Punished Noctis
A Silver Bullet
اوكى.
الموضوع هذا مش راضي ينكتب.
يعني هذه تقريباً رابع محاولة ليا اني اكتبه. درافتين من الموضوع انرموا. كان عندي طموح كبير ليه، بتصاميم وتنسيق وحركات، وتغطية لكل جوانب اللعبة. حاولت اكتبه بالفصحى، ثم بالعامي، ثم رجعت ثاني للفصحى، وبكل مرة الموضوع مش راضي ينكتب زي الناس. لأن مشاعري تجاه اللعبة هذه معقدة شوية، وصعب جداً عليا اني انظمها، ومهما عدتها ولعبتها اكثر وانتظرت عليها، مش راضية تتنظم.
فانا مليت. الموضوع هذا بيكون فضفضة اتكلم فيها عن Kingdom Hearts III. فين توفقت، فين خيبت، إيش ممكن يتصلح، إيش لأ، كل شيئ. بس كفضفضة. مابراجع انا ايش كتبت ولا بعيد قراءته. علشان الموضوع ينزل على خير.
يلا نتكلم عن الباتل سيستم.
مشاكلي مع انظمة قتال فريق اوساكا موثقة كويس في أكثر من رد وموضوع. بس، كتلخيص، العابهم ماتشجعك انك تلعب بطريقة ممتعة. فيزيكال كومبو بطيء، نظام جاذبية سيء، اعداء مايحصلهم stagger. على الصعوبات المرتفعة بألعابهم، كل لحظة تقرر فيها انك بتهاجم فيها عدو، في فرصة انك راح تموت. مهما وقتت وقت الهجوم كويس. الكومبو جداً بطيء وبالغالب راح تكون في الهوا بدون خيارات دفاعية جيدة. الحل الوحيد هو انك تستعمل الـ command deck فقط بدون الهجوم عادي، وكون في 2-3 كوماندز احسن بكثير من كل كوماند ثاني في اللعبة، فمافي مساحة للاعب انه يعبر عن نفسه بالعاب فريق اوساكا. في طريقة واحدة انك تفوز بشكل reliable بذيك الألعاب في الصعوبات المرتفعة. والطريقة هذه ابداً مش ممتعة.
طيب Kingdom Hearts III ايش سوت مقارنة بالعاب اوساكا الماضية؟ هل هي معجزة في الـ Game Design تنافس Kingdom Hearts II FM+ بالدقة والعمق؟ لا. هل راح تبني مجتمع من الـ Speedrunners يلعبها ويكتشف فيها اشياء جديدة لـ 13 سنة قدام؟ بالغالب لا. لكنها لسه قفزة مهولة عن اجزاء المحمول، وأكيد من أكثر الأنظمة القتالية اللي استمتعت بيها هذا الجيل. استمتعت كفاية لدرجة ان اول شيء سويته بس جبت البلاتينيوم، هو اني عدتها وخلصتها ليفل 1. خلونا نتكلم عن إيش سوت صح، وإيش سوت غلط.
إيش سوت صح؟
+ في إصلاحات كثير توريك وعيهم بمشاكل أجزاء المحمول. الجاذبية ماتغيرت كثير واللعبة لسه floaty، لكن الحين عندك خيارات دفاعية كثير في الهوا تخلي الموضوع مش مشكلة زي ماكان في اجزاء المحمول. الفيزيكال كومبو يسوي دامج ممتع وسرعته طيبة. كل الأعداء يا عندهم stagger مظبوط يا حركاتهم تيليجرافد بشكل واضح انك تقدر تتفاداها بالوقت المناسب وسط الكومبو. أيوة وسط الكومبو لأن لأول مرة في السلسلة تقدر تكنسل الأنيميشن بالتفادي او الصد، مما يخلي المعارك aggressive واسرع أكثر من اي جزء سبق. وبدل ماكان في خيار واحد او خيارين احسن بوضوح من أي شيء ثاني في اللعبة، هنا تقريباً كل شيء في اللعبة جداً قوي. طبعاً هذا ادى لكم مشكلة ثانية بنتكلم عنهم، لكنه ايضاً خلى النظام القتالي جداً واسع ومتشعب وكل لاعب ممكن يلعب بطريقة مختلفة تماماً عن اللاعبين الآخرين ولسه يحصل نتائج بنفس الجودة. غير Firaga يمكن واللي لسه مقننة لحد ماتفتح آخر ايتيمز تقدر تفتحها باللعبة، والألتيما ويبون اللي علشان تحصله لازم تخلص كل شيء في اللعبة تقريباً، مافي شيء اقوى بوضوح من باقي الأشياء في اللعبة.
+ نظام الكيبليدز هو شيئي المفضل باللعبة. بدل ماهو نظام أسلحة RPG تقليدي أن كل سلاح تقريباً افضل من اللي قبله كـ States مع شوية فروق ابيلتيز بسيطة، هنا كل Keyblade تفتحه لسورا، كأنك فتحت Playable Character جديدة. كل كيبليد يعطيك تحول او تحولين جدد، كل منهم له moveset خاصة بيه، shotlock مختلف، ابيلتيز مختلفة، movement options وطرق تفادي مختلفة، counters مختلفة. فعلياً كأنك قاعد تبدل شخصيات مش أسلحة. والشيء الرائع اللي سووه هنا هو انك تقدر تلفل الكيبليدز، فكل الكيبليدز في الـ Max Level قوتهم قريبة من بعض وكلهم بنفس الدرجة من الفائدة، فإختيارك للكيبليد اللي تستعمله هو شيء نابع من أسلوب لعبك وكيف تبغى تعبر عن نفسك. التعبير عن النفس هو واحد من أهم الأشياء عندي في لعبة الأكشن، وKHIII تتميز جداً بهذا الجانب.
+ استكمالاً لنقطة الكيبليدز، من أروع الأشياء اللي سووها برضو هو انك تقدر تشيل 3 كيبليدز معاك بدل واحد. وتبدل بينهم on the fly بضغط زر. الشيء هذا جداً جداً رائع وفتح احتماليات خرافية للنظام القتالي، خصوصاً انك تقدر تخزن التحولات بعد ماتوصلها، وتبدل بين 3 تحولات بنفس الوقت. فأستعمل Highwind لأقترب من الزعيم واسوي damage، بعدين بس يبعد احول لـ Mirage Staff واهاجمه من بعيد وهو يجهز ضربته،وبس يهاجم احول لـ Countershield لأكونتر ضربته for maximum damage والموضوع كله يحسسني اني ماستر وجداً رهيب. احب نظام الكيبليدز.
+ ميكانيك ثاني مرة عشقته وبيخلي الرجوع للاجزاء القديمة شيء صعب هو الـ Airstep. ياربي على الـ Airstep. هذا باختصار الـ Warp Strike حق نوكتيس من فف15. تصوب على العدو. تضغط زر. سورا يروحله تلقائية ويبتدي الكومبو. الشيء هذا كان جداً ضروري في هذه اللعبة بسبب كبر ساحات القتال الشديد عن الاجزاء الماضية، فانت فعلاً محتاجة طريقة لتقفز بين عدو وعدو بشكل سلس وسريع. كونك تقدر تكنسل الكومبو او حتى الماجيك ليه يؤدي لحاجات جداً سكسي وتفتح النفس، زي اللي ممكن تشوفوه هنا. اضافة ممتازة لترسانة سورا العملاقة من القدرات بهذا الجزء.
+ الماجيك برضو رائع هنا. هذا شيء ماكنت متفاجئ منه بقدر باقي العناصر المذكورة لأنه اولريدي جربناه في 0.2 وانبهرنا منه. حابب كيف تقدر تعمل cast وانت تتحرك (زمان هذا كان ممكن بس بالدرايف فورم).. حابب كيف تقدر تستعمله للفلو موشن بأنك تتزلج على الجليد او تخلي الرياح ترميك فوق.. وحابب مرة كيف له تأثيرات مختلفة على بعض الأعداء والبيئات. يخلي الموضوع كله جداً ديناميك وانتراكتف بشكل يفتح النفس.
+ ماعندي كلام كثير أقوله هنا.. لكن الفلو موشن والشوت لوك بيرفيكت. مش سوبر اقويا زي ماكانوا في BBS و3D، لكن موزونين بشكل احسن بكثير ولا يزالوا جداً مفيدين. حبيتهم. وحبيت كيف تقدر تبتدي كومبو طبيعي من الفلو موشن. مدري كيف غابت عن بالهم في 3D وسعيد انهم صلحوها هنا.
إيش سوت غلط؟
- اللعبة سهلة. جداً جداً جداً سهلة. Insultingly سهلة. نفس اللي حصل في 2 حصل هنا لكن بشكل اقبح. كل الميكانيكس والحاجات الكوول اللي تكلمت عنها فوق؟ اغلب اللاعبين بيخلصوا اللعبة بدون ما يستعملوها. بيضغطوا اكس وكل شيء قدامهم يموت. حتى لو يلعبوا على اصعب صعوبة متوفرة. الموضوع مسخرة وضر الزعماء بالربع الأخير تحديداً كثير. حتى اما عدتها على LV1 كانت سهلة يا شيخ. بصراحة احسهم تورطوا شوية اصلاً مع قد إيش سورا قوي في اللعبة، وانهم بيحتاجوا يحطوا مجهود محترم في اعادة وزن اللعبة لل Critical ليخلقوا تحدي ممتع ومنطقي حول قدرات سورا الحالية. اتمنى الكريتيكال اللي نحصله بيكون محترم.
- الـ Firaga جداً مكسورة. خصوصاً عند الزعماء. خصوصاً اما تعرف انت ايش قاعد تسوي ومستعمل الايتيمز المناسبة. نيرف بلز.
- ماكرهت الاتراكشنز فلو زي غيري، واشوف ليهم مكان في اللعبة خصوصاً كـ crow control method بالذات بس تطفي الانترو انيميشن حقهم، لكن بعضهم جداً سيء، واحياناً ابغى العب بدونهم. لازم يكون في اوبشنز لإيش الاتراكشن فلو اللي تبيها تطلعلك، او تطفيهم نهائياً.
- اكبر مشكلة يمكن في النظام القتالي الحالي هو كون الحركات التعاونية راندوم. ما ابغى انفخ المشكلة بزيادة كونها لسه ارحم بكثييييييير من اهون مشاكل العاب المحمول مثلاً. لكن مع قد إيش Duck Flare قوية، كنت بفضل لو كان لك الخيار انك تستعملها مقابل Drive أو MP. انك تحصل شيء بهذا القوة بالمجان بس ييجي على بال اللعبة مش جيم ديزاين كويس برأيي. تتستحق بار MP كامل أكثر من أغلب الـ Links. وهذا يذكرني..
- الـ Links محتاجة شوية اعادة وزن. نرفوا سيمبا، قووا البقية، وخلوهم يستعملوا ماتبقى من الـ MP Bar زيهم زي الكيور بدل بار كامل. بشكلهم الحالي مايشجعوا على الاستعمال كثير. حتى سيمبا. بالذات ان ماعندهم انفنسبيلتي فريمز.
- الكومبو احسن بمليون ألف مرة من العاب المحمول.. لكن لسه أتمنى يحصل تسريع لأنيميشن الكومبو العادي بـ 15-20%. لسه sluggish شوية مقارنة بـ 2.
ــــ
طيب يلا نتكلم عن العوالم والمحتوى.
العوالم أكبر نقطة قوة في اللعبة هذه واكثر شيء يميزها عن الأجزاء الماضية. طبعاً شيء مبهر اما تتذكر ان هذه أول لعبة لفريق محمول طول عمره يسوي كوريدورات على الـ PSP، وفجأة قاعد يصمم عوالم عملاقة على الكونسول. كل الريسبيكت لفريق اوساكا.
