hits counter

سوني : تتحدث عن استراتجيتها للجيل المقبل مبيعات PS4 ودعمه وتقارن اوقات التحميل

Oldsnake

True Gamer
في لقاء المستثمرين في سوني تحدثت سوني عن خططها للجيل المقبل كما اظهرت فيديو يقارن بين اوقات التحميل على PS4 Pro و PS5 .


خطط سوني للجيل المقبل :
  • سوني ما زالت تؤمن بالاجيال لاجهزة الالعاب لتواكب التكنولوجيا .
  • الجهاز المقبل سيطور بشكل كبير على تحسين الرسوميات وتسريع التحميل ونقلة نوعية في الالعاب .
  • سوني ستحرص انه يكون البلاي ستيشن 5 افضل مكان للعب عن طريق افضل الالعاب وافضل الخدمات السحابية وتكنولوجيا 5G .
  • الجهاز سيكون مريح للطرف الثالث لتطوير الالعاب .
  • سوني ستوفر خاصية التوافق المسبق للالعاب حتى يكون الانتقال للجيل المقبل اكثر سهولة .
  • سوني ستحرص ان تجلب العاب ذات مستوى عالي من بداية الجيل للمستخدمين
  • البلاي ستيشن ٤ سيبقى جهاز مهم لسوني ومربح للثلاث سنوات المقبلة مع اصدار العاب حصرية قوية ( الثلاثي المرح ) .
  • سوني تهدف لرفع مستخدمي البلاي ستيشن ناو الى ٥ ملايين مشترك .
  • PS1 and PS2: CD / DVD
  • PS3 and PS4: Blu-ray + Download
  • Next-Generation: Blu-ray + Download + Streaming.
  • مبيعات البلاي ستيشن ٤ وصلت الى٩٦.٨ مليون جهاز مع وجود ٩٤ مليون حساب فعال شهريا .

  • What we have said so far:
    • All-new CPU, GPU
    • SSD
    • Backwards compatibility
    • Ray-tracing
    • 8K support
    • Disc support
    • 3D audio
  • What we have not spoken about yet:
    • Release date
    • Price
    • Games
    • User experience
    • Country rollout
 
التعديل الأخير:

Eizu

Hardcore Gamer
أهم شيء بالنسبة لي هو التوافق المسبق , اي يكون جهاز الجيل الجديد قادر على تشغيل كل العاب الـPS4 على الاقل , رقميا و حتى اقراص الـPS4 .
 

Dark Phantom

Hardcore Gamer
لحظه شوي نقطه تشغيل العاب البلاي ون والتو والثري والفور رسميه ؟ أم انها توقعات ؟ يا الهي لو تكون رسميه شي صاعق
 

titanfall

Tarnished
سوني مو قاعدة تتهاون في التجهيز للجيل الجاي! هالشركة فعلاً تعرف كيف تبني الحماس لجيل جديد، يعني حتى لو مايكرو أعلنت و أصدرت جهازها قبل سوني يظل الحماس مو بقوة لما سوني تعلن و تصدر جهازها

بدون تطبيل و تعصب راح اقولها؛ سوني شركة عظيمة!
 
سوني راح توسع فرق التطوير اللي عندها و بعد راح تستحوذ على فرق التطوير جديدة إن شاء الله :hearteyes:
 

horror-_-

Banned
ياسلام لو ps5 يدعم تقنية انفيديا مثل HairWorks راح يطلع الجهاز قنبلة
 

ASWD

True Gamer
ما ادري ان كانت هالمعلومات صحيحة أم لا..لان فيه ماهو معقول وماهو غير معقول ان يتواجد في الجهاز اللي مخطط له ان لا يتجاوز سعره ٥٠٠ دولار
 

horror-_-

Banned
ما ادري ان كانت هالمعلومات صحيحة أم لا..لان فيه ماهو معقول وماهو غير معقول ان يتواجد في الجهاز اللي مخطط له ان لا يتجاوز سعره ٥٠٠ دولار
اذا تتحمل سوني خسارة 100 دولار فا اشوف شي عادي يعني لو نفترض جهازه ب 600 سوني تتحمل 100 وتعوضها في الخدمات
 
التعديل الأخير:

aboooood

True Gamer
لو سوني تعمل جهازين يكون أفضل عشان يكون في خيارات للمستهلك أقل من إنك تحصر الشخص ع جهاز بسعر معين يعني لو سوني تعمل كالتالي :
الجهاز مواصفات قوية جدا زي الموجودة في الخبر هاد
والجهاز قادر يشغل الألعاب اتش دي بسعر منخفض


في كثير ناس صعب تقدر تدفع 500 دولار أو ممكن أكثر ع جهاز الألعاب ؛ مثلا الجيل الحالي الفور العادي متفوق ع البرو

لو سوني تعمل خيارات الواحد قادر يشتري الجهاز المناسب بالسعر المناسب أفضل من إنك تعمل جهاز خارق بسعر 600 دولار وفي النهاية معظم الناس ما تقدر تشتري
 

aboooood

True Gamer
اذا تتحمل سوني خسارة 100 دولار فا اشوف شي عادي يعني لو نفترض جهازه ب ٦٠٠ سوني تتحمل 100 وتعوضها في الخدمات
حتى ولو 500 دولار رقم مش سهل من كل الناس قادرة تدفع هيك مبلغ عشان جهاز الألعاب شوف اول ما نزل سوني 3 بسعر مرتفع شو كانت النتيجة لازم سوني تدرس موضوع المواصفات القوية مع السعر المناسب
 

aboooood

True Gamer
سوني مو قاعدة تتهاون في التجهيز للجيل الجاي! هالشركة فعلاً تعرف كيف تبني الحماس لجيل جديد، يعني حتى لو مايكرو أعلنت و أصدرت جهازها قبل سوني يظل الحماس مو بقوة لما سوني تعلن و تصدر جهازها

بدون تطبيل و تعصب راح اقولها؛ سوني شركة عظيمة!
سوني في الجيل القادم غير تقدم شي خرافي مافي تهاون خصوصا مع منافس جديد

سوني ممكن تخسر في بيع الأجهزة ممكن تبيع الجهاز بخسارة بس عشان تسيطر ع سوق الاجهزة الكونسول وتكون رقم واحد

سوني في الجيل القادم غير تكون متوحشة جدا مع وجود منافس شرس أيضا
 

Dark_N11

True Gamer
اشوف موضوع السعر مبالغين الناس فيه .. الكثير صار يدفع سنوياً فوق 500 دولار على جولات و السوق الأن صار اكبر
لو البلاي 5 نزل بسعر 600 راح يبيع بشكل كبير و ماراح يتأثر .
 

game for new

True Gamer
كم 500 دولار يعني؟ على فكرة شاري البلايستيشن ٣ و ٤ مستعملين وسعر رخيص جدا ومعاهم كان قيرين وثلاث العاب ونفس الشيء بسويه مع ال ٥ ... لا تخلي عشقك للشركة يخليك تدفع مبلغ خرافي يمكن تكون مجمعنه لمهر الزواج :tearsofjoy:
 

شيطون

Fortnite Lover
اشوف موضوع السعر مبالغين الناس فيه .. الكثير صار يدفع سنوياً فوق 500 دولار على جولات و السوق الأن صار اكبر
لو البلاي 5 نزل بسعر 600 راح يبيع بشكل كبير و ماراح يتأثر .

الجوال الحالي اللي معاي صار له معاي سنتين واحتمال استمر معه سنتين اضافية
وحتى لو قلنا دفعت 500 دولار سنويا على شيء محدد مايعني تقبلي لاي شيء ثاني بنفس السعر
 

retha

from a parallel universe
الكثير صار يدفع سنوياً فوق 500 دولار على جولات
جوال:
- مكالمات
- سوشل ميديا
- تحميل فيديوات
- مشاهدة فيديوات
- ألعاب
- تطبيقات
- لوكيشن
- كاميرا

بلايستيشن:
- ألعاب
 

titanfall

Tarnished
جوال:
- مكالمات
- سوشل ميديا
- تحميل فيديوات
- مشاهدة فيديوات
- ألعاب
- تطبيقات
- لوكيشن
- كاميرا

بلايستيشن:
- ألعاب
لول ما في مقارنة، البلايستيشن 4 يقدم كل هالأشياء لو بغيت، ما عدا المكالمات تستبدلها ب فويس شات و إلي هو أصلاً يسمح لك تتكلم مع شخص بالصوت مجاناً و بجودة أفضل من مكالمات الواتساب مثلاً، من الأساس ال PS4 عنده عتاد تقني أقوى بكثير من الجوالات، يكفي أن الجوالات إلى الآن بعيدة عن أنها تقدر تشغل ألعاب بقوة ألعابه تقنياً، أصلاً شنو فرصة أن الجوالات تسمح لك تبث اللعب على تويتش و تلعب بنفس الوقت لعبة متطلبة مثل GoW؟ صفر!

مضحك كيف كثيرين يبررون جشع شركات الجوالات من أمثال آبل و سامسونج في تسعير أجهزتهم، 1000$ و أكثر لجوال يصير outdated بعد حوالي 4 سنوات vs جهاز سعره 400$ يقدم ترفيه أكبر و يدوم قرابة ال 8 سنوات أو أكثر، فارق مهول في ال value for money، لكن كثيرين مستعدين يبررون الأسعار و يبدلوا جوالاتهم كل سنة أو سنتين بس عشان يكونوا trendy، يمكن لأن أجهزة الألعاب ما تهتم بالهراء ال trendy هالكم يوم ف ما يستحقوا في نظر البعض سعر أكثر من 400$
 

شيطون

Fortnite Lover
لول ما في مقارنة، البلايستيشن 4 يقدم كل هالأشياء لو بغيت

للاسف ماقدر اشيل البلاي ستيشن معاي للجامعة ولا كنت من زمان استبدلته بالجوال :sweat:
 

Ria

True Gamer
اذا تتحمل سوني خسارة 100 دولار فا اشوف شي عادي يعني لو نفترض جهازه ب 600 سوني تتحمل 100 وتعوضها في الخدمات
سوني ما تربح من مبيعات الأجهزة، الارباح تجيء من الشبكة (خدمات PS Vue و PS Video و PS Now والمبيعات الرقمية) لكن بأستثناء الـPS4 سوني بدأت ت بح من بيع الجهاز مع السنة الثانية/الثالثة من حياته.
 

Ria

True Gamer
جوال:
- مكالمات
- سوشل ميديا
- تحميل فيديوات
- مشاهدة فيديوات
- ألعاب
- تطبيقات
- لوكيشن
- كاميرا

بلايستيشن:
- ألعاب
ألعاب؟

فيه كثير ناس تستخدمه بالصالة مع التلفريون وتشاهد الافلام والمسلسلات وحتى تتفصح اليوتيوب منه
 

Ria

True Gamer
ماعندي اهتمام بالجيل الجديد من بدأت تطلع أخباره قبل كم سنة لأتي بالقوة قدرت اشتري البس4 ولمن أخذته كانوا اربع العاب بس...

لو أفكر أرقي الكونسول عندي بيكون أني اشتري الـPS4 Pro بس أو نسخة مصغرة للسويتش
 

Oldsnake

True Gamer
كم 500 دولار يعني؟ على فكرة شاري البلايستيشن ٣ و ٤ مستعملين وسعر رخيص جدا ومعاهم كان قيرين وثلاث العاب ونفس الشيء بسويه مع ال ٥ ... لا تخلي عشقك للشركة يخليك تدفع مبلغ خرافي يمكن تكون مجمعنه لمهر الزواج :tearsofjoy:
هههههه ايش بتعمل 500 دولار في الزواج ما تجيب لك يادوب سوارة ذهب لا طق PS5 والعب GOW II اصرف :tearsofjoy:

بعيد عن المزاح بصراحة انا ما عندي مشكلة يكون سعر الجهاز مرتفع شوي مقارنة بمواصفات جبارة تحسسني بنقلة نوعية وبدون ما نحتاج لجهاز محسن في منتصف الجيل .
وهو عموما كدا والا كدا باخده على الاطلاق عشان العب TLOU 2 ، DS , GoT , Cyperpunk 2077 بأفضل صورة ممكنة :)
 

Oldsnake

True Gamer
سوني راح توسع فرق التطوير اللي عندها و بعد راح تستحوذ على فرق التطوير جديدة إن شاء الله :hearteyes:
هذا شيء اكده جيم رايان اليوم ايضا خلال الاجتماع :
 

ASWD

True Gamer
اشوف موضوع السعر مبالغين الناس فيه .. الكثير صار يدفع سنوياً فوق 500 دولار على جولات و السوق الأن صار اكبر
لو البلاي 5 نزل بسعر 600 راح يبيع بشكل كبير و ماراح يتأثر .

لا تخلط سوقين مختلفين مع بعض وتقوم بالمقارنة...زبائن سوق الجوالات والتابلت يشوفون ان دفع مبلغ ١٠٠٠ دولار في تلفون امر عادي ومستحق لكنهم مايشوفون ان دفع مبلغ ٥٠٠ دولار وفوق في جهاز العاب يستحق وهالشي تقدر تقيسه على كل المجالات وهذ شي طبيعي

لهذ المخاطبين في سوق الڤيديو جيمز مقاييسهم مختلفة في مسالت الاستحقاق من عدمه
 

Arthur

Banned
اشوف موضوع السعر مبالغين الناس فيه .. الكثير صار يدفع سنوياً فوق 500 دولار على جولات و السوق الأن صار اكبر
لو البلاي 5 نزل بسعر 600 راح يبيع بشكل كبير و ماراح يتأثر .


انا اللي يفرق عندي اكثر هي اسعار الالعاب ، ماعندي استعداد تكون الالعاب فالجيل القادم اغلبها ب60$ او اكثر ، لانه سعر الكونسول مهما طلع فالاخير انا حدفعه مرة كل 7 سنين
 

Clock Ender

Tarnished
وهو عموما كدا والا كدا باخده على الاطلاق عشان العب TLOU 2 ، DS , GoT , Cyperpunk 2077 بأفضل صورة ممكنة :)
شيل سايبربنك من القائمة لان افضل صورة ممكنة لها هي عالPC والمفروض هالمرة بفارق كمان ولا بيجي سخط كبير على سي دي بروجكت

لا تخلط سوقين مختلفين مع بعض وتقوم بالمقارنة...زبائن سوق الجوالات والتابلت يشوفون ان دفع مبلغ ١٠٠٠ دولار في تلفون امر عادي ومستحق لكنهم مايشوفون ان دفع مبلغ ٥٠٠ دولار وفوق في جهاز العاب يستحق وهالشي تقدر تقيسه على كل المجالات وهذ شي طبيعي

لهذ المخاطبين في سوق الڤيديو جيمز مقاييسهم مختلفة في مسالت الاستحقاق من عدمه
انا مدري صراحة كيف لين الحين قاعدين نقارن الجوال بالبلايستيشن && ..
 

Oldsnake

True Gamer
شيل سايبربنك من القائمة لان افضل صورة ممكنة لها هي عالPC والمفروض هالمرة بفارق كمان ولا بيجي سخط كبير على سي دي بروجكت
انا اتكلم عن الكونسول ما العب على بي سي .
يعني لو صدرت كروس جن اكيد نسخة الجيل الجاي بتكون افضل . لكن ان شاء الله سي دي بروجكت يقررو الغاء نسخة الجيل الحالي
 
أعلى