hits counter

نقاش أنمي خريف 2016/ Occult :^) Nine

AM152

True Gamer
@بشير شكري
هو اللى فهمته إن ال 256 هما نفسهم الجيل الأول و تم التخلص منهم بعد ظهور ال Bugs و اللى أظن إنها القدرات الغير طبيعية زى التواصل مع المستقبل أو الماضى بس ممكن يبقى فى تفسير تانى
كلامك عن جريمة قتل الدكتور منطقى فعلا و الأرجح إن المنظمة مش هى المسئولة فعلا
النقطة اللى ذكرتها بخصوص الدكتور غريبة فعلا و أكيد ليها سبب بس ماظنش إنه يبقى المتصل المجهول لأن الدكتور عنده علم فعلا بموضوع القدرات عند ال256 بدليل سؤاله للصحفية عن أحلامها و ميو تبقى واحدة منهم ، الدكتور ماعندوش سبب عشان يشكك فى قدرات ميو بما إنه عارف إنها ممكن تكون حقيقية
 

AM152

True Gamer
فى نقطتين ماقدرتش أشيلهم من تفكيرى أثناء متابعة الحلقة
الأولى هو إن أسونا ماقدرتش تشوف شبح ميو بالرغم من إنها شافت شبح يوتا فى الحلقة اللى فاتت و التانية هى إن ليه ماحدش مستغرب من قدرة ريوتاس (أو إيزومى) على رؤية الأشباح بالرغم من إنها مش ميتة :confused::
النقطة الأولى تم التلميح لإجابتها فعلا فى نهاية الحلقة و تم التأكيد على إن يوتا ممكن يكون مختلف عن الباقى و إن الجهاز اللى معاه ليه أهمية خاصة بس النقطة التانية فضلت من غير تفسير منطقى :unamused:
ممكن فهم إن يوتا أو ميو ما ينتبهوش لنقطة زى دى بس صعب إن أتخيل إن واحد بذكاء ساراى مايخدش باله أو إن الصحفية اللى التحقيق يبقى جزء من وظيفتها ماتنتبهش لكده :confused::
عموما الحلقة أكدت أخيرا على إن كل اللى ريوتاس كانت بتعمله كان إدعاء و مافاضلش غير كشف الحقيقة فى الحلقة الجاية ، التغير الواضح فى شخصيتها فى الحلقة و أسلوبها فى الكلام يخلينى أرجح إنها زونكو (بس ده مايمنعش إنها لسه شخصية سيئة بالنسبة لى :p)
للأسف ماظنش إننا هانعرف معلومات أكثر عن الولد الأبيض أو المؤلفة أكثر من اللى عرفناه فعلا و واضح إن الجزء الخاص بيهم مش هايبقى من الأحداث الرئيسية فى الأنمى بس أكيد هايبقى فى معلومات أكثر عنهم فى الفيجوال نوفل :unamused:
المحقق بيثبت فى كل حلقة إنه رهيييييب :triumph: بس الجملة الأخيرة اللى قالها فى الحلقة خلتنى أقلق بصراحة ، اتمنى إن العمل يبقى مافيهوش رجوع بالزمن و إن المقصود بالجملة هو معرفة أحداث الماضى فقط
 
التعديل الأخير:

LOG_65

True Gamer
من أين أبدأ؟؟
انتظار اسبوع لم يذهب هباءا و الجزاء كان حلقة تشد الاعصاب لأقصى درجة
ريوتاس على ما يبدو ستظهر وجهها الحقيقى في الحلقة القادمة, شدني كلامها عن نهاية العالم عندما رفض غاموتان الذهاب مع البقية لل 256K . يبدو أنها تعرف الكثير, لكن الان استبعد قليلا كونها هي زونكو, لا أدري فهذه الحلقة شوشت علي قليلا, لاحظنا اندماج صوت ميو عند بكاءها مع صوت الراديو فصار الصوت كأنه لزونكو
ما يخص اسونا ولماذا لا يمكنها رؤية ميو, بل و لما غالبية 256 ضحية لم يظهروا لحد الان؟ على ما يبدو هناك احياء و اموات, ثم حتى هؤلاء الاموات هناك احياء منهم و هناك اموات فعلا, اقصد بالاحياء منهم هم اولئك الذين حقنوا بالسكانديوم, اما الذين لم يحقنوا فهم على شاكلة اشباح مختفون لا يظهرون حيث انهم غير مرتبطين بالنظام العالمي الجديد الذين يزامن بين الاشباح الحية المحقونة بالسكانديوم وبين المنظمة و بالتالي فهؤلاء الاشباح يستطيعون التواصل فيما بيهم , او بلغة اخرى يصيرون خالدين.
الملاحظة بخصوص ايزومين و ريوتاس في محلها, و استغرب انا كذلك عدم القاءهم بالا لهذا الأمر.
الولد الابيض محير و مخيف في آن واحد, لكن حقيقته مجهولة لحد الآن, اظن انه احد ابناء زعماء المنظمة حيث انهم يعرف الكثير عنهم و عن مخططاتهم ناهيك عن العدد الهائل من الكوطوريباكو التي كانت موجودة في القبو , المؤلفة ايضا في حلقة ماضية كانت امام 256K ما يعنى انها على علم بالقبو و ما يحصل به
امر آخر , نسينا موضوع سن البروفيسور هاشيغامي المخلوعة, حتما زونكو لديها هدف من وراء هذا .
ما يخص الرجوع بالزمن , اظن انه فعلي حقا و ليس مجرد قدرة اطلاع على الماضي فقط, الساحرة اريا تم انقاذها بارجاع الزمن للوراء عندما حاولت الانتحار على السكة ظنا منها انها ستلتقي اخاها و كيريو كان موجودا هناك , اظن انها فعلا انتحرت لكن كيريو ارجع الزمن و انقذها, لذا شاهدناها ازعجت كثيرا عندما واجهها المحقق بالحيقيقة

المحقق شخصية فذة, لكنه ليس شخص عادي , لديه قدرة ما , حتى عندما كان حيا لديه دائما سبق للحقائق قبل الاخرين,
 

AM152

True Gamer
@بشير شكري
فى أحد المشاهد يوتا قابل واحدة قدرت تشوفه بعد ما مات و تقريبا الصحفية أو ساراى (مش متذكر مين) ذكر إنه حاول يتكلم مع الناس و عدد من الناس تجاهلوه فى الوقت اللى بعضهم استجاب ليه و ممكن الناس اللى استجابت للشخصيات يبقوا أموات من باقى ال 256 شخص اللى تم حقنهم بالسكانديوم بس لسه ماقدروش يستوعبوا الوضع اللى هما فيه
كلام الولد عنه إنه من المختارين و إن والديه أغنياء جدا يرجح إنه ابن واحد من ممولين المنظمة اللى اشتروا السكانديوم على أمل الخلود و مش واحد من أفراد المنظمة نفسها ، اللى يرجح ده برضه هو كلامه لميو لما افتكر إنها من المختارين زيه و إنها بقت شبح بعد ما اشترت السكانديوم عن طريق أموالها ، للأسف علاقته بالمؤلفة مش واضحة حتى الآن بس زى ما أنت رجحت واضح إن المؤلفة على علم باللى الولد بيعمله و ممكن يكون عندها علم بحاجات تانية أكثر بدليل معرفتها بموضوع العالم الجديد اللى ذكرته أثناء حواراتها مع الولد
بصراحة موضوع زونكو و الجهاز محيرين بس اتمنى إن الحلقة الجاية توضح ده أخيرا
كلامك عن مشهد موت أريا ممكن يكون صحيح خصوصا إننا ماشفناش إزاى كيريو قدر ينقذها بس فى الوقت ليه مارجعش تانى عشان ينقذها من الغرق إلا إذا كان الموضوع أعقد من كده
متفق معاك بالنسبة للمحقق و واضح فعلا إنه مش عادى خصوصا من حواره الأخير مع كيريو
 

LOG_65

True Gamer
@AM152
اذكر ذلك المشهد جيدا, تلك الفتاة كانت من الاموات ايضا و لم يكن لها ظل و احتمال كبير انها من بين 256 , المشكل ان هناك اموات البحيرة ال 256 و ضحايا الكوتوريباكو للصبي الابيض, على ما يبدو ان ضحايا هذا الاخير لم يكونوا من المحقونين و بالتالي هو اموات مخفيون, اما اموات 256 و الذين حقنوا هو اموات يمكن مشاهدتهم من طرف اشخاص معينين. ميو كانت من ضحايا 256 لكن لما شعرها كان في صندوق الكوتوريباكو؟ هل يمكن للأحياء التأثير على الاموات حيث الولد الابيض قطع شعر ميو الذي في الصندوق و فعلا حصل ذلك؟

مسألة ثانية هي نيكولا تسلا, كثر الحديث عنه في الحلقات الاخيرة, و في اخر حلقة الامبراطور تحدث عن برج تسلا , بعد بحث قصير وجدت ان تسلا أنشا برجا اسماه tesla wardenclyffe
https://ar.wikipedia.org/wiki/برج_واردنكليف
الهدف من البرج كان نقل الاتصالات اللاسلكية و الفاكس عبر المحيط الاطلسي و حاول تسلا اضافة خاصية اخرى هي توفير الكهرباء المجانية عبر هذا البرج لكن الفكرة قوبلت بالرفض من الممول
المهم, مفهوم البرج و خصائصه ينطبق على تجربة المنظمة بالتحكم بالمحقونين بالسكانديوم عبر الموجات اللاسلكي, موجات اللاسلكي تعني الابراج اللاسلكية اذن هل يمكن للتجربة ان تخفق مثلا لو تم تدمير هذه الابراج؟ لآننا نعلم ان الاموات المحقونون يتواصلون بينهم بفضل هذه الابراج ربما و التي تزامن بينهم..

