رفع مكافآت الطلاب بنسبة 150% ! .

[Zero]

السلام عليكم ورحمة الله وبركاته ..

رفع مكافآت طلاب الجامعات 150 بالمائة بعد شهرين

عوضة الزهراني ـ الدمام

أقرت وزارة التعليم العالي مقترحاً برفع مكافآت الطلاب الجامعيين بقرابة 150 بالمائة، عقب موافقتها على دراسة بهذا الخصوص رفعتها جامعة الملك سعود، تمشياً مع الارتفاع الملحوظ في الأسعار. وأوضح مصدر بالوزارة، أن المكافآت المقترحة ـ التي رفعت للجهات المسؤولة ـ تصل إلى 1800 ريال (بدلاً من 850 ريالا) لطلاب الأقسام الأدبية و2500 ريال (بدلاً من 1000 ريال) لطلاب الأقسام العلمية، مشيراً في نفس الوقت إلى توقعات بصدور قرار بذلك بعد شهرين.

http://www.alyaum.com/issue/article.php?IN=12913&I=624200

الخبر هنا .

الله يعزك يا بو متعب :rockon: .

 

[Alex]

هالكلام يشمل كل الجامعات ألي عندنا و لا سعود فقط .. ؟

أما لو يكون صحيح فبيكون .. :rockon:

 

[Isaac]

والله توني اليوم كنت آقول لابو رمت .... المكافآت لازم تنرفع ل١٨٠٠ ريال على أقل تقدير!

عام ٢٠٠٥ ... آول ما دخلت الجامعة ١٠٠٠ ريال كانت تمشي مصاريف الآكل والشرب بالنسبة لي (المطاعم) + غسيل الملابس.

الآن حسبناها ١٥٠٠ ريال بالعافية تغطي مصاريف الآكل لحاله ... ارتفع المعدل اليومي إلى (٤٠ - ٥٠ ريال) !!

ما آقول إلا الله يكون بعون الطلاب اللي يعتمدون على مكافآتهم بشكل آساسي لتغطية احتياجاتهم (المتغربين عن أهلهم بالذات)

اليوم كنت آفكر بصيغة سوال كنت ناوي اطرحه على مدير الجامعة يوم السبت القادم في اللقاء المنتظر. ودي آشوف التطورات الحاصلة عالموضوع من هنا ليوم السبت... وآتمنى ٌن المدير يعرج على هالموضوع في اللقاء، دون الحاجة إلى سؤال.

 

[MoShaKiS]

خبر السنه :rockon:

2500 مهي هينه لطالب , أبو متعب للفوز

 

[Zero]

هالكلام يشمل كل الجامعات ألي عندنا و لا سعود فقط .. ؟

يقول لك وزارة التعليم العالي .. وسعود هم اللي مقترحين ، وبما أن المكافآة من وزارة التعليم العالي أصلا فكيف تكون لسعود بس .

الحين الجامعة بيسحبوا من المكافأة 50 ريال من كل طالب لصندوق الطلاب :laugh::

 

[MoShaKiS]

الحين الجامعة بيسحبوا من المكافأة 50 ريال من كل طالب لصندوق الطلاب

لا تهنينا فيها :d

 

[Majeed]

اييييش :surprised: ؟؟

لول جا على بالي ذاك الي بمجلس الشورى الي قدم طلب إيقاف المكافآت >.>

اليوم يوم الأخبار الحلوة لي :rockon: ،، شكراً حسن ،،

 

[MR1]

الله يعين على موجة ارتفاع الأسعار الجديدة ><

لايدرون التجار بهالارتفاع

 

[Monster]

من زمان المكافأت لازم ترتفع ,,,, البنزين ياكل الفلوس اكل,,,, وكل شي غلا سعره....
اه يا بلد البترول

 

[The Doctor]

:rockon: .

 

[Revolver]

الله يعزك يا بو متعب .

...............

 

[Pyro]

مبروك على طلاب الجامعات :nerd: اهم شيء الزيادة تشمل الطلاب المغتربين، اذكر كنت اشوف مكافئات طلاب المملكة المتحدة، بكل اختصار رقم مضحك مقارنة باسعار البلد.

 

[Super Sonic]

شكلي بأقعد في الجامعة سنة كمان

 

[Andrew X]

وجهي خير عليكم ..ان شاءالله يكون صحيح بس..اخوي يشتغل وياخذ 1900 ريال لو يدري عن الزيادة بيحقد علي من قلب :laugh::

 

[Van]

خبر رهيب ! شكلي بروح أمريكا الصيف الجاي p=

 

[Andrew X]

رفع مكافآت طلاب الجامعات 150 بالمائة بعد شهرين

عوضة الزهراني ـ الدمام

أقرت وزارة التعليم العالي مقترحاً برفع مكافآت الطلاب الجامعيين بقرابة 150 بالمائة، عقب موافقتها على دراسة بهذا الخصوص رفعتها جامعة الملك سعود، تمشياً مع الارتفاع الملحوظ في الأسعار. وأوضح مصدر بالوزارة، أن المكافآت المقترحة ـ التي رفعت للجهات المسؤولة ـ تصل إلى 1800 ريال (بدلاً من 850 ريالا) لطلاب الأقسام الأدبية و2500 ريال (بدلاً من 1000 ريال) لطلاب الأقسام العلمية، مشيراً في نفس الوقت إلى توقعات بصدور قرار بذلك بعد شهرين.

