زهقت من العزوبية

[Colorization]

شلون مستحمل زيل؟

• لعبت كل شي بالدنيا
• طالعت كل شي بالدنيا
• ما قريت كل شي بالدنيا لول

الدوام حلو لأنه يخليني أقطع عن هواياتي وما يخليني أمل منها، ومؤخرا دوامي صار ١٢ ساعة يعني لول... وقت الفراغ يكون "لعبة" أو "فلم" أو "طلعة"، مو مثل قبل أدمج مثل ما أبي.

لكن... مليت. مليت من كل شي عكس إحساس "قبل الوظيفة". مليت من كل شي إلا المطاعم والجمعية.

كنت أقول الزواج مشقة وتعب وحوسة بس شكلي بنضم للركب :lebb:

ودي أعرف اللي طافوا الـ٢٣ وبعدهم ما تزوجوا... ما شبعتوا من الدنيا؟ أحس لاعت جبدي من كل شي -ـ- مع إني للحين ٢١ بس أحس شفت كل شي بالدنيا. يعني كنت أقول بتزوج لما أسوي كل اللي أبيه بروحي (أسافر برا المنطقة العربية/أشتري كل شي ماله قيمة/ألعب دراجون كويست٩) واكتشفت إني سويت كل اللي أبيه بسرعة. نظرتي القديمة كانت اني أقعد للـ... ٣٠ بعدين أتزوج :laugh:: لكن الموعد قرّب ٩ سنين.

في شي نسيت أسويه؟

 

[Gon freeces]

• ما قريت كل شي بالدنيا لول

الحل , اقرا كل شي , بعدين الزواج مو لعبة "أوه طفشت خلني أجيب عيال !11!11"

في شي نسيت أسويه؟

أوه ,مين فين أبدأ

 

[Photon]

و مين يزهق من العزوبية ؟ لول

 

[BioMario]

بختصار أتزوج :

 

[Dr MaD]

ودي أعرف اللي طافوا الـ٢٣ وبعدهم ما تزوجوا

كلها سنة ونعدي الخط الأحمر اللي حطيته بدون زواج :crying:

خليني أحسبها ..
انا الحين في رابع سنة لي في الجامعة .. لما أخلص سنتي اللي انا فيها يبقالي ثلاثة ..
عمري الحين 22 سنة .. يعني بعد ثلاث سنوات لما أتخرج أكون وصلت 25 سنة !!

بدري على مجرد التفكير في الزواج :w00t:


ما أقدر أقولك إلا .. زي ماللزواج مميزات للعزوبية أيضا مميزاتها
اذا خلاص طفشت من العزوبية وتبي تاخذ خطوة للأمام في حياتك .. وجاهز نفسيا وماديا

ليش ماتروح !؟؟

 

[G7Ga7]

أنا واحد وعشرين وزهقان من العزوبية . بس الشباب يقولون ان عقليتي عقلية شياب, فممكن هذا هو السبب. :laugh::

الزواج زين وانا اخوك .

بعدين الزواج مو لعبة "أوه طفشت خلني أجيب عيال !11!11"

انت ليش تصيغها بالشكل السلبي هذا؟ :laugh::

أنا فاهم قصد محمد في هذا الموضوع. أعرف واحد شخصياً كان راعي طلعات وسفرات مع الشباب, وسهرات الى تالي الليل. طبعاً ما كان جيمر مثلك محمد, لكن زي ما قلت, هوايته الطلعة مع الشباب وشوف افلام وكوره وتلفزيون ووووو الخ. وصل لمرحلة (مثلك) حس انه خلاص, حياته كذا ما تنفع, فيه شي ناقص. والحمد لله الآن تزوج, وعنده ولد وشغل ثابت والحمد لله مبسوط. طبعاً الى الان لا زال يطلع مع اخوياه وعنده حياة اجتماعية, ويتفرج على مسلسلات وافلام وكذا. لكن صار انسان ذو مسؤولية ومرتب أولويّاته وضبط معاه الوضع ولله الحمد.

أتوقع وأتمنى لك لو تتزوج بكره ان شاء الله, وتحاول توزن حياتك وترتب أولوياتك مضبوط, راح تكون حياتك أفضل من الي انت فيه 100000 مرة. خاصة ان الله رزقك بزوجة رهيبة ومتفهمة لهوايتك. ممكن وقتها تلعب أي لعبة جديدة (لفترات معقولة!!!!) وهي تكون جنبك طول الوقت.

توكل على الله, وان شاء الله مالك الا الخير

.

 

[SCREAMING_RAGE]

اذا شفت نفسك قادر على الزواج (( بيت + وظيفه + دخل ثابت + حساب عميق شوي في البنك)) فالله يسهلك مبتغاك.



لكن لو تبغى نصيحتي " تمهل شوي.... ياخي وش فيك مستعجل على المستشفيات و امراض السكر و الضغط ؟! "

 

[Colorization]

بعدين الزواج مو لعبة "أوه طفشت خلني أجيب عيال !11!11"
[/I]

بس وناسة لما ولدي يصير عمره ٥ سنين وأعطيه ميجامان يلعب وأعلمه شلون يلعب ماريو. إبداع :0

لو بهاللحظة قلت "بتزوج خلاص!" يبيلي سنة على الأقل عشان أجهز نفسي (مابي قرض)، لذلك آنا ماقول بتزوج الحييييين. لكن... أعتقد اللي يحوشني فراغ أكثر من كونه ملل. يعني الواحد قبل الوظيفة يبي أحسن جهاز وأحسن تلفون وأحسن تلفزيون لكن لما تتوظف تكتشف إنه الفلوس =\= السعادة (وسيلة للسعادة مو مصدر لها) وتصير تمل حييييييل من كل الأشياء المادية (سألوا Naif عن هالشعور، من فترة بسيطة توظف). هذا الشي يخلي الواحد يفكر لنظرة أبعد من أغراضه المادية. أحسها بالفطرة سبحان الله.

هل آنا مو مستانس من الألعاب والأفلام والكتب والسفرات؟ لأ، الحمدلله على النعمة و٢٠٠٩ بسهولة أحسن سنة في حياتي وكله بتوفيق من الله. لكن... هل أحس وصلت طوفة ودي أبط راسي فيها من الملل والفراغ؟ يس -ـ-

 

[Monster]

انا السبب اللي يخليني اتزوج اني بصير اقدر ادخل الاماكن العائلية اللي عندنا بالسعوديه :razz::

 

[SHABASH]

الحل الوحيد عندك

وعيش حياتك وانتبه تفكر تجيب اولاد الا بعد ثلاث سنوات على الاقل :

 

[Lunar Poet]

نقول مبروك؟ p:

 

[Double T]

انا ما ادري عن الزواج بس ليش دايما يحطون الزواج و الهوايات متضادين ... انا عن نفسي ما اشوف فيها مشاكل انك تتزوج و لا تزال تمارس هواياتك خصوصا زي ما قال عبد الرحمن اذا كانت زوجتك متفهمه او تكون هوايتها مثل هواياتك

طبعا ما راح تكون زي اول كل وقتك لعب X لعب

الصراحة الترفيه ما يحلى الى اذا كنت تدور عليه دوار يعني يوم يصير للعب اوقات بسيطة يصير له طعم ثاني و اكبر دليل بالنسبة لي الإجازة الصيفية .. اكبر وقت يضيع فيه وقت و لا اسوي شي بس تضييع وقت

فاذا الله وفق اي واحد بالزواج ( و الزواج بركة اذا كانت نية الواحد التحصين ) من ال ٢٤ ساعة مستحيل ما تلقى وقت للترفيه بجميع اشكاله بس الشغله يبغالها موازنه و اولويات ... مافي احلى من ساعة-ساعتين لعب بعد ما تخلص كل الي عليك و ترتاح .. احلى من شعور لعب ساعات في وقت فراغ كامل

انا زهقان جد من العزوبية

 

[Mario2]

>.> ما شفت ون بيس طيب , ضيفهم فوق باللسته .

 

[Gahmad]

عندك ثلاث خيارات مرتبة من الاسهل للاصعب و بدون مزاح :

• الحصول على Death Note
  
• الانضمام لجمعية سرية ذات تأثير قوي (الماسونية، المكتب الخامس)
  
• اقناع العم دهب بشراء الة الزمن من عبقرينو و من ثم إهدائها لك

 

[Noah`s Ark]

^
:laugh::laugh::laugh::laugh::laugh::
يا رجل ذكرتني بست سنين ورا :laugh:
اتفق معاك بكل شي خصوصا النقطة الأخيرة ..

--------------

محمد , انت اعرف واحد فينا بحالتك , وهل الحل لها الزواج او لاء .

الزواج مش حل مؤقت , و هم ما يصير الواحد يتخوف منه لحد كبير .
ولا اقول لك الحل ؟ صر صايع <tgman>*امزح*

 

[Zero]

لول من زمان وأنا أقول لك تزوج ، ببساطة الحين ويش ناقصك؟ وظيفة وعندك وصرت رجال وما ناقص إلا شيء يؤنسك ، اللي مفكر الزواج حوسة وعفسة ومصاريف ويمنعه من الفلة والوناسة وهواياته هذا واحد فاهم الدنيا غلط.

ولو تحس أنك سويت كل شيء بالدنيا فويش المشكلة؟ أنا عندي نفس الإحساس بس باقي أتزوج وأتوظف وهذا ما هو بعيد إن شاء الله ( الوقت يركض ) وبعدين أشتري السيارة اللي أبغاها وبس :crying: ، أدري يمكن تفكر تفكيري سخيف بس السيارة بالنسبة لي أكثر من مجرد وسيلة نقل.

 

[High Lander]

قسم بالله حسيت اني شايب :sadwalk:

 

[Colorization]

انا ما ادري عن الزواج بس ليش دايما يحطون الزواج و الهوايات متضادين ... انا عن نفسي ما اشوف فيها مشاكل انك تتزوج و لا تزال تمارس هواياتك خصوصا زي ما قال عبد الرحمن اذا كانت زوجتك متفهمه او تكون هوايتها مثل هواياتك

طبعا ما راح تكون زي اول كل وقتك لعب X لعب

الصراحة الترفيه ما يحلى الى اذا كنت تدور عليه دوار يعني يوم يصير للعب اوقات بسيطة يصير له طعم ثاني و اكبر دليل بالنسبة لي الإجازة الصيفية .. اكبر وقت يضيع فيه وقت و لا اسوي شي بس تضييع وقت

فاذا الله وفق اي واحد بالزواج ( و الزواج بركة اذا كانت نية الواحد التحصين ) من ال ٢٤ ساعة مستحيل ما تلقى وقت للترفيه بجميع اشكاله بس الشغله يبغالها موازنه و اولويات ... مافي احلى من ساعة-ساعتين لعب بعد ما تخلص كل الي عليك و ترتاح .. احلى من شعور لعب ساعات في وقت فراغ كامل

انا زهقان جد من العزوبية

بالعكس، نظرتي للزواج إني أشارك بنت الحلال هواياتها واهتماماتها مهما كانت (والعكس) وأستمتع مثل متعتي الحالية وأضعاف زيادة. آنا مهيأ لسوالف الحريم: أستحمل التسوق (أتعمد أتسوق مع الوالدة متى ما سنحت لي الفرصة، من زمان، وتعودت على تضييع الوقت بمجمع لول)، أحب المطبخ (في ريال ما يحب؟) وأعرف أطبخ وأفهم بالخضروات والصلصات وأنواع البهارات. قاعد أسوي دعاية لي p:

>.> ما شفت ون بيس طيب , ضيفهم فوق باللسته .

كل بيتنا يحبه، رفيجي اللي ما يطالع أنيمي يحبه، لكني عجزت أحبه :fd3:

لول من زمان وأنا أقول لك تزوج ، ببساطة الحين ويش ناقصك؟ وظيفة وعندك وصرت رجال وما ناقص إلا شيء يؤنسك ، اللي مفكر الزواج حوسة وعفسة ومصاريف ويمنعه من الفلة والوناسة وهواياته هذا واحد فاهم الدنيا غلط.

ولو تحس أنك سويت كل شيء بالدنيا فويش المشكلة؟ أنا عندي نفس الإحساس بس باقي أتزوج وأتوظف وهذا ما هو بعيد إن شاء الله ( الوقت يركض ) وبعدين أشتري السيارة اللي أبغاها وبس :crying: ، أدري يمكن تفكر تفكيري سخيف بس السيارة بالنسبة لي أكثر من مجرد وسيلة نقل.

لا بالعكس، في رأيي الخطوة المنطقية هي إنك تشتري سيارة بخاطرك قبل الزواج ويا حبذا المقدم يكون شي محترم عشان تخفف عن نفسك بالمدى الطويل. مشكلتي مو هاوي سيارات وحتى ماعرف شنو أبي. راضي أعيش عالتييدا طول عمري، بنت الذين توفر بانزين بشكل :laugh:: فكرت في دودج تشارجر بس وايد شباب ذموا لي الوكالة + NSider و NESTA قالوا لي ما تصلح لجو الخليج. غيرها أحس... مافي شي فبالي.

وفعلا أحس وصلت مرحلة النضوج التام، عقلياً ومهنياً وحتى هواياتياً. بعض أمنياتي كانت: ألعب سايكودن الأولى والثانية (خلصت الأولى والثانية عندي)، ألعب تاكتكس أوجر (قاعد ألعبها الحين)، ميجامان 9-10\ستريت فايتر4\ماريو2D ووايد أشياْ تحققت هالجيل. يمكن أمنياتي مثل ويهي لكن بعضها تحقق (ومالي دخل فيه، مثل الإعلانات اللي أنطرها لألعاب) أو أشياء احتجت أبذل الأسباب عشانها (تاكتكس أوجر...الخ) وأحس خلاص... حان دور الأمنية الكبيرة! ولد يشبه ميجامان وبنت تشبه ساموس :0

قسم بالله حسيت اني شايب :sadwalk:

:laugh::

 

[النسر الأسود]

الزواج ما يحتاج لوظيفة وأحوال مادية جيدة فقط، بل يحتاج لشخص ناضج واعي لمصلحته وقادر يتحمل مسؤولية ويتخذ القرار الصحيح . في شباب أعمارهم تجاوزت 25 سنة ويمكن أكثر ولسا تصرفاتهم مش مسؤولة وكلها غلط في غلط .

وفعلا أحس وصلت مرحلة النضوج التام، عقلياً ومهنياً وحتى هواياتياً.

إذا فعلاً وصلت لهل المرحلة فليش الانتظار ؟
ومبروك سلفاً

 

[Zero]

بالعكس، نظرتي للزواج إني أشارك بنت الحلال هواياتها واهتماماتها مهما كانت (والعكس) وأستمتع مثل متعتي الحالية وأضعاف زيادة. آنا مهيأ لسوالف الحريم: أستحمل التسوق (أتعمد أتسوق مع الوالدة متى ما سنحت لي الفرصة، من زمان، وتعودت على تضييع الوقت بمجمع لول)، أحب المطبخ (في ريال ما يحب؟) وأعرف أطبخ وأفهم بالخضروات والصلصات وأنواع البهارات. قاعد أسوي دعاية لي p:

وهذا هو الصح ، بنت الناس يمكن تغيرك ويمكن أنت تغيرها ، تخيل ترجع من الدوام وتلقى شخص مستعد يلعب وياك ستريت فايتر متى ما بغيت؟ ترى ما فيها شيء وعادي جدا P:

في رأيي الخطوة المنطقية هي إنك تشتري سيارة بخاطرك قبل الزواج

هو لكل واحد نظرة تختلف ، قبل الزواج ما أقدر + نظرتي للزواج مو مادية بقوة ولا باسوي شيء فوق طاقتي بل السيارة هي اللي محتاجة فلوس :laugh:: .. يمكن السكن ومصاريف الزواج يقدروا يتكفلوا بها أهلي ، بس السيارة اللي في بالي هذا شيء ما بيصير إلا إذا سويته أنا بنفسي وما عندي مشكلة لو سقت سيارة كوبيه صوتها واصل لآخر الشارع حتى لو عمري 50 سنة .. مشكلة السيارة مشكلة مادية فقط بالنسبة لي P: ، شفت كيف الناس تفكيرهم يختلف :

يمكن أمنياتي مثل ويهي

خل عندك ثقة في نفسك .. عن نفسي أحيانا اعتقد أن أمنياتي زي وجهي لكن في الواقع أمنياتي هي منياتي واللي بيقول شيء خله يقول بالطقاق.

 

[Colorization]

يعتمد على خطتك للزواج، إذا تبي تتزوج هالفترة أو ببداية الوظيفة ما بتقدر تجمع فلوس أكيد. لكن لشخص في مثل حالتي (صار لي سنة موظف - أعتقد يبيلي سنة على الأقل عشان أتزوج) عندي وقت أجمع لسيارة أو حتى لو تجميع "حيالله"، كل شي فيه خير وبركة. وبصراحة جذي ولا جذي انت بترجع تشتري سيارة (عائلية\شبه عائلية) بفترة من فترات زواجك، سو... يس.

توقعت بتقنعوني أمسك مكاني بس والله طلعتوا كلكم تبون الفكة من العزوبية خخخخخخ.

 

[Zero]

أكيد ، مبين من كلامي أني ناوي أتزوج بدري وأنا واضع خطة من الآن لست سنوات قدام مع مختلف الاحتمالات ، ولو ربك سهل ناوي أخطب قبل التخرج ، بعدين من ما يبغى يتزوج؟ روقنا عاد :laugh::

على العموم محمد اتمنى لك التوفيق من كل قلبي ، ترى أعرف ناس واجد شخصيا من اللي دراستهم قصيرة مثلك كثير منهم اشتغلوا وخطبوا وبعضهم تزوجوا.

على فكرة أنا أي شيء أسويه في حياتي مهما كانت حجمه أخطط له تخطيط مسبق وما أسوي شيء كذا والسلام ، وهالتخطيط مو لازم يكون على مكتوب أو محسوب بالمل لكن كله براسي .. لكن نصيحة لأي واحد: تعلم تشغل تشغل مخك وتستخدمه شوي.

 

[Colorization]

بعدين من ما يبغى يتزوج؟ روقنا عاد :laugh::

king zell!

واكيد التخطيط ضروري، مع إني أحيانا أسوي أشياء غبية وغير محسوبة لكني أخطط لأتفه الأمور (شكرا فاير امبلم\فف تاكتكس علمتوني التخطيط غصبا عن راسي : ). أحب أخطط شنو بصرف لما ينزل المعاش اوه ماي ماي أحلى شي 3>

وآنا أتمنى لك التوفيق بعد حسن إن شا الله بنت الحلال المكتوبة لك تفهم بالسيايير مثل ما أتمنى مالتي تحب ميجامان. ميجامان بيدخل ضمن بنود الزواج.

شكلي بخلص كل ألعاب ميجامان الـ8-بت اللي ناوي يسويهم انافوني وبعدين أدق السلف. وين بلقى الحرمة اللي تتفهم جملة "نطري بس أخلصها من دون لا أستخدم السلاح الفلاني!" :confuse:

 

[Black]

انا نفس حالتك محمد .. لكن باقي مشوار على التخرج (الله يعين)
فبصراحة انصحك تقدم على خطوة الزواج. أحلى لما شيء انك تملي الفراغ الموجود بحياتك .. وتلقى احد يعيش معك الحلوة والمرة.

 

[king zell]

لول محمد هي مو مسألة طفشت

لكنها فعلا مسؤولية

يمكن أنا الشي الوحيد اللي كان ماسكني بشكل رئيسي كان هو نفس فكرة إن الواحد لما يتزوج فعلا بيكون ما عنده وقت يوفره لبعض هوايات السابقة.. و في حالتي أنا شغلي عالنت أو لعبي في أوقات الفراغ و حب السفر و الجمعات و الايفينتات و المعارض الخ..

لكن الحقيقة إني في أصحاب لي بنفس عمري تقريبا.. و عندهم نفس كمية مشاغلي لكن مو من نفس النوع.. تزوجوا مؤخرا و لاحظت إنه ما فرق معهم الوضع عن السابق أبدا.. بالعكس صاروا مرتاحين و مستقرين أكثر..

الفكر السابق جدا خاطيء.. أتوقع توني أقتنع فيه تماما.. نصيحتي تزوج اذا جاهز فعلا (ماديا و معنويا).. و لا تأخذني أنا كمثال (لأني فاشل :tongue.. و ما تدري يمكن في أي لحظة تسمع خبر إني خطبت :whistle:

 

[Still Alive]

منك المال ومنها العيال ..

:razz::

 

[Tomb raider]

محمد انت طبق الاتفاق اللي قلت لنا انا ونايف على سالفة شهر يناير وبس P:

 

[cube001]

اهم شي اختيار الزوجة المناسبة! لازم تعرف عنها كل شي قبل ما تتزوجها وتقتنع فيه وتتخيل وضعك كيف بيكون وتاخذ راحتك في اتخاذ القرار.

لان بيني وبينك شهوات الانسان راح تخليك تغض النظر عن بعض الامور لكن بعد ما تتزوج وتخف راح تبدأ تلاحظ وتتحسف وتبدأ المشاكل.

فلاتخلي شهواتك تأثر على قرارك واختيارك وتوكل على الله ومبروك مقدما

 

[Ammar_R]

ياربي ترزقنا بنت الحلال اللي نحبها وتحبنا ونبسطها وتبسطنا ...
اتوكل على الله يامحمد وابدأ جمع فلوس المهر من دحين اقولك انا :

 

[Still Alive]

ياربي ترزقنا بنت الحلال اللي نحبها وتحبنا ونبسطها وتبسطنا ...

آميييييييين ..


سؤال بس للآخ محمد ، انت كم سنة صار لك من خلصت الجامعة وتوظفت ؟