الامبراطور يشبه لحد ما كائن فضائي, يبدو انه خضع تجارب طبية فضيعة ليصل لهذا الشكل , الان هو يتوفر على شبه جسد مرتبط كليا بنظام معلوماتي يمكنه من الحديث و التفكير ربما, هويته مجهولة لكن احتمال كبير انه اب غاموتان

المحقق ليس عاديا حتما في الحلقة 01 عندما كان حيا كان اما منزل البروفيسور هاشيغامي حتى قبل ان يكتشف غاموتان موته ما يعني ان لديه قدرة ما غير طبيعية على التنبأ بما سيحصل.

ريوتاس في الحلقة 01 اصرت بشدة على ان يدهب غاموتان للقاء البروفيسور و ذكرت شيئا مهما: ان لم تذهب الان للقاءه لن يكون بمقدورك فعل ذلك فيما بعد, فإما ان تكون ريوتاس تتنبأ بالمستقبل او انها أتت من ابعاد و عالم مختلفة لأنقاد هذا العالم من ان تسيطر عليه المنظمة كما جاء في نظريات ريديت. الاحتمال الاخير وارد جدا بما ان المؤلف هو نفسه لشتايز جيت ,

متلهف بشدة للحلقة القادمة, و في انتظار صدورها سأعصر مخي بين الحين و الاخر املا في التوصل الى نهاية مفسرة للأنمي
 

AM152

True Gamer
@بشير شكري
متفق معاك فى النقط اللى ذكرتها :)

على ما يبدو الولد قطع جزء من شعر ميو من جسمها الحقيقى و حطها فى الصندوق و بمجرد ما ميو شافت ده الجزء اللى تم قطعه اختفى من جسمها الشبحى ، ده معناه إن فى احتمال لوجود علاقة بين الجسم الأصلى و الشبح حتى بعد الموت و ممكن يفتح الباب لعدد من الإحتمالات التانية و منها وجود طريقة لقتل الأشباح عن طريق جسمها الأصلى :nomouth:

أظن إن الكلام عن الأبراج صحيح فعلا بس تدمير الأبراج هايبقى عملية صعبة و الأسهل هايبقى تدمير برنامج العالم الجديد اللى بيستخدم الأبراج فى نقل الإشارات

الإمبراطور ممكن يكون والد يوتا فعلا ، طريقة الكلام عن ماضيه توحى إن هو اللى أسس المنظمة و ماكانش مجرد مشارك فيها و كلام يوتا عن إنه مات بسبب مرض يفسر حالته الحالية و الأغلب إنه ماماتش و تم عمل التجارب الطبية عليه عشان يستمر فى الحياة بعد إصابته بالمرض ، التركيز على أهمية يوتا يبقى دليل تانى لكده

فى نقطة تانية لاحظتها بخصوص المحقق و هى إن العلاقة بينه و بين أسونا ممكن تكون بسبب إن الإثنين عندهم قدرات غير طبيعية و ده يفسر إنه بقى محقق بالرغم من صغر سنه زى أسونا

فى نقطة بترجح الإحتمال الأخير اللى ذكرته بخصوص ريوتاس و هى إن الحلقة الجاية بعنوان Another Girl, Another Planet :nomouth:

متحمس زيك للحلقة القادمة ، الأنمى رهيييب فعلا حتى الآن :triumph:
 

LOG_65

True Gamer
اشاركك نفس الآراء
العمل رهيب جدا الى حدود الحلقة 09 , اتمنى ان ينتهي بنهاية منطقية مرضية.
المؤكد بشأن الحلقة القادمة اننا سنعرف من هي ريوتاس بالفعل, اذا عرفنا من هي كثير من الامور ستتكشف و يسهل فيما بعد فك الرموز

نظرة على الشعار:
Occultic%3BNine.svg.png

there are no such thing as occult . it can destroyed all by science.
only the ones have accepted everything can get the right to know the truth
تفضيل واضح للعلم و للآراء العلمية و اشارة الى اهمية انفتاح الانسان على كل شيء من اجل معرفة الحقيقة
طيب, نستشف اذن ان النهاية ستكون علمية منطقية ان صح التعبير و ان تلك الظواهر الغريبة لم تكن الا لرفع السيسبانس للعمل​

Occultic Nine
الرقم 9 له مدلول في العلوم الخفية و يشير الى الروح الالهية
كما و يشير الى شخص يسعى الى الكمال العميق , شخص ضحى بماله و وقته و طاقته من اجل عالم افضل, شخص لديه نظرة واسعة للحياة و يرى الصورة بابعادها الكاملة و لا يكتفي التفاصيل الصغيرة.
جاء في طيات العمل ارقام كثيرة منها 256 و 8
256 من مضاعفات 8
الرقم 8 يحمل مدلولا سريا يشير الى الثروة , السلطة و الذكاء و ايضا الى الكبرياء و عدم التسامح و الاستيلاء بالقوة
الهة الحظ 8 تحمل نفس الصفات
الرقم 8 سائر الى تحقيق هدفه لكن الرقم 9 هو من سيقلب عليه الكفة و يغير مسار الاحداث و من هنا اظن جاء اختيار الرقم 9

----------------------------------------------
عودة
فيما يخص ارتباط الجسم الحقيقي بالجسم الشبحى اظن السر في الصندوق نفسه او ان الصبي من المختارين الذين لهم تحكم في نظام المنظمة الذي يتحكم في الاجسام الشبحية و بالتالي يستطيع فعل اي شيء بهم اكان قطع الشعر او غيره.

في احتمال ات المحقق هو الرقم 9, هو شخص غير عادي طبعا لكن في نفس الوقت شخص غامض ,على فكرة المحقق تحدث عن 256 جثة قبل وقوع الحادث و بالظبط عند مقتل البروفيسور اي في 25 من فبراير اظن. الامر المريب الثاني هو الشخص الذي كان يتحدث اليه المحقق عن هؤلاء 256 من هو؟ في سياق حديثهم جاءوا على ذكر قائمة 256 المشفرة و التي هي ببيت البروفيسور وليس في مختبره الذي قتل به ما يعني انهم على علم مسبق بما سيحدث و الا لما كان المحقق اول الواصلين لمسرح الجريمة, بل اكثر من ذلك زونكو او لنقل ريوتاس نجحت في ارسال غاموتان لمسرح الجريمة قبل الاخرين, اظن ان هدف زونكو اوا المحقق كان القائمة المشفرة و السن التي عبارة عن مفتاح, هذا المفتاح سيكون فيما بعد اداة فتح شيء ما مخفي
......
 

AM152

True Gamer
الحلقة 10

فى كلام كثير كنت عاوز أقوله بخصوص الحلقة و المعلومات اللى فيها بس للأسف ماعنديش وقت حاليا و بصراحة ماكنتش ناوى أكتب رد عن الحلقة فى الوقت الحالى بس فى حاجة ما قدرتش انتظر عشان اكتبها
طريقة الإخراج فى الحلقة و موضوع تغيير زواية التصوير فى كل مشهد كان قمة فى الغباء :mad::mad:
الحلقة كمحتوى وضحت حاجات كثيرة بس طريقة الإخراج كانت مزعجة فعلا :rage: فى البداية توقعت إن الموضوع هايستمر لمجرد دقيقة أو دقيقتين بس اتفاجئت إنه استمر الحلقة كلها o_O
فى فرق شاسع بين إنك تستخدم أسلوب مختلف فى التصوير و الإخراج عشان تدى إنطباع معين أو توضح فكرة معينة و بين إنك تستخدمه من غير أى داعى لمجرد الإختلاف فقط و النتيجة إن كل اللى المتابع هايحس بيه هو الدوار و الغثيان :confused:
مافيش أى حاجة فى الحلقة كانت تستدعى اللى حصل و اتمنى إن دى تبقى آخر مرة يستخدم فيها الأسلوب ده :angry:

بالنسبة للمحتوى هحاول أكتب رد عنه أول ما يبقى عندى وقت
 

LOG_65

True Gamer
اريد ان اصيح باعلى صوتي و اقول ان occultic nine افضل عمل في هذا الموسم بدون منازع
عمل ابرهني حد النخاع الشوكي , عمل يجمع بين العلم و المعرفة, الغموض, ما فوق الطبيعة, زوايا الكاميرا الرهيبة, الشخصيات الفذة, سيرورة الاحداث التي تحبس الانفاس ,..