إيش سوت صح؟
+ العوالم جداً جميلة. جداً جداً جداً جميلة. من غابات كورونا لنطاحات سحاب سان فرانسوكيو، عوالم اللعبة فيجوالي جداً مبهرة. مساحات شاسعة ومرة مختلفة عن بعض مظهرياً. فرق السما والأرض عن الغرف والممرات في KH2.
+ الإنتراكشنز اللي تسويها مع الشخصيات في بعض العوالم، زي اللعبة في البحيرة مع رابنزل او الطيران فوق ظهر بايماكس في سان فرانسوكيو، جداً اضافت نكهة للعبة. هذا اكثر جزء تحس فيه بروح Disney فعلاً.
+ الميني جيمز في غالبها ممتازة ومدمجة في القصة بشكل طيب. من الرقص في كورونا للتزلج على الثلج في ارياندل لسفينة الكاريبي اللي كأنها لعبة بحد ذاتها، كلهم خلقوا لحظات جداً ميموربل تذكرني بألعاب فاينل فانتسي على الـ PS1. استخدام الميني جيمز كجزء من المين كويست كان واحدة من الأشياء اللي جداً تحبها السلسلة ذيك الأيام.
+ حبيت كيف في كثير بلاتفورمينج وكيف في شوية الغاز بسيطة ومناطق اوبشنال. مرة ثانية، فرق كبير عن أي جزء سابق، وإعادة زيارة لفلسفة 1 في تصميم العوالم اللهم مع ميكانيكيات استكشاف وحركة ممتازة تتخلص من awkwardness الجزء الأول.
+ وطبعاً الشيء اللي يخلي العوالم هذه تبرز أكثر هو الـ collectibles. الكنوز رجعوا هنا وصار يتم تخبيتهم باماكن جهنمية تستغل مساحات العوالم وتعقيدها لكن نجم الحفلة كان الـ Lucky Emblems. وجوه ميكي متناثرة بكل مكان في عالم اللعبة ودائماً ريواردنج انك تلقى واحد. كل شيء في اللعبة ممكن يكون واحد. ما اتذكر متى آخر مرة استمتعت بكوليكتبل بهذا الشكل.
+ الميني جيمز الإضافية والباتل جيتس اضافات بوست جيم موفقة.
إيش سوت غلط؟
- بعض العوالم، تحديداً مونستر اينك، ماتبنوا فلسفة التصميم الجديدة وكانوا اضعف بكثير من غيرهم.
- بعض الميني جيمز ماكانت بنفس الدرجة من جودة التصميم زي غيرهم واخذوا وقت اكثر مما يستحقونه، خصوصاً روبوتات الجيجاس في عالم توي ستوري.
- غياب كامل لشخصيات فاينل فانتسي وعالم راديانت جاردين. عندي نظرياتي عن السبب، لكن بغض النظر عن السبب، لسه احباط شنيع.
- وامتداداً لهذا، العوالم الأوريجينال بهذا الجزء جداً قليلة، وجداً، جداً، جداً صغيرة ومش متعوب عليها مقارنة بعوالم ديزني.
- اللعبة تحتاج اضافات بوست جيم قتالية اكثر.
ــــ
أخيراً، كفقرة رئيسية يلا نتكلم عن القصة.
مابقسمها لإيش سوت صح وغلط لأني مرة غاضب من القصة اني اقدر اشوف اي شيء سوته صح. القصة كارثة. ومش قصة كارثة بالطريقة الكيوت اياها ان قصة كينجدوم هارتس عموماً كارثة. لا.
انا من الفئة الغريبة من البشر، اللي تشوف ان حوارات كينجدوم هارتس مضروبة وقصتها كونفلوتد بزيادة وتستحق كل التنكيت والطقطقة اللي تحصل عليها (ماعدا موضوع انها طفولية.. لانها لعبة اطفال يعني بالمقام الأول اكيد طفولية)، لكنها برضو جداً انفيستد فيها، تلعبها منذ الطفولة، وعندها اهتمام تعرف ايش بيصير.
