انطباع عمرو عن المانجا:
--------------------------------------------------------Enen no Shouboutai أو Fire Brigade of Flames
العمل شونين من نفس مؤلف Soul Eater و صدر منه 121 شابتر حتى الآن
أحداث العمل بتدور فى إمبراطورية طوكيو بعد 250 سنة من كارثة كبيرة دمرت معظم العالم ، طوكيو كانت من المناطق القليلة اللى نجت و عدد كبير من الناجين من باقى العالم اتجمعوا فيها و حاليا بقت مدينة صناعية كبيرة جدا بتستخدم مفاعل باسم أماتيراسو فى توليد الطاقة للأمبراطورية كلها ، لسبب غير معروف ابتدت تنتشر ظاهرة غريبة و هى تحول بعض البشر ل Flame Humans من غير مقدمات و الطريقة الوحيدة للتعامل معاهم هى القضاء عليهم و إخماد الحرائق و للسبب ده تم عمل فرقة خاصة من رجال المطافئ بهدف التعامل مع ال Flame Humans و فى نفس الوقت معرفة سبب الظاهرة
متابعتش Soul Eater بس متابع للعمل من أول شابتر لأن فكرته شدتنى و بصراحة أحد الأسباب اللى خلتنى فى الوقت ده هو انطباعى الغريب عنه و اللى لقيت إنى مش الوحيد اللى حاسس بيه
بداية العمل كانت توحى بعمل شونين مجنرك يحتوى على كل الكليشيهات المعتادة و بالرغم من إنى معتاد نسبيا على ده إلا إن بعض الأجزاء فاقت تحملى ، الوضع كان صعب فى أول آركين أو ثلاثة و فى آرك معين منهم كان مستفز لدرجة إنى فكرت اتكلم عنه و اهاجمه وقتها(و للتنبيه العمل فيه نسبة فانسيرفس
الشئ الغريب هو إن من بعد البداية دى و بالرغم من إن الكليشيهات لسه موجوده إلا إن انطباعى العام عن العمل اتغير بشكل كبير
الأحداث و الألغاز المتعلقة بخصوص العالم بقت مشوقة جدا و أظن بعض القرارات اللى الكاتب خدها بخصوص اتجاه القصة كانت موفقة و اللى ساعده إن العالم نفسه كان مثير للإهتمام من البداية و الحماس الحالى فى الأحداث عوض بشكل كبير الجوانب السلبية (الكثيرة) فى العمل و اللى لاحظته إن عدد من المتابعين بقوا متحمسين ليه
فى الآخر العمل مش لأى حد ، العمل محتاج إنك تكون من محبى للشونين و عندك صبر لتحمل آركاته الأولى و الكليشيهات اللى هتلاقيها بس لو قدرت تعمل كده هايبقى تجربة ممتعة و حماسية
المخرج من الناس اللي تركوا شافت والحين يشتغل على ذا الأنمي. الأرت مضبوط من الذي أشوفه.
إخراج ومؤثراث ونيران كل شئ يوحي بمشروع متعوب عليه. أنا متحمس لذا الشئ.