اذن بدأنا فعليا مرحلة حل الالغاز, من كان يظن ان ريوتاس هي aveline التي هي ابنة تسلا و ريوتاس انما هي astral projection لها , ال ED للأنمي كان طوال الوقت يلمح لهذا و لا احد انتبه لهذا الامر.
ريوتاس هي زونكو اذن , و كانت تستخدم ال sky sensor ل غاموتان لمراقبته, لهجتها في هذه الحلقة كانت جادة للغاية
صاحب القناع اظن انه تابع للمنظمة و هم يقومون بتصفية ال ghosts , لكن الولدين اللذين قتلا ليسا من الاشباح لكن لمجرد طمس الحقيقة حيث كانا قاب قوسين من يرسلا الصورة الغريبة لكيري كيري باسارا
الان عرفنا لم امرت زونكو غاموتان بنزع سن هاشيغامي, على ما يبدو هذا السن هو مفتاح wardenclyffe gun نفسه و الذي تبحث عنه المنظمة, الامبراطور اظنه هو تسلا نفسه
الذي لم يخطر على البال للكل هو مصدر السكانديوم الذي حقن للضحايا , المصدر لم يكن الا المستشفيات و العيادات التابعة لأحد اعضاء المنظمة .
ال blue moon اغلق قبل سنتين , ما تفسير هذا ؟
مشهد النهاية و ريريكا التي على ما يبدو بعتث من الموت او انها لم تكن ميتة اساسا, على كل هذا المشهد يطرح تساؤلات عدة
 
التعديل الأخير:

LOG_65

True Gamer
@AM152 على عكسك , زوايا التصوير اعجبتني و اعطت للعمل نكهة اخرى, بالفعل هي مربكة قليلا لكن ليس لذلك الحد
 

AM152

True Gamer
@بشير شكري
بالنسبة لموضوع زوايا التصوير فدى مش أول مرة يتم فيها استخدام الأسلوب ده و قبل كده تم استخدامه فى الحلقة الخامسة و السادسة ، الأسلوب مش لى بس ذكرت قبل كده إنه ممكن يعجب البعض لأن فى الآخر دى مسألة أذواق و تفضيل شخصى لا أكثر و ماكانش عندى مشكلة لأنه كان فى مشاهد قليلة بس الوضع بيختلف لما يتم استخدامه على مدار حلقة كاملة، المفترض إنك تدى فرصة للمتابع عشان يستوعب اللى بيحصل أو حتى يستريح خصوصا إن بعض المتابعين ماعندهمش القدرة على التعامل مع الأسلوب ده و ممكن يكون متعب بالنسبة لهم

بالنسبة للحلقة متفق معاك فى النقط اللى ذكرتها ، بالرغم من إنى ماحبيتش أسلوب الإخراج إلا إن الحلقة نفسها كانت رهيبة من ناحية الأحداث و المعلومات و زى ما قلت قبل كده هحاول أكتب رد تفصيلى أول ما يبقى عندى وقت إن شاء الله

نقطة أخيرة كنت عاوز أعرفها ، هو فين باقى المشاركين فى الموضوع ؟ :confused::
 

LOG_65

True Gamer
نقطة أخيرة كنت عاوز أعرفها ، هو فين باقى المشاركين فى الموضوع ؟ :confused::
اطرح السؤال نفسه , فإما انهم متابعون في صمت و بالتالي هم من ال ghosts او انني و ياك من ال astral projection و هبطنا في هذا الموضوع ;)
غريب امرهم , الموضوع لم يعد ينشطه الا انا و انت , لا تبتئس سيذكرنا التاريخ فيما بعد كأول عربيان عملا review لهذا العمل :D
 

abdullah-kh

مشرف عام
Administrator
يظهر أن اليابان ما حبت الأنمي ^__^
Occultic;Nine 1 : 623
 

Royal Spark

Royal Guardian
نقطة أخيرة كنت عاوز أعرفها ، هو فين باقى المشاركين فى الموضوع ؟ :confused::
صار ليي شوي وقت مرهق فماشاهدت شيء من الحلقات الجديدة إلا نزلت، حاب أشاهدهم وقت ما يصير مزاجي يعني.
يظهر أن اليابان ما حبت الأنمي ^__^
Occultic;Nine 1 : 623
ما تقدر تتجاهل التأثيرات الجانبية الموجودة، +ما أتوقع شفت ملتي ميديا بروجكت ينجح لحد الحين مطلقا فthere is that
الشيء متوقع شوي، ما تقدر تسوي حلقة أولى منفرة بذاك الشكل بعدين تتوقع يكون عندك عدد متابعين كبير جدا أولثو الكلام عن الأنمي أوفر تايم ممكن يساعده.
 

AM152

True Gamer
يظهر أن اليابان ما حبت الأنمي ^__^
Occultic;Nine 1 : 623
مش اليابان بس للأسف :(
بالرغم من إنى حبيت العمل حتى الآن إلا إنى مش مستغرب من رد الفعل تجاهه، الحلقة الأولى كانت منفرة فعلا زى ما قال على و سابت انطباع سيئ عند عدد كبير للمتابعين و مع إن مستوى العمل اتحسن بشكل كبير بعدها إلا إن طبيعته بصفة عامة مش مناسبة للكل و ده خلى عدد من اللى كملوا بعد الحلقة الأولى يوقفوا متابعة بس اللى كمل متابعة خصوصا للحلقة السادسة عارف قد إيه العمل رهيب
بالنسبة لى العمل يبقى أكثر أنمى متحمس ليه فى الموسم و إن كنت قلقان بخصوص الطريقة اللى هاينتهى بيها
 

AM152

True Gamer
رد متأخر بس أحسن من مافيش :sweatsmile:
اذن بدأنا فعليا مرحلة حل الالغاز, من كان يظن ان ريوتاس هي aveline التي هي ابنة تسلا و ريوتاس انما هي astral projection لها , ال ED للأنمي كان طوال الوقت يلمح لهذا و لا احد انتبه لهذا الامر.
ريوتاس هي زونكو اذن , و كانت تستخدم ال sky sensor ل غاموتان لمراقبته, لهجتها في هذه الحلقة كانت جادة للغاية
صاحب القناع اظن انه تابع للمنظمة و هم يقومون بتصفية ال ghosts , لكن الولدين اللذين قتلا ليسا من الاشباح لكن لمجرد طمس الحقيقة حيث كانا قاب قوسين من يرسلا الصورة الغريبة لكيري كيري باسارا
الان عرفنا لم امرت زونكو غاموتان بنزع سن هاشيغامي, على ما يبدو هذا السن هو مفتاح wardenclyffe gun نفسه و الذي تبحث عنه المنظمة, الامبراطور اظنه هو تسلا نفسه
الذي لم يخطر على البال للكل هو مصدر السكانديوم الذي حقن للضحايا , المصدر لم يكن الا المستشفيات و العيادات التابعة لأحد اعضاء المنظمة .
ال blue moon اغلق قبل سنتين , ما تفسير هذا ؟
مشهد النهاية و ريريكا التي على ما يبدو بعتث من الموت او انها لم تكن ميتة اساسا, على كل هذا المشهد يطرح تساؤلات عدة
فى نقط كثيرة عاوز أعلق عليها بخصوص الحلقة و فى نفس الوقت فى أسئلة كثيرة
بالرغم من إن جزء من اللغز بخصوص ريوتاس تم حله إلا إن فى نقط بخصوص شخصيتها مش واضحة حتى الآن ، المفترض إن ريوكا تبقى شخصية حقيقية و مستقلة بس الشخصية اللى ظهرت فى الحلقة تبقى إيفيلين، إيفيلين ذكرت إن الجسم يبقى لريوكا بس وعى ريوكا تحت سيطرتها و السؤال يبقى إيه طبيعة العلاقة بين الشخصيتين ، هل إيفيلين احتلت ريوكا بشكل كامل و كل اللى شفناه منها كان غير حقيقى ، هل الشخصيتين بيتعاونوا مع بعض و الشخصية اللى شفنها من البداية تبقى ريوكا فعلا فى الوقت اللى الشخصية الجادة تبقى إيفيلين؟ النقطة دى محتاجة توضيح
فكرة التخلص من الأشباح كانت مفاجأة بالنسبة لى و متوقعتهاش :hushed: بس فى نقطة هنا و هى إن الشخص اللى بيتخلص من الأشباح يبقى شخص حقيقى عنده القدرة على رؤيتهم (هل ممكن يكون إيزومى؟)
موضوع المسدس وضح حاجات كثيرة ، فكرة إن الأشباح تعيش للأبد كانت غريبة و مش منطقية بالنسبة لمقاييس العمل بس الحلقة وضحت إن حتى بالنسبة للأشباح لازم يبقى فى شحن مستمر للطاقة عشان تفضل موجودة ، أظن إن ده ممكن يفسر ليه جاموتان مختلف عن الباقى و ليه أسونا قدرت تشوفه و ممكن السبب يبقى عشان شحن ريوتاس المستمر ليه ، أظن إن ده معناه إن جاموتان ممكن يبقى عنده قدرات تانية لسه ماظهرتش
من الكلام فى الحلقة أظن إن الإمبراطور يبقى توكو جد ريوتاس و صاحب مجموعة المستشفيات ، لاحظ الكلام عن إنه متبنى و مش من العائلة و احتمال يبقى ابن إيفيلين
بالنسبة لريريكا أظن إنها ماتت فعلا ، جثة ريريكا كانت موجودة ضمن الجثث و ريريكا نفسها أكدت إنها شبح لما كانت بترسم نفسها و هى بتغرق و ده برضه يفسر قدرتها على سرقة الصندوق لمصلحة الولد الأبيض ، الإحتمال اللى عندى يبقى إذا كان الإتصال بين زمن العالم العادى و زمن عالم الأرواح اللى حصل عن طريق المنظمة خلى الأرواح تعيش بشكل طبيعى فى العالم العادى هل ممكن يبقى فى طريقة لعودة الروح دى للجسم مرة تانية و إن ده ممكن يحصل لباقى الشخصيات ؟
حالة الإنكار اللى كانت عند جاموتان فى الحلقة كانت مستفزة فعلا و حرقت دمى:angry: و نفس الوضع بالنسبة لساراى و إن كانت لأسباب تانية هاوضحها بعدين

الحلقة رجعتلى القلق تجاه نهاية العمل :weary:، بصراحة مش متخيل إزاى العمل هاينتهى فى حلقتين خصوصا مع كل النقط اللى ظهرت فى الحلقة :expressionless:
 