وخلوني أقولكم، Kingdom Hearts عبيطة وكونفلوتد نعم، لكن كان دايماً عندها الـ human decency انها ماتناقض نفسها. انها تشرح نفسها. كانت تقدر توصلك وتوصل لمشاعرك رغم كل سذاجتها و "طفوليتها" او وتيفر.
هذا كله تغير، اما كازوشيجي نوجيا، كاتب فف7-8-10، بطل يكتبها، وتيتسويا نومورا بدأ يكتب القصة والحوار كاملة بنفسه مع اسيستانت رايتر بداية مع 3D. زمان، نومورا كان يعطي الأوريجينال ستوري، وتحته نوجيما وكتاب آخرين يكتبوا القصة منه. لكن من تولى الموضوع كله بنفسه مع 3D، والحين في 3، احتفظت السلسلة بكل مشاكلها القصصية القديمة، وخسرت كثير من مميزاتها.
يلا شوية سبويلرز. اما اخلص بكتب "خلصت السبويلر" بالأحمر لتعرفوا فين تكملوا قراءة.
- تايملاين زيهانورت انضرب بالكامل. المفروض انه كان بالديستني آيلاند يتمنى يشوف عوالم ثانية لحد ما انسيم جاه من المستقبل وخبره عن الخطة والعوالم والكيبليدز. في KH3، بكل عدم مبالاة، نشوف نسخة اصغر من زيهانورت تلعب شطرنج مع ايكاروس، وعيونه لسه مش صفراء معناه انه ما استعمل الداركنيس. يعني هو كان اولريدي يعرف إيش هو الكيبليد وطلع من الديستني آيلاند. خير؟
- ليش إسمها كيبليد وور واغلب المنظمة ماتستعمل كيبليدز؟ طيب السالفة الخايسة البايخة من 3D ان زيهانورت الكبير حط نفسه جوا الصغير علشان الصغير يعرف يستعمل كيبليد للحرب هذه ليش صارت؟ مادام مش محتاجين كيبليدز لحرب الكيبليد؟
- ليش اكوا جالسة تتفرج على تيرانورت وهو يقتلهم كلهم بدون ماتسوي شيء وهي اقوى منه وغلبته اولريدي في بيرث باي سليب؟
- ليش قوانين السفر بالزمن تغيرت وخربوطة الباور اوف ويكينج هذه ليش اللعبة ماكلفت نفسها تشرحها؟ المهزلة اللي حصلت بالكيبليد جريفيارد هذه ليش نطوا من فوقها ولا كأنه شيء صار؟
- ليش كايري، وليي، وحتى باقي الكيبليد ويلدرز بدرجة أقل كلهم يوزليس بهذا الشكل؟ ايش كان فائدة آرك التدريب كله والهايب اللي سوته نهاية 3D؟
- إيش الخياس ان الحل السحري لمعضلة قلوب روكساس وشيون داخل سورا هو انك تسوي شيون جديدة، وروكساس كلون من الداتا، وتقول خلاص رجعوا ولا تفكروا في الموضوع اكثر من كدة. طيب والمساكين اللي عالقين جوا سورا ويطلعوله باحلامه وكل شوية يصيحوا ايش صار عليهم؟ اللعبة بتسحب عليهم خلاص ويا لاعب انسى السالفة اللي انت انفيستد فيها ليك 10 سنين وزيادة؟
- تويست زيهانورت بالنهاية متناقض تماماً مع كل شيء شفناه ونعرفه عن الشخصية. ومايستاهل الريديمبشن التافه اللي صار بالنهاية هذا ابداً. بعد كل العذاب والقرف والموت اللي المخلوق هذا سواه، كان يستاهل ان سورا يقتله زي ماقتل زيمنيس وانسيم. بس. يقتله. انه يروح الكينجدوم هارتس وهو يضحك ومبسوط هذه مش نهاية مرضية ابداً.
