ساعد المساجين في منصة فرجت على ابشر

[nolongerempty]

السلام عليكم ورحمة الله وبركاته

اليوم شفت ترند في تويتر عن خدمة جديدة اطلقتها ابشر عسى اللي ساهم فيها ماتمسه النار..

الخدمة هذي فكرتها بسيطة.. تطلع لك قائمة بالمسجونين مع مدة وتاريخ السجن و المبلغ المطالب فيه السجين.. تاخذ الفاتورة وتسددها عن طريق حسابك البنكي وانتهي.


فيديو عن الخدمة


احنا كل يوم نهدر مبالغ كبيرة بالترفيه.. نتفلكس.. مانجا.. عدد من الكلكشنز لالعاب توصل قيمتها الف ريال... الخ

طيب ليش مانوقف هاليومين دام اننا في العشر الأواخر ونحرم انفسنا اشوي وندفع هالمبالغ للمساجين؟

اذا صعبة.. اقتص من هذه المبالغ لو ١٠٠ ريال... او حتى ريال واحد فقط وخل الباقي للترفيه عسى هذا الريال يكون شفيع لك عند ربك يوم الدين.. و اذا الله منعم عليك لاتقصر على نفسك بالترفيه وطلع مبلغ من راتبك مرة وحدة على الاقل وتبرع فيه.


لاحد يفكر بطريقة.. هذا المسجون ورط نفسه ومايستاهل.. ماحد يدري ايش الظروف اللي مر فيها الشخص.. و كل عام وانتوت بخير بمناسبة العيد قبل الزحمة

 

[شيطون]

 

[nolongerempty]

@demon king
تقدر تتبرع بنفس المبلغ لرعاية الايتام.. والمساجين يحتاجون يسددون ديون مش دية قتل..

فيه اللي تعثر في تجارة.. وفيه اللي عليه قرض وانفصل من وظيفته.. الخ فلا تستهزيء على حالتهم.

 

[used2Bcat]

صحيح ان البعض تجيه مخاوف ويبغى تفاصيل اللي بيسدد الدين عنه ولكن أشوف المفروض من يستخدم هذه المنصة يتغاضى عن هذا الشيء و يكتفي ب الأجر بإذن الله و الله خير الحافظين.

بصراحة انا انصدمت من بعض المبالغ اللي موجودة واللي صار وشفتها بتويتر، شاب مديون ٤٠٠ الف، بنت مليونين، والشعب ما شاء الله ينشد عليه الظهر وما قصروا سددوها و غير هالأمثلة في ناس بعد.

 

[Reigen Arataka]

@demon king
فلا تستهزيء على حالتهم.

هو مايستهزيء
هو فقط مآخذ وضعية الظريف حق المنتدى لا أقل ولا أكثر
عطه على جوه

 

[شيطون]

الخ فلا تستهزيء على حالتهم

هو مايستهزيء
هو فقط مآخذ وضعية الظريف حق المنتدى لا أقل ولا أكثر
عطه على جوه

مادري كيف فهمتوها استهزاء او استظراف لكن
اوكيه

 

[MH MD]

النية وراء الموضوع جيدة لكنه بيتجه لإتجاهات دينية وممكن سياسية بشكل يخالف قوانين المنتدى فباضطر أقفله