ممممممم الألفاظ المستخدمة من قبل الكاتب تحسنه موب متأكد من الخبر مرة..ممكن خبر الزيادة صحيح لكن المكافآت راح تكون اقل من المكتوبة فوق .. او ممكن مافيه بالمرة لول

 

[ZiZ]

ههههههههههههههههههههههه!!!

ليش ماني مستغرب؟ XD

ويلومونا الناس في حظنا XD

 

[Justice]

امممم يعني على هالكلام راح نشوف الزايدة في المكافئة الجاية ولا بعد سنة ؟؟؟؟!!!

 

[Dr.Dreams]

الخبر والزيادة عجزت ابلعها:

جاء في بالي المثل "قال وش دراك انها كذبة قال من كبرها"

 

[Double T]

مع نزول سعر البترول .. ما اتوقع ابدا انهم يزيدوا .. " و ان " زادوا فمار راح تزيد عن 500 ريال

لكن ما نقول الا الله كريم .. و ان شاء الله يكون الخبر صحيح

 

[Zero]

شكلي بأقعد في الجامعة سنة كمان

خذ لك سنة وأنا أخوك لو ما كنت مستعجل على الوظيفة ومن ثم الزواج :xd: ، ومنها جدول أخف وبالتالي مواد أقل ووقت أكثر ودرجات أعلى بإذن الله .

شباب لا تتشائموا ، خلوا الواحد يفرح شوي .. اليوم يوم سعيد بالنسبة لي ( عرفت ويش المشكلة اللي تعيقني من لعب الأونلاين + شراء فايبل 2 + خبر المكافآت ) .

على فكرة مكتوب في الخبر بعد شهرين ، يعني مع بداية السنة القادمة أو مع ذو الحجة إن شاء الله .

 

[Mista Koo]

ما آقول إلا الله يكون بعون الطلاب اللي يعتمدون على مكافآتهم بشكل آساسي لتغطية احتياجاتهم (المتغربين عن أهلهم بالذات)

فعلا أنا معاك.. لو يحتفظون بميزانية الزيادة للطلاب المحتاجين (واللي يصرفون على نفسهم وأهلهم من المكافأة) ومن ثم للطلاب المغتربين يكون أفضل
لأن بعد ما قريت رد من أحد طلاب جامعتنا يقولك المكافأة ما تكفي لازم كل شهر شماغ وثوب وفاتورة الجوال مدري كم حسيت إنه حرام الفلوس تضيع كذا!

عموما الله يبارك فيها لي ولكم :happy: << خايف ينطق ._.

شكلي بأقعد في الجامعة سنة كمان

أنا قاعد تيرم زيادة قاعد تيرم زيادة... بس حاسبينها أول ما تخلص السنوات اللي المفروض تخلصها بيقطعونها :annoyed:

 

[JOKER MASK]

لييه ياربي بعد ما تخرجت انا :annoyed:

برجع الجامعه بلا وظيفة بلا هم الجامعة للفوز :xd:

 

[EPIC FAHAD]

والله انا اشوف انهاء اشاعه واضح هذاالشي لانو مهو قرار رسمي بس اذا كان رسمي يعني علي ما يتطبق كذا ابو ثلاث اربع سنوات يعني الين في الجامعه لا يفكر فيه كثير لانه راح يدوخ :evil::

 

[Captain Jack Sparrow]

يا رب يكون الخبر صحيح :laugh::laugh::laugh::

 

[Khalid-S]

بس لطلاب السعودية؟ والمغتربين الي الاسعار اكلتهم اكل والدولار نتف لهم ريشهم؟ لسه قاعدين على 1300 دولار؟

يالله.. مبروك للجميع.

 

[romance prince]

الله يجوزك

انشالله يكون الخبر صحيح

والله 990 ما تكفي

بصراحة ما عمري شفت طالب جامعة ولا كلية عندنا مو مطفر !

لازم من هالزيادة والله يطول في عمر ابو متعب ^_*

 

[G7Ga7]

 

[Andrew X]

حطوا اسوء الأحتمالات عشان ماتنصدمون بعدين اذا كان الخبر (مجرد امال مواطنين)..ان شاءلله يكون صحيح

 

[The Doctor]

الحين متى التأكيد؟

عشان اسوي حفلة بالزيادة p: