hits counter

نقاش أنمي خريف 2020| When They Cry NEW " مش ريميك " الرعب النفسي على اصوله

Marche

محرر الألعاب
تفسير القصة الثانية من Gou وصل، ومثل ما هو واضح من القصة الأصلية، ميون هي اللي انجنت.
حبيت إنهم قالوا إنها ولا مرة جنت قبل، وما صار هالشي إلّا بتأثير فعل فاعل واللي بيكون نفسه مع أوويشي وأكاساكا في القصة التالية؟ ما أدري لو بيدمجون القصتين مع بعض.
بس جد مب فاهم الكره لهالجزئين، عالأقل بمستوى أول جزء بالتأكيد مع تفوق واضح في الأمور الإنتاجية، السبب الوحيد اللي ممكن أشوفه إنه "لاااا، ليش ساتوكو هي الشريرة؟!؟!" ساتوكو من يوم يومها وهي مب طبيعية، وكريهة وكل شي.
صراحة متحمس للجابتر القادم اللي بيوضح القصة الثالثة وكيف بتمثل إنها البريئة من تعذيب عمها تيبِّي، قدرت تخدعني هالبنت في أحداث جزء Gou بالتأكيد.
قلت قبل باقي لي 4 قصص، بس كان باقي لي 3، حاليًا بس باقي لي 2، خلونا نشوف التكملة.
 

Marche

محرر الألعاب
أوه ساتوكو أيتها اللعينة، عفنها مب طبيعي بشكل إيجابي، خلاص البنت تخبلت صح.
صراعها النفسي لأنها حصلت مسار حياة ممتاز بالنسبة للمسارات اللي عاشتها قبل ومنع نفسها من قتل عمها، عشات أجواء حلوة فيها.
يبدو إنه المسار قبل الأخير في Gou ما له Answer Arc، لأنه انتهى أصلًا بكشف ساتوكو، هل المسار الأخير الحين تكملة له مثلًا؟
ما زلت مستمتع جدًا بهالجزء، وبتوجه القصة كلها من الأساس، الناس كانت تبغي ريميك لأنه تسوق كريميك، ويوم طلع تكملة ظلوا يعاملونه كريميك.
القصة هي التطور الطبيعي للأحداث إذا كنّا نبغي نظل في نفس السيتنق، وأشوف الكاتب توفق بهالشي.

إلى القصة الأخيرة، وآخر 4 حلقات.
 

Marche

محرر الألعاب
كل شي كان ممتاز لين الحلقة قبل الأخيرة وأول ثلثين للحلقة الأخيرة.
الحوارات كانت سخيفة والقتالات الـOver the top ما كانت موفقة، مع أني أفهم توجهها.
أعرف إنه ساتوكو سوّت اللي سوته لهالسبب، بس إنها تعترف إنها سوته لهالشي، فهني شوي ما ينمضغ الشي، إنك تبدأ تطيح في الظلام شوي شوي هذا شي منطقي، بس لو بترجع وبتفكر فيها بكل وضوح وتقول : "أنا سويِّت هالشي عشان ما أدرس" هني الموضوع استوى بايخ، بس ممكن تفسيره بأنها ساتوكو الثانية الشريرة.
النهاية بغض النظر (آخر ثلث من الحلقة الأخيرة) كانت ممتازة، الإنتاج بشكل عام في الأنمي كان متزن وأجواءه حلوة جدًا.
مشاعري متضاربة بخصوص الأنمي، خصوصًا بسبب الحلقة قبل الأخيرة، بس بشكل عام أشوفه سيكول يستاهل ينشاف.
 
أعلى