hits counter

رسمياً : لجنة التجارة الفيدرالية ترفض صفقة استحواذ اكتفجين و ترفع قضية على مايكروسوفت

صـلاح

True Gamer
مابعرف ليش فانز مايكروسوفت مستميتين في الدفاع على هاذي الصفقة ! .. كذا والا كذا كود بتنزل على أجهزتهم بحصر او بدونه سواء إشترت مايكرو اكتفجن او لأ!!!!!

إذا كود بتنزل على جميع الأجهزة.. مابعرف ايش المزعج لهم او اللي بيزعل بالأمر!!!

أوكي إذا تبغى تنافس حصريات سوني مثلا ؟ طور من أستوديوهاتك الداخلية ومن مستواها .. هذا افضل لك وللمنافسة ولينا كمستهلكين وللصناعة ككل.
أنا بالنسبة لي كود ما طقيت لها خبر لا من قريب ولا من بعيد ,, مو بس هي حتى جميع الألعاب اللي على شاكلتها والخدماتية وغيرها

حتى كراش ما همتني , يمكن سبايرو قليلا هي اللي مهتم لها

أنا يهمني فقط أن مايكروسوفت ترجع عناوين أكتفجين القديمة من المنظور الثالث فقط هذا كل اللي يهمني

الشيء الآخر بوجود أكتفجين مايكروسوفت راح تترقي أكثر وبتزداد ثقتها لتقديم أفضل الألعاب وهذا راح يعطي إيجابية على جميع استديوهاتها

فضلا على أنها راح تحقق أهدافها من دعم الجيم باس والسحابة والهواتف وجذب اللاعبين إليها
 
التعديل الأخير:

صـلاح

True Gamer
الصفقة ماتمت صح؟
طبعا , لو تمت ما راح تلاقينا اصلا نسولف في هذا الموضوع هههههه

+

أنا هنا خلاص بكتفي ردود , طولت كثيييييييييير

بوقف نقاشات وبربرة زايدة ,, لين ما يصير شيء قوي يستاهل النقاش فيه

مشكور يا @Dark_N11 على موضوعك الدسم , في أمان الله
 

MH MD

Moderator
مشرف
أوكي إذا تبغى تنافس حصريات سوني مثلا ؟ طور من أستوديوهاتك الداخلية ومن مستواها .. هذا افضل لك وللمنافسة ولينا كمستهلكين وللصناعة ككل.
هو كل الشركات تشتري بعض فما حبكت على مايكروسوفت (&)

نينتندو اشترت مونولوث سوفت عادي واستفادت جدا سواء بتطوير العاب اربيجي تميز منصتها، او حتى مساعدة مباشرة بتطوير ألعاب زيلدا مثلا، سوني اشترت بلو بوينت عادي، اشترت بنجي عادي -استوديو كان مملوك لمايكروسوفت سابقا!-، ليش؟ عشان تستفيد من خبرتهم بتطوير الالعاب الخدمية، لأن سوني نفسها فاشلة بهالموضوع، ما عرفت تطور استوديوهات داخلية تستفيد من الالعاب الخدمية وتطورها، فراحوا اشتروا استوديو متخصص يساعدهم بهالأمر، هذا الامر طبيعي جدا، مو كل شيء تقدر تطوره بنفسك.

كل الشركات تشتري، كل اللي فرق هالمرة هو الحجم -الهائل-، ولا الأساس والممارسة هي نفسها ما اتغيرت
 

OldGamer

Hardcore Gamer
هي حالتين

اللي بيصير أن سوني راح تقبل وهي صاغرة بإبرام العقود مع مايكروسوفت ولا حرفيا راح تخسر جمهورها !
هذا مايخليها صاغرة الا من وجهة نظرك فقط . لاتنسى ان مايكروسوفت كان اتفاقها اصدار كود لمدة ثلاث سنوات فقط على البلاي ستيشن وبعد احتجاجات سوني تمددت لعشر سنوات مع السماح لسوني بجلبها لخدمة البلس . اشوف سوني منتصرة في كلا الحالتين
 

guitaro

True Gamer
مابعرف ليش فانز مايكروسوفت مستميتين في الدفاع على هاذي الصفقة ! .. كذا والا كذا كود بتنزل على أجهزتهم بحصر او بدونه سواء إشترت مايكرو اكتفجن او لأ!!!!!

إذا كود بتنزل على جميع الأجهزة.. مابعرف ايش المزعج لهم او اللي بيزعل بالأمر!!!

أوكي إذا تبغى تنافس حصريات سوني مثلا ؟ طور من أستوديوهاتك الداخلية ومن مستواها .. هذا افضل لك وللمنافسة ولينا كمستهلكين وللصناعة ككل.