AM152

True Gamer
نظرة على الشعار:
Occultic%3BNine.svg.png

there are no such thing as occult . it can destroyed all by science.
only the ones have accepted everything can get the right to know the truth
تفضيل واضح للعلم و للآراء العلمية و اشارة الى اهمية انفتاح الانسان على كل شيء من اجل معرفة الحقيقة
طيب, نستشف اذن ان النهاية ستكون علمية منطقية ان صح التعبير و ان تلك الظواهر الغريبة لم تكن الا لرفع السيسبانس للعمل​
عندى تعليق بخصوص النقطة اللى ذكرتها بس ده أقرب لتحليل شخصى من إنه يبقى رد عن العمل و اتمنى إنى أعرف أوضح النقطة اللى أقصدها :grin:

فى البداية لازم اوضح إنى بتكلم عن المنطق اللى بيستخدمه العمل مش منطقى الشخصى و إن كنت هاوضح رأيى بخصوص بعض النقط اللى هاذكرها

بالنسبة لى العمل كان واضح من البداية بخصوص إن ال Occult مالوش وجود و تحديدا مع حوار الصحفية مع المحقق فى الحلقة الثانية ، الحوار وضح أفكار الدكتور هاشيجامى واللى العمل مبنى عليها بصفة عامة ، الفكرة هنا إن على حسب منطق العمل كل حاجة بما فيها الظواهر الغريبة ممكن تفسيرها بالعلم و ما فيش أى وجود لل Occult ، ده ينطبق على القدرات زى رؤية المسقبل أو الماضى و اللى الصحفية فسرتهم بشكل علمى ، حتى الروح اللى تعتبر من أكثر النقط اللى عليها خلاف العمل حط تفسير علمى ليها من البداية و تعامل معاها على إنها مجرد موجات كهرومغناطيسية لا أكثر و على مدار الحلقات العمل ابتدى يأكد النقط دى

بغض النظر عن الإتفاق أو الإختلاف مع النقط دى و زى ما قلت إحنا بنتكلم عن منطق العمل ، العمل فيه وجهتين نظر مختلفين عن بعض بالرغم من إن الوجهتين مش مقتنعين بال Occult و هما وجهة نظر الدكتور هاشيجامى و وجهة نظر ابنه ساراى

بالنسبة للدكتور هاشيجامى فبالرغم من عدم اقتناعه بال Occult إلا إنه ما بينفيش وجود ظواهر غريبة مالهاش تفسير ، الفكرة هنا إنه مقتنع إن الظواهر دى ليها تفسير علمى حتى لو التفسير ده لسه مش معروف حتى الآن و إن البحث العلمى هو اللى ممكن يثبت أو ينفى وجود الظواهر دى و يكشف أسبابها لو موجودة ، أحد المشاهد اللى يبين طريقة التفكير دى هو حواره مع ابنه لما ابنه قال إن مافيش أى دليل على وجود الظواهر دى و كان رده إن برضه مافيش أى دليل إنها مش موجودة و إن طول ما هو مش قادر ينفيها بالمنطق العلمى ييبقى مايقدرش يحكم بعدم وجودها ، البحث العلمى فقط هو اللى ممكن يقول إذا كانت الظاهرة دى موجودة و لا لأ

الوجهة التانية فى العمل تبقى وجهة ساراى ، ساراى عنده رفض تام لوجود ال Occult بس على خلاف ابوه ساراى مش مقتنع بوجود أى ظواهر غريبة من أى نوع و مش مقتنع إلا بالحاجات اللى تتناسب مع منطقه العلمى فقط ، وجهة نظر ساراى ليها أسبابها ، العالم مليان نصابين و مدعين و ده حقيقى و كان واضح من كلامه بخصوص التنبؤ بالمستقبل، عدد كبير من الظواهر الغريبة اللى الناس كانوا بيعتقدوا بوجودها تم إكتشاف حقيقتها و إنها مجرد خدع أو ظواهر عادية ، بالرغم من كده ده مش السبب الوحيد لرفض ساراى التام لل Occult ، حتى بعد كل الأحداث اللى مر بيها بما فيها إنه شاف جثته و حتى بعد ما اتضح إن فى تفسير علمى للى بيحصل ساراى فضل على عدم اقتناعه بشكل مستفز فعلا :angry:
لو كانت المسألة منطق علمى المفترض إن الحقائق العلمية سواء أبحاث أبوه أو موضوع التجارب اللى اتعملت على ال 256 تثبت له إن الموضوع حقيقى و على العكس رفضه للإقتناع فى المرحلة دى يبقى ضد المنطق العلمى
الحقيقة إن فى أسباب تانية غير المنطق العلمى لموقف ساراى و ده برضه كان واضح فى حواره مع أبوه لما ذكر إن حتى لو ال Occult موجود فده معناه إنهم هايبقوا تحت تحكم الفئة القليلة اللى عندها القدرة على التعامل معاه ، ده بالإضافة لموقفه من أبوه على مدار العمل و اللى خلاه يبقى عنده كره حقيقى لل Occult ، قبول ساراى بإن موقف أبوه كان صحيح أو إن الظواهر الغريبة موجودة معناه إنه لازم يقبل بوجود ناس عندهم قدرات غير طبيعية مايقدرش يتعامل معاها بالمنطق اللى يعرفه و برضه معناه اعترافه إنه كان مخطئ طول الوقت و بما إنه مايقدرش يقبل بالإثنين بأى شكل ساراى قرر إنه يرفض تصديق وجود أى ظواهر غريبة أيا كانت الأدلة على وجودها

طريقة تفكير ساراى فكرتنى بكلام أحد الأساتذة عندنا، الأستاذ قال إن لما مجموعة أعراض تنطبق على مشكلة معينة و عرض واحد غريب و ماينطبقش عليها ماتقررش من نفسك إن العرض ده مش موجود أو تهمله لأن ده هايبقى أسهل ليك ، العرض ده موجود لسبب و لو بحثت عنه ممكن يتضح إن المشكلة مختلفة تماما عن اللى كنت متخيله

من هنا بييجى المقصود بالشعار ، الإنفتاح و استعدادك لقبول أى حاجة هما مفتاح معرفتك للحقيقة و ده كان موقف الدكتور اللى كان عنده استعداد إنه يخوض فى موضوع شائك بالرغم من كم المشاكل اللى دخل فيها بسببه و إنه يقبل باحتمال وجود ظواهر غريبة و يحاول يتعامل معاها بشكل علمى فى الوقت اللى ابنه رفض ده و طريقة تفكيره كانت أقرب لطريقة تفكير العلماء اللى رفضوا القبول بنظريات صحيحة لأنها بتخالف كل اللى اتعلموه و اتعودوا عليه من غير ما يحاولوا إنهم يتأكدوا منها بشكل علمى أو لأن ده هايبقى أسهل ليهم عشان مايبقوش مضطرين للتعايش مع حقيقة مايقدروش يقبلوا بيها أو يتعاملوا معاها
 
التعديل الأخير:

LOG_65

True Gamer
بالرغم من إن جزء من اللغز بخصوص ريوتاس تم حله إلا إن فى نقط بخصوص شخصيتها مش واضحة حتى الآن ، المفترض إن ريوكا تبقى شخصية حقيقية و مستقلة بس الشخصية اللى ظهرت فى الحلقة تبقى إيفيلين، إيفيلين ذكرت إن الجسم يبقى لريوكا بس وعى ريوكا تحت سيطرتها و السؤال يبقى إيه طبيعة العلاقة بين الشخصيتين ، هل إيفيلين احتلت ريوكا بشكل كامل و كل اللى شفناه منها كان غير حقيقى ، هل الشخصيتين بيتعاونوا مع بعض و الشخصية اللى شفنها من البداية تبقى ريوكا فعلا فى الوقت اللى الشخصية الجادة تبقى إيفيلين؟ النقطة دى محتاجة توضيح

أهلا.
فعلا ريوتاس هي مجرد وعاء لايفلين, لكن في نفس الوقت هناك ترابط بين الاثنتين, و قد يكون الامر شيئا آخر بمعنى ان هذه كيفية جديدة لبعث الروح اما عبر مزامنتها مع انسان حي او ميت ثم بعثه ...
لا اظن ان ايفلين احتلت ريوتاس و انما تم الامر بمحض ارادة ريوتاس, لم نر من ريوتاس تذمرا او شكوى او اي شيء يدل على انها اجبرت على استقبال ايفلين و هذا عندما تكون لريوتاس كامل السيطرة على جسدها, ان صح التعبير..
فكرة التخلص من الأشباح كانت مفاجأة بالنسبة لى و متوقعتهاش :hushed: بس فى نقطة هنا و هى إن الشخص اللى بيتخلص من الأشباح يبقى شخص حقيقى عنده القدرة على رؤيتهم (هل ممكن يكون إيزومى؟)
و لي ايضا, الطريقة بدائية جدا, اظن تلك العصى التي يشير بها على الاشباح ليست الا GUN آخر لكن بآلية عمل اخرى و هي امتصاص طاقة هذه الاشباح و بالتالي موتهم, و لا اظن ذلك الشخص الا ايزومين, لاحظ حديث سائق التاكسي و حديثه عن ان المقهى مغلق من حوالي السنتين حسب ما اذكر, النقطة هذه غريبة جدا و حادثة 01 مارس لم تقع الا قبل شهر او شهرين , و قبل هذا التاريخ كان المقهى مشرعا ابوابه في وجه زائريه, هل هناك الية مسح ادمغة بهذا الخصوص؟ ربما او ربما المقهى فعلا مغلق من عامين لكن المشكلة في شخصيات المقهى: حيث انهم ايما اشباح او يرون الاشباح, طبعا اتحدث قبل حادثة البحيرة, لاحظ ان ريوتاس كانت تشحن غاموتان من قبل و ربما هذا و لد لديه قدرة رؤية الاشباح, ايزمين شبح اظن و بالتالي يراه غاموتان ريوتاس غنية عن التعريف المحقق مشكوك في امره و اظن كان لديه نفس قدرة اسونا قبل موته و بالتالي مشاهدة الاشباح, شيء اخر المقهى لم نر فيه احد من الناس ما يعني انهم لا يرونه و انما يرون شكله الحال المغلق ..
على كل الامر محير
من الكلام فى الحلقة أظن إن الإمبراطور يبقى توكو جد ريوتاس و صاحب مجموعة المستشفيات ، لاحظ الكلام عن إنه متبنى و مش من العائلة و احتمال يبقى ابن إيفيلين
للأسف لا اذكر تفاصيل الحلقة الاخيرة, فما اقدر اجيبك حاليا.بس هو لديه صلة بتسلا و نسل تسلا هذا مؤكد
الحلقة رجعتلى القلق تجاه نهاية العمل :weary:، بصراحة مش متخيل إزاى العمل هاينتهى فى حلقتين خصوصا مع كل النقط اللى ظهرت فى الحلقة :expressionless:
فيه احتمال كبير ان النهاية تكون مفتوحة, لكن يمكن ايضا انهم يشرحون كل شيء في الحلقتين الباقيتين.
 

AM152

True Gamer
كم المعلومات اللى تم شرحها فى الحلقة كان مهول و عادة ده بيبقى شئ سيئ بس على العكس ماكانش فى مشكلة المرة دى لأن معظم المعلومات تم البناء ليها بشكل جيد و بعضها كان متوقع فعلا و ماكانش فاضل غير تأكيدها ، ده مايمنعش من إن الحلقة كان فيها مفاجآت حقيقية :hushed:
لا اظن ان ايفلين احتلت ريوتاس و انما تم الامر بمحض ارادة ريوتاس, لم نر من ريوتاس تذمرا او شكوى او اي شيء يدل على انها اجبرت على استقبال ايفلين و هذا عندما تكون لريوتاس كامل السيطرة على جسدها, ان صح التعبير..
الحلقة أخيرا وضحت حقيقة ريوتاس و إيفيلين بس هاشرح ده من البداية ، من اللى فهمته من آخر حلقتين إيفيلين تبقى بنت تسلا من واحدة من عائلة ناراساوا بس بما إنها ماتقدرش تبقى وريثة العائلة سواء بسبب موتها فى غارة جوية أو لأن الوريث لازم يكون ذكر أو لسبب تانى العائلة تبنت توكو اللى هايبقى صاحب مجموعة المستشفيات بعد كده و جد ريوكا و فى نفس الوقت الإمبراطور
بالنسبة للعلاقة بين إيفيلين و ريوكا ، اللى فهمته إن إيفيلين هى اللى كانت موجودة طول الوقت ، ريوكا تبقى حفيدة الإمبراطور و تم إعطائها المسدس و تكليفها بمراقبة جاموتان و التعامل معاه بس عند مرحلة معينة تم التحكم فيها عن طريق إيفيلين ، الدليل على كده لما إيفيلين استخدمت أسلوب ريوتاس المعروف أثناء الحوار و قالت إنها عايشة مع شخصية ريوكا لفترة طويلة و الأسلوب ده بقى عادة عندها ، النقطة التانية و الأهم هى لما جاموتان سأل إيفيلين إذا كانت ريوكا عارفة بالموضوع و إيفيلين جاوبت إنها محتلة وعى ريوكا فى الوقت الحالى بس ذكريات إيفيلين أثناء إحتلالها لوعيها هاتفضل موجودة حتى بعد ما إيفيلين تسيبها و ساعتها ريوكا هاتفهم ليه إيفيلين عملت كده
الكلام ده يرجح إن ريوكا الحقيقية ماكانش ليها وجود على مدار العمل و ماعندهاش علم باللى بيحصل ، إيفيلين احتلت ريوكا لأن ده هايبقى أنسب جسم لتنفيذ مهمتها و كان عندها أمل إن ريوكا هاتقدر موقفها بعد بعد ما تعرف حقيقة اللى بيحصل ، ده برضه ممكن يكون معناه إن ريوكا تبقى شخصية طيبة فى الحقيقة و إنها ماكانتش تعرف طبيعة المهمة اللى تم تكليفها بيها
اظن تلك العصى التي يشير بها على الاشباح ليست الا GUN آخر لكن بآلية عمل اخرى و هي امتصاص طاقة هذه الاشباح و بالتالي موتهم, و لا اظن ذلك الشخص الا ايزومين, لاحظ حديث سائق التاكسي و حديثه عن ان المقهى مغلق من حوالي السنتين حسب ما اذكر, النقطة هذه غريبة جدا و حادثة 01 مارس لم تقع الا قبل شهر او شهرين , و قبل هذا التاريخ كان المقهى مشرعا ابوابه في وجه زائريه
كلامك طلع صحيح نسبيا بالنسبة لإيزومى بس المفاجأة الحقيقية كانت فى كم الحاجات اللى اتضح إنه عملها :flushed:، إيزومى طلع ليه أهمية أكثر بكثير من اللى كنت متخيلها و تقريبا هو اللى ورا معظم المصايب فى العمل :nomouth:
بالنسبة للمقهى النقطة دى مش منطقية ، إحنا ممكن نفترض إن إيزومى استغل إن المقهى مغلق و فتحه من غير تصريح و بما إن إيزومى كان يعرف والد جاموتان لفترة طويلة فممكن يكون اتعرف على جاموتان عن طريقه و إن هو اللى عرفه على المقهى ،جاموتان كان متخيل إن المكان يبقى مقهى حقيقى فى الوقت اللى هو مجرد مكان لمراقبته و معرفة تحركاته بمساعدة ريوكا ، الفكرة إن حاجة زى كانت هاتبقى واضحة جدا و صعب تخيل إن أى حد مش هايكتشفها :confused::

الحلقة وضحت موضوع الرجوع فى الزمن أخيرا و إن فى الحقيقة ده مش رجوع فى الزمن و إنما مجرد مرور للوقت بشكل مختلف و المحقق لما عرف كده قال إن مافيش وقت، النظرية اللى عندى و اللى اتمنى إنها تكون غلط هى إن الزمن بيمر بسرعة بالنسبة للأشباح بس لو الأشباح دول رجعوها لأجسامهم فالزمن اللى مر على الأجسام ده فى الحقيقة أقل بكثير و ده هايبقى كأن الزمن رجع لورا و إن كل المدة اللى عدت عليهم من بعد الغرق كانت مجرد دقائق و ساعتها ممكن إنقاذهم ، الكلام ده مش منطقى لأن لو الزمن بيمر علي الشبح بشكل أسرع المفترض إن نفس الأحداث اللى هاتمر على الشبح هاتمر على الجسم بس الفكرة إنها هاتبقى أبطأ بكثير بالنسبة للشبح لأن الأحداث اللى مرت على الجسم فى دقيقة هاتمر عليه فى يوم و مش معناه إنه هايرجع بالزمن لنقطة قبل كده

الحلقة فى معظمها كانت جيدة بس فى نفس الوقت كان فيها أكثر من نقطة ماحبيتهاش، فى الآخر نهاية موضوع ريا و أخوها كانت غريبة و حسيت إن مالهاش معنى لأنها ماكانتش حل حقيقى بالنسبة للشخصيات
موضوع تصادف وجود قدرة جاموتان مع ال Sky Sensor كان مبالغ فيه و كان ممكن وضع علاقة بين وجود الإثنين مع بعض بشكل مقبول أكثر من إنه يبقى مجرد صدفة :unamused:
حتى الآن مافيش أى معلومات حقيقية عن ريريكا و دورها فى كل اللى بيحصل ، أنا فاهم إن العمل بيركز على النقط الأساسية فقط و الباقى هايبقى فى النوفل بس كنت اتمنى يبقى فى توضيح حقيقى بخصوصها ، عموما ده ممكن يحصل فى الحلقة الأخيرة خصوصا مع احتمال إنها هى اللى خدت المفتاح بس لو ده ماحصلش يبقى كان من الأفضل حذف دورها بالكامل
فيه احتمال كبير ان النهاية تكون مفتوحة, لكن يمكن ايضا انهم يشرحون كل شيء في الحلقتين الباقيتين
واضح من أحداث الحلقة إن كل حاجة هايتم شرحها و غالبا النهاية مش هاتبقى مفتوحة :)
 

LOG_65

True Gamer
%5BHorribleSubs%5D%20Occultic%3BNine%20-%2011%20%5B480p%5D.mkv_snapshot_06.16_%5B2016.12.18_19.19.51%5D.jpg


