AM152
True Gamer
حتى العملاق القرد يقدر يتحكم في العمالقة
زيك حالة خاصة لأنه من العائلة المالكة و ده ممكن يكون سبب تحكمه فى العمالقة مش قدرة العملاق القرد
حتى العملاق القرد يقدر يتحكم في العمالقة
الأحداث بالترتيب الزمنى باختصار :
من حوالى 2000 سنة واحدة باسم يمير فريتز من شعب باسم الإيلديانز حصلت على قدرة العمالقة بشكل ما ، كل طرف بيفسر طريقة حصول يمير على القدرة على حسب موقفه من الإيلديانز بس الحقيقة غير معروفة، يمير هاتستخدم قدراتها لتأسيس مملكة إيلديا و بعد موتها قدرة التايتنز هاتتقسم لتسعة قدرات (منها قدرة العملاق المدرع و قدرة العملاق المؤسس و غيرهم) و هاتنتقل لأفراد تانيين من شعب الإيلديانز و بالإضافة للتسعة فعن طريق العملاق المؤسس و سائل النخاع الشوكى للعمالقة ممكن تحويل الباقى لعمالقة غير واعيين مع العلم إن أفراد الإيلديانز فقط هما اللى عندهم القدرة على التحول لعمالقة
مملكة إيلديا هاتستخدم قدرة العمالقة فى الحروب سواء التسع عمالقة أو العمالقة الغير واعيين و اللى بيتم التحكم فيهم عن طريق العملاق المؤسس و هاتبتدى فى التوسع و تحتل مملكة مارلى و اللى كانت المسيطرة على القارة فى الوقت ده
قدرة التايتنز بيتم نقلها خلال العائلة زى ما شفنا فى الموسم الثانى ، العائلة المالكة (أحفاد يمير) كانت بتتحكم فى قدرة التايتن المؤسس و هما بس اللى عندهم القدرة على استخدامها فى الوقت اللى كان فى عائلات تانية كل واحدة فيهم بتتحكم فى قدرة تايتن مختلفة، كان فى صراعات مستمرة بين العائلات دى على السلطة بس فى النهاية قدرة التايتن المؤسس الخاصة بالعائلة المالكة عندها تحكم شبه كامل فى الإيلديانز و كانت بتقدر توقف أى خلاف
من حوالى 100 سنة كارل فريتز بقى الملك 145 لمملكة إيلديا ، كارل كان رافض للحروب و مقتنع بإن وجود التايتنز نفسه خطأ ، كارل رفض التدخل فى الخلافات بين العائلات و النتيجة كانت حدوث حروب أهلية ، شعب مارلى استغل الفرصة و بدأ حرب التايتن الكبرى ضد مملكة إيلديا و اللى انتهت بسقوط ممكلة إيلديا و سيطرة مارلى على القارة و تحكمهم فى سبعة من التسع تايتنز ، ده فى الوقت اللى كارل فريتز ترك مملكة إيليدا و أخد جزء من شعبه لجزيرة باراديس و بنى حولهم الأسوار (للأمانة مش متأكد إذا كان عمل كده قبل أم بعد حرب التايتن بس النتيجة النهائية واحدة)
كارل فريتز استخدم قدرة التايتن المؤسس لتغيير ذكريات شعبه داخل الأسوار و إقناعهم إن البشرية إنتهت و مافيش غير التايتنز خارج الأسوار فى نفس اللى هدد فيه باقى العالم باستخدام آلاف التايتنز داخل الأسوار لو أى حد حاول الهجوم على الجزيرة و بكده عزل شعبه تماما عن العالم
بعد رجوع مارلى للحكم تم الإبقاء على مجموعة من شعب الإيليديانز اللى تبقى داخل القارة فى قطاعات منعزلة بهدف استخدام قدرتهم على التحول لتايتنز ، مارلى (و باقى دول العالم) كانت بتتعامل مع الإيليدانز بأسوء شكل و بتعتبرهم شياطين و المملكة كانت بتجند الإيلديانز لتحويلهم لعمالقة و استخدامهم فى الحروب زى ما إيلديا كانت بتعمل قبل كده
كان فى عدة محاولات من الإيلديانز لتكوين جماعات للمقاومة و مواجهة مارلى و منها المجموعة الخاصة بجريشا و اللى كان هدفها الحصول على قدرة التايتن المؤسس من الملك و استخدامها لإستعادة مملكة إيليديا ، المجموعة هايتم تدميرها بس جريشا هايحصل على قدرة التايتن المهاجم و هايتوجه للأسوار لتنفيذ المهمة
نتيجة التطور فى المجالات المختلفة خصوصا الأسلحة أهمية قدرة التايتنز ابتدت تقل و أنظار مارلى توجهت لجزيرة باراديس الغنية بالموارد الطبيعية باعتبارها الخطوة التالية ، مارلى هاتبعت قوة من الأشخاص اللى عندهم قدرة التايتز بقيادة زيك بهدف البحث عن قدرة التايتن المؤسس و استخدامها فى التحكم فى الجزيرة و اللى حصل بعد كده يبقى أحداث الموسمين الأول و التانى
لو فيه أى نقطة مش واضحة ممكن تسأل بخصوصها
شوف هذا https://omarhidanfansub.blogspot.com/هل فيه فريق عربي ترجم جميع المواسم بترجمة محترمة وبجودة 1080 ؟
اغلب الموجود جودة تعبانة وبترجمة اسوء من السيئة
..............
امم..
انتا مش انتا وانتا جوعان
امم..
يفترض تكون مبسوط برضه لو ما انحرق عليه شي بما ان النت ما شاء الله مش مقصر حرق للاحداث مع كل حلقة xDسمعت الكثير من المديح و مؤخراً رضخت و شاهدت المواسم كلها ورا بعض طلع قد الهايب فعلاً!
مبسوط اني شاهدته و في نفس الوقت مبسوط اني ما انتظرت الفترات الطويلة بين المواسم زي الفانز P:
ياما شفت سبويلرات و ما فهمت شي لحسن الحظيفترض تكون مبسوط برضه لو ما انحرق عليه شي بما ان النت ما شاء الله مش مقصر حرق للاحداث مع كل حلقة xD