همممم لحظة افكر ليش مستميتين بالدفاع ...

يمكن عشان مابيضطر يشتري كود كل سنة وبيحملها من الجيم باس ببلاش ؟
ألعاب كراش ، سبايرو ، اوفرواتش ، ديابلو ، وغيرهم كلها بتجي جيم باس ...

ف يس .. ماألوم جمهور الاكس بوكس اذا دافع بشكل كبير عن الصفقه، فالنهاية يبي مكتبة الجيم باس تكبر ويحمل ألعاب من كل حدب وصوب
 

Emirates

True Gamer
همممم لحظة افكر ليش مستميتين بالدفاع ...

يمكن عشان مابيضطر يشتري كود كل سنة وبيحملها من الجيم باس ببلاش ؟
ألعاب كراش ، سبايرو ، اوفرواتش ، ديابلو ، وغيرهم كلها بتجي جيم باس ...

ف يس .. ماألوم جمهور الاكس بوكس اذا دافع بشكل كبير عن الصفقه، فالنهاية يبي مكتبة الجيم باس تكبر ويحمل ألعاب من كل حدب وصوب

اشكرك اختصرت علي عناء الرد

نعم مستميتين على شان Game pass والا انا شخصيا ماهمني حتى لو تنزل حصريات xbox جميعها على اجهزة بلي ستيشن
 

Anaxïmandrøs

True Gamer
كل الشركات تشتري، كل اللي فرق هالمرة هو الحجم -الهائل-، ولا الأساس والممارسة هي نفسها ما اتغيرت

أنا فاهم بل ومتفهم هالشي .. سوني أساسا هي من إبتدعت هذا الشيئ من زمااان بصناعة الألعاب ، و مايكروسوفت مضت على خطاها أيضا وشافت مصلحتها (هذا حق أصيل بعرف البزنس) ..

على الصعيد الشخصي ما عندي مشكلة مع استحواذ مايكروسوفت على اكتفيجن (ماهمتني ألعابهم كلها) .. لكن تصرفات الفانز هي اللي تثير الإستغراب صراحة .. كود نازلة نازلة على جهازك بجميع الأحوال والظروف فليش تتمنى تمنعها عن غيرك من اللاعبين اللي بيحبوها ..

الشركات طبعا تدور مصلحتها.. لكن صراع الفانز عجزت اني افهمه بصراحة!!
 

Anaxïmandrøs

True Gamer
ف يس .. ماألوم جمهور الاكس بوكس اذا دافع بشكل كبير عن الصفقه، فالنهاية يبي مكتبة الجيم باس تكبر ويحمل ألعاب من كل حدب وصوب

فاهم إنه الجميع بيدور مصلحته (الجميع) .. بالتالي وبنفس المقياس ؟ لما سوني تشوف مصلحتها بنفس الطريقة ؟ بليز خلي نفس الجمهور (اللي يبارك صفقة الإستحواذ) يقعد لنا فحته ناشفة وما يمارس شغل المظلومية تبعهم اللي امتد على مدى عقدين .. كل واحد يدور مصالحه بطريقته (أيا كانت) وإذا خسر مايقعد يشتكي من عدم نزاهة شركة عن أخرى.
 

Emirates

True Gamer
فاهم إنه الجميع بيدور مصلحته (الجميع) .. بالتالي وبنفس المقياس ؟ لما سوني تشوف مصلحتها بنفس الطريقة ؟ بليز خلي نفس الجمهور (اللي يبارك صفقة الإستحواذ) يقعد لنا فحته ناشفة وما يمارس شغل المظلومية تبعهم اللي امتد على مدى عقدين .. كل واحد يدور مصالحه بطريقته (أيا كانت) وإذا خسر مايقعد يشتكي من عدم نزاهة شركة عن أخرى.

اي جمهور فيهم

انت تعرف انه الاستحواذ يصب في مصلحة اربع جماهير اخرين

Xbox
Steam
windows pc
Nintendo >> باعتبارهم موقعين عقد ال 10 سنوات وضمان صدور اللعبه على الجهاز

لذلك FTC ومن على شاكلتها لازم تنظر لمصلحة المستهلك بما فيهم مستهلكين سوني وليست مصلحة الشركه
 
التعديل الأخير:

Anaxïmandrøs

True Gamer
اي جمهور فيهم

انت تعرف انه الاستحواذ يصب في مصلحة اربع جماهير اخرين

Xbox
Steam
windows pc
Nintendo >> باعتبارهم موقعين عقد ال 10 سنوات وضمان صدور اللعبه على الجهاز

لذلك FTC ومن على شاكلتها لازم تنظر لمصلحة المستهلك بما فيهم مستهلكين سوني وليست مصلحة الشركه

وهل من مصلحة جمهور بلايستيشن و نين (ولو انه مافرقت مع الأخيرة تماما) أنه تنزل كود لمدة عشر سنوات فقط؟!!

10 سنوات مجرد عقد وبيخلص.
 

Emirates

True Gamer
وهل من مصلحة جمهور بلايستيشن و نين (ولو انه مافرقت مع الأخيرة تماما) أنه تنزل كود لمدة عشر سنوات فقط؟!!

10 سنوات مجرد عقد وبيخلص.

ولا من مصلحة جمهور xbox انه ما تصدر اللعبه على game pass بموجب عقد حصرية محتويات وتسويق ::laugh:: ليش تجبرني اشتري اللعبه
 

Anaxïmandrøs

True Gamer
ولا من مصلحة جمهور xbox انه ما تصدر اللعبه على game pass بموجب عقد حصرية محتويات وتسويق ::laugh:: ليش تجبرني اشتري اللعبه

هي مسألة مصالح بالنهاية وفي ذلك فليتنافس المتنافسون .. أنا ما عندي أي إعتراض على الصفقة ك مبدأ "منفعي" بالنسبة لمايكروسوفت.. وكنت حتى دافعت بشراسة عنهم (مايكروسوفت) بأحد المواضيع لما إعترض جمهور سوني على الصفقة من منطلق "أخلاقي" لكن بالمقابل يباركون إستحواذات سوني وحصر المحتويات! .. انا لما بشوف التناقضات هذه ؟ بيخرج العفريت اللي بداخلي من غير ما أشعر ::laugh::

مع ذلك أنا مقتنع انه الحصر بشكل عام مو بمصلحة الزبون مستقبلا .. قد يكون حاليا مفيد بما انه المنافسة لسه قائمة.. لكن في حال عدم وجودها؟ بيكون الجيمرز هم الضحايا الوحيدين .. شركة تتحكم بمجرى الصناعة لهو امر غير صحي (سواء سوني او مايكرو)
 

fatal framer

True Gamer
السؤال اللي يطرح نفسه لو سوني عندهم فلوس مستعدين يدفعون علشان يحصرون لعبة اونلاين لهم متجاهلين فانز الاكس بوكس

انا اشوف سوني متخوفة من عنوان cod ومايكروسوفت حتى لو كانت سياستها غلط بس ١٠ سنوات عرض ممتاز اشوفه

ومن جهة ثانية اتفهم موقف سوني بالموضوع قاعدة لاعبينها لهم حصة كبيرة من اكتفيجن

نشوف هالمحاكم شراح تسوي معاهم
 

Magical Spear

Hardcore Gamer
على ذمة براد سميث:

ال FTC رفضوا عرض العشرة سنوات المقدم لسوني و انهم رافضين يسمعون اي آراء بما يخص المفاوضات.

الزبدة: FTC يبون الاستحواذ مايصير وناوينها نية .. الي عنده كم سهم في شركة اكتفجن يبيعها اليومين هذي والله اعلم الصفقة ماراح تكتمل.
 

ASWD

True Gamer
على ذمة براد سميث:

ال FTC رفضوا عرض العشرة سنوات المقدم لسوني و انهم رافضين يسمعون اي آراء بما يخص المفاوضات.

الزبدة: FTC يبون الاستحواذ مايصير وناوينها نية .. الي عنده كم سهم في شركة اكتفجن يبيعها اليومين هذي والله اعلم الصفقة ماراح تكتمل.

اتوقعها راح تتم في النهاية..ولو طولت شوي
 

Aziz18

Hardcore Gamer
على ذمة براد سميث:

ال FTC رفضوا عرض العشرة سنوات المقدم لسوني و انهم رافضين يسمعون اي آراء بما يخص المفاوضات.

الزبدة: FTC يبون الاستحواذ مايصير وناوينها نية .. الي عنده كم سهم في شركة اكتفجن يبيعها اليومين هذي والله اعلم الصفقة ماراح تكتمل.

يا لطيف اللوبي الازرق عامل عمايله حتى بالقيمنق واصل
 

OldGamer

Hardcore Gamer
ال FTC رفضوا عرض العشرة سنوات المقدم لسوني و انهم رافضين يسمعون اي آراء بما يخص المفاوضات
التنازلات بالأقساط من مايكروسوفت تعطي ال FTC انطباع ان مايكروسوفت جالسة تلّف وتدور.
 
أعلى