خلونا نتكلم عن ثورة البوكيمون في الوطن العربي

[XORO]

السلام عليكم ورحمة الله وبركاته

في أواخر التسعينات وبداية الألفية ظهرت موجة في الوطن العربي الا وهي البوكيمون

البعض عاش هالفترة وركب موجة الهايب والبعض مرت عليه مرور الكرام

كل شي كان بوكيمون بداية بالمسلسل على MBC مرورا بأدوات المدرسة وآخيرا الملصقات والتازو

احد يتذكر التازو اللي كان موجود في شيبس ليز ؟ وقتها المدرسة
أصابتها العدوى في الفسحة كل مكان تحصل الاولاد يتبادلون التازو

احد يتذكر بطاقات المبارزة اللي كانت تنباع في المكتبة والبقالات ؟

تقريبا انا جمعت كل شي من هذه الاشياء وكنا نتبارز كل
يوم بالجيم بوي ونتنافس على تجميع كل البوكيمونات

محتوى مخفي: صورة مجموعة العابي

للأسف هالشي ما أستمر طويلا بعد سالفة التلفيق والبدع اللي صارت

اختفى البوكيمون وطلع بديل له على سبيس تون ديجيمون ومن هنا بدأت
حركات التقطيع والتحريف في الدوبلاج






​

 

[Gamer-89]

حظي السيء اني ما تابعت الانمي لان ما كان عندنا دش ، كنت اروح لراعي الفيديو كل مرة عشان استأجر شريط واتابع ثلاث حلقات ، اللعبة كانت ادمانية بشكل مش طبيعي ، عيبها انها كانت قمار ولا كل شي ثاني كان ممتاز .

 

[Photon]

الكلام عن بوكيمون يثير شجوني! مع الأسف ما استمتعت بالكامل بذيك الفترة بموضة بوكيمون بسبب إني كنت أحاول أكون مختلف عن الجميع وأتصرف على أساس إني أكبر من عمري وبوكيمون للأطفال مو لي والخ مع إنه كان عمري 10 سنوات أظن وقتها. طبعا ما أنسى تخاريف شيوخ الدين واللي صدقتها بكل آسف وخربوا علي حتى أدنى محاولة مني للاستمتاع ببوكميون. للآسف حتى مدارسنا كانت تحارب بوكيمون بكل الطرق البشعة.

من ناحية إيجابية، جنون بوكيمون بدأ عندي مؤخرا وأنهيت بوكيمون يالو كأول لعبة بوكيمون في حياتي بعد حوالي 15 سنة من صدروها، بالإضافة إلى إني بدأت أتابع الأنمي بنهم شديد ووصلت الآن للموسم السادس من أصل 16 موسم متوفر حاليا. الأفضل من هذا كله إني بدأت في عمل خطة لإنشاء نادي لعشاق بوكيمون عندي بالجامعة وبحصل دعم مادي لأنشطة النادي من جمعية الطلبة قريبا.

شغفي الحالي ببوكيمون أكبر من أي وقت مضى في حياتي .. طبعا ركوب الموجة من بدايتها لها طعم خاص لكن ما أقول إلا قاتل الله العقليات السقيمة اللي حرمتنا من بوكيمون وحرمتنا من طفولتنا الحلوة!!

شكرا عزيزي على الموضوع الجميل واللي جا بوقته وخلاني أفضفض شوي =(

 

[Sir Guts]

معاصر بوكيمون من بداية الظهور الى الآن. لعبت كل الألعاب و ما زالوا عندي، شفت الأنمي، البطايق الى الآن عندي، التازو للأسف مدري وينهم بوكيمون شي كبييير بالنسبة لي. كل البطايق النادرة عندي اياهم! تقريبا عندي 5-6 كاتلوجات فيها بطايق بوكيمون. ناهيك عن جميع الألعاب على الأجهزة المنزلية و المحمول. الثورة ستعود قريبا! ترقبوا عودة ثورة بوكيمون في ال12 من شهر اكتوبر:rockon:

 

[Omni-Doom]

ترقبوا عودة ثورة بوكيمون في ال12 من شهر اكتوبر:rockon:

هذا الرجل يقول الحقيقة :w00t: *هايب تي جي مان*

 

[Dark Jester]

طبعا ما أنسى تخاريف شيوخ الدين واللي صدقتها بكل آسف وخربوا علي حتى أدنى محاولة مني للاستمتاع ببوكميون. للآسف حتى مدارسنا كانت تحارب بوكيمون بكل الطرق البشعة.

صدقني المسألة مو شيوخ أو شيء ، المسألة اللي صارت كانت مجموعة شباب أو ناس فاضية كان عندهم كمبيوتر فيها ويندوز
98
قالوا خلونا نضحك على الشعب أو ما عجبهم البوكيمون ، فقاموا سووا الإشاعة البايخة ذي ، طبعاً لأن الغالبية العظمى ما كان عندهم أي خلفية عن الإنقلش صدقوهم
و المشايخ أخذوها بحسن نية

على فكرة ...
ترى مو بس في العالم الإسلامي طلع شيء مشابهة ( هدم سمعة البوكيمون بإسم الدين )
ترى فيه حتى اليهود و الأمريكان سووا شيء مشابهة و أبيخ من اللي كان عندنا
مثال :
يقولون هذا البوكيمون قاعد يسوي تحية هتلر ، سووا نياحة يومها خاصةً اليهود

:yuck::

 

[USefQ80]

بوكيمون = طفولتي ! و للأن مستمر اتابع الأنمي ( عندي الـ16 موسم كاملين ) و الأفلام !
الألعاب الحمدلله لعبت بلشت العب من بوكيمون Red ! و تقريبا عندي كل الأجزاء الرئيسية ! ( ضاع مني دايموند بس شريت بيرل بداله ) و بعض الأجزاء الفرعية
ما اذكر انه يات فترة و قطعت اللعب!
الكروت للان محتفظ فيهم

بوكيمون السلسلة رقم 1 بالنسبة لي !
السنة هذي افضل سنة من ناحية الألعاب !!

 

[Silverado]

يا إن الصور رجعتني لأيام حلوة =(
عاشق للبوكيمون من 1996 وإلى يومنا هذا، جيمز وأنمي،
للحين مرات أدخل موقع أشوف فيه حلقات جديدة من الأنمي، لما أشوفه أحس الزمن توقف، أحسني ما كبرت.

إن شاء الله بشتري الـ 3DS لما ينزل الجزء الجديد، مو متحمس للعبة غيرها بس بشتريه عشان بوكيمون.

 

[G_kirby]

وعليكم السلام ورحمة الله وبركاته

يمكن أعتبر متأخر شوي لكن أنا بدأت من جيل الكولور وتحديداً جولد :inlove:
يمكن أول شيء لاحظته هو اختلاف البوكيمونات الرئيسية وما كنت اعرف اغلب البوكيمونات بحكم اني كنت اتابع المسلسل القديم اللي هو الجيل الأول :laugh::

طبعاً استمتعت باللعبة وكنت اخذها المدرسة والعب بالفسحه مع الشباب وفله بس يوم جاء قرار المنع صارت مشاكل مثل ما الكل انقهر على شيء ما يسوى صراحه. صار ممنوع احضار اي شيء متعلق باللعبة أو المسلسل سواءً كروت أو ادوات مدرسية من شنطة وأقلام ...الخ

بعد كذا انتقلت للكروت.. الشيء الرهيب انهم كانو الجيل الأول هذي المره. جمعت كل شيء قدامي أصلي وتقليد :laugh::
ما وقفت هنا لأ، انتقلنا لتحديات في المدارس والحاره كانت أيام حماسيه صراحه. تقريباً لعبة مراهنة, نحدد من قبل القيم تازو(؟) معين اذا فزت تاخذه. يعني مثلاً اذا خسرت أعطيه بولباسور واذا فزت أخذت ميوث وهكذا..

فيه لعبة ثانية بالكروت كنت العبها مع أخواني, من اكتشافنا وتطويرنا طبعاً :laugh::
اللي هي ناخذ كل الكروت ونقلبها على الأرض ونحطهم بشكل عشوائي بصفوف كلهم بعد كذا نجيب نرد ونرمي اكبر رقم هو يسحب كرت من المقلوبة وهكذا 6 مرات. بعد كذا كل واحد يكون كون فريق خاص فيه مكون من ستة بوكيمونات عشوائية. هنا ننتقل للمبارزة، تعتمد بشكل كلي على نوعية البوكيمونات اذا كان ماءي يهزم الناري واذا كان كهربائي يهزم المائي وكذا..

كانت أيام لا تنسى صراحه وأحس إني حللتها مع العاب السلسلة بكل أشكالها :laugh::
الغريب انها انتشرت بشكل مثل النار الكل صار يعرف فجأة ايش هي بوكيمون واسماء البوكيمونات والمسلسل والألعاب وغيره صراحه ما أتوقع انه راح يمر شيء مثل كذا مستقبلاً أبداً.

أشكرك عالموضوع :crying:

 

[MAZ gamer]

نسيت اهم شي
:inlove:

ذكريااااات :crying:

 

[SAUD~F-16]

^
كان عندي تشارماندر و السلحفاة المائية المدفعية.

 

[Bounty]

من اجمل الاشياء الي صار لها "هبه" في حياتي .. كانت ادمان بشكل جنوني .. اذكر كنا انا و العضو محترم نجمع كل البوكيمونات عالGBC ونتبادل


بس عندي ملاحظه بخصوص التحريم .. ترى اللعبه فعلا فيها امور ممكن تخلينا نتقبل بعض النظريات مثل نظرية التطور و نظرية الأنواع للبوكيمونات (ناري/مائي/هوائي(عشبي)..إلخ) الي يؤمنون فيها عالم الأبراج الفلكية (وهي مأخوذة من علم القبالة/الكابالا .. وهي من الاساسيات في شرح العناصر من اضلع نجمة داوود) .. هالاشياء ممكن تجعل الطفل لما يكبر يحب هالاشياء بدون ادراك منه انها تذكره بشيء يحبه جداً اثناء طفولته في عقله الباطن.. طبعا اذا ما كان يعرف انها حرام

مابي اطول بالموضوع لول .. بس موضوع بوكيمون ماتقدرون تلومون فيه رجال الدين من جميع الديانات لأن فيه عرض واضح لكل ماهو محرم (انا شخصيا ماشوف انها حرام اذا تم تنبيه الطفل ان فيها افكار محرمة بشكل او بآخر)

 

[Rakan HD]

لو بتكلم يبيلي 3 ساعات كتابه...و10 الاف سطر علشان اكتب ذكرياتي معاها ..اصلا اسم عضويتي على شخصيه gary oak :")

من اجمل الاشياء الي صار لها "هبه" في حياتي .. كانت ادمان بشكل جنوني .. اذكر كنا انا و العضو محترم نجمع كل البوكيمونات عالGBC ونتبادل


بس عندي ملاحظه بخصوص التحريم .. ترى اللعبه فعلا فيها امور ممكن تخلينا نتقبل بعض النظريات مثل نظرية التطور و نظرية الأنواع للبوكيمونات (ناري/مائي/هوائي(عشبي)..إلخ) الي يؤمنون فيها عالم الأبراج الفلكية (وهي مأخوذة من علم القبالة/الكابالا .. وهي من الاساسيات في شرح العناصر من اضلع نجمة داوود) .. هالاشياء ممكن تجعل الطفل لما يكبر يحب هالاشياء بدون ادراك منه انها تذكره بشيء يحبه جداً اثناء طفولته في عقله الباطن.. طبعا اذا ما كان يعرف انها حرام

مابي اطول بالموضوع لول .. بس موضوع بوكيمون ماتقدرون تلومون فيه رجال الدين من جميع الديانات لأن فيه عرض واضح لكل ماهو محرم (انا شخصيا ماشوف انها حرام اذا تم تنبيه الطفل ان فيها افكار محرمة بشكل او بآخر)

عرض واضح ؟ ...اصلا التحريم جا عندنا لانهم خافوا من طغيانها على فكر الاطفال وحتى المراهقين وكونها اصبحت ادمان لا اكثر ,

لا نقص على انفسنا والطفل مستقبلا بصدق الابراج والخرابيط وبلا بلا بلا ..الي نسمعها دايم , غيرهم لا تباعوا بوكيمون ولا اي انيمي آخر ويصدقون الابراج واخس منها بعد ,
بوكيمون لأي طفل تابعه بوقته مثلي مجرد انيمي حاله حال اي انيمي لا اكثر ..لا اثر علي لا فكريا ولا هم يحزنون .

 

[Bounty]

لو بتكلم يبيلي 3 ساعات كتابه...و10 الاف سطر علشان اكتب ذكرياتي معاها ..اصلا اسم عضويتي على شخصيه gary oak :")



عرض واضح ؟ ...اصلا التحريم جا عندنا لانهم خافوا من طغيانها على فكر الاطفال وحتى المراهقين وكونها اصبحت ادمان لا اكثر ,

لا نقص على انفسنا والطفل مستقبلا بصدق الابراج والخرابيط وبلا بلا بلا ..الي نسمعها دايم , غيرهم لا تباعوا بوكيمون ولا اي انيمي آخر ويصدقون الابراج واخس منها بعد ,
بوكيمون لأي طفل تابعه بوقته مثلي مجرد انيمي حاله حال اي انيمي لا اكثر ..لا اثر علي لا فكريا ولا هم يحزنون .

كلامي واضح اخوي .. انا بينت فكرة رجال الدين من جميع الديانات ليش حرموها (عشان لا يقولون كلمة مثل "تخاريف شيوخ") .. سبب التحريم أو الانتقاد الديني واضح .. نظريات بوكيمون الأساسية الي لولاها ماراح يكون بوكيمون هي جميعها افكار مستمدة من الواقع ومن العلوم المحرمة علينا

يمكن فعلا ما أثرت عليك لكن يمكن في غيرك تأثر بالعالم .. ممكن تلاحظ المؤمنين بنظرية التطور مثلا في جيلي (جيل البوكيمون) كثيرين جداً

الموضوع حساس واكبر من ماتتصور بالنسبه للطفل .. وعلى فكرة ترى انا ليلحين احب البوكيمون

 

[Rakan HD]

كلامي واضح اخوي .. انا بينت فكرة رجال الدين من جميع الديانات ليش حرموها (عشان لا يقولون كلمة مثل "تخاريف شيوخ") .. سبب التحريم أو الانتقاد الديني واضح .. نظريات بوكيمون الأساسية الي لولاها ماراح يكون بوكيمون هي جميعها افكار مستمدة من الواقع ومن العلوم المحرمة علينا

يمكن فعلا ما أثرت عليك لكن يمكن في غيرك تأثر بالعالم .. ممكن تلاحظ المؤمنين بنظرية التطور مثلا في جيلي (جيل البوكيمون) كثيرين جداً

الموضوع حساس واكبر من ماتتصور بالنسبه للطفل .. وعلى فكرة ترى انا ليلحين احب البوكيمون

عارف انه في شيوخ دين على كلامك من كل الديانات حرموها لهذا السبب ,
لكن السبب الحقيقي الي انتشر عندنا هنا ما كان هذا .

ايضا عمري ما صدقت الكلام الي دائما يقولونه حول الانيميات-الافلام-الالعاب مثلا "الاطفال اذا لعبوا لعبه دمويه اذا كبروا بتأثرون فيها" ونفس القياس على بوكيمون ,
يعني كل الي اعرفهم بهذي الدنيا ما عمرهم تأثروا بلعبه-فلم-انيمي ...شلون ممكن اصدق :/

 

[Wild Fox]

انتظر واحد يكتب بالخط الأحمر العريض .. لازم يعني ؟

 

[Bounty]

عارف انه في شيوخ دين على كلامك من كل الديانات حرموها لهذا السبب ,
لكن السبب الحقيقي الي انتشر عندنا هنا ما كان هذا .

ايضا عمري ما صدقت الكلام الي دائما يقولونه حول الانيميات-الافلام-الالعاب مثلا "الاطفال اذا لعبوا لعبه دمويه اذا كبروا بتأثرون فيها" ونفس القياس على بوكيمون ,
يعني كل الي اعرفهم بهذي الدنيا ما عمرهم تأثروا بلعبه-فلم-انيمي ...شلون ممكن اصدق :/

أكيد ماراح يفهمونهم كل الاسباب .. لأن الطفل اصلا ماراح يستوعب اسباب التحريم الحقيقية وليش هي حرام اصلاً .. في رجال دين سلكوا للأسف اسلوب (التحريم وخلاص) بدون ذكر السبب .. المفروض يكون تنبيه (من) الافكار الحرمة فقط

بخصوص التأثير عالاطفال .. علم النفس يقول غير عن كلامك .. الإنسان تتشكل شخصيته واهتماماته بكل ما مر فيه اثناء طفولته .. عقل الانسان قابل للاختراق و الترويض والغسيل.. لكن الفرق هنا يكون بطبيعتنا كبشر للتغلب على كيد الشيطان أو المحرمات (وهذا سبب نزول الديانات لنعرف الصحيح من الخطأ لكي لايكون لدينا عذر امام الله) .. الانسان عنده حرية الاختيار (ولو كان اختياره للكفر) هكذا خلقنا الله و الحساب اخر شي ...

