[ خبر عاجل ] مدرب المنتخب السعودي الجديد هو ....

[Xavi]

متابعة - محمد ابولما

كما تميزت شبكة الزعيم في تاريخ 7/11/2005 عن وجود أنباء قبل إجتماع لجنة المنتخبات عن وقوع الأختيار على مدرب نادي الهلال السيد باكيتا لتولي مهام تدريب المنتخب السعودي الأول في نهائيات كأس العالم المقبلة في المانيا . فقد تم اليوم إختيار السيد باكيتا مدرباً للمنتخب السعودي
وستكون مباراة الهلال والشباب هي المباراه الاخيره للسيد باكيتا مع الفريق الهلالي .

خبر شبكة الزعيم عن اختيار باكيتا مدرباً للمنتخب السعودي
http://www.alzaeem.net/showthread.php?t=258299

تمنياتنا بالتوفيق للمنتخب السعودي مع السيد باكيتا في المشاركات القادمه

نقلا عن منتديات شبكة الزعيم ..

بصراحة باكيتا من افضل المدربين في العالم ( هو مدرب البرازيل للناشئين والشباب في كاس العالم 2002 ) طبعا مدرب غني عن التعريف وخصوصا لمتابعي الدوري السعودي ، مدرب استطاع ان ينتزع نادي الهلال مما كان عليه الى ماهو عليه الآن .. لكن الغريب ان باكيتا مدرب يميل للدفاع كما الحال مع المدرب كالدريون .

ومع اني زعلان شوي بخصوص الهلال لكن مصلحة الوطن أهم من الهلال او غيره

 

[Pichi]

خخخ رجعنا لـ سالفة كاندينو ..

 

[Old School]

سلامات ....؟

كالديرون مخطط جيد ومتناسق مع الفريق الاول وغرب اسيا لعبنا بالرديف .... وباكيتا عليه ملاحظات كثيرة ومنها التـاخر باخذ القرارات ..... لكن قد أسمعت لو ناديت حيا لكن لا حياة لمن تنادي ........ ابشروا ب 8 جديده

 

[Nintendo]

اعتقد استبعاد كالديرون شئ متوقع

ولكن اختيار باكيتا هو الغريب .. عموما نتمنى التوفيق للمنتخب واتمنى من كل قلبي انه اللي في بالي مايصير

 

[persona]

كالعادة بمنتخبتنا العريبه

يشيلون مدرب يحطون مدرب يقطونها براس المدرب الاخير

ياجماعه المدرب لازم على الاقل يقعد مع الفريق سنه ..

بس تشيل مدرب وتحط بداله مدرب ..ببطولة مهمة مثل كاس العالم !!؟

ان شاء الله لو زجالوا يدرب السعودية ماراح يقدر يتفاهمون لا اللعيبه ولا المدرب نفسه مع الادارة

 

[Kratos]

ابشروا ب 8 جديده

الله يبشرك بالخير ..
هذي ثمار الخطط العلمية المدروسة

 

[Nintendo]

طالما عناصر الفشل مازالت موجوده ( ناصر الجوهر + فيصل عبدالهادي + ................ ) مافي امل ...

والله شئ يقهر قسم بالله ... عندنا امكانيات لتكوين منتخب ممتاز جدا من اللعيبه المتوفرين حاليا ولكن لاحياة لمن تنادي ..

 

[Old School]

الله يستر انجلترا مع ان مدربها حمار جلست معه 6 سنوات ومع العلم سبق واسقطة السويد انجلترا والان بنفس المجموعه ومع ذلك باقين عليه لان خلاص عارف الاعبين ومدرب جديد بيحتاج للكثير والكثير من الخبره مع الفريق ....

 

[Xavi]

مااعتقد ناصر الجوهر راح يبقى مساعد مدرب ..

 

[Humam]

لوووول فعلا خطط علمية مدروسة .. لمن جابوا الأهبل هذاك فاندرليم ( الي كان مدرب فئة الناشئين في اياكس امستردام ) قالوا اخترناه بعناية وراح يفيد المنتخب وهو مدرب مقتدر ومن أول اختبار سقط الله لا يوفقه.. غيروه وجابوا كالديرون, لول كالديرون أصلا ماهو مدرب انما محاضر في الاتحاد الدولي, متخصص في تنمية المواهب هههههههههه تخيلوا !! قالوا لا مدرب قدير وممتاز, اتأهلنا لكاس العالم معاه واحتا متصدرين المجموعة بدون خسارة, طيب وين المشكلة ؟ لعبنا مع العراق وانهزمنا 5 .. لول قوية ؟ ايش تبغوه يسوي, هذي التشكيلة وهذولي هم اللاعبين الي قدامه وبطولة مشي حالك ان شاء الله ينهزم 10 عااااادي.. انجلترا انهزمت 5 من ألمانيا ولا سووا شي لإيريكسون ليش لأنهم ناس عندهم أمخاخ يفكروا بها..

أنا ألقي اللوم على الصحافة البدوية المتخلفة الي اقسم بالله ماتعرف ايش هي الكورة حدهم رعي غنم و حليب خلفات .. الآن بكل بساطة كل الشغل الي سواه كالديرون الفترة الماضية ضاع.. المشكلة هو الي كان معد برنامج المنتخب لكاس العالم !

تتذكروا شباب لمن تم تعيين البرازيلي زوماريو ( مدرب نادي الرياض ) مدرب للمنتخب ؟ لول يمين بالله لعن سلفيل المنتخب لين قال بس..

مو شرط أي مدرب ينجح مع أي نادي يكون ممتاز للمنتخب, بايكتا مدرب جيد و يميزه إنه يعرف يتعامل مع المباراة تكتيكا بشكل جيد, يعني زي العام الماضي نصف النهائي مع الاتحاد, الاتحاد كان مسيطر والهلال ولا هجمة لكن مع ذلك قلب النتيجة نفس الشي مع الشباب ..

عموما ما نستعجل على الرجال, بس في شي واحد بقوله, اذا ناصر الجوهر معاه من الآن مافي أمل, هذا الرجال بالله مايستحي على وجهه ؟ ما عنده احساس لهذي الدرجة قليل أدب ؟ ماتكفيه ال 8 ؟ حسبي الله عليه...

 

[Old School]

للمعلومية غرب اسيا ليس السبب الوحيد لإقالة كالديرون والله اعلم انه هو الي استقال والسبب امه واخوه المريضان بمرض العضال الذي ادى الى تدهور صحتهما كثيرا ( على ذمة جريدة اليوم وملحقها الميدان )

 

[Khalid-S]

بصراحه خبر سئ جداَ , كالديرون عرف المنتخب جيداَ ورد همام كافي

باكيتا ممتاز واعتقد اختاروه لانه عرف لعب السعودين احسن من ان يجيبون واحد من برى يبيله وقت الين ما يعرف .