صفة فيك يستغلها البعض ضدك ؟

[Humam]

طبعا كل انسان فيه صفة معينة تسبب له بعض الضيق أحيانا والحزن في أحيان أخرى .. أو خلينا نقول مثل عنوان الموضوع تستغل بشكل عكسي ضدك ..

بالنسبة لي .. فانا انسان بطبعي أحب أتغاضى عن أشياء كثيرة .. الحمد لله ما أشيل الغل أو الكره لأحد إلا في حالات جدا ضيقة وجدا مقننة .. مشكلتي اني انسان طيب زيادة عن اللزوم.. أحب أظهر بمظهر الي دايما مبتسم و بشوش.. أحب أضحك أحب النكت والمحشات والفرفشة .. هذا الشي مع الأسف يجعلني بعض الأحيان أظهر بمظهر الغبي أو الساذج ..

فكثير من الي اعرفهم صاروا ينظروا لي بهذا الشكل .. يعني دايما تصير نقاشات أو أحاديث بيني وبين أشخاص كثيرين اسكت و أتغاضى عن أشياء كثيرة مو من باب اني غبي أو إني ماني فاهم ايش الهرجة أو ساذج.. لا والله بل من باب الطيبة و احتمال الأذى.. كثير جدا ما أجد تعامل سيء حتى من أقرب الناس لي.. رغم ذلك أسكت وابتسم ولا كانه صار شي ..

الشاهد إن طيبتي استغلت استغلال بشع لأقصى درجة .. حتى ظن من حولي اني انسان مغفل .. ساذج .. مسكين على نياته يلا ياهو ناخذه طقطقة ونتونس عليه .. يعني حتى مشاعري صارت تضرب عرض الحائط دون اهتمام او مبالاة .. والسبب : طيبتي.

يعني تخيل تكون قاعد مع شخصين انت الثالث.. تقوم من جمبهم تلاقي الاثنين الباقين يستلموك محشات ,, وانا والله عارف ايش بيقولوا والوضع جدا ظاهر بس ساكت ومتغاضي.. لكن اعتقد السيل بلغ الزبى وبقوة.

لذلك انا اتعلمت خلاص.. وداعا للطيبة .. لأني أيقنت إني عايش في غابة .. ومافي أحد طيب يعيش في هذي الغابة .. الناس كلها صارت تطلع على راسك .. لا تتوقع أي شي أذا كنت طيب وتظهر بمظهر الضعيف .. في داخلي يوجد وحش نائم من أكثر من 20 سنة والآن استيقظ .. راح أعامل الناس بالزبط مثل مايعاملوني .. ليش أنا أكون طيب وهم لا .. لا والله .. إن لم تكن ذئيا أكلت الذئاب .. مو بس الذئاب والله حتى الأرانب والدجاج اتطورت وصار لها أنياب ومخالب ..

يمكن اتوسعت في السرد شوية .. لحد يفكر ان الموضوع موجه لأحد ترى اقسم بالله بزعل لو أحد فكر هذا الشي .. نبغى ندردش فقط ونتبادل أسرار الغابة الي كل واحد مرزوع في ركن فيها

 

[Tomb raider]

السلام عليكم ورحمة الله وبركاته ^-^

نفسك تقريبا وايد اسكت -__-
وأخس شي عندي:

يعني تخيل تكون قاعد مع شخصين انت الثالث.. تقوم من جمبهم تلاقي الاثنين الباقين يستلموك محشات

وأهم شي عندي الاحترام
يعني الواحد قاعد يتمصخر عليك جدام ربعك هذي الحركات ما تعجبني ابدا
اما اذا انا وهو سوا بروحنا تمصخر لكن جدام ربعنا الثانين اسمحلي

ومشكلتي اني خجول ما اعطي في الوجه استحي والله
دايما اكون متساهل وهذي الصفه اكرهها ><

 

[Mr.3B]

...

أنا من باب ثاني في صفة فيني تبعد الناس عني .. eeved:
أنا في قمة الصراحة والي بقلبي على لساني على طول .. أعرف اشخاص كثير خسرتهم بذا السبب بس هذا الي حاصل ..
شي ثاني غير كذا أنا فنان في تكوين الأصدقاء بس محترف في خسارتهم ..
هذا الواقع ..
أنا أيضًا طيب وقد تستغل طيبتي بس مو دايم لأن عندي مواقف أنفجر فيها وما أقدر أحتمل فأعصب ويكون نهاية لذا الباب ..

وداعا للطيبة ..

بصراحة همام انت غلطان بهذي النقطة جدًا لأن الأجر المترتب على هذي النقطة مو هين أبد .. أذكر قصة عنه عليه الصلاة والسلام انه قال للصحابة بيدخل عليكم من هذا الباب رجل من أهل الجنة أي يعني مبشر بالجنة دخل أحد الناس وبعدها قام علي بن ابي طالب يرقاب تصرفاته ايش الشي الغريب فيه الي يخليه من أهل الجنة وبدأ يراقب عباداته ما لقا فيها زيادة عن باقي الصحابة وبعدين فكر يستضيفه في بيته عشان يعرف سره وقبل الرجل الدعوة بعدها راح اليوم كله ولا في شي بتصرفاته ملفت يوم جاء ينام قاله علي بن ابي طالب السالفة بعدين قاله وش الشي الي تتوقع انك تسويه عشان يخليك من أهل الجنة قال ابد غير اني اذا جيت أنام ما أحمل بقلبي على أحد شي يعني ما يحقد ولا يكره ويصفي النية ..
أرى انك تكون زي ما انت لأن غير قضية الأجر في ناس كثير مستغلينك وأيضًا في ناس كثير مقدرينك لطيبتك و منهم أنا ..
كنت أتمنى واحد يكتب ذا الموضوع من زمان ..
شكرًا همام

 

[Humam]

The Anime Lover

صراحة قصة جميلة تشكر عليها بقوة بس الانسان مهما اتحمل له طاقة معينة مايقدر يتحمل كل شي.. يارجال مشي حالك كن ذئب مع الي " يتذأب " معاك وخليك حمل وديع مع الطيب واذا كتشفت عكس ذا الشي اقلب عليه ووريه العين الحمراء .. لمن تكون طيب في كل مرة خلاص الناس بتطلع فوق راسك ..

 

[Golden_Sun]

موضوع جميل .. هممممممممم وايد اشياء ودي اكتبها بس ماني عارف كيف ابدأ .. ممكن طيب وانسى بسرعه؟! والله ماني عارف شلون اعبر -___-

 

[Mr.3B]

...

صراحة قصة جميلة تشكر عليها بقوة بس الانسان مهما اتحمل له طاقة معينة مايقدر يتحمل كل شي.. يارجال مشي حالك كن ذئب مع الي " يتذأب " معاك وخليك حمل وديع مع الطيب واذا كتشفت عكس ذا الشي اقلب عليه ووريه العين الحمراء .. لمن تكون طيب في كل مرة خلاص الناس بتطلع فوق راسك ..

صحيح ..
أذكر قصة عن سياسة معاوية بن لأبي سفيان في تعامله مع الرعية كان اذا أرخى الناس هو شد وحزم واذا هو شدوا وحزموا هو أرخي .. يعني في توازن وهذا في معظم الأحيان هو الأفضل يعني الانسان مو يصير ساذج يستغلوه الناسو ولا عنيد وحاقد ما يفوت شي لازم يكون متوازن

 

[Naif]

ممكن صفية اني طيب او اني ازعل بسرعة و ارضى بسرعة .. فيحاولون الناس دايما انهم يزعلوني على شان يشوفون ردة فعلي او لاسباب ثانية ؟

احاول اني انسى مرات الاشياء اللي يسويها او يقولونها لي الناس .. في بعض الناس يستاهلون ترد عليهم اذا عاملوك بطريقة سيئة لان ماشي ينفع معاهم الا هذا .. اما بعض الناس ما ما ينفع معاهم ولا شي ..