تفرعت جداً .. اذا حاب نكمل حياك خاص

 

[Rakan HD]

أكيد ماراح يفهمونهم كل الاسباب .. لأن الطفل اصلا ماراح يستوعب اسباب التحريم الحقيقية وليش هي حرام اصلاً .. في رجال دين سلكوا للأسف اسلوب (التحريم وخلاص) بدون ذكر السبب .. المفروض يكون تنبيه (من) الافكار الحرمة فقط

بخصوص التأثير عالاطفال .. علم النفس يقول غير عن كلامك .. الإنسان تتشكل شخصيته واهتماماته بكل ما مر فيه اثناء طفولته .. عقل الانسان قابل للاختراق و الترويض والغسيل.. لكن الفرق هنا يكون بطبيعتنا كبشر للتغلب على كيد الشيطان أو المحرمات (وهذا سبب نزول الديانات لنعرف الصحيح من الخطأ لكي لايكون لدينا عذر امام الله) .. الانسان عنده حرية الاختيار (ولو كان اختياره للكفر) هكذا خلقنا الله و الحساب اخر شي ...

تفرعت جداً .. اذا حاب نكمل حياك خاص

اضن نوقف هنا ..لاني متناقش حول الموضوع هذا قبل هل مره وعمري ما اقتنعت بسالفه التأثير ,

بس على فكره انا ايضا اكره الغلط على علماء الدين بسبب تحريمهم للبوكيمون , حتى لو فرضنا انهم اخطؤوا ما يجوز الكلام بسوء عنهم ..بالنهايه البوكيمون مجرد تسليه .

 

[Talal kinenju]

كنت اكبر مدافع بحق البوكيمون ايام طفولتي, حتى مره وقفت ضد مديرة المدرسة في الطابور الصباحي لأنها تقوم بسرقة بطاقات البوكيمون من عندنا وفي اليوم التالي في طابور الصباح تقوم بالتخلص منها علناً بتمزيق البطاقات امامنا, كان قلبي يتقطع مع تمزيق البطاقات حتى ان منظر المديره كان بشع جداّ وهيا تمزق.

عاصرت جميع الأجيال اثناء فتراتها, وبالأخص الألعاب ولحد الحين محتفظ بأول جزء كان Blue, حتى save game من 1998 حتى الحين! و مستقبل اللعبة قاعد يكبر ويكبر كلما كبرنا في العمر.

 

[Raulioo]

شباب خلوا نقاشكم بره المواضيع الدينية وشيوخ الدين..ما يحتاج ننبه على هالشي كل مرة

 

[XORO]

عاصرت جميع الأجيال اثناء فتراتها, وبالأخص الألعاب ولحد الحين محتفظ بأول جزء كان Blue, حتى save game من 1998 حتى الحين! و مستقبل اللعبة قاعد يكبر ويكبر كلما كبرنا في العمر.​

نسخة بلو اللي عندي ظلت فترة وبعدين التخزين راح علي

نسخة سيلفر لليوم التخزين عايش مع انها نسخة يابانية بباتش انجليزي والكلام في اللعبة مو مفهوم لكني حللت اللعبة تحليل :razz::

التازو الشي الوحيد الباقي عندي من تلك الايام

 

[gears of war]

انا اشمئز منها بشكل عنيف اول... ولا زلت
- الا نوع واحد كان عيابة واحد من الشباب

 

[hussien-11]

صدقوا او لا تصدقوا عمري ما كنت من مهووسي بوكيمون @@ و ان كنت احب السلسلة و الكرتون طبعا مثل غيري، لكن مش اكتر من هيك.

عموما بوكيمون اكبر ثورة حققها عمل للاطفال في التاريخ يمكن.

 

[Unknown]

حبيت المسلسل اول موسم فقط "تابعته عربي" .. ايام ماكانت MBC قناه صاحيه
اما الجيمز مالعبت الا جزء وحيد ع N64 .. بشكل عام اكره طاري البوكيمون :/