اعتذر لقلة ردودي مؤخرا فقد اصبت بالزكام ..
كم المعلومات اللى تم شرحها فى الحلقة كان مهول و عادة ده بيبقى شئ سيئ بس على العكس ماكانش فى مشكلة المرة دى لأن معظم المعلومات تم البناء ليها بشكل جيد و بعضها كان متوقع فعلا و ماكانش فاضل غير تأكيدها ، ده مايمنعش من إن الحلقة كان فيها مفاجآت حقيقية :hushed:
حلقة اخرى متميزة ,كشف فيها نسبة كبيرة من الغموض , رغم الحديث السريع جداا ,
الحلقة أخيرا وضحت حقيقة ريوتاس و إيفيلين بس هاشرح ده من البداية ، من اللى فهمته من آخر حلقتين إيفيلين تبقى بنت تسلا من واحدة من عائلة ناراساوا بس بما إنها ماتقدرش تبقى وريثة العائلة سواء بسبب موتها فى غارة جوية أو لأن الوريث لازم يكون ذكر أو لسبب تانى العائلة تبنت توكو اللى هايبقى صاحب مجموعة المستشفيات بعد كده و جد ريوكا و فى نفس الوقت الإمبراط
صحيح بالاضافة انها ابنة غير معترف بها, عاشت مع ابوها تسلا في اليابان و تلقت تعليمها باليابان..
بالنسبة للعلاقة بين إيفيلين و ريوكا ، اللى فهمته إن إيفيلين هى اللى كانت موجودة طول الوقت ، ريوكا تبقى حفيدة الإمبراطور و تم إعطائها المسدس و تكليفها بمراقبة جاموتان و التعامل معاه بس عند مرحلة معينة تم التحكم فيها عن طريق إيفيلين ، الدليل على كده لما إيفيلين استخدمت أسلوب ريوتاس المعروف أثناء الحوار و قالت إنها عايشة مع شخصية ريوكا لفترة طويلة و الأسلوب ده بقى عادة عندها ، النقطة التانية و الأهم هى لما جاموتان سأل إيفيلين إذا كانت ريوكا عارفة بالموضوع و إيفيلين جاوبت إنها محتلة وعى ريوكا فى الوقت الحالى بس ذكريات إيفيلين أثناء إحتلالها لوعيها هاتفضل موجودة حتى بعد ما إيفيلين تسيبها و ساعتها ريوكا هاتفهم ليه إيفيلين عملت كده
الكلام ده يرجح إن ريوكا الحقيقية ماكانش ليها وجود على مدار العمل و ماعندهاش علم باللى بيحصل ، إيفيلين احتلت ريوكا لأن ده هايبقى أنسب جسم لتنفيذ مهمتها و كان عندها أمل إن ريوكا هاتقدر موقفها بعد بعد ما تعرف حقيقة اللى بيحصل ، ده برضه ممكن يكون معناه إن ريوكا تبقى شخصية طيبة فى الحقيقة و إنها ماكانتش تعرف طبيعة المهمة اللى تم تكليفها بيها

لا اظن ان ريوكا طيبة في الحقيقة, في الاصل هي متواطئة مع ايزومين و جدها الامبراطور و مسير المنظمة و مهمتها كانت مراقبة غاموتان, فيما بعد ايفلين سيطرت عليها بطريقة ما و عرفت كامل مخطط المنظمة و الذي ريوكا كانت على اطلاع عليه بما فيه موت غاموتان في البحيرة و غير ذلك
كلامك طلع صحيح نسبيا بالنسبة لإيزومى بس المفاجأة الحقيقية كانت فى كم الحاجات اللى اتضح إنه عملها :flushed:، إيزومى طلع ليه أهمية أكثر بكثير من اللى كنت متخيلها و تقريبا هو اللى ورا معظم المصايب فى العمل :nomouth:
بالنسبة للمقهى النقطة دى مش منطقية ، إحنا ممكن نفترض إن إيزومى استغل إن المقهى مغلق و فتحه من غير تصريح و بما إن إيزومى كان يعرف والد جاموتان لفترة طويلة فممكن يكون اتعرف على جاموتان عن طريقه و إن هو اللى عرفه على المقهى ،جاموتان كان متخيل إن المكان يبقى مقهى حقيقى فى الوقت اللى هو مجرد مكان لمراقبته و معرفة تحركاته بمساعدة ريوكا ، الفكرة إن حاجة زى كانت هاتبقى واضحة جدا و صعب تخيل إن أى حد مش هايكتشفها :confused::

دهشت انا ايضا, كنت اشك انه هو من يقض على الاشباح لكن لم اتصور انه في الحقيقة انه جزار المنظمة, كان الامر تويست نوعا ما لي . لقطة نزع فروة رأس البروفسور كانت بمثابة مشهد رعب حقيقي مع تلك الضحكة الشيطانية لايزومين, شيء اخر, لاحظ ان ايزومين هو من عرف جاموتان على الموقع الالكتروني للساحرة.. طبعا بما انه هو من و ضع رأس البروفيسور في علبة البريد وبعث ايميل للساحرة كي تلعنه من اجل ايهام الجميع ان الجريمة كانت نتيجة سحر اسود ,شيء اخر مرافق الساحرة او لنقل اخاها انبهر حينما رأى ايزومين في المقهى ..
الحلقة وضحت موضوع الرجوع فى الزمن أخيرا و إن فى الحقيقة ده مش رجوع فى الزمن و إنما مجرد مرور للوقت بشكل مختلف و المحقق لما عرف كده قال إن مافيش وقت، النظرية اللى عندى و اللى اتمنى إنها تكون غلط هى إن الزمن بيمر بسرعة بالنسبة للأشباح بس لو الأشباح دول رجعوها لأجسامهم فالزمن اللى مر على الأجسام ده فى الحقيقة أقل بكثير و ده هايبقى كأن الزمن رجع لورا و إن كل المدة اللى عدت عليهم من بعد الغرق كانت مجرد دقائق و ساعتها ممكن إنقاذهم ، الكلام ده مش منطقى لأن لو الزمن بيمر علي الشبح بشكل أسرع المفترض إن نفس الأحداث اللى هاتمر على الشبح هاتمر على الجسم بس الفكرة إنها هاتبقى أبطأ بكثير بالنسبة للشبح لأن الأحداث اللى مرت على الجسم فى دقيقة هاتمر عليه فى يوم و مش معناه إنه هايرجع بالزمن لنقطة قبل كده

حسب كلام كيريو او اخ الساحرة, يوم في عالم الاشباح يعادل دقيقة في عالم الاحياء , حسب ما اذكر مر حتى الان حوالي اسبوع من حدث البحيرة , ما يعال 7-8 دقائق بمقياس الاحياء, لكن الامر غريب نوعا ما, الاحداث احسها متوازية في كلا العالمين و حسب الحلقات الامر تعدى ال 8 دقائق و فاته الى عدة ايام في العالم الحقيقي, الا لو كان الامر اشبه ببعد رابع فيه تقع احداث مستقبلية لمم تحصل في العالم الحقيقي بعد لكن هذا البعد الرابع يؤثر على العالم الحقيقي و اي حدث فيها سيحصل في العالن الحقيقي حتما..
اتمنى ان يتم شرح هذه النقطة في الحلقة القادمة
حتى الآن مافيش أى معلومات حقيقية عن ريريكا و دورها فى كل اللى بيحصل ، أنا فاهم إن العمل بيركز على النقط الأساسية فقط و الباقى هايبقى فى النوفل بس كنت اتمنى يبقى فى توضيح حقيقى بخصوصها ، عموما ده ممكن يحصل فى الحلقة الأخيرة خصوصا مع احتمال إنها هى اللى خدت المفتاح بس لو ده ماحصلش يبقى كان من الأفضل حذف دورها بالكامل
اعتقد سيكون لها دور في الحلقة القادمة , هناك من يرجح انها ابنة مسير المنظمة (ليس الامبراطور) , بعيدا عن هذا في الحلقة 03 في المتنزه , المتشرد عرض مخطط المنظمة بكل وضوح و نحن اعتقدنا انه يهدي بكلام فاضي, لكن ريريكا وصفته بالاله. الغريب انه كيف علم المتشرد بكل هذا؟ لم ريريكا موجودة في المتنزه امام هذا المتشرد بالتحديد؟ بل ذلك المتنزه ليس في الحقيقة الا مسرح احداث البحيرة في الاول من مارس .
بالمناسبة هناك من يرجح جزء ثان للعمل ..
 

AM152

True Gamer
@بشير شكري
اعتذر لقلة ردودي مؤخرا فقد اصبت بالزكام ..
الله يسلمك
فى البداية أظن إن كلامك طلع صحيح فعلا بخصوص الأبراج و متفق معاك فى معظم النقط اللى ذكرتها :)
لا اظن ان ريوكا طيبة في الحقيقة, في الاصل هي متواطئة مع ايزومين و جدها الامبراطور و مسير المنظمة و مهمتها كانت مراقبة غاموتان, فيما بعد ايفلين سيطرت عليها بطريقة ما و عرفت كامل مخطط المنظمة و الذي ريوكا كانت على اطلاع عليه بما فيه موت غاموتان في البحيرة و غير ذلك
هو ده الأرجح فعلا بس أظن إن إيفيلين احتلت ريوكا قبل غرق جاموتان و إن كان فى احتمال إن ريوكا كانت عارفة بإن ده هايحصل
حسب كلام كيريو او اخ الساحرة, يوم في عالم الاشباح يعادل دقيقة في عالم الاحياء , حسب ما اذكر مر حتى الان حوالي اسبوع من حدث البحيرة , ما يعال 7-8 دقائق بمقياس الاحياء, لكن الامر غريب نوعا ما, الاحداث احسها متوازية في كلا العالمين و حسب الحلقات الامر تعدى ال 8 دقائق و فاته الى عدة ايام في العالم الحقيقي, الا لو كان الامر اشبه ببعد رابع فيه تقع احداث مستقبلية لمم تحصل في العالم الحقيقي بعد لكن هذا البعد الرابع يؤثر على العالم الحقيقي و اي حدث فيها سيحصل في العالن الحقيقي حتما..اتمنى ان يتم شرح هذه النقطة في الحلقة القادمة
متفق معاك فى إن الأحداث متوازية و ده اللى مخلينى مش مقتنع بالموضوع بس الإحتمال اللى ذكرته ممكن يبقى تفسير مقبول ، اتمنى بس إن مايبقاش فى تويست غير منطقى

