AM152
True Gamer
Golden Kamuy
عدد الحلقات : 12 حلقة
الأستديو : Geno
التصنيف : أكشن ، تاريخى ، سينين
تنبيه : العمل يحتوى على بعض المشاهد العنيفة و الغير مناسبة لبعض المتابعين
نبذة:
بعد إنتهاء الحرب الروسية اليابانية (الفترة بعد عام 1905 ) ، أحد الجنود السابقين سوجيموتو و اللى تم تلقيبه بسوجيموتو الخالد أثناء الحرب قرر التوجه لمنطقة هوكايدو شمال اليابان للبحث عن الذهب بسبب إحتياجه للمال لمساعدة شخص معين ، هناك هايسمع قصة عن كمية كبيرة من الذهب تمت سرقتها من قبيلة الأينو و عن مجموعة من اللصوص عندهم معلومات عنها و خلال الرحلة هيقابل فتاة من الأينو باسم أسيربا و مع بعض هايقرروا بدأ رحلة البحث عن الذهب
رأى شخصى :
أستديو Geno حديث نسبيا و العمل يعتبر ثانى مسلسل أنمى ليه حتى الآن و يمكن ده أحد أسباب بعض المشاكل الإنتاجية فى عمله السابق Kokkoku بس أظن إن المشكلة الحقيقية و اللى معظم المتابعين سمعوا عنها بخصوص العمل هو موضوع استخدام سى جى سيئ جدا فى بعض المشاهد بس السؤال هنا هل ده معناه إن العمل سيئ و ما يستحقش المتابعة أم لا؟
باستثناء مشهد قتال الدب اللى بقى مشهور حاليا العمل بيقدم قصة مشوقة و مختلفة عن الأعمال المعتادة ( و من كلام @the obscure الأحداث بتدور فى فترة زمنية نادر إنك تشوف أعمال بتقدمها) ، ده بالإضافة لشخصية رئيسية جيدة بدافع تقدر تشجعه
بالنسبة لى العمل قدم حلقة أولى جيدة و السى جى و إن كان سيئ فى بعض المشاهد إلا إنه مش سبب كافى لترك العمل خصوصا مع باقى مميزاته و بصفة عامة العمل يستحق إعطائه فرصة أما لو كنت من اللى مايقدروش يتحملوا السى جى السيئ بأى شكل فللأسف العمل غالبا مش هايبقى ليك
التعديل الأخير: