان الأمور بدأت تتحسن حقيقة و بشكل ملحوظ ، خاصة مع ازياد الفارق التقني بشكل كبير جدا بين الكونسولز و البي سي ، كرايتك تقول انه الفرق بيوصل جيل كامل .

و أيضا صار فيه بطاقات و معالجات بأسعار مناسبة و تقدر تقدم أداء عظيم .

 

[G7Ga7]

بس يا عبدالرحمن تكلفة تطوير ألعاب الكونسول وهم المتخلفين تقنياً بسنوات ضوئية عن هاردوير البي سي لازالت قاسية
على المطورين ، THQ قبل كم أسبوع قريت لهم تصريح بيورو جيمر يقولون لو ينزل كونسول جديد الحين كارثة علينا لأن تكلفة
التطوير مهيب سهلة بوضعنا الحالي فما بالك بجهاز بتقنيات أغلى وتكلفة أعلى ؟ + كين لفين (مطور بايوشوك) يقول ما أفكر
بالجيل الجديد للكونسولز سواء كمهني أو كمستهلك .

للأسف كلامك صحيح. لذلك أنا راح أكون أكثر من راضي لو سوني أو مايكروسوفت تنزل إكسبانشنز للهاردوير... أوكي ما أبغى Xbox جديد أو PS4. كل إلي أبغاه زيادة ذاكرة/رام أو مهما كانت القطع الي يقدرون يركبونها بحيث تسوي أبقريد على الأداء من دون الحاجة لجيل جديد كلياً. أنا ما عندي مشكلة البي سي يتقدم بجيل عن الكونسولز, دائماً تصير في كل دورة حياة جيل الجيمنج هاردوير.
لكن إذا كان الكونسولز هالمرة راعين طويلة, على الأقل قووا أجهزتكم كفاية لإننا نلعب ألعاب المولتي بلاتفورم على full HD و 60 fps بشكل ثابت زي نسخ البي سي.

أقرب مثال للي أبغاه هو الـExpansion Pack حق الننتندو 64. بس ما أدري إذا هالشيء ممكن يصير مع أجهزة الجيل هذا أو لا... أنا أتوقع لا, لكن الواحد يحلم .

طيب ايش تنتظر مادامك عارف هالشي ؟ انضم للبي سي جيمرز و عيش حياتك يا عمي

بصراحة ما عندي لا الفلوس (قدامي جهازين هاندهيلد ناوي عليهم ان شاء الله) ولا الخبرة (نسبة إني أنغش ضخمة لول). برضو أنا لم ولن أتعوّد على الجيمنج بالماوس والكيبورد. ولو انه كثير من المطورين الآن يدعمون كونترولر الاكس بوكس بشكل مباشر, يعني فيه تقدم من هالناحية.

لكن فكرة شراء جيمنج بي سي في بالي دائماً, خاصة انه الآن أتصفح ستيم, وألقى مليون لعبة مهتم ألعبها... وكلها مع بعضها ما تجي 60$

صحيح البي سي كان وضعه سيء جدا جدا في فترات ( و القرصنة أكبر سبب ترى )

لكن الان الأمور بدأت تتحسن حقيقة و بشكل ملحوظ ، خاصة مع ازياد الفارق التقني بشكل كبير جدا بين الكونسولز و البي سي ، كرايتك تقول انه الفرق بيوصل جيل كامل .

الحمد لله فيه بي سي جيمر يتفق معي .

 

[Classic Player]

مشكلة ما دامك ما بتحب الألعاب الاستراتيجية ، الي هي طول عمرها جنرا محبوبة جدا و "شعبية" لأي لاعب بي سي ، لكن الخلل مش في البي سي لأنه كان عليه إصدارات قوية متعددة السنة الماضية

ستاركرافت2 - civilization5 - ستوكر كول اوف بيربيات - كاتاكليزم - أمنيشيا و غيرهم ، هذا غير النسخ الأفضل و بفارق سنوات ضوئية من ألعاب الملتي بلاتفورم !

على سبيل المثال و للمقارنة .. شوف مافيا 2 على البي سي مع فيزكس نفيديا ( شي جبار ) :

المشكلة هالجنرا أمل منها بسرعة .. وما أحب القيم إلي ياخذ وقت لين يخلص <<< يتذكر هيلو وارز -_-

لعبت ستوكر و أمنيشيا
ستوكر جيدة جداً لكن امنيشيا واو =_= لعبة رعب جبارة بصراحة من فترة طويلة ماعشت الرعب النفسي هذا

على فكرة انا لعبت نسخة البي سي لمافيا 2 اول شي وخلصتها ( كرت الشاشة من نيفديا ويعدم الفزكس اكس ) و بعدها بفترة شفت اخوي يلعب نسخة البي اس 3 ....... صراحة مهزلة قاعدة تصير أمامي وكأني أشوف لعبة ثانية @@

هذا الديمو "ريل تايم" شغال على الجيل الخامس من بطاقات ATi ، و أي شخص عنده بطاقة حديثة يقدر يشغله بنفسه و يشوف المستوى الرسومي لأي درجة وصل

صحيح البي سي كان وضعه سيء جدا جدا في فترات ( و القرصنة أكبر سبب ترى )

لكن الان الأمور بدأت تتحسن حقيقة و بشكل ملحوظ ، خاصة مع ازياد الفارق التقني بشكل كبير جدا بين الكونسولز و البي سي ، كرايتك تقول انه الفرق بيوصل جيل كامل .

و أيضا صار فيه بطاقات و معالجات بأسعار مناسبة و تقدر تقدم أداء عظيم .

المشكلة هي هل فيه كمية من الألعاب إلي راح ترضيك بما إنك دافع مبلغ جبار عشان توصل لـ التقنية القوية هذي ؟

 

[hussien-11]

بصراحة ما عندي لا الفلوس (قدامي جهازين هاندهيلد ناوي عليهم ان شاء الله) ولا الخبرة (نسبة إني أنغش ضخمة لول). برضو أنا لم ولن أتعوّد على الجيمنج بالماوس والكيبورد. ولو انه كثير من المطورين الآن يدعمون كونترولر الاكس بوكس بشكل مباشر, يعني فيه تقدم من هالناحية.

لكن فكرة شراء جيمنج بي سي في بالي دائماً, خاصة انه الآن أتصفح ستيم, وألقى مليون لعبة مهتم ألعبها... وكلها مع بعضها ما تجي 60$

لما تنوي ( ان شاء الله ) لا تشيل هم الهاردوير و ما رح تنغش ولا شي بإذن الله ، انت فقط تعال لموضوع البي سي جيرز أو للخاص و بتشوف الي يعجبك P:

بالنسبة للماوس و الكيبورد ،هم أفضل بكثير في الـfps والاستراتيجي ، لكن إجمالا كل الألعاب الجديدة على البي سي ( و من فترة بالمناسبة ) تدعم الكنترولر by default حتى ما يحتاج تعدل أي إعدادات .

المشكلة هي هل فيه كمية من الألعاب إلي راح ترضيك بما إنك دافع مبلغ جبار عشان توصل لـ التقنية القوية هذي ؟

بالنسبة لي "نعم" ، ليش ؟ لأني بلعب عدد كبير من ألعاب الملتي بلاتفورم على البي سي ، و هالسنة ناوي ألعب عليه عدة ألعاب مثل ( دراجون ايج2 - ماس ايفكت3 - سكايرم - ريج - كرايسس2 ) غير ويتشر2 و شوقن وور و طبعا بانتظار ديابلو3 .

و عدد الألعاب الي تدعم الدايركت إكس11 قاعد يزداد بشكل ملحوظ

 

[hussien-11]

بالمناسبة ، لاتفوتك لعبة gray matter أبدا !

 

[BioMario]

على طاري الجيل القادم
همممم أمس لاعب Crysis 2 على أعلى المواصفات طبعاً ما كان في خيارات كثيرة في الجرافكس لكن لعبت اون لاين والله ياشباب الجرافكس خارق خارق و نعومة الجرافكس ما عمري حسيتها قبل و عاد كيف بيكون الكامبين ؟؟؟
و الشيء الأهم ان الكونسول مستحيل يعطيني ولا نص الجرافكس و نعومة الفريمات إلي شفتها أمس

يله مع السلامة <<< رايح ألعبها (إدمان)

 

[hussien-11]

علوش لا تنسى تحط إعدادات الجرافيكس على Hardcore هذا أعلى خيار موجود حاليا ، لحد ما تنزل النسخة الكاملة و نشوف ( ننتظرك معانا في الموضوع الرسمي P: )

 

[Al Pacino]

على طاري الجيل القادم
همممم أمس لاعب Crysis 2 على أعلى المواصفات طبعاً ما كان في خيارات كثيرة في الجرافكس لكن لعبت اون لاين والله ياشباب الجرافكس خارق خارق و نعومة الجرافكس ما عمري حسيتها قبل و عاد كيف بيكون الكامبين ؟؟؟
و الشيء الأهم ان الكونسول مستحيل يعطيني ولا نص الجرافكس و نعومة الفريمات إلي شفتها أمس

يله مع السلامة <<< رايح ألعبها (إدمان)

حمستني ! جاري تحميل الديمو من ستيم !

 

[mohamed]

مشكلة البي سي عدد اللاعبين مهو كبير مثل الكونسلز .
الشيء هذا يفرق لو أحب لعبة لحد الجنون بس اللعبة تصبح قديمة مع الوقت وينزل ألعاب ثانية , كذا ماراح أحصل كوميونتي ألعب فيه أونلاين ( أقرب مثال كود5 على البلاي3 , قبل صدور بلاك أوبس كان عدد اللاعبين يوصلون ل28 الف وما ينزل عن 18 الف أبداً , اما الآن الرقم بين الأربع و12 ألف ) .

 

[squall leonhart]

صراحة انا اشوف ان المطورين ما واكبوا التطور الرهيب لبطاقات الرسوم اذا البطاقات الحالية قليل الي استغلوا قدراها الكاملة .. يمكن بالقوة اقدر اعد 5 فرق او شركات تقدر تطلع لنا مستوى رسومي زي الي انعرض بالديمو .. اذا كرايسيس لها كم سنة طالعه و ما في لعبة توفقت عليها بالرسوم الى الان .. طبعا زي ما قال جحجاح الموف و الكينكت رح يطولوا عمر الكونسول و ذا الشي يعني حسب معطيات السوق ان اغلب العاب الPC ( الي غالبها ملتي-بلاتفورم ) رح تظل محدوده في قدراتها بسبب ارتباطها بالكونسول

 

[squall leonhart]

مشكلة البي سي عدد اللاعبين مهو كبير مثل الكونسلز .
الشيء هذا يفرق لو أحب لعبة لحد الجنون بس اللعبة تصبح قديمة مع الوقت وينزل ألعاب ثانية , كذا ماراح أحصل كوميونتي ألعب فيه أونلاين ( أقرب مثال كود5 على البلاي3 , قبل صدور بلاك أوبس كان عدد اللاعبين يوصلون ل28 الف وما ينزل عن 18 الف أبداً , اما الآن الرقم بين الأربع و12 ألف ) .

صدقني العاب ال pc لها كومينوتي قوي جدا .. و وفي جدا .. في العاب لها فوق ال15 سنه و لسى لها سيرفرات و فانز و بطولات