- ايش كل الخرابيط عن الصندوق ولوشو والبنت الستيلا ويوزورا وكل البناء هذا لمستقبل السلسلة؟ هذه نهاية قصة عمرها 17 سنة. انهيها كويس بعدين فكر باللي جاي بعدين. عيب.
- ليش اللعبة تخلص على كليفهانجر!؟
- ليش نهاية قصة متابعها ليا فوق نص عمري، ماقدرت تاخذ مني ولو دمعة واحدة، بينما بكيت بكل تلقائية على نهاية 2 وانا اشوفها للمرة المليون اخر مرة عدتها؟
خلصت السبويلرز.
كينجدوم هارتس 3 قصة تناقض بعضها. لا تحترمها قوانينها. قصة كتبها واحد ماعاد عنه اهتمام بالقصة الحالية ويبغى يروح للنكست ثينج. قصة مهتمة بما بعدها اكثر من اعطاء نهاية مرضية للفوضى اللي خلقتها على مدار مايقارب عقدين من الزمن. كينجدوم هارتس 2 تشتغل كنهاية أكثر من كينجدوم هارتس 3. وهذه مصيبة.
ــــ
*نفس عميق*
طيب، الفاينل مكس؟ ايش ابغى منه؟
- اهم شيء، مود Critical موزون وممتع ويقدم تحدي حقيقي. مش الصعوبة البايخة المكسورة حقت BBS/3D. حاجة مبنية حول سيستمز اللعبة وتخليك تستعمل كل الميكانيكس.
- تسريع كومبو سورا الديفولت بـ 15-20%.
- اعادة بالانس للفيراجا واللينكس.
- خيارات اكثر لتشغيل واطفاء الاتراكشن فلو.
- نظام مانوال للحركات التعاونية. (بالغالب مابيحصل)
- ظهور لشخصيات فاينل فانتسي وقتال سيفيروث. يمكن تاي-ان مع صدور حلقة الريميك الأولى حتى.
- Data Fights للمنظمة تقاتل فيهم كل واحد لوحده كسوبر بوس زي 2. كل شيء موجود جاهز بس اعادة وزن.
- سيكريت بوس إضافي بنفس صعوبة وتعقيد اللينجرينج ويل من KH2FM+.
- كولوسيم في عالم هركليز، او ميراج ارينا.
- ياريت Secret Episode زي BBSFM مبنية على النهاية السرية. ما ابغى انتظر سنين على كليفهانجر بلعبة المفروض كانت ختامية قصة الطفولة.
وبس، تحققت غالب هذه الأشياء، انا راضي أتم الرضى عن Kingdom Hearts III. مستثنياً القصة طبعاً.
من الغريب، ان مع كل هذه المشاكل، هذه أكثر لعبة استمتعت بيها على الـ PS4. مرة استمتعت بيها. بلاتينيوم وختمتين واحدة منهم LV1، وشكلي بخلص الموضوع واروح ابداً نيوجيم كمان. الجيمبلاي is that good. بس محتاج صعوبة وشوية تويكس بسيطة وبيكون واحد من انظمتي القتالية المفضلة على الإطلاق. هو اولريدي قريب.
انا في وضعية غريبة مع Kingdom Hearts III. توقعاتي منها ان فريق اوساكا بيخبص الجيمبلاي كالعادة، لكن القصة بتكون ايموشنالي ريواردنج كفاية اني احب اللعبة، لكن العكس حصل. حرفياً العكس. مرة متفاجئ ومبسوط من اللعبة، ومرة زعلان ومحبط منها في جوانب ثانية. الحمدلله اني ماعدت اهتم بقصة السلسلة زي زمان بس، والا كنتم بتلقوني في panic mode الحين. الحين متضايق شوية اوكى، لكن مش كفاية انه يخرب عليا قد إيش كل شيء ثاني في اللعبة رائع.
Kingdom Hearts III لعبتي المفضلة على الـ PS4.
وبس والله.
، حسيت اللعبة تكبر معي مثلا نومورا سابقا كان يشبه الموت بالنوم الطويل وشخصيات ديزني الميتة كان يطلعهم بعيون مغلقة