hits counter

العشوائيات سؤال مهم: كيف اعرف اذا كانت لعبة PS4 مدبلجه ؟ وكيف أجدها! ( لعبة Ratchet and Clank )

msh1ri

Artist
اهلاً .. ادري اني منقطع بشكل كبير عن الموقع لول ، المهم فيه لعبه شريتها Ratchet and Clank (ليست نسخه ديجيتال) كيف اتأكد انها بالعربي؟ لأن الدبلجه عجبتني.. النسخه الي شريتها أوروبيه (فيها تصنيف عمري بالأرقام) ومكتوب بخط صغير Playable in English

مع العلم اني بحثت بالستور العربي حتى وما لقيت ضمن اللغات الموجوده اللغه العربيه؟! (ستور كويتي)

* وترى قبلها شرينا لعبة سبايدر مان وفيها كلمة Playable in English وطلع مافيها دبلجه! (اللعبه كانت لأخوي وهو مو مهتم للدبلجه اصلاً بس انا اهتم :) )
 

Unknown

Fake Gamer
حول لغة البلاي ستيشن للغه العربيه .. وشف وش يصير معك؟

اتذكر قريت "مو متذكر اي اللعبه" ان العربيه مابتطلع لك الا اذا غيرت لغة الجهاز!!
اتوقع لما تدخل اوبشن اللعبه مابتلقى خيار للغه لكن بتتحول للعربيه مع الجهاز!
 

msh1ri

Artist
حول لغة البلاي ستيشن للغه العربيه .. وشف وش يصير معك؟

اتذكر قريت "مو متذكر اي اللعبه" ان العربيه مابتطلع لك الا اذا غيرت لغة الجهاز!!
اتوقع لما تدخل اوبشن اللعبه مابتلقى خيار للغه لكن بتتحول للعربيه مع الجهاز!
متأكد؟ عشان اذا فكيتها (هي مغلفه) المحل ماراح يرضى ارجعها (مكتوبه من ضمن قوانينهم)
 

The Last Lombax

In a new adventure~
متأكد؟ عشان اذا فكيتها (هي مغلفه) المحل ماراح يرضى ارجعها (مكتوبه من ضمن قوانينهم)
للاسف اغلب العاب انسومنياك كذا نفس ما قال @Unknown ، ما تعرف فيها عربي الا لما تحول لغة الجهاز للعربية.
 

msh1ri

Artist
اهلا مشاري

حبيت بس اصبح عليك .. لأنك فعلا منقطع لك فترة
اهلين فيك عزيزي فهد :) .. صراحه سبب انقطاعي هو ان الحساب موجود على اللاب توب وصراحه متعيجز ادخله ( عكس لو كان بالتلفون ) خخخ
 

DINO CRISIS

المحقق وحيد
أعتقد كل ألعاب سوني القوية مترجمة عربي او مدبلجة في النسخ الأوروبية فقط
 
أعلى