 

[Hatake Kakashi]

السلام عليكم
وعليكم السلام
هلا والله خبيرنا
هلا فيك
والله عندي مشكلة بالكمبيوتر كذا كذا ممكن تشرف عندنا
( -______- ) أفا عليك بس إنت تأمر

هالمحادثة لازم تتكرر مرة في الإسبوع على الأقل
لوول صرت ورشة صيانة متنقلة للعائلة و الأصدقاء و أصدقائهم و أصدقاء أصدقائهم XD أنا ما أرفض أني أساعد أحد أقاربي و أو صديق بس إنه يعتقد إني فاضي له بكل يوم و كل ساعة وكل دقيقة هذا ما أقدر أتحمله و الله أستحي أقول لخالي مثلا إني مشغول أو ما أقدر ، لا و تكلفني أحيانا مبالغ كبيرة و إذا ما كان عندي فلوس وقتها و التصليح يحتاج تبديل شغلة أقول للشخص إنه راح يكلفه شوي يتذمر ويقول أنا ما اعرف شي ، يا سلام ياخذ من وقتي وفلوسي و يهزأني بعد eeved:

 

[Double T]

بالنسبة ليه انا نادرا ما اكذب احد يعني دايما اصدق الي يقوله الي قدامي<<<< الا اذا كانت نصبة عيني عينك .... لهذا صار بعض الناس يقعد يكذب و يكذب و انا اصدق و في النهاية يقولي منجدك صدقت انت ... طبعا هذا شي يقهر و ارجع اقول في نفسي خلاص مو اي شي اصدقه في النهاية ارجع زي ما كنت

انا امشي على قول الرسول صلى الله عليه و سلم في ما معناه انه الصادق من صدق الناس و صدق

تحياتي

 

[Pichi]

1- طيبتي و إحترامي و تقديري وصمتي للناس..وللاسف اليوم ركنت السيارة بجانب البيت من جهة الشرقية للاستظلال ..خصوصاً ان الكراج مره فل..وطبعاً لازم افتح النافذة قليل حتى مايصير فيه احتباس حراري داخل السيارة..وللاسف جاء واحد حيوان "الله يعزكم" و سكب من خلال الفتحة ..بيبسي او كوكا كولا..وانسكب في كرسي السائق..والحمد لله اني تنبهت ان الكرسي مبلل فأخذت رقعه و وضعتها في الكرسي..وان شاء الله يجئ يوم و امسكه و أربطه في السيارة وامشي فيه.. يوم لك ويوم عليك..ونرجع للموضوع حقيقة طيبتي زايدة هي الي تحرجني , وحالة همام تقريباً نفس حالتي..

 

[m7tram]

سلام عليكم ^^

السالفه صارت
في أخر اسبوعين في شي يصير عند ربعي وهو شي يقهر ,, كل يوم نسهر ونسولف ونشوف التلفزيون ونلعب سوبر سماش بروس ونضحك ونرفرفش ,, وعندنا فتره هي فتره الي الكل يضغط الثاني ونضحك بس في الايام الاخيره الكل صاير حساس وما يرضى على نفسه يعني أي كلمه يزعل بس بما اني انا الي دايما اضحك وما أزعل صاروا يحاولون يضغطوني ولما اضغطهم يزعلون!!


بس دام اهم ما يرضون على انفسهم حتى انا مأرضى ,, بس لما اروح عندهم انسى هالكلام واضحك وياهم من جديد !! هاذي مشكلتي احب الضحك حتى اذا كان على حسابي

بس لازم اغير هالطبع !

وهيا الى الحرب :razz:

 

[rubso]

انا تقريباً نفس The Anime Lover ..
كل اللي بقلبي .. كله حتى لو كان يزعل المتلقي لكلامي .. اقوله حتى لو كان مين ... وفي بعض المرات أخسر شباب لكن بقدراتي ، ارجعهم لحظيرة علاقاتي المتشعبة ... و في بعض المرات احاول اكذب على شان ما اخسر شباب عزيزين جداً على قلبي .. -_- وسلامتك! بالاضافة الى اني متعصب اكس بوكس قديماً .. ولهذا خسرت "جماعة المسنجر" king zell و GSenius و Nintendo .. وغيرهم كثير ..

 

[Final Fantasy]

الطيبة الزايدة عن اللزوم .. العفوية الكبيرة .. سبب لي مشاكل كثيرة و لا تزال تسبب لي .. خاصه بعض الناس يالي يتخذون من الطيبة نقطة ضعف يحاولون يحطمونك و يستغلونك من خلالها .. و بعدين يمشون و يدوسون عليك .

أنا مثلك همام فكرت كثير أني أتغير لأن الناس ما ترحم .. و لكني ما قدرت لأني ما ارتحت لفكرة التغيير .. دائما أذكر نفسي أني أنا الصح و يالي أسويه هو الصح و صفاتي صح .. و ماراح أتغير و أغير نفسي علشان حفنة من الناس يالي مالها دم و لا احترام .

 

[ASWD]

السكوت هي اكثر صفة فيني يتم استغلالها ..طبيعتي ما احب اتكلم كثير وما احب اهذر لا مع الربع ولا مع الاهل ولا مع زملاء العمل والدراسة..وكثير من الاحيان اتفاجئ بشخص يقول لي انت مغرور وانت شايف نفسك وما تنزل من مستواك وتتكلم مع غيرك..ينسى ان الانسان اله اطباع تكون موجودة عنده من الصغر ..وهذ انا من صغري وانا على هالحال ..وفي اوقات كثيرة يتم استغلال سكوتي من خلال تلفيق الكلام علي والحش فيني وياما وقعت في مشاكل بسبب هالشي ..يجيك شخص ماعنده ضمير ولا هم يحزنون ويقوم بتوريطك مع شخص عزيز على قلبك بتلفيق كذبة او ماشابه..وانا بسبب طبيعت السكوت اللي عندي ما اتكلم ولا اقوم بتوضيح الصورة ولا شي ويجيك هذ الشخص اللي تم خداعه ويبدا بصب جام غضبه علي

الصفة الثانية هي الطيبة الزايدة..كثير من الاحيان يتم استغلال هالشي من قبل ناس عزيزين علي ..مثل اخذ بعض الاغراض مني على سبيل الاعارة وبالنهاية يلطشوها عيني عينك وانا ما عندي عين صراحا اروح واقول لاحد هات غرضي الفلاني اللي استلفته مني..

 

[Jizasu]

طيب زياده عن اللزوم هذه نقطت ضعفي و الناس من كثر ما اسكت لها صرة نكته بحلوجهم و... وين انتهي...لي باجر ما اخلص...بس الحمدلله انه الله خلا فيني شوية همجيه و هيبة دفاع عن النفس ​

 

[Uzumaki Naruto]

واحد .. يستهبل علي دايم ..

يقلقني ..

يطفشني ..

يجي يوم يسولف معي .. او ابتسامه غريبه ..

انسى كل الي سواه لي ..

 

[Ash]

مشكلتي أكون ساكت و اذا احد غريب كلمني أحس بخجل مادري من وين طلع ,,

و مثل نايف بعد أزعل بسرعه و أرضى بسرعه , هالصفه متواججده فيني و بقوة

 

[Az(e)z-N]

السالفه صارت
في أخر اسبوعين في شي يصير عند ربعي وهو شي يقهر ,, كل يوم نسهر ونسولف ونشوف التلفزيون ونلعب سوبر سماش بروس ونضحك ونرفرفش ,, وعندنا فتره هي فتره الي الكل يضغط الثاني ونضحك بس في الايام الاخيره الكل صاير حساس وما يرضى على نفسه يعني أي كلمه يزعل بس بما اني انا الي دايما اضحك وما أزعل صاروا يحاولون يضغطوني ولما اضغطهم يزعلون!!

هههه سبحان الله مثلي بالضبط...انا قبل امس تزاعلت مع اعز ربعي والسبب هو اني "صبوووووووور جدا جدا جدا" لدرجة انهم "يـــــــــــلــــــــهـــــــســـــون" علي..كانوا يضغطوني من باب الغشمره وانا صابر مع انها صارت مصخره مو غشمره..وصابر وصابر..لمن طفح الكيل..اقسم بالله بس تفوهت ب خمس كلمات إلا اشوف رفيجي زعلان مني ويصفنا بصفات والله احس انها طاحت من السما علي..كل هذا لأني "ملهسهم علي" ويرضون على غيرهم وما يرضون على نفسهم...اسغفر الله بس

انا ناااادر جدا ازعل من احد وهذة صفه غبيه فيني..خلت مشاعري جامده..خلت الناس يتمادون في الميانه علي لدرجة الإهانه ولمن ازعل واعطيهم جم كلمه بالصميم يقومو يصفوني بأقبح الصفات ليش؟لأني صبور وما ازعل بسرعه...لو كنت ازعل بسرعه جان عرفتهم حدود الصداقه وانها له خطوط حمراء ما يصير نتخطاها..لاكن اصبر من باب (كبر عقلك عن التفاهات احسن ما تتعقد)..

وبالمناسبه كثرة الحساسية بين الربع اتي من كثرة اللقائات بينكم ...حاولوا تقللوا من اللقائات وبتلاقي الوضع رد كما في السابق

والف شكر يا همام

 

[m7tram]

وبالمناسبه كثرة الحساسية بين الربع اتي من كثرة اللقائات بينكم ...حاولوا تقللوا من اللقائات وبتلاقي الوضع رد كما في السابق

من خلصنا امتحانات واحنا مقابلين بعض 24 ساعه :razz: لازم نقلل من اللقائات مثل ما تقول ^^

 

[Mukuro]

بالنسبة لي, أنا أشوف الاقارب أو الارحام مستغلين طيبتي استغلال لدرجة انهم يحسبوني مغفل, لكن العكس يعني مثلا قبل يومين خالي دق على جوالي وأنا كنت وقتها بره مع شباب فاللينها, المهم دق علي كان يبغى برامج وأشياء عشان أمره وأجبله هي, فقلته "تعرفها, مني فايق ذحين", وبس المهم قعد يهزأني بكم كلمه وأنا على قول المثل لا حياة لمن تنادي, انتهاني من المكالمة ورجع يدق على جوالي حوال 9 مرات متتالية, في النهاية طفشت وقفلت الجوال عشان أثبتله إني من جد مني فايق. أمس سبحان الله تقابلنا ولا كأنه اي شي, يعني الحمد لله لازعل ولا شي, يعني تفهم وضعي ذاك الوقت.

بالنسبة للأصدقاء, ابدا ما احس أنه أحد فيهم مستغل طيبتي, يعني الحمد لله أصدقائي عارفين أسلوبي ومرتاحين معاه. أنا إنسان صرييييييييح جدا, أحب أعطي في الوجه. بس لست خدوما في بعض الاحيان. أحاول دايما أني أتفادى أزعل أحد من أصدقائي, ولكن أحب أرفع ضغطهم وقت اللعب( فيديو جيمز أقصد ).

بالنسبة للغرباء, أنا في هذي اللحظة شكل ثاني, تحصلني أتكلم بطريقة عجيبة غريبة, يعني أتكلم رسمي وبصوت منخفض, أحاول بشتى الطرق أني أحسس اللي أمامي بإرتياح وهذا اللي حاصل, يعني هذا الشخص الغريب اللي كان يبغى ياخذ من عندي شي, أحصله اليوم الثاني جالس معايا و سواليف وشويه ينضم لقائمة الاصدقاء.

وتسلموا.

 

[Golden_Sun]

هو اني "صبوووووووور جدا جدا جدا"

بالضبط انا مثلك صبور .. لدرجة ان خلاص ما اقدر اتحمل ولما انفجر (وما انفجر مثل ما تتخيلها من الكلمة) بس اقول جم كلمة من اللي في بالي -__- يتضايقون

انا ناااادر جدا ازعل من احد وهذة صفه غبيه فيني..خلت مشاعري جامده..خلت الناس يتمادون في الميانه علي لدرجة الإهانه ولمن ازعل واعطيهم جم كلمه بالصميم يقومو يصفوني بأقبح الصفات ليش؟لأني صبور وما ازعل بسرعه...لو كنت ازعل بسرعه جان عرفتهم حدود الصداقه وانها له خطوط حمراء ما يصير نتخطاها..لاكن اصبر من باب (كبر عقلك عن التفاهات احسن ما تتعقد)..

ما عندي زياة على هالكلام = ) ..

 

[Hardcore Gamer]

ما شاء الله كل الاعضاء طيبين ومستغلين ((بضم الميم ))

 

[szero]

السلام عليكم
وعليكم السلام
هلا والله خبيرنا
هلا فيك
والله عندي مشكلة بالكمبيوتر كذا كذا ممكن تشرف عندنا
( -______- ) أفا عليك بس إنت تأمر

هالمحادثة لازم تتكرر مرة في الإسبوع على الأقل
لوول صرت ورشة صيانة متنقلة للعائلة و الأصدقاء و أصدقائهم و أصدقاء أصدقائهم XD أنا ما أرفض أني أساعد أحد أقاربي و أو صديق بس إنه يعتقد إني فاضي له بكل يوم و كل ساعة وكل دقيقة هذا ما أقدر أتحمله و الله أستحي أقول لخالي مثلا إني مشغول أو ما أقدر ، لا و تكلفني أحيانا مبالغ كبيرة و إذا ما كان عندي فلوس وقتها و التصليح يحتاج تبديل شغلة أقول للشخص إنه راح يكلفه شوي يتذمر ويقول أنا ما اعرف شي ، يا سلام ياخذ من وقتي وفلوسي و يهزأني بعد eeved:

ههههه نفس القصه معي ... والي يقهر أكثر شي اذا ناداك واحد يقول يبيك تساعده بس ما يخليك تسوي اي شي eeved: تشوفه يفحط تقله عطني شوي اصلحه لك يرد "اسكت انت الحين اصلحه ونتفاهم بعدين" eeved:eeved:eeved:eeved: ... طب انت ليش مناديني ؟؟!؟!؟!؟!!!11111oneoneoNe

 

[Ash]

ما شاء الله كل الاعضاء طيبين ومستغلين ((بضم الميم ))

لووول نفس الرد الي كنت برده بالضبط p: .

 

[Humam]

لول انا كمان كنت بقول نفس الشي .. مجموعة من الطيبين جدا والله الي يشوف ردودكم يقول أبالسة " جمع ابليس "

 

[Golden_Sun]

لول حلوة "أبالسه" ..

طبعاً السبب واضح لأن في المنتدى انت قاعد تتعامل مع الشخص من خلال الـ"كتابه" يعني ما تقابله شخصياً حتى تشوفه على طبيعية :bigSmile: ..

 

[Ash]

لول حلوة "أبالسه" ..

طبعاً السبب واضح لأن في المنتدى انت قاعد تتعامل مع الشخص من خلال الـ"كتابه" يعني ما تقابله شخصياً حتى تشوفه على طبيعية :bigSmile: ..

ما وراء الـ Avatar ..

 

[SHABASH]

انا طبعي السكوت (وسط العائلة فقط) يعني اذا صار مشكلة مع اعمامي اسكت لكن اردها عليهم بهدوء تام حتى انه ما يلاحظ الرد الا وهو في وسط المشكلة

عشان كذا يقولوا علي من تحت لتحت


اما مع خارج العائله اعامل الاشخاص حسب معاملتهم لي