hits counter

خاص لأهل جدة فين الاماكن الحلوة ؟

Tidus614

Gamer
السلام عليكم ورحمة الله وبركاته

كيف حالكم يا اخوان عساكم بخير ان شاء الله دام ان هذا القسم العام اتمنى اني وفقت في طرح الموضوع هنا لانه في موضوع من فترة طويلة ادور عنه وما لقيت له حل انا مولود بجدة وابغى اماكن حلوة اروحها مع زوجتي بجدة علما بانها حامل فمدري كل عطلة اسبوع نقضيها بالمنزل فقط وهي طفشت من البيت فحبيت اناقشكم الموضوع فين افضل الاماكن بجدة ؟

غير المولات <<<< عشان ما تقدر تمشي طويل

ياريت تفيدوني الله يوفقكم بخصوص الاسعار مو شرط غالي او رخيص مش مشكلة المهم يكون جوء جميل هادي ورائع وحاجة حلوة على قولهم
 

bits

True Gamer
تتمشون بالكورنيش الجديد جميل انبسط فيه مع زوجتي و أولادي. عندك أبحر كمان ممكن تأجر شاليه (كبينة) في عطلة نهاية الأسبوع وتقضوها على البحر. فيه شركة تعمل لك رحلات جوية فوق الكورنيش. المحل في طريق الملك مقابل رد سي مول تقريبا لكن ما ادري كيف الوضع بيكون مع زوجتك. فيه اسطبلات خيول شرق الخط السريع زرتها كم مرة مع اهلي وانبسطنا. مممممم ::confused:: ماني قادر افكر بأشياء ثانية حاليا. المشكلة الجو متعب وما يشجع إلا الاماكن المغلقة زي الأسواق والمطاعم. واذا عندك اولاد بسن ٤ وفوق فيه اماكن زي جمبولين و باونس أولادي يعشقوها.
 

retha

from a parallel universe
تمشى على البحر ولا تنسى تجيب الفصفص معك (بس لا ترميه بالأرض!)
 

Oldsnake

True Gamer
نزل تطبيق foursquare بيدلك على مطاعم وكافيهات باطلالة جميلة خصوصا على البحر .
الجو الفترة الجاية بيصير خورافي والتمشية على الكورنيش بتصير منطقية .
ايضا اذا تحب فعاليات البحر عند ابحر الجنوب تقدر تستأجر boat ياخدك لفة في البحر او تطلع على سفينة بحرية مع غدا .
ممكن ايضا تستأجر استراحة فيها مسبح وملحقاته او شاليه وتقضي الويك اند .
 

ELOO

إكـتفاء
بالنسبة لي أفضل مطعم أروح له فترة الصباح " لاباغيت "
فرنسي ، و هادئ و يبعث الراحة في النفس فعلاً
و أسعاره رمزيه
و أتمنى أكون أفدتك :smile: .. ما أعرف أماكن بجدة كثير رغم إني أعيش فيها
 
أعلى