اعتقد سيكون لها دور في الحلقة القادمة , هناك من يرجح انها ابنة مسير المنظمة (ليس الامبراطور) , بعيدا عن هذا في الحلقة 03 في المتنزه , المتشرد عرض مخطط المنظمة بكل وضوح و نحن اعتقدنا انه يهدي بكلام فاضي, لكن ريريكا وصفته بالاله. الغريب انه كيف علم المتشرد بكل هذا؟ لم ريريكا موجودة في المتنزه امام هذا المتشرد بالتحديد؟ بل ذلك المتنزه ليس في الحقيقة الا مسرح احداث البحيرة في الاول من مارس .
بالمناسبة هناك من يرجح جزء ثان للعمل
فى نقطة تانية بخصوص ريريكا و هى إن فى الحلقة الخامسة و هى بتكلم الولد الأبيض ذكرت عبارة غامضة بخصوص الغيرة من أخت الكل معجب بيها :confused:: ، مش متأكد إذا كان ده معناه إنها ممكن تكون أخت لأحد الشخصيات
ماظنش إن هايبقى فى جزء ثانى للعمل ، طريقة سير الأحداث توحى إن كل حاجة هاتخلص الحلقة الجاية و مبيعات العمل ضعيفة للأسف :(
 

IMTLD

True Gamer
أخيرا وصلت آخر حلقة، من قلة تقييم الأنمي توقعت شيء سيء جدا لكن الأنمي فاجأني، خلصت 11 حلقة في يومين.
مع أن بداية الأنمي ما كانت مفهومة ولا القصة واضحة-تقريبا حتى الحلقة 8-، مين مع مين، ليش ووين وكل هذه الأسئلة كانت تظهر كل حلقة مع ذلك الأنمي كان ممتع جدا، كل حلقة تجبرك تتابع اللي بعدها مع اني مو فاهم اي شيء، حتى هدف القصة ما وضح الا في أخر حلقة، صحيح القصة فيها عيوب أولها الكلام السريع، ليس مناسب لطبيعة العمل بالمرة وكأنه يغطي على عيوب المحادثات وحشو زائد في الكلام بدون فائدة، حسيته تقليد أعمى. رسوم الشخصيات غريبة جدا والأنف طالع معوق.
حتى الآن في بالي أكثر من سؤال هل راح يوضحها الأنمي او يتركها
مين بالضبط مع المحقق؟ لما وصل الى مسرح جريمة البروفيسور كان يتكلم مع شخص واضح انه غير تابع للشرطة اليابانية لكن حتى الآن-مع انه لم يتبقى اي طرف في القصة-
كيف رسامة المانجا توقعت المستقبل
خلال اجتماعات المنظمة كانوا ينكرون قتلهم للبروفيسور كيف عضو منهم قتله؟
كيف قدرت بنت الدكتور تسلا تتحكم في البنت
مين بالضبط مساعد ريري
عموما تبقى تجربة ممتعة جدا!
 

AM152

True Gamer
@IMTLD
سعيد بانطباعك عن العمل :D
للأسف الإنطباع السيئ اللى سابته الحلقة الأولى بالإضافة لأسلوب الكلام السريع كانوا من أسباب التقييم القليل و اللى مايعبرش عن مستوى الأنمى الحقيقى :(
بعض الأسئلة اللى ذكرتها تم إجابتها و إن كان بشكل ضمنى و غير واضح نسبيا فى العمل
القدرة على توقع المستقبل زى قدرة الرسامة (ريريكا) أو قدرة ميو تم شرحها أثناء حوار الصحفية مع المحقق فى الحلقة التانية ، على حسب نظرية الدكتور هاشيجامى المفترض إن مرور الزمن مختلف بين الجانب العقلى و المادى و إن الوقت بيمر بشكل أسرع على الجانب العقلى و إذا الشخص قدر يركز وعيه على الجانب العقلى ففى الحالة دى ممكن يسرع الوقت و ساعتها يعرف المستقبل زى فى حالة ميو أو ريريكا أو يرجعه لورا زى ريا

أثناء الحوار عن قتل الدكتور أحد أعضاء المنظمة سأل عن طريقة موته بس الطبيب وقتها قال له إن الأفضل إنه مايعرفش حاجة عن الموضوع ، طريقة الحوار توحى إن الطبيب عنده فكرة عن القاتل أو حتى إن هو اللى كلف إيزومى بقتله و رفضه للكلام عن الموضوع عشان متبقاش فى علاقة مباشرة بين المنظمة و دور إيزومى بصفة عامة و جريمة القتل بصفة خاصة

بالنسبة لمساعد ريريكا أظن إنك تقصد الولد الأبيض ، هو حتى الآن مافيش توضيح حقيقى بخصوصه بس من كلامه مع ميو واضح إنه أحد أبناء الناس الأغنياء اللى اشتروا السكانديوم من المنظمة ، الولد كان مقتنع إنه من المختارين اللى هايعشيوا للأبد بعد موضوع السكانديوم و اللى عائلته اشترته و لما شاف ميو و هى شبح افتكر إنها من المختارين زيه و إنها اشترت السكانديوم من المال اللى خدته من برنامجها ، بالرغم من كده دى مش معلومات كافية و اتمنى إن يبقى فيه معلومات أكثر عنه فى الحلقة الجاية
 

IMTLD

True Gamer
حتى الحلقة الأولى ما كانت كافية لهذا الكره:sweat:
مبيعات القرص الأول في اليابان سيئة جدا جدا جدا!.
بالنسبة لمساعد ريريكا أظن إنك تقصد الولد الأبيض ، هو حتى الآن مافيش توضيح حقيقى بخصوصه بس من كلامه مع ميو
واضح إنه أحد أبناء الناس الأغنياء اللى اشتروا السكانديوم من المنظمة ، الولد كان مقتنع إنه من المختارين اللى هايعشيوا للأبد بعد موضوع السكانديوم و اللى عائلته اشترته و لما شاف ميو و هى شبح افتكر إنها من المختارين زيه و إنها اشترت السكانديوم من المال اللى خدته من برنامجها ، بالرغم من كده دى مش معلومات كافية و اتمنى إن يبقى فيه معلومات أكثر عنه فى الحلقة الجاية
طيب كيف تقدر المحققة تشوفه؟ حتى الشرطة مسكوه، مع ذلك كان يقدر يشوف الاشباح.
انا كان قصدي مساعد اريا، هل هو شبح؟ طيب ليش اريا قبل ما تموت كانت تشوفه؟
 

AM152

True Gamer
حتى الحلقة الأولى ما كانت كافية لهذا الكره:sweat:
مبيعات القرص الأول في اليابان سيئة جدا جدا جدا!.
طيب كيف تقدر المحققة تشوفه؟ حتى الشرطة مسكوه، مع ذلك كان يقدر يشوف الاشباح.
انا كان قصدي مساعد اريا، هل هو شبح؟ طيب ليش اريا قبل ما تموت كانت تشوفه؟
الإحتمال يبقى إن معظم المتابعين عملوا دروب للعمل بعد الحلقة الأولى و إن العمل ماكانش مناسب لباقى المتابعين بس ممكن يبقى فى أسباب تانية، فى أعمال كانت جيدة جدا و مع كده مبيعاتها كانت سيئة ، بالنسبة لى اتفاجئت فعلا من المبيعات السيئة لواحد من أحسن الأعمال الكوميدية السنة دى و هو Saiki Kusuo no Psi Nan :(
العمل وضح إن بعض الأشخاص عندهم قدرات غير طبيعية و فسر ده بشكل علمى و الأمثلة كانت قدرة ميو و أريا بس فى قدرات تانية فى العمل زى قدرة المحققة (Psychometry)
الولد الأبيض تم حقنه بالسكانديوم فعلا بس لسه عايش لأنه ماكانش من ال 256 و ماغرقش معاهم و ده يفسر الإمساك بيه بس فى نفس الوقت كان عنده القدرة على رؤية الأشباح و دى نفس القدرة اللى إيزومى بما إنه كان بيقدر يشوف باقى الأشباح و يتخلص منهم بالرغم من إنه لسه عايش ، فى احتمال إن القدرة دى كانت عند الإثنين من البداية زى باقى الشخصيات اللى عندها قدرات غير طبيعية فى العمل بس الأرجح بالنسبة لى إنها ظهرت نتيجة حقنهم بالسكانديوم بما إنه نفس المادة اللى تم تثبيت الأشباح بيها
بالنسبة لمساعد أريا فهو شخص حى بس عنده القدرة على ال (Astral Projection) بمعنى إنه روحه تقدر تخرج من جسمه لفترات معينة و ترجع له تانى ، القدرة دى ظهرت عنده بعد ما اتعرض لحادثة أثناء نقل السكانديوم التابع للمنظمة و ده يفسر إنه عرف إيزومى لما شافه ، المساعد (كيريو) لاحظ إن الوقت بيمر عليه بشكل أسرع لما بيبقى فى صورته الروحية و إنه لما بيقضى يوم بره جسمه و يرجع بيكتشف إن الوقت اللى عدى كان دقيقة واحدة بس و ده اللى شرحه للمحقق فى الحلقة اللى فاتت و اللى غالبا هايتم استغلاله فى الحلقة الجاية ، بالنسبة لأريا فهى واحدة من الأشخاص اللى عندهم قدرات غير طبيعية على حسب كلام الصحفية بس و هى حية كانت بتسمع صوت كيريو و تحس بوجوده لكن ماكانتش بتشوفه و عشان كده فى الحلقة الأولى كان موجود بشكل شفاف فقط بس بعد موتها بقت تسمعه و تشوفه بشكل واضح و ده من الأسباب اللى خلتها تعرف إنها ماتت
 

LOG_65

True Gamer
kiri-kiri-bassara.jpg


@IMTLD
سعيد بانطباعك عن العمل :D
و انا كذلك اعبر ان سعادتي بانطباعك عن اوكيلتيك..

حتى الحلقة الأولى ما كانت كافية لهذا الكره:sweat:
مبيعات القرص الأول في اليابان سيئة جدا جدا جدا!.
من جهتي لا ارى مشاكل كبيرة في الحلقة 01 , او الحلقات الاولى ككل , ربما التقديم و سرعة الاحداث هم من نفروا المتابعين و جعلهم يهجرون العمل, سرعة الحديث نجدها في الكثير من الاعمال, بل صارت موضة الآن, قد اعذرهم في هذه النقطة , فانت يلزمك تقديم عمل مترامي الاطراف ومتشعب كثيرا في 12 حلقة فقط فإذن تجد نفسك مجبرا على ضغط و اختصار جوانب كثيرة لأجل تقديم عمل مقبول و الحديث بسرعة من ضمن هذه الجوانب..فصراحة لا استطيع لومهم, بل تعودت على الامر ,
اما من جهة مبيعات العمل, فلم اهتم بها من البداية, من عادتي الا انظر لمبيعات اي عمل بقدر ما يهمني العمل نفسه,شح المبيعات لا يعني بالضرورة سوء العمل, كم من الاعمال الرائعة واجهت تعثرا كبيرا عند انطلاقها او رقم مبيعاتها, لذى هذه النقطة ليست مقياسا حسب رأيي.

طيب كيف تقدر المحققة تشوفه؟ حتى الشرطة مسكوه، مع ذلك كان يقدر يشوف الاشباح.
انا كان قصدي مساعد اريا، هل هو شبح؟ طيب ليش اريا قبل ما تموت كانت تشوفه؟
كما ذكلا لك الأخ @AM152 الولد الابيض ليس ميتا و ليس من ضمن 256 الذين غرقوا, لكن الذي يمكنه من رأية الاشباح هو السكانديوم, الامر نفسه ينطبق على ايزومين , كل من هاذين الاثنين لهما علاقة بالمنظمة و المنظمة هي ما قامت بحقنهم بالسكانديوم.
مساعد اريا او كيريو هو الاخر ليس ميتا, لكن لديه قدرة الاسقاط النجمي او astral projection , اريا لما كانت حية لم تكن تراه و انما تسمع صوته, الرؤية بدأت بعد موتها .
 

IMTLD

True Gamer
بالنسبة لمساعد أريا فهو شخص حى بس عنده القدرة على ال (Astral Projection) بمعنى إنه روحه تقدر تخرج من جسمه لفترات معينة و ترجع له تانى ، القدرة دى ظهرت عنده بعد ما اتعرض لحادثة أثناء نقل السكانديوم التابع للمنظمة و ده يفسر إنه عرف إيزومى لما شافه ، المساعد (كيريو) لاحظ إن الوقت بيمر عليه بشكل أسرع لما بيبقى فى صورته الروحية و إنه لما بيقضى يوم بره جسمه و يرجع بيكتشف إن الوقت اللى عدى كان دقيقة واحدة بس و ده اللى شرحه للمحقق فى الحلقة اللى فاتت و اللى غالبا هايتم استغلاله فى الحلقة الجاية ، بالنسبة لأريا فهى واحدة من الأشخاص اللى عندهم قدرات غير طبيعية على حسب كلام الصحفية بس و هى حية كانت بتسمع صوت كيريو و تحس بوجوده لكن ماكانتش بتشوفه و عشان كده فى الحلقة الأولى كان موجود بشكل شفاف فقط بس بعد موتها بقت تسمعه و تشوفه بشكل واضح و ده من الأسباب اللى خلتها تعرف إنها ماتت
طيب افهم انه ما كان يلتقي باريا الا لما يكون في هيئة الشبح؟ والحلقة الأخيرة ربطت بينه وبين اخو آريا ما فهمت العلاقة اللي بينهم كويسo_O
يبدو انك تعيد الحلقة أكثر من مرة فاهم كل شي:)
من جهتي لا ارى مشاكل كبيرة في الحلقة 01 , او الحلقات الاولى ككل , ربما التقديم و سرعة الاحداث هم من نفروا المتابعين و جعلهم يهجرون العمل, سرعة الحديث نجدها في الكثير من الاعمال, بل صارت موضة الآن, قد اعذرهم في هذه النقطة , فانت يلزمك تقديم عمل مترامي الاطراف ومتشعب كثيرا في 12 حلقة فقط فإذن تجد نفسك مجبرا على ضغط و اختصار جوانب كثيرة لأجل تقديم عمل مقبول و الحديث بسرعة من ضمن هذه الجوانب..فصراحة لا استطيع لومهم, بل تعودت على الامر ,
اما من جهة مبيعات العمل, فلم اهتم بها من البداية, من عادتي الا انظر لمبيعات اي عمل بقدر ما يهمني العمل نفسه,شح المبيعات لا يعني بالضرورة سوء العمل, كم من الاعمال الرائعة واجهت تعثرا كبيرا عند انطلاقها او رقم مبيعاتها, لذى هذه النقطة ليست مقياسا حسب رأيي.
بالضبط الحلقة الأولى ما كانت سيئة أبدا، بالعكس أشوفها أفضل من أغلب الحلقات الأولى، الشيء المزعج الوحيد كان سرعة الحوارات لكن ما كان سبب لترك العمل. صحيح القصة كانت مترامية وغير مفهومة لكن مع ذلك العمل كان ممتع وإلى حد ما مشوق. أتوقع الناس كانت تتوقع شيء زي S;G وتفاجأت بشوية خدمة عملاء ونفرت من العمل مباشرة:(
المبيعات غير مهمة للمتابع لكن مهمة إذا كان الاستديو مفكر يسوي موسم ثاني، خاصة لما تكون قليلة جدا جدا جدا!!!
 
التعديل الأخير:

AM152

True Gamer
@IMTLD
:smile:
هو أنا ماعدتش مشاهدة حلقات كاملة بس عدت بعض المشاهد المهمة أكثر من مرة :grin:، المشاهد مليانة تلميحات مهمة و كل ماتشوفها تكتشف نقط ماكانتش واضحة قبل كده و حتى الآن فى نقط لسه مش فاهمها زى التلميحات بخصوص ريريكا
ده صحيح ، كيريو كان بيقابل أريا لما بيكون فى هيئة الشبح فقط ، بالنسبة للعلاقة بين الإثنين كيريو كان فى المستشفى نتيجة الحادثة اللى اتعرض لها فى نفس الوقت اللى الأخ مات فى نفس المستشفى أثناء نقل كليته لأريا ، و نتيجة الإصابات اللى اتعرض لها تم نقل قرنية الأخ لكيريو ، بعد عملية الزرع بعض ذكريات الأخ ابتدت تتنقل تدريجيا لكيريو و للأمانة مش متأكد من اللى هاقوله بس أظن إن فى تلميح إن مقابلته كيريو لأريا و إهتمامه بيها كانت محاولة من شخصية الأخ لحمايتها
 
التعديل الأخير:

LOG_65

True Gamer
Scanduim.jpg



هو أنا ماعدتش مشاهدة حلقات كاملة بس عدت بعض المشاهد المهمة أكثر من مرة :grin:، المشاهد مليانة تلميحات مهمة و كل ماتشوفها تكتشف نقط ماكانتش واضحة قبل كده و حتى الآن فى نقط لسه مش فاهمها زى التلميحات بخصوص ريريكا

احد اكبر اسرار العمل هي ريريكا نفسها, لحد الأن الانمي لم يركز عليها و لم يعطنا لمحة عن ماضيها او معلومات اضافية عنها, نعلم انها على علاقة ما مع الولد الابيض, نعلم كذلك انها كانت من الغرقى ال 256 لكن نعلم ايضا انها رجعت للحياة بطريقة ما و اخر معلومة نعرفها عنها ان لها اختا,هل معنى اخت مجازي او حقيقي؟ لا ندري لكن الراجح انها اخت مجازية. من خلال الحلقة 01 اتوقع انها ضد المنظمة حيث رأينا حديثها امام اللوحة الاعلانية التي تعلن الغاء محاضرة الدكتور شينيغامي و فجأة مر ابنه ساراي بعدها قالت هل اكله شيطان ام هو على وشك أن يُؤْكَل. هذه العبارة تحمل اكثر من معنى: بداية هذا الامر حصل قبل ان يقتل البروفيسور, ما يعني ان لريريكا قدرة تنبؤ ما أو هي على اطلاع بالخطط الجهنمية للمنظمة, ثاني شيء هي قالت هذه العبارة اما ساراي , ابن البروفيسور ما يعني انها تعرف جيدا البروفيسور و عائلته. ثالثا نعتها لقاتل البروفيسور بالشيطان وكلنا نعلم ن من قتله ليس الا ايزومين .
المشكلة الثانية مع ريريكا هي المانجا التي ألفتها, كثير من احداثها حصلت على أرض الواقع, حتى الارقام في المانجا كانت تدل على شفرة ما ف الوقع. من أين لك هذا يا ريريكا؟
ذكرت ريريكا ان لها اختا و رجحت انا ان معنى الاخت قد يكون مجازيا و السبب انها ربما قصدت اخت نظرا للقدرة التي يتمتعان بها و هي رؤية المستقبل او التنبؤ به, من خلال ما ذكرت فوق لا شك ان لريريكا هذه القدرة بشكل او بآخر , و الشخصية الاخرى التي لها نفس القدرة في العمل ليس الا .... ميو بون نفسها.
 

XMSHO

Hardcore Gamer
"9 أشخاص، 9 أيام، 9 دقائق...
وهكذا أنمي Oc9 إنتهى. الرواية المرئية قادمة في 2017، مع نظام تفرعات يعتمد على تدوينات جاموتان" تشيومارو-ديس.
الصورة في التغريدة مش مباشرة لكن ما أنصح أحد ما شاف الحلقة يشوفها &.